جدل واسع بعد حكم عسكري بإعدام قاصر اغتصب فتاة.. شارك برأيك

* ناشط: نعدم القاصر ونعفو عن العجوز المحنك.. وناشطة: وهم الرجالة بيدافعو عن الواد المغتصب ليه
* مدون يذكر ببراءة مغتصب في استراليا بعد إعدامه .. وأخر: هيبقى رأيك أيه لو الطفل دا اغتصب حد بتحبه أمامك
* الحكم دا فيه 3 خطايا .. أولا محاكمة مدني أمام محاكمة عسكرية .. ومحاكمة طفل بره محكمة الأحداث .. وإعدام طفل .. وديتونا في داهية
* يا أخوانا احنا بنحتكم للمشاعر ولا دولة القانون .. القانون بيمنع إعدام القاصر ولا هنعملها على مزاج كل واحد
كتب – أحمد سمير:
أثار خبر إعدام “حدث” عمره 17 عاما ضمن أربعة أشخاص اتهموا باختطاف فتاة والاعتداء عليها جدلا واسعا على مواقع التواصل الاجتماعي كالفيس بوك وتويتر، ما بين مؤيد للحكم بدعوى لو حصل لأختك وبين معارض استنادا للقوانين التي تمنع إعدام القاصر أو لان المحاكمات العسكرية غير عادلة للمدنيين.
أقرا معنا أهم ما كتب حول الموضوع وشاركنا برأيك..
مين البقرة اللي وضع في القانون أن شحط عنده 17 سنة لو أتجوز يخلف ممكن يتعامل على انه طفل لما يغتصب واحدة ؟
يا عالم يا ساديين: ايوة 17 سنة ده “حدث” ولا يجوز حكمه بالإعدام ولا يحاكم أمام المحاكم العادية من لم يبلغ السن القانونية حتى وان كان مغتصب
هم الرجاله مالهم بيدافعو عن الواد المغتصب الى عنده 17 سنه دا ليه ؟
- يا أخوانا احنا بنحتكم للمشاعر ولا دولة القانون .. القانون بيمنع إعدام القاصر ولا هنعملها على مزاج كل واحد
مصر موقعة على اتفاقية حقوق الطفل والمادة 37 تلزمها بعدم توقيع عقوبة الإعدام عن من تقل سنة عن
عقوبة الإعدام عقوبة بربرية والدول بتلغيها دلوقت حرام عليكم
نتكلم عن جواز توقيعها ع طفل ولا لاء ؟ دا تضييع للوقت
طبعا أؤيد وهو بييغتصب البنت اكيد وقتها م كانش بيفكر تفكير أطفال كان بيفكر تفكير ناس لازم تتعدم
مفيش طفل عنده 17 سنة هو في طفل بيغتصب
أكبر دليل علي عدم إهتمامكوا بالضحية .. محدش سأل البنت إلى اغتصبت عندها كام سنة
كل من يقول 17 سنة تعتبر طفولة٫ ياريت يدورعلى شاب عمره 17 ويسالوا عن الجنس وعن الاغتصاب٫ ولو عيط و راح يشتكيك لمامته يبقى حقك عليا
أحب أفكركم بجريمة اغتصاب في استراليا ثبت بعد إعدام المغتصب ب20 من خلال تحليل الدى ان ايه انه برىء.
اللى بتقولوا عليه طفل وهو شحط عنده 17 سنة في الصعيد بيشيل سلاح ويقتل، وفي بلاد الفرنجة اول مايتم 18 سنة بيعيش لوحده وبيعمل قلة ادب
- الحكم دا فيه 3 خطايا .. أولا محاكمة مدني أمام محاكمة عسكرية .. ومحاكمة طفل .. وإعدام قاصر .. وديتونا في داهية
والنبي زي ما بيماطلوا في محاكمات كل الناس..يدوا الواد خمستشارات لحد ما يكمل ال 18 ونبقى نجيبه من قفاه عشان بس الناس شيفاه عيل
قانون طفل بلا قانون زفت !! أنا ممكن اجبلكم واحد عنده 15 سنة من بتوع السيدة و العزبة لو شفته تديله 30 سنة
نعدم القاصر ونعفو عن العجوز المحنك
عشان كدة احنا يحكمنا قانون، عشان منتحركش ورا مشاعرنا، أنا فعلاً اتمنى الولد يكون فوق 18 سنة ويعدم ألف مرة
فيه حاجه اسمها حقوق الطفل ولو مبنحترمهاش يبقي مفيش داعي اننا نتشدق بحقوق الإنسان ف الرايحه والجايهع
اللى شايف ان “الطفل” المغتصب اللى عنده 17 سنة ماياخدش إعدام ياترى هيبقى رأيه أيه لو الطفل دا اغتصب حد بيحبه قدامه؟
- احنا عاوزين قانون .. دولة قانون .. يعني نحاكم الناس بالقانون .. مش أكتر من كده .. ومستعد ارضى باي حكم مهما كان