ريهام سعيد: ريم البارودي مش صاحبتي ورفعت عليها قضية سب وقذف

كشفت الإعلامية ريهام سعيد كواليس وتفاصيل خلافها مع الفنانة ريم البارودي .
وقالت ريهام سعيد في حوارها مع المخرجة إيناس الدغيدي في برنامج " شيخ الحارة والجريئة "المذاع على قناة " القاهرة والناس"، :" رفعت قضية على ريم البارودي ، وهى جنحة سب وقصف وطعن في الأعراض ".
وأضافت ريهام سعيد :" أنا ضد الرد على أحد في البرامج ومن المفترض أن نكون قدوة لجمهورنا"، مضيفة:" عملت فيديو أكدت فيه أن ريم البارودي سريعة الغضب ومعرفش سبب الخلاف الكبير بيني وبينها ".
وتابعت ريهام سعيد:" أنا مش بغير من ريم البارودي وأغير منها على إيه، أنا وريم مش صحاب وعشرة، وانا قابلتها 6 مرات في حياتي ".
وأكملت :" كنت فاكرة ريم البارودي طيبة، وفي حد كلمني و قالي إن ريم زعلانة مني عشان حطيت صورة للفنانة درة وعلقت عليها بأنها جميلة، ومعرفش هيا زعلت ليه".