لما تكون بتتخانق ف الشارع وتلاقي حد قال بعلوّ صوته " ما تصلوا عالنبي يا جماعه " ف تلاقي المشكله اتحلت . لما تكون زعلاان او متضايق .. 100 % بتلاقي حد يضحكك ويخرجك م المود ده . لما تكون مامتك بتعملكم البانيه بقالها ساعتين وانت كل شوية تخش تسرق حته ويوم متقفشك تقولك " بالهنا والشفا" . لما تكون رايح امتحان صعب وحاسس انك مش مذاكر .. تتصل بأعز صاحب ليك تحكيله يقولك " ياعم ما انت كده هتسقط وش " وهو من جواه بيقولك ربنا يوفقك . لما تروح تتقدم لبنت وابوها وامها يطلعوا عينك والجوازة تبوظ ف تقول الحمد لله .. ف ربنا يرزقك احسن منه. لما تكون عايش برا مصر وهتموت وترجع .. ولما ترجع تقعد تشتم في الاوضاع الي فيها عشان نفسك تبقى احلى بلد أو لما حد مش مصري يتكلم عليها كلام وحش ف تقوم رااازعه علقة موت. لما تشوف في رمضان موائد رحمان وناس مكنتش لاقيه تاكل وتحس انك شاركت في ثواب اطعامهم . لما تلاقي واحد مسيحي صاحبك بيكلمك في العيد يقولك كل سنة وانت طيب والعكس. ... فرحتنا في كل وقت ومن غير سبب رغم كل الاحداث الي بنمر بيها في البلد بحبك يا مصر