شاهد.. ماذا قالت دلال عبدالعزيز عن الموت قبل رحيلها؟

تصدر لقاء الفنانة الراحلة دلال عبدالعزيز، في برنامج "معكم منى الشاذلي" وحديثها عن الموت، مواقع التواصل الاجتماعي خلال الساعات القليلة الماضية بعد إعلان خبر وفاتها.
اقرأ أيضًا:
فيديو.. نبيلة عبيد: كانت جارتي ووفاتها صدمة كبيرة.. قلبها حس بوفاة سمير
فيديو.. يسرا ناعية دلال عبدالعزيز: أعزي مصر كلها على فقدان الأخت والأم
"فيديو".. علي ربيع ناعيًا دلال عبدالعزيز: "كنت بحسها أمي وعلى طول بسأل دنيا عليها"
قالت الفنانة الراحلة دلال عبدالعزيز، إنه نادرًا لما تروح فرح لكن العزاء واجب ، معلقة: "سمير مسميني عز عبدالعزيز.. ورجاء الجداوي وبيقولها عزاء الجداوي، عشان هي معايا دايمًا ومن كتر ما بنروح العزا بيتريق
علينا".
وأضافت خلال حديثها في برنامج "معكم منى الشاذلي"، المذاع عبر فضائية سي بي سي، خلال عام 2018، أنه بمجرد قرأت أي حادث في الجورنال يكون لديها الرغبة في الذهاب لعزاء الأسرة حتى لو معرفهمش، معلقة: ببقى عايزة فعلًا أروح أحضن الأم اللي فقدت ابنها أو زوجها، أحاول أواسيها.
وتابعت علمت بناتي أن العزاء واجب وأنهم مش لازم يتأخروا في أداء الواجب، متابعة أحيانًا كتير باخدهم معايا في العزاء وكل واحدة فيهم على حسب ظروفها، معلقة: "هي دي الأصوال بصراحة.. أنا
اتربيت في الزقازيق لو حد من جيران في العمارة لهم حد توفى ومنش في العمارة نفسها كنا بنقفل التليفزيون. ماما كانت تزعقلنا، وطوا الصوت، أقفلوا التليفزيون في ناس جيران عندهم عزاء".
وتابعت، أن الموت زمان كان قليل عن كده، دلوقتي الموت بقى كتير أوي، كنا فين وفين لما بنسمع إن حد مات، وأنا دايمًا بتحضرني مقولة مهمة، وهي إذا مات الأب مات البني آدم اللي الناس بتكرمك عشانه، وإذا ماتت الأم مات البني آدم اللي ربنا بيكرمك عشانه".
واختتمت باكية: "أنا دايمًا كانت جدتي تدعي وتقول ربنا يديني عمري على قد صحتي، الناس الكبيرة بيبقوا بركة في البيت، الأستاذ أنيس منصور قالي أنا محستش إني كبرت غير لما أمي ماتت، وأنا أمي هي اللي ربت دنيا وإيمي".
(شاهد الفيديو)
تابع أخبار قسم الميديا هنا