كاب ونضارة وجاكت العادلي على تويتر: من الجاكوزي للمحكمة ومن المحكمة للجاكوزي .. متعودة دايما

* بالنسبة للمخرج : مكانش فيه “ساسبنس”.. بالنسبة لآداء الممثلين: علاء و العادلي كانوا كويسين والشيخة ماجدة : مبدعة جدا
* تعليق: متعود يخلص محاكمة وياخد شاي في نادي اليخت.. وأخر : الراجل الغامض بسلامته متخفي بنضارة
* ما شاء الله واضح إن صحته بتيجي علي الانفلات الأمني.. والشكل ده هيبقى موضة للشباب السيزون الجاى
* يا جماعة هو لابس نضارة سودة عشان يداري بيها بياض قلبه من الحسد
كتب – محمود هاشم وانجي لطفي :
تداول نشطاء علي موقع تويتر عدد من التعليقات الساخرة حول ارتداء حبيب العادلي وزير الداخلية الأسبق طاقية نظارة شمسة وجاكيت أثناء خروجه من قاعة المحكمة للذهاب إلي محبسه .
ففيما وصفه أحد النشطاء بالرجل الغامض بسلامته متخفي بنضارة , تساءل آخر هو حبيب العادلي دخل السجن ولا داخل بيوتي سنتر ؟ وعلق ثالث ” يا جماعة هو لابس نضارة سودة عشان يداري بيها بياض قلبه من الحسد “. ورصدت البديل عدد من التعليقات الأخري جاء أبرزها :
- العادلي كان في نادي رياضي بيعمل جلسة جاكوزي. قصدي جلسة محاكمة
- متعودة دايما.. العادلي من جلسة الجاكوزي للمحاكمة ومن المحاكمة للجاكوزي
- كأنه نازل حملة وماشي بثقة الوزير... ده قوة ظاهرية من داخله
- ايه ياجماعة مالكو قالبين على العادلي كده.. ده حتى الراجل لسه عامل عمليه فى عينيه من فتره لازم صحته تبقى رادة !
- الشكل ده هيبقى موضة للشباب السيزون الجاى ....آخر شياكة
- شفتوا العادلي و هو طالع من الجيم قصدي المحاكمة
- بالنسبة للمخرج : مكانش في “ساسبنس” كفاية بالنسبة لآداء الممثلين الاساسيين : علاء و العادلي كانوا كويسين بالنسبة لاداء الشيخة ماجدة : مبدعة جدا
- هو العادلي كان عنده متاش تنس بعد المحاكمة ولا أيه
- حبيب العادلي ماشاء الله واضح إن صحته بتيجي علي الانفلات الامني
- ناقص يجبولوا مضرب جولف و يرجعوا يقولوا بتنزلو ليه
- حبيب العادلي خارج من المحكمة تقولش حسين فهمي في خللي بالك من زوزو
- العادلي خارج لوحده وفي ايده الشنطة كأنه كان في الساونا
- فاضل إن حبيب العادلى .. الجلسة الجاية يطلع من المحكمة ع الوزارة
- بيقوللك العادلى بعد ما صحته ردت هيمثل فى الجزء الجديد بتاع بريزون بريك
- الظاهر ان حبيب العادلي متعود يخلص محاكمة ... و يطلع ياخد الشاي في نادي اليخت
- حبيب باشا العادلي... آه والنعمة