مفروسة أوي

رسالة وصلتني عبرال e.mail تتقول بالنص :
(انا اسمي ايمن ابو العلا من الهرم محافظة الجيزة كنت عاوز أسال حضرتك بخصوص الانتخابات اللي داخلين عليها إن شاء الله ازاي اعرف المرشحين اللي في منطقتي وهل ليهم برامج انتخابيه ولو ليهم ازاي اعرفها علشان اشوف اختار مين ياريت تفيديني بالرد) والحقيقة أول ما قرأت الرسالة غرقت في شبر مية زي مابيقول المثل الشعبي الدارج ، وأفتكرت أن الأنتخابات بكرة وأنا معرفش مين المرشحين اللي في دائرة مدينة نصر الأنتخابية (حيث أسكن )وهل لهم برامج ولا لا ؟ وفكرت أرد علي أيمن أقوله ياريت تدور علي حد يقول لنا إحنا الاتنين مين المرشحين وهل لهم برامج ولا لا ،ولو لهم نعرفها إزاي ومش مهم ننتخب المرة دي خلينا لما نعرف أحسن !