لا والف لا ..!!!

احنا كصحفيين خلقنا للاعتراض .. واتعلمنا ان اسهل شئ ف الدنيا هى كلمة لا .. !!

وللأسف ادمن البعض صحفيين وغير صحفيبن كلمة لا .. وبيحلوا لهم أنهم يرددوا كلمة لا بلا اى تفكير .. لا لاى استقرار او إنجاز ولو بسيط .. وللاسف اتعودنا على دة بمبرر الحريه والراى الاخر وديمقراطيه الفوضى الخلاقة ال زرعتها جوانا قوى الشر مستغلين جهل بعضنا من ارباع المتعلمين وانصاف المثقفين ومؤكد مستغلين كل المغرضين !!

وللاسف وصلنا لحالة اننا بقينا بنفرح وبنصدق وبنروج لاى سلبيات ومش بنشوف متعمدين اى ايجابيات .ّ!!

ومعلش بكتب بالعاميه وبقول لكل المعترضين اسالوا الناس ف العراق وسوريا وليبيا وغيرهم واسمعوا منهم معاناتهم الرهيبه ال مازالت مستمرة بكل اسف .!!

واى حد يقول فزاعه هقوله ممكن تكون فزاعه فعلا وانت صح .. بس جرب تتخيل نفسك مكانهم .. مكان الغلابه بالدول ال كانت أغنى وأفضل مننا الف مرة .. تخيل نفسك بسوريا او ليبيا أو العراق لا بيت ولا شغل ولا امان وانت واولادك بتهربوا من الموت ف الشوارع بسبب البلطجه وتجار الدم والدين للموت بالبحر او بالغربه والذل والعار والاهانه او بالامراض بكل انواعها ف الحر والبرد ..!!

تخيل ابنك او بنتك بيموت ادامك وانت عاجز انك تعمل حاجه او بيتم الاعتداء على زوجتك وامك واختك وانت لاحول لك ولا قوة !!!

بصراحه الفزاعه انك تقنع نفسك ان بديل السيسي والجيش المصرى العظيم كان افضل .. لان المخطط واضح لفاقد البصر وهو تقسيم بلادنا لدويلات اكبرهم فى حجم دويلة قطر .. يحكمها عملاء تابعين لقوى الشر ولنذهب جميعا الى الجحيم فلا مانع لديهم من قتل وتشريد عشرات الملايبن مننا ومن سيتبقى على قيد الحياه يكفى اغراضهم لاننا كعرب فى عيونهم حثالة بشر وخطر عليهم ولا نستحق امنا ولا استقرارا ولا وجودا .!!!

الفزاعه ان تقنع نفسك اننا بجهل معظمنا نستطيع القفز من حالة الفقر والجوع والمرض التى عشناها طويلا الى حالة الرفاهيه دون ان ندفع الثمن ..او ان نتحول فجأة الى شعب واع وفاهم وقادر على الانتخاب والاختيار الصحيح لمن يمثلة بمجلس النواب او النقابات او الهيئات او حتى بنادى رياضى ..!!

الفزاعه ان تتخيل ان ضمائرنا قد عادت فجأة لنمارس الدين الصحيح ونتوقف عن الفساد والرشوة والمحسوبيه والكسل والحقد والكراهيه وكل امراضنا الاجتماعيه ..

الفزاعه الا نعترف اننا بلد فقير ماديا وعلميا ودينيا وفكريا وثقافيا وصحيا بفعل فاعل على مدار سنوات طويله ..

الفزاعه ان تهرب من حقيقة ان مايفعلة السيسي حاليا هو اكبر تحد ممكن ان يقابله انسان على وجه الارض بلا اى مجامله او نفاق لانه يحارب كل هذة الامراض الموروثه داخليا ويواجه حربا قذرة وشرسه خارجيا ..

الفزاعه هى ان تقتنع وتقنع نفسك بجهل انه لا مؤامرة عليك انت واولادك واسرتك ووطنك لان اهم اسلحة المؤامرة عليك هو اقناعك انة لا مؤامرة ودفعك لترديد كلمة فزاعه وتشكيكك فى كل شئ لدرجة انك لاترى ولا تسمع الا ماهو اسود ومحبط فقط !!

واخيرا ورغم كل الصعاب المعيشيه الحاليه من حقك ومن حق الجميع ان يعترض ويرفض ويكرة وينقد ولكن الخوف كل الخوف ان ياتى يوما قد نندم جميعا على نعمة الاستقرار ووقتها ستكون انت اول الخاسرين !!!