تفاصيل اتهامات عكاشة لأعضاء نقابة ضباط الشرطة وزوجاتهم.. والنائب العام يحيل بلاغ الضباط لنيابة الجيزة للتحقيق

* عكاشة لزوجات الضباط: لو أيدي مسكتكم هعلقكم من رجليكم في التحرير .. لأن هذا وطن يا أغبياء النساء
* الضباط يتهمون عكاشة بالسب والقذف بعد قوله ” لم أر قله أدب زى قله أدبكم انتو قلالات الأدب”
* البلاغ : عكاشة اتهم الضباط الذين دعوا لتأسيس نقابة بالخسة والخيانة والنذالة وإنهم مأجورون
كتب – السيد سالمان:
أحال النائب العام، المستشار عبد المجيد محمود، البلاغ المقدم من الرائد أشرف البنا وزوجته والرائد أحمد الهتيمى وزوجته والنقيب باسم الشماع ممثلين عن النقابة العامة لضباط الشرطة ضد توفيق عكاشة صاحب قناة الفراعين ومُقدم برنامج “مصر اليوم” عليها، يتهمه بالسب والقذف لنيابة الجيزة الكلية.
وذكر مقدمو البلاغ، الذي حمل رقم4998، أنهم فوجئوا بعكاشة على قناته يسبهم وطالبوا باتخاذ الإجراءات القانونية ضده
ونقل البلاغ تفاصيل اتهامات عكاشة للضباط وزوجاتهم مشيرا إلى أن عكاشة قال في برنامجه: ” أنا عاوز أقول للضباط بتوع الشرطة اللي عاوزين يعملوا لي نقابة ولا ضباط الشرطة اللى بتقولك نعمل ائتلافات، عايز أقولهم البعده خلى عندكو دم و أدب أنا لم أرى قله أدب زى قله أدبكو.. والله أنا لم أر قله أدب زى قله أدبكم انتو قلالات الأدب، ظباط الشركة اللى عاوزين يعملوللى نقابة و لا يعملوللى ائتلافات عيب.. عيب ده الأصل بيقول ملقيش جارى أيده بتوجعه أقوم أضغط عليه ده الأصل بيقولك لما ألاقى أبويا معهوش فلوس مينفعش أضغط عليه.. (اللى انتوا بتعملوه ده قله أصل على طول)، أدى أول نقطة نروح بقه على ظباط الجيش بعض ضباط الجيش قلك دى احنا مرتباتنا قليلة أقولهم انتو معندكوش أصل برضو زيهم، احنا اتعلمنا كفلاحين أولاد أصول إن لما ألاقى أبويا و أمى تعبانين أقف جنبهم مش أضغط عليهم “.
ووجهه عكاشة كلامه إلى زوجات الضباط – طبقا لما ورد في البلاغ – قائلا: “للنسوان اللى مجوزين الضباط دول.. لأن هما السبب، خلى بالكم الستات اللى متجوزة الظباط اللى بطالب بفلوس و لا عاوزين يعملو نقابة انتوا السبب يا ستات ولو أيدى مسكتكم والله لعلقكم من رجليكم في ميدان التحرير ذاته.. لأن هذا وطن يا أغبياء.. يا أغبياء النساء.. هذا وطن ملك لنا.. ونحن جميعا شركاء فيه”.
وأضاف البلاغ نقلا عن عكاشة ” وعندما استشعر أن وطنى في حاجة إلي ما أروحش أقوله لا يا حبيبى ده انت تدينى الأول علشان أقف جنبك بقى أنا خسيس.. خسيس معندكيش كرامة ولا عندى أصل انما أنا مأجور.. مأجور ولابد أن يسقط عنى شرف إن أنا لابس بدلة عسكرية لأن البدلة العسكرية دى شرف لرجال الشرطة ولرجال القوات المسلحة.. اللى أنا أعرفه إن الشرف أصل الاصول.. يقولك ده فلان ابن أصول طب تعرف منين يقولك من تصرفاته، مينفعش أنا ألاقى حد محتجنى وأضغط عليه فين الأصل فين الشهامة فمن الرجولة.. مفيش”.
وتابع عكاشة – طبقا لنص البلاغ – : إذن هذه المجموعة هى مجموعة عديمة الأصل والله والله عديمة الأصل، طبعا هما دلوقتى قعدين بيقولولك ايه هما شيفينى قعدين بيقولولك إيه أصل ده بتاع المجلس العسكرى طب والله أنا قرفان من المجلس العسكرى أكتر منكو مليون مرة والله ما أنا طيقه يا أخى يلاه، والله والله والله يمين تالتة بالله أنا ما طايق المجلس العسكرى بس دى نقره و دى نقره أنا أكرهه وأحبه لنفسى إنما بلدى وطنى المؤامرات التى يتعرض لها وطنى تحتم على مهما كنت زعلان من المجلس العسكرى ومهما كنت عندى تحفظات شديدة على تصرفاته وادارته للبلاد وطنيتى تحتم على الوقوف بكل ما أوتيت من قوة وكل ما أملك خلف قواتى المسلحة وخلف قادة القوات المسلحة اللى هما بيقودوا البلاد في أصعب الظروف اللى احنا بنمر بيها دلوقتى.. هو ده اللى أنا أعرفه ده اللى أنا اتعلمته في بيتنا اتعلمته في بيتنا اتعلمته في البيت اللى شاف ظلم ماشفوش أى بنى آدم مبيفهمش زيكم ولا ربعه ولا خمسه ولاعشره ولا واحد في المية منه ومن الذي ظلمه.. كان ظباط الجيش بتوع عبد الناصر يعنى المفروض نطلع احنا بقه عندنا عقد نفسية، إنما الوضع إيه اننا مؤمنين ايمان راسخ إن أمن مصر في مؤسساتها التلاتة.. القوات المسلحة.. هيئة الشرطة.. رجال القضاء”.
وطالب البلاغ باتخاذ الإجراءات القانونية ضد عكاشة إعمالا لنص المادتين 302، 303من قانون العقوبات، و المادة 171 من ذات القانون والخاصتين بالسب والقذف