بعد الغلاء الفاحش.. الدمايطة يغيرون عاداتهم في الاستعداد لرمضان ب «الفرجة» على السلع

كان دخول شهر رمضان موسمًا لانتعاش حركة البيع والشراء بدمياط، حيث يتسابق تجار السلع الغذائية وغيرها فى عرض بضائعهم أمام محلاتهم وفى أسواق خاصة تنشأ خصيصًا من أجل شهر رمضان المبارك. ولكنه للأسف كان.
فقد اختلف الوضع هذا العام؛ بسبب تردى الحالة الاقتصادية وعدم الاستقرار المسيطرين على البلاد فى الفترة الأخيرة؛ مما أدى إلى ركود لم يشهده السوق الدمياطى منذ عقود، حيث تتراكم البضائع أمام البائعين، ونادرًا ما يقف أحد المواطنين للشراء، أمام ارتفاع الأسعار بشكل تعجز عنه الأسر المصرية؛ بحجة نقص الدولار وارتفاع سعرة؛ باعتبار أن كثيرًا من المعروض مستورد يتحكم الدولار فى سعره.
أشرف سعد (موظف) يقول "تعودنا أن نشترى بعض الأشياء فى استقبال رمضان من قبيل الاستعداد والفرحة بقدوم الشهر المبارك. كنا نشترى بعض السمن والسكر والزيت، ونشترى ياميش الفقراء، وهو عبارة عن البلح وقمر الدين، لكن طبعًا الأسماء الأخرى من عينة الفستق والبندق واللوز وعين الجمل دى ما لناش دعوة بيها".
ولفت إلى أنه "حتى الأشياء العادية اللى كنا بنشتريها كل سنة مش عارفين نشتريها؛ لأن إزازة الزيت تخطت ال 12جنيه، وكيلو السكر ب 5 جنيه، والسمن حدث ولا حرج، وطبعا البلح السنة دى أسعارة غالية جدًّا.. تمن الكيلو من عشرين جنيه وطالع، حتى كنا كل سنة بنشترى دكر بط نفطر به أول يوم، من المؤكد إننا هنقضيها فراخ بيضا السنة دى؛ لأن تمن دكر البط أكتر من 170جنيه. يعنى لو أسرة فكرت تشترى بطة تفطر بها أول يوم فى رمضان تبقى محتاجة على الأقل 300 جنيه مصاريف أول يوم، ودا كتير جدًّا على الناس فى الأيام اللى إحنا عايشينها دى".
وأكد الحاج سمير مسعود (تاجر) أن "الأسعار السنة دي مرتفعة، وما حدش يقدر ينكر، وحركة البيع بجد ما حصلتش قبل كدا، حتى الزبون اللى كان بييجى ياخد البلح وقمر الدين ما عادش موجود، وتقريبًا اللى موجود فى السوق التجار بس".
وعن الأسعار يقول مسعود "كيلو البلح بيبدأ من 8 جنيه، ويوصل لغاية 32 جنيه بحسب النوع والجودة، والزبيب 35 جنيه، وعين الجمل ب 100جنيه، واللوز 85 جنيه، واللوز ب 90 جنيه، والفستق ب 110جنيه. وللأسف مش عارفين نعمل حاجه فى الأسعار لأن الدولار بيتحكم فيها وفينا".
وعلى صعيد آخر شهدت أسواق اللحوم ارتفاعًا ملحوظًا فى أسعار كل أنواع اللحوم. يقول أحمد مخلوف (صاحب محل لحوم وخضراوات): "الفراخ المجمدة سعر الكيلو وصل 17جنيه، والفراخ الطازجة ذبح اليوم سعر الكيلو 24 جنيه، والسمان الطبق فيه أربع سمانات صغيريين ب 13جنيه. أما اللحوم الحمراء فحدث ولا حرج، فقد تجاوز سعرها ال 85 جنيه، فى حين وصل سعر اللحوم الحمراء المجمدة 42 جنيه للكيلو".
كما شهد سوق السمك ارتفاعًا طفيفًا فى الأسعار؛ تماشيًا مع موجة الغلاء وارتفاع الأسعار التى يشهدها سوق السلع بالمحافظة؛ ليظل المواطن هو الذى يتحمل وحده غلاء الأسعار والأزمات الاقتصادية.