عمال شركة “دايو” يتهمون حسام أبو الفتوح بادعاء الخسارة للتهرب من دفع حقوقهم

* عامل: قبل الثورة أصحاب الشغل كانوا طايحين ويوم 2 مارس وعدوا بتنفيذ مطالبنا ودلوقتي بيلحسوا وعودهم.. نروج لمين؟
كتبت- سهام شوادة:
قرر 800 عامل من عمال شركة دايو للسيارات، المملوكة لحسام أبو الفتوح البدء في اعتصام أمام إدارة الشركة، بعد أنتهاء موعد عملهم، اليوم وذلك بعد ما اجتمع بهم حسن حسام أبو الفتوح، وقال لهم مالكوش عندي حاجة، “ما فيش علاوة وما فيش أرباح”.
وقال أحد العمال:”إحنا بقالنا 3 سنين ما بناخدشي أرباح، كل سنة يقولوا لنا أنهم خسرانين، إحنا عاوزين حقنا في الأرباح، وكمان عاوزين العلاوة ال 15%”. وأكمل عامل آخر: “إحنا بننتج كل يوم 60 عربية ودي انتاجية عالية تبقي الخسارة هتيجي منين، وكمان الشركات اللي زينا زي جينرال موتورز، و M.B.W بيدو أرباح للعمال أشمعنا عندنا ما بناخدشي أرباح رغم إننا بنشتغل؟“
وأوضح العمال بأن “هناك تفاوت كبير بين المديرين اللذين يتقاضون مرتبات تفوق 60 ألف جنيه، بخلاف تخصيص سيارة لكل منهم، بكل مصاريفها، وخط تليفون مفتوح، بينما العمال الفنيين لا تزيد مرتباتهم عن 1000 جنيه شهريا، هذا بخلاف أن صندوق الزمالة الذي يدفع اشتراكاته العمال رغماً عنهم يستفيد به الكبار، ولا يعرف عنه العمال شئ”.
وعندما قال العمال هذا الكلام ل حسن حسام أبو الفتوح اليوم، رد عليهم- ،فقا لتصريحاتهم- “أنا حر، وما حدش ليه عندي حاجة”. وقال عامل: ” قبل الثورة كنا بنسمع الكلام ده وأصحاب الشغل كانوا طايحين وما بيدوناش حقوقنا، طب بعد الثورة قلنا هناخد حقوقنا، خصوصاً لما قعدوا معانا يوم 2 مارس 2011 في أيام الثورة ووعدونا بأنهم هينفذوا مطالبنا، وأن صندوق الزمالة هيمسكه العمال، وأننا هنشتغل 8 ساعات وبس، دلوقتي بيلحسوا كل كلامهم ووعودهم، طب نروح لمين يجيب لنا حقوقنا؟؟!!”