د. أشجان نبيل تكتب: نقطة وسطر

وابتدت النقطة لما حسيت إني تايه في الحياة لما لقيت الصراع بقي موجود بين عقلي وحياتي والدنيا اللي انا عايش فيها وكلهم عكس بعض
لما الخوف كان بيزيد كل يوم جوايا بسبب اني دايما حاسس بالضياع وإني مش عارف ولا لاقي ليا أي هدف في الحياة.
لما كان عندي حلم ومش عارف ابتديه منين !?️
أو إزاي !?️ولا حتى اعمل إيه !?️
واليوم ده بالتحديد قلت لنفسي لو انا نقطه ف الحياة يبقي لازم يكون ليا سطر اقدر امشي واتحرك عليه واعيش جواه ويعيش جوايا
وفي نفس اليوم اكتشفت اني انسان موجود فالحياه وليا حق اني أعيش وادي دوري ورسالتي اللي أتخلقت عشانها......
وهو ده بمنتهي البساطة اول حوار صريح بيدور بين الإنسان ونفسه
فكرة الإيمان بالشخصية وأحلامنا ده أمر مش سهل ولا بيمتلكه الكتير مننا والاصعب كمان انك تحدد هدفك اللي عايز توصله في رحلتك وأفضل وااقصر الطرق عشان تقدر توصل ليه
أفكار وأوهام كتير هتقابلك
زي قوه الخوف
قوه الفشل
قوة الظروف
بس لازم تعرف كويس جدا أن القوة الحقيقيه هي
قوة الفكرة والإيمان الحقيقي والكامل بيها
ودة يبتدي بمواجهتك لحقيقة نفسك
عايز تعرف ازاي تبدي طريقك الصح؟؟؟؟؟؟؟
انا هقولك ياسيدي بس خد بالك يمكن تلاقي الكلام سهل لكن تنفيذه هيحتاج منك مجهود كبير لكن باصرارك هتلاقي انك بتستمتع بيه لما تشوف نجاحك بعنيك
1-مواجهتك بحقيقتك
2-ايه مخاوفك فالحياه
3-هدفك اللي حابب توصله
4-تعزيز إيمانك بنفسك وفكرك
5-استمراريتك في خطواتك
6-مدي تعايش مع ظروفك والمحيطين
لو انت من الناس اللي بتدور علي نور حقيقي فالحياه وعايز تطور من نفسها وامكانياتها يبقي اكيد هتدور علي النقطه اللي تبتدي منها السطر !!️