شاهد .. أحمد حلمي يوجّه رسالة جديدة ل"محمد رمضان"

حسم الفنان أحمد حلمي الجدل، حول حقيقة توجيه انتقاد للفنان محمد رمضان، عقب نشر الأخير صور له مع سيارتيه الجديدتين، واللتان تجاوزت قيمتهما 7 ملايين جنيه.
وقال "حلمي"، عبر حسابه الرسمي على موقع التواصل الاجتماعي "فيسبوك"، "أعزائي الكرام.. توضيح بسيط وسريع بخصوص ما حدث بعد نشر الصورة بتاعتي وأنا راكب العربية الميني القديمة إللي كانت معايا في فيلم ظرف طارق.. واللي الناس فهمت إنها بغرض إني بوجه رسالة لزميلي الفنان "محمد رمضان" وهذا ما أحزنني كثيرًا".
وتابع "يا جماعة أنا لو عايز أوجه رسالة لأي حد أعرفه كويس أو حتى معرفوش مش هعمل كدة على مواقع التواصل الاجتماعي.. لإني عمري ما عملت كدة أبدا لإني ببساطة ممكن أبعتله رسالة على موبايله أو هاكلمه في التليفون".
وأضاف "أما الكلام اللي كان مكتوب تحت الصورة إللي كتير من الناس معرفش إزااااااااي بجد فسروه بالطريقة دي مع إنه فعلا مايخصش حد خالص غير واحد صاحبي هو الوحيد إللي هايفهمه لإني قايلّه بسبب موقف طريف حصل معانا وليه علاقة بالعربية الميني .. علشان كدة نهيت الكلام المكتوب ب "دة كلام في سرك ..... ششش".
ووجه رسالة ل "رمضان"، قائلا: "زميلي العزيز، محمد رمضان" ... ربنا معاك ويوفقك دايما وتحقق كل إللي نفسك فيه في حياتك الفنية".