بالفيديو.. الرئيس يوجه بإنهاء مشروع حقل الطيران خلال 5 أشهر فقط.. ويستنكر ميزانيته: "مفيش وقت.. وآن أوان العطاء"

رئيس الجمهورية خلال افتتاح عدة مشروعات بالغردقة :
* محدش هيخش بيني وبين المصريين.. ولا هيقدر يفرقكوا عن بعضكم"
* "هنحافظ على البلد دي ومستعدين نموت عشانها"
* الرئيس يوجه بإنهاء مشروع حقل الطيران خلال 5 سخلا فقط.. ويؤكد "مفيش وقت ودلوقتي وقت العطاء"
قال الرئيس عبد الفتاح السيسي، أثناء افتتاح أعمال تطوير مطار الغردقة الدولي، "الافتتاح ده حاجة بسيطة وفيه شغل كتير هيتعمل، والأمل مبني على عمل وثقة وصبر المصريين، محدش هيقدر يفرقوا عن بعضكم، ومحدش هيخش بيني وبين المصريين".
جاء ذلك أثناء كلمة الرئيس السيسي في افتتاح مجموعة مشروعات نفذتها القوات المسلحة، خلال الفترة الماضية أهمها مشروع تطوير مبنى مطار الغردقة الدولى، بحضور الفريق أول صدقى صبحى، القائد العام للقوات المسلحة وزير الدفاع والإنتاج الحربى، وعدد من كبار قادة الجيش المصرى، ووزراء ومسئولين فى قطاعات حكومية مختلفة.
كما استنكر الرئيس عبد الفتاح السيسي، رئيس الجمهورية، ما قاله وزير الطيران حسام كمال، بأنه سيتم الانتهاء من مشروع حقل الطيران خلال عام، وبتكلفة 450 مليون جنيه.
ووجه الرئيس بأن يستغرق عمل حقل الطيران 5 شهور فقط، وتقليل ميزانيته، قائلا: " الممر طوله 60 متر وعرضه 4 كيلو، وكتير أصلا سنه عشان نعمل حقل الطيران، ولو عايزين نتحرك بالمعدلات المطلوبة لازم يخلص في 5 شهور، نجيب الشركة تبدأ شغلها لحد ما ندبر الفلوس، مفيش وقت".
وتابع "معدلات العمل لابد أن تكون سريعة وليست بالمعدلات الطبيعية، ولا الأسعار الطبيعية، دلوقتي وقت العطاء لمصر، واللي عايزين نعمله كبير جدا".
وطالب الرئيس عبد الفتاح السيسي، الشعب المصريين بالثقة والصبر في قيادته الجديدة، قائلا "عايزين شوية ثقة مع الصبر، لأن محدش عمل اللي عمله المصريين".
وأضاف الرئيس " كلنا باختلاف آرائنا وتوجهاتنا لا يجب أن نختلف على وطننا، وأن لا نقبل الانقسام، محدش هيقدر على مصر طول ما أهلها كتلة واحدة"، مؤكدا أن الكثيرون يخشون من توحد الشعب خلف قيادته.
وتابع: "مفيش حاجة اسمها نظام، ولكن هناك دولة مصرية، بإعلامها وقضائها وشرطتها وجيشها، محدش هيقدر يرجع مصر ورا، انتوا غيرتوا نظام كامل، وهنحافظ على البلد دي ومستعدين نموت عشان خاطرها".