قرى دمياط.. ظلام وقحط لأكثر من يومين

أزمة متجددة تشهدها قرى محافظة دمياط، متملثة استمرار انقطاع الكهرباء والمياه بعدد من القرى في نطاق المحافظة، لتتجاوز الأزمة الانقطاع السريع إلى انقطاع يدوم لأيام للكهرباء والماء بقرى الوسطاني والسنانية وكفور الغاب وأم الرضا وجمصة البلد والمحمدية وأبو راشد وعدد أخر من قرى مركز فارسكور.
وتشهد تلك القرى انقطاع للتيار الكهربائي لليوم الثاني على التوالي، لتوقف الحياة، بسبب موجة الحر التي تتسبب في لإفساد الطعام أيضًا وكم الخسائر المترتبة على ذلك، ويرجع المسؤلون بشركة الكهرباء السبب إلى الصيانة في الشبكات والخطوط، ويصف الأهالي الحالة بأنها أسوأ أيام على الإطلاق؛ مع ما يتكبده أصحاب محال البقالة من خسائر؛ بسبب عدم تشغيل ثلاجات حفظ البضاعة.
يقول محمود سعيد من الوسطاني، صاحب سوير ماركت، خسائرنا فادحة بسبب انقطاع الكهرباء؛ لأن معظم البضاعة تحتاج إلى ثلاجات وتبريد، خاصة في ظل هذا الجو شديد الحرارة وانقطاع الكهرباء، ولا نستطيع شراء مولدات لتشغيل ثلاجات العرض، لكن كل ما نستطيع فعله توفير مولدات للإنارة وتشغيل بعض المراوح فقط، وهذا لا يكفي، خاصة في محلات السوبر ماركت الكبيرة.
ويضيف سعيد: يومين والكهرباء غير موجودة وكل ما نتصل على الشبكة يقولوا صيانة، فيه صيانة تفضل يومين، ومش كان مفروض يوفروا بديل، أو على الأقل يشتغلوا شوية في الصيانة ويوصلوا التيار شوية علشان الناس تعرف تعيش، لكن كدا انقطاع مستمر يومين متواصلين كتير جدًّا بصراحة.
تقول زينب محمد، ربة منزل: حياتنا تحولت إلى جحيم، لا مياه باردة ولا مراوح ولا ثلاجة نحفظ فيها طعامنا، والله احنا ما عارفين ننام من شدة الحر، يعني مفروض الحكومة عارفه إن مصالح الناس كلها بقت مرتبطة بالكهربا، يبقى إزاي تقطع يومين متواصلين ومتجيش أبدًا، وهو ده ينفع يعني، نعيش إزاي ولا نعمل إيه ولا نقضي مصالحنا إزاي.
ويضيف خالد طلعت، من جمصة: يومين والكهربا قاطعة لا موبايل عارفين نشحن، ولا تلاجة شغالة ولا مراوح، والنساء مش عارفين يشغلوا خلاط علشان يطبخوا، وهي دي تبقى عيشة برده، ويطلع واحد في الفضائيات مش حاسس باللي احنا فيه ويقولك لازم نصبر، على إيه ولا إيه، على انقطاع الكهربا ولا انقطاع المياه، احنا جبنا آخرنا من الحكومة دي، كل يوم المحصلين ماشيين في الشوارع يخبطوا على البيوت من غير حياء يطلبوا فلوس كهربا مش بنشوفها إلا نوادر، وميه جابت لنا كل الأمراض دا لما بتيجي، ومفيش أي تقدم في أى خدمة للناس، كلام وبس، تصريحات ملهاش علاقة بالواقع أبدًا، وللأسف عايشين عيشة ملهاش علاقة بالبني آدمين، ويقولك مصر هتبقى أد الدنيا حرام عليكم بقى.
وكان رئيس قطاع الكهرباء بدمياط ورئيس شركة مياه الشرب والصرف الصحى، قد أعلنا أن الشركتين ستقومان بعمل حملة صيانة كبيرة على عدد من القطاعات بالمحافظة.