محمد حمدي : مصري .. على أبواب كنيسة العمرانية .

كانت أجواء أعياد الميلاد تنتشر في كل مكان.. وكنت أنا المنطلق من وسط الدلتا إلى عاصمة الجمهورية.. ملبيا مبادرة “يا نعيش سوا يا نموت سوا” التي تدعو المسلمين لمشاركة المسيحيين قداس عيد الميلاد ، لتصل الرسالة لمن يحاول (الاستفراد) بأحد عناصر الأمة دون غيرها .
منذ أن أعلنت لأصدقائي نيتي المشاركة في الاحتفالات المسيحية وأنا أتلقى رسائل هاتفية واتصالات للاطمئنان على، وكأنني ذاهب للمشاركة في مناورة عسكرية.. شعرت بالضيق لكثرة الاتصالات ، كنت أفكر .. إذا كان هذا هو الحال بالنسبة لي فكيف يشعر الشاب المسيحي الذاهب للصلاة والاحتفال فيجد نفسه معرضا للموت في كل لحظة.. مضطرا للاتصال بأحبائه كل فترة ليطمئنهم أن كل شئ يجرى على ما يرام ؟!
وقع إختيارى أنا وأصدقائي من المسلمين والمسيحيين على حد سواء ، على حضور القداس بكنيسة السيدة العذراء ، أو ما يطلق عليها الناس اسم كنيسة العمرانية .. أخبرني صديق لي أن الكنيسة شهدت أعمال عنف عندما رفضت السلطات المحلية إنشاء مبنى تابع للكنيسة ، فحدثت مواجهات بين قوات الأمن والمسيحيين .
عندما وصلت لأول الشارع المؤدى للكنيسة ، بدأت ألاحظ بعض الأمور .. ينتشر العديد من رجال الأمن في الملابس المدنية .. تنتشر (بلوكات) تابعة لوزارة الداخلية لمنع السيارات من الانتظار على كلا الجانبين ... عندما اقتربت أكثر فأكثر من مبنى الكنيسة وجدت صفوف قوات الأمن تنتظر على كلا الجانبين وعلى شكل دائرة حول الكنيسة وفى المنتصف كانت الكنيسة شامخة سعيدة متزينة لاستقبال زائريها من كل مكان .
كنا خمسة .. أولنا (سعاد) فتاة مصرية مسلمة لا ترتدي الحجاب ، ثانينا (يامن) شاب مسلم يحمل الجنسية السورية ، ثالثنا (ماجدة) سيدة مسيحية مصرية ، ورابعنا سيدة مسيحية تحمل الجنسية الكندية وأخرهم الشاب المصري المسلم كاتب هذه السطور .
اتجهنا لمبنى الكنيسة واخترقنا صفوف قوات الأمن بسلاسة .. ساعدنا عدم ارتداء أي من النساء فينا للحجاب ، وملامح (يامن) الأجنبية . أوقفنا ضابط الأمن على البوابة الرئيسية للكنيسة، ولاحظت أن البوابة بها جهاز للكشف عن المعادن.
- البطايق لو سمحتم .
في هدوء أبرز كل منا جواز سفرة أو بطاقته الشخصية. تناولها ضابط الأمن وأخذ يدقق النظر إليها جيدا.. ثم نظر إلينا من جديد .. أعاد لنا البطاقات وابتسم في هدوء وهو يشير إلى (ماجدة) وصديقتها :
- الاتنين دول بس يقدروا يخشوا . حضراتكم للأسف مش هينفع تدخلوا .
- ليه ؟
- تعليمات أمن
- إزاى ؟
- تعليمات أمن
- إمتى ؟
- تعليمات أمن
- فين
- تعليمات أمن
هكذا وصلنا لطريق مسدود، وحولنا فرد الأمن لزميل له ، استقبلنا بابتسامة ودود ثم قال لنا:
- للأسف مش هنقدر نسمح بدخول غير المسيحيين ، لدرجة إننا بنركز في وشم الصليب في أيد المسيحيين الداخلين ، دى تعليمات الأمن العليا علشان انتو عارفين طبعا موضوع التفجيرات الأخيرة في الإسكندرية .
تطوعت صديقتنا المسيحية وقالت له :
- لكن الناس دى ضيوفنا وجايين علشان يكونوا معانا وعيب أوى نقولهم كده .
- صدقيني دى تعليمات الأمن .
تحدثت أنا وقلت له :
- إحنا محترمين كل إجراءات الأمن .. لكن لازم حضرتك تعرف إننا معاكم في نفس الخندق ، إحنا هنا علشان نوصل رسالة صغيرة مفادها إن مفيش فرق في البلد دى بين مسلم ومسيحي ، وما أظنش إن الرسالة دى تتعارض مع شغلكم . لو حضرتك عاوز تفتشنا أتفضل . لو عاوز تحتفظ بالبطايق إتفضل . شوف أي إجراء تعمله لا يتناقض مع رسالتنا وكلنا تحت أمرك فيه .
- للأسف مش هقدر .. تعليمات أمن !
في هذه الأثناء خرج لنا أحد أباء الكنيسة .. صافحني بحرارة وقال لي :
- صدقني محبتكم وصلت ، والناس اللي جوه عارفه مبادرتكم الجميلة ، إحنا نفسنا نستضيفكم على راسنا ، لكن تعليمات الأمن هي اللي بتمنع ده .
- لكن الناس لما هنقولهم الكلام ده هيقولو المسلمين راحوا لحد المسيحيين وهم اللي مرضوش يستقبلوهم . الناس مش هتفهم كلام حضرتك .
- إحنا معتمدين عليكم تنقلوا رسالتنا ليهم.. إحنا مش خايفين الموت ولو في دروع بشريه هتكون مننا كلنا . لكن الأمن هو اللي مانع ده مش إحنا . وعلى كل الأحوال الناس جوه الكنيسة عارفين رسالتكم وهدفكم وبيشكروكم عليها جدا .
هنا تدخلت صديقتنا المسيحية .. قالت :
- بعد إذنك يا أبونا الناس دى جايه مخصوص علشان تكون معانا . لو مدخلوش أنا مش هخش معاهم . لكن زميلتنا المسيحية التانيه هتخش علشان تصلى .
قلت لهم :
- وأنا لو عاوز أصلى ؟
قال لي الأب بصدق :
- هصلى لك.
هكذا انطلقنا جميعا – ماعدا السيدة المسيحية التي قررت الدخول للصلاة – ننتظر أما باب الكنيسة ، بينما تتابعنا أعين رجال المباحث حتى خرجت في النهاية تحمل بعضا من قربان التناول .. تناولنا جميعا بعضا من المخبوزات التي يؤمن المسحيين أنها ترمز لجسد المسيح
في طريق العودة لم أعرف ماالكنيسة.ني فعلا من دخول الكنيسة في ذلك اليوم. هل هم رجال الأمن أم رجال الكنيسة .. أم أن السبب الحقيقي في القنبلة التي أذابت لحوم البشر قبل أيام في الإسكندرية.. القنبلة التي يصر رجال الأمن على أنها كانت محشوة بالمسامير ورولمان البلى ، بينما أثق أنها محشوة بالكراهية والتعصب والجهل والفقر والكبت .
مواضيع ذات صلة
1. حبس معتقلي كنيسة العمرانية 15 يوما ..وصفوت الشريف : الأحداث ناتجة عن سوء فهم ..والبابا : أنا حزين جدا
2. 14 منظمة حقوقية تدين التدخل الأمني في التحقيق مع معتقلي كنيسة العمرانية
3. شاب مصري أنشأ تليفزيون لحارته وعندما بثت الجزيرة فيلما تسجيليا عن تجربته تم اعتقاله
4. النيابة تتهم المعتقلين الأقباط في أحداث كنيسة العمرانية بالشروع في قتل أفراد الشرطة
5. وفاة الضحية الثانية في أحداث كنيسة العمرانية متأثرا بإصابته بطلق ناري