اهزم شيطانك الذي تمكن منك

أنا مخنوق ومضطر أكلم نفسي علشان ما أقدرش أقول لأي مخلوق على اللي جوايا؛ لأن جوايا كتير ومش هاقول ماحدش حاسس بيّ لا مش عاوز حد يحس بيّ؛ لأن أصلاً ماحدش بقى يحس بحد.
أنا بجد نفسي أموت وأخلص من الدنيا مع إن حياتي أحسن بكتير من ناس تانية كتير ومش عارف إزاي عايشة؟!
أنا من يوم ما وعيت على وش الدنيا وأنا ماشفتش يوم حلو ولو حصل لازم ييجي عليه عشر أيام زي الطين، ممكن حد يقول لي إيه يا عم كمية الإحباط والاكتئاب والحاجات دي؟!! بس أنا حاولت كتير إني أبقى طموح بس والله اتأكدت إنها مش ليّ.
أنا شايف إني حاولت كتير أبقى متفائل بس ماحصلش لأن فقري حتى في الحب.. عرفت واحدة كل رجل يتمناها تكون زوجته بس أنا مش عارف حتى أخطبها لأني مش عارف أعمل فلوس من المكان اللي أنا شغال فيه مع إني في مكان كويس جداً، ويتمناه أي شاب لسه متخرج بس المرتب مش مكفيني، وكتير جداً بابكي بس ما بيني وبين نفسي أنا عاوز أموت اللي زيي مش هيعرف يعيش.
mo