مفيد فوزي يلقن مذيعة درسا في الأخلاق بسبب عمرو دياب على الهواء.. فيديو

روت الإعلامية حنان مفيد فوزى، موقفا لوالدها مع إحدي مذيعات الراديو.
وقالت "فوزي"، خلال استضافته ببرنامج "آخر النهار"، تقديم الإعلامي "تامر أمين"، والمُذاع عبر فضائية "النهار"،: «مفيد فوزي مفروس من المحتوي الذي يٌقدم في الإعلام، وكنا مرة راكبين العربية وماشيين، وكنت مشغلة الراديو علي إذاعة من الإذاعات الشبابية الجديدة، وكانت المذيعة بتقول أنا هعمل مسابقة دلوقتي عن عدد الألبومات التي عملها الهضبة عمرو دياب».
وتابعت: «لقيت بابا بيتكلم في التليفون وبيتصل علي رقم الإذاعة، وفجأة لقيته بيكلم المذيعة وهي رحبت بيه جدا، وقالها أنا ماشي في الطريق مع بنتي والدنيا زحمة ومفروس من الزحمة وانتي جيتي بالمسابقة فرستيني أكتر، ايه الاستفادة من المسابقة دي للمواطن المصري مع كامل احترامي للهضبة، إعملي مسابقة في حاجة تفيد الناس وتضيف ليهم معلومة في حياتهم».
وأضافت: «قال للمذيعة اللي انتي بتعمليه دا بيغيب الوعي وأدالها درس في الأخلاق والمهنية، وما عرفتش ترد، وبعدين قفل».