"حجازي" يوضح عبر "تويتر": سأنتقل لناد جديد ولكن فيورنتينا لم يفسخ عقدي

أكد المدافع المصري أحمد حجازي رحيله عن صفوف فريقه فيورنتينا الإيطالي وإنتقاله لنادي جديد في شهر يناير المقبل.
وكتب "حجازي" عبر حسابه على تويتر قائلا "أتمنى من الصحافه والمواقع المصريه المحترمه تحري الدقه في المصادر بتاعتها و ان مش اي حد يكتب حاجه كل المواقع نقل وخلاص".
وأضاف "ما تتعب نفسك شويه وشوف مصدر الكلام صح ولا غلط ويكون في دقه اكتر مش أي شوووو إعلامي وخلاص ولا إحنا صح في مصر ما بنصدق أي عنوان يشد الناس، وبشكر الناس اللي كلموني أو حاولو يعرفوا الخبر صح أو لا".
وتابع حجازي "مش معني أن في كلام أن أنا ممكن اروح نادي تاني سواء إعارة أو بيع نهائي أن فيورنتينا يفسخ عقد حجازي، انا في ناد محترم و كبير و سعيد جدا اني جزء من هذا النادي و حتي لو غادرته لاي نادي سيظل له مكانه خاصه جدا في قلبي".
واختتم "حجازي" تصريحاته قائلا "أخيرا أنا عقدي مستمر مع النادي، وهذا الكلام ليس له أي أساس من الصحة.. شكرا للجميع".