معتمد علي : تونس واخواتها .. ريحة الياسمين ويا السلاطين مش متجانسة

ريحة الياسمين ويا السلاطين مش متجانسة
ريحة فيها غضب وثورة من التوانسة
قدام رياح التغيير انحني ياجبروت
الثورة قامت لأجل الامل والقوت
هاربة نيران القلب
طايفة على جسدي
صار الشباب شعلة
في العتمة يابلدي
الشعب مارد صبور
يعدي كام هفوة
لكن لابد يثور
ع الحاشية والصفوة
يخرج من القمقم
قال الزعيم كبسة
وظرااااخ فووووو بوم بوم
سافر ياكل كبسة
افهم بقي المغزى
ريحة الياسمين ويا السلاطين
مش متجانسة
.............
ضوافري وانيابي
تعبوا يا احبابي
من نهشكم
تسمحولي من فضلكم
تقطعولي لحمكم
عايز ضحايا مجهزة
للافتراس وللاذى
يا حبذا
لو تتقطع الالسنة
ده كان كلام منه
لنا
قبل مايمشي من هنا
من أرضنا
قطف زهور ودبلها
الأرض كان يدب لها
مستني خير سنابلها
يكبش لوحده ويتغذى
افهم بقي المغزى
ريحه الياسمين ويا السلاطين مش متجانسة