نشر الفنان عمر كمال منشورا جديدا عبر حسابه بموقع التواصل الاجتماعي فيس بوك، رد من خلاله على متابعيه الذين أبدوا استياءهم من تصريحه الأخير الذى جاء كالآتي:" أركن شهادتك على جمب لو ربنا مأذنشى واشتغلت بيها و شمر و اشتغل و حقق حلمك". أقرأ ايضا: إعلامي كبير يعتذر لمطرب المهرجانات عمر كمال على الهواء .. فيديو وبعد الهجوم الكبير عليه من رواد السوشيال ميديا قدم توضيحا لتصريحاته:" فيه رقم محطوط للحجوزات ع الصفحة عشان الشغل والأفراح والحفلات .. من اكتر المكالمات اللى بتيجى عاوزين شغل ومفيش شغل عندكم عشان احنا محتاجين شغل .. حاجة بتحسسنى بالحزن جدا لانهم شباب ف سنى .. فا بحب بين كل فترة والتانية اكتب بوست للناس فيه تشجيع وحافز ان خلى جواك ايمان بنفسك وامل ف ربنا وان كل حاجة هاتتعدل". وأضاف:" انا شاب اخدت دبلوم صنايع وكملت دراسة مزيكا ف معهد موسيقى العربية .. ولما طلعت ملقتش فرصة أغنى ف الطرق العادية زى قصور الثقافة و الأوبرا وكده .. فقررت اعتمد على نفسى واشتغل كل حاجة وحرفيا شمرت واشتغلت ومشيت ف كل الطرق اللى توصلنى لهدفى". واوضح :" كتبت بوست من المنطلق ده اللى هوا شيل شهادتك على جمب لو مشتغلتش بيها وانزل و شمر وهات حلمك وهدفك وحققه وحطيت صورة لتكريمات وجوايز نتيجة لنجاحى ف مجالى وطبعا قصدى ان كل واحد ف مجاله يجتهد مش يسيب شهادته ويروح يغنى أكيد .. ايه الغلط ف كده يا جماعة !".