محمد دياب يتحدث عن الانتقام بين شخصيات "طايع"

علق محمد دياب مؤلف مسلسل طايع عبر صفحته على موقع التواصل الاجتماعى أن المشاهدين الذين يتابعون العمل أصبح لديهم غريزة مع الانتقام بعد قتل فواز مع انتصاف الأحداث.
وكتب : من ساعة حلقة فواز و بعدها مهجة والناس تعليقاتها تحولت لمظاهرة عاوزه تشوف دم وانتقام. حتى الصديق الرومانسي الموهوب تامر حبيب كتب إنه عاوز يشوف كل ولاد حربي ميتين قبله.
الانتقام غريزه طبيعية و تقريبا معروف دراميا إن أي تيمه انتقام بتنجح، بس احنا كصناع طايع شايفين التار ده لعنة ومكانش ممكن يكون اختيارنا شعبوي فكان لازم يكون طريق الانتقام مفروش بشوك و له تمن كبير.
وأضاف : كان هيبقي مرضي للناس أكتر بكتير لو حد تاني من ولاد حربي اللي مات امبارح و مكنتش موجة الغضب دي هتحصل بس هي مقصوده عشان كل اللي اتجروا مع الشخصيات و تملكهم الغضب يعرفوا و يحسوا الشخص اللي بيسيب نفسه للانتقام بيحصله إيه.. التار و الانتقام أفكار مدمرة و التعامل معاها لازم يبقى حساس و بطريقة متبقاش جماهيره و بس.
المسلسل من بطولة عمرو يوسف، صبا مبارك، عمرو عبد الجليل، سهير المرشدى، أحمد داش، أحمد عبد الله محمود، ومن إخراج عمرو سلامة.