طليقة خالد عليش تواصل فضحه في منشور جديد

نشرت الفنانة الشابة ميما الشامي منشورا جديدا لها عبر حسابها الشخصي على موقع التواصل الاجتماعي فيسبوك، علقت من خلاله على أزمة منشورها الذي فضحت فيه طليقها المذيع خالد عليش.
وكتبت ميما الشامي، في منشورها: «للناس اللي مغالطاني اني نشرت حياتي الشخصية وان كان مفروض اسكت ودي اسرار بينا .. صدقوني انا مش مبسوطة خالص ان عملت كدة .. في حد كان اهم حد في حياتي .. للاسف ضاقت بيا كل السبل ومليش غير الدعاء ان ربنا يهديه ويفوق .. مش هقولكو على كسرة القلب والوجع اللي معتقدش هيروح في يوم من الأيام .. ولا هقولكو على صدمتي في اعز الناس. اللي كان أغلى من روحي .. ولا هقولكو احساس اني عريانة وسط الناس».
وأضافت: «انا امي وحياة تعبها ما كانت تعرف حتى هو بيقبض كام ولا حتى بعد ماهو غلط في امي اللي عمرها ماقالتلو كلمة تضايقه .. ولا هقولكو على كسرة قلب امي عليًا وعلى بنتي واحنا كلنا مش فاهمين ايه غلطتي انا عملت ايه لكل ده ؟!!! .. هقولكو بس بلاش تحكموا عليًا اني فضحت راجل كان أغلى من نفسي وكان عندي استعداد أضحي بكل حاجة عشانه .. مش طالبة تعذروني او تشوفني صح .. انا بس هقولكو والله العظيم ان اللي قولته دة مش اسرار انا عندي اسرار كتير وتفاصيل اكتر بس اخترت اقول اقل الحاجات ضرر .. الحاجات اللي هو حكاها واللي قالها بس من وجهة نظره».
وتابعت: «ممكن اكون غلطت في اختيار بعض الأمور ممكن اكون غلطت ان قلت مرتبه كام ( بس انا مقلتش اي مبلغ اعرفه قبل الانفصال) دة مرتبه اللي خباه عليًا بكل الطرق بس عرفته الحمدالله (يعني مكنش سر بينا) بس تمام يمكن غلطت بس انا مش عاملة خطة يعني ومقولتش فلوس كتير انا عرفاها لما كنت معاه .. ولا حاجات هو شاريها اللي قلته اللي عرفته بعد الانفصال».
واختتمت: «انا فضفضت لأني تعبت وتعبت من كل الناس اللي بتكلمني تحكيلي وان انا اللي افتريت وسبته وان هو متبهدل دة غير سمعتي اللي مسلمتش منه ولا من الناس .. شكرا لكل الناس اللي شيفاني غلط وأتمنى من الله متتحطوش في موقفي لان الله اعلم كان ردكم هيكون ايه».
يأتي ذلك بعدما نشرت الفنانة ميما الشامي، تعليقا على موقع التواصل الاجتماعي "فيسبوك" فضحت فيه زوجها السابق الفنان والإعلامي خالد عليش وذلك بعد ازمة النفقة.
وقالت ميما الشامي :"هو 4000 جنيه في الشهر يكفى بنت في مدرسة انترناشونال في حين باباها بيقبض 75000 جنيه.
وأضافت ميما قائلة : هو اللي هانى وضربني وكنت انا اللي بعتذر عشان أنا قصرت واخد فلوسي وبعترف بده بس مش عايز يدهاني غير لما اوافق على شروطه ولا ألجأ للقضاء أنت متعرفش أنا ببيع ايه عشان اصرف على بنتى خاصة انى مريت بظروف قاسية جدا وتحديدا بعد مرض والدتي.