القرار قرارك

النهارده عندك كل أسباب الفرحة والفخر ببلدك وحيشك
النهارده من حقك بعد كل العذاب والمعاناة تتطمن
وتحس انك حققت انجازات كثيرة مش ممكن
كانت تتحقق لولا صبرك وتعبك وعنادك واصرارك ان بلدك تكون أفضل.
حاول تتخلص من قلقك وشكوكك التي لا مبرر حقيقي لها
حاول تشوف الجوانب الايجابية من الصورة الرائعة أمامك ومن حولك
جيشك لا مستغل ولا دموي ولا انقلابي دي مجرد مصطلحات روج لها لهدم ثقتك بجيشك
والشرطة بتتفاني انها تصلح كل الصور السلبية عنها وكل عيوب أسلوبها القديم قبل يناير
قضاء بلدك حر ونزيه ومستقل وحتي لو كان التقاضي بطيء لكنه نزيه ولاتصدق من يشككونك في كل شيء لتحقيق مآربهم في هدم مؤسسات الدولة.
وفيه تقدم هائل في مستوي أداء لجنة الانتخابات.
كل السلبيات وكل النقائص الكل يسعي لاصلاحها وتفاديها في كل المؤسسات والقطاعات.
احلم وابدع وانتج وشارك في كل النجاحات.
شوف الجانب المليان من الكوب ولاحظ حماس الكل في انه يصلح
وانت كمان حاول تصلح.
النقد والشك والتشكيك والاحباط والهورب مش هيفيدك ولا هيفيد البلد.
الحرب الآن ليست حرب دول بل حرب عقول وحروب نفسية.
كن قوي النفس يقظ العقل وادراكك لكل شيء من حواليك ومساندتك لجيشك ولمؤسسات بلدك.
في توقيت صعب زي دلوقت معناه نهاية الحرب لصالحنا
معناه تغلبنا علي المؤامرة الكبري لتقسيم مصر
معناه اننا نعدي ونؤمن مستقبل ولادنا وأحفادنا ونصد عن كل العرب
كل ده ممكن يتحقق باصرارك وعزمك ووعيك ومساندتك لجيش بلدك.
كل ده في ايدك.
اوعي تتردد.