فيديو.. عكاشة يهدد السفيرة الأمريكية: ها أحشد مليوينة وأجيلك.. وأجيب واحدة سُهنة من البلد تخليكى تكلمى نفسك

شن توفيق عكاشة مالك قناة الفراعين هجوما لاذعا على السفيرة الامريكية بالقاهرة، آن باترسون، وقال إنها أرسلت خطابا حذرت فيه قناة النيل للأخبار من الاستمرار في بث البرامج التي تضر بالعلاقات المصرية الأمريكية.
ووصف عكاشة مساء اليوم خلال برنامجه " مصر اليوم "، السفيرة بأنها " شقيقة مسيلمة الكذاب " معلقا على تأكيدها حرص الولايات المتحدة على حفظ السلام بمشاركتها ضمن القوات المتعددة الجنسيات فى سيناء، مضيفا أن مبارك كان " موظف بدرجة رئيس جمهورية، مش أنور السادات كان لعبكوا ع الشناكل، كان خلى غيرك يغنى ظلموه، لغاية ما قتلتوه بايدين التيارات الإسلامية بكتب سيد قطب، مين اللى كان بيصرف عليه عندكو .. أنا مجهز لك السواد والكبابى بتاعة الكانون اللى فى البلد ".
وأضاف: والله لأجيب واحدة سهنة من البلد تخليكى تكلمى نفسك وانتى نايمة بالليل، بس هما عندهم حق اللى يلاقى إمارة وميتأمرش يبقى ما بيفهمش واللى يلاقى حمار وميركبش يبقى ما بيفهمش واللى يلاقى بغل وميقعدش عليه ويهز رجليه يبقى بغل زيه .. البلد بقيت هفية، الولية دمرت البلد وباعتة خطاب شديد اللهجة إكمنه تليفزيون حكومى .
وتابع: أنا بحذرك يا سفيرة أمريكا إذا سمعت إنك بعتى جواب لأى مؤسسة إعلامية قسما بالله الذى خلقنى لأقعدلك أسبوع أحشد لك بمليونية وهاجى لك عند السفارة مانا ماشى لحد ما تمشى لو بعد ميت سنة، وهجيب لك التليفزيون الروسي والكوري والصيني يوم المليونية، هجيب لك الضراير بتاعتك واقعدى فرحانة فى جامعة القاهرة حاطة رجل على رجل ومبسوطة ومرسى ع المسرح.
عكاشة يصف السفيرة الأمريكية ب"شقيقة مسيلمة الكذاب".. ويقول إنها أرسلت خطاب تحذير لقناة النيل للأخبار
مالك الفراعين: البلد بقيت هفية.. واللى يلاقى بغل وميقعدش عليه ويهز رجليه يبقى بغل زيه..