بالفيديو..«أديب» مهاجما شيخ الأزهر: «استقيل يرحمكم الله»

هاجم الإعلامى عمرو أديب الأزهر الشريف وعلى رأس المؤسسة شيخ الأزهر الدكتور أحمد الطيب، لعدم وجود مواقف حقيقية لتلك المؤسسة داعمة للدولة فى محاربة الإرهاب والأفكار المتطرفة.
وقال أديب لشيخ الأزهر ببرنامج «القاهرة اليوم» على قناة «اليوم»، اتنحي يا أخى يرحمك الله ،لو تعبان وزهقان سيبها لحد تاني، هنموت بسبب سلبيتك وسبب ضعفك، عشت سنين ووصلتنا لوضع منحدر، انت موظف مش نبي ، يا تعمل شغلك صح يا تمشي.
وتابع أديب: « أنا سايب الأمر ده فى رقبة السيسي، الريس لازم يقله استقيلوا، استقيلوا يرحمكم الله، انت ونائبك الإخوانى اللى وقف خطب فى رابعة اللى قاعد لحد دلوقتي».
وأضاف أديب، :«عيالنا دماغها بتروح وبتضيع ودول قاعدين فى التكييف وفمكاتبهم، أنا مشفتش شيخ الأزهر بيخطب ولا بيروح أى حته، استقيل يرحمكم الله، لا تعليم كويس ولا فكر بيتم تغييره، هنضييع، والصمت جريمة».