ننشر أرقام الحسابات الخاصة بجمع رسوم "تظلمات الثانوية "

فسر الفنان أحمد حلمي موقفه من الفنان محمد رمضان بعد اتهامه بأنه قام بالسخرية منه بعد نشر رمضان صورة لسيارتين فارهتين جديدتين اشتراهما مؤخرا عبر صفحته الرسمية بموقع التواصل الاجتماعي "فيس بوك".
وكتب "حلمي" عبر صفحته ب"فيس بوك": "أعزائي الكرام.. توضيح بسيط وسريع بخصوص ما حدث بعد نشر الصورة بتاعتي وانا راكب العربية الميني القديمة اللي كانت معايا في فيلم "ظرف طارق".. واللي الناس فهمت إنها بغرض إني بوجه رسالة لزميلي الفنان محمد رمضان وهذا ما أحزنني كثيرا".
وأضاف: "يا جماعة أنا لو عايز أوجه رسالة لأي حد أعرفه كويس أو حتى معرفوش مش هاعمل كده على مواقع التواصل الاجتماعي.. لأني عمري ما عملت كده أبدا لأني ببساطة ممكن أبعتله رسالة على موبايله أو هاكلمه في التليفون".
وتابع: "فسروها بالطريقة دي مع إنه فعلا ما يخصش حد خالص غير واحد صاحبي هو الوحيد اللي هايفهمه، لأني قايله بسبب موقف طريف حصل معانا وليه علاقة بالعربية الميني.. علشان كده نهيت الكلام المكتوب ب"ده كلام في سرك.. ششش".
واختتم "حلمي" كلامه قائلا: "زميلي العزيز محمد رمضان.. ربنا معاك ويوفقك دايما وتحقق كل اللي نفسك فيه في حياتك الفنية".