آمال رياض تكتب: اصحوا يا بشر

اصحوا يا بشر ... الحب فى خطر
وأنياب الشر ..... بتلعب عالوتر
دعوا الروائل ...... ان الفضائل تحتضر
اصحوا يا بشر ...........................
اصحوا والظلم .... فارد جناحه عالإنسانية
أطماع ...... شرور ....... حقد وأنانية
والفساد له ألف لون .... ضيع جمال الكون
نسانا الأمانى والأغانى ... وليالى السمر
اصحوا يا بشر ...........................
زمان كان لينا قلب ... كله حنان وطيبه
مليان رحمة وإيمان ... دقته كانت حبيبه
ودموع عيونا كانت ... لجروح كل الحبايب
نبكى لبكاهم ... وندوب حنين لو فيهم حد غايب
النهاردة كل واحد فينا ... فى همومه دايب
نسينا صحبتنا ... نسينا لمتنا ونقول ده قدر
اصحوا يا بشر .........................
تعالوا ندور على الصدق .... اللى أختفى
والمعانى الحلوة ..... والإخلاص والوفا
ليه ياناس ...... مات فينا الإحساس
وسكن جوة قلوبنا ........ الجفا
وتحولت مشاعرنا .... لجماد من حجر
ما تصحوا يا بشر ........................
اصحوا صحوة ........... ضمير إنسان
وتعالوا نرجع من تانى ... تعاليم الأديان
وعفة النفس ....... وطهر القلب واللسان
اصحوا قبل ما نلاقى قلوبنا ... أوحش من الصحر
اصحوا ..... اصحوا يا بشر