السيسي خلال جلسة »استراتيجية تطوير التعليم« :السنوات الأربع القادمة للتعليم والصحة والإصلاح الإداري

أكد الرئيس عبد الفتاح السيسي، أن الإصلاح عملية تقوم بها الحكومة والمجتمع في ظل وجود ثقة حقيقية متبادلة.
وقال السيسي خلال مشاركته في فعاليات الجلسة الثانية في مؤتمر الشباب السادس بعنوان » استراتيجية تطوير التعليم»‬ أمس »‬ طبعا الإصلاح عملية تقوم بها الحكومة والمجتمع من خلال عدة محاور، وأنا أتصور إنه لو كان هناك ثقة في أن المجتمع به قدرات للقيام بالإصلاح .. لابد أن يكون المجتمع مطمئنا ولا يشعر المواطنون بالخوف أو القلق .. محدش يقدر يقول أن القلق والخوف أمر طبيعي في الظروف اللي احنا بنتكلم فيها».
وأضاف أنه من سنين طويلة احنا ماشيين بشكل معين ونظام معين استقر في وجدان كل الأسر المصرية .. بنطلب إن أحنا نغير ونطور ،، فلو لم يكن هناك ثقة حقيقية بين المجتمع اللي هيتلقي ويتأثر بالإصلاح وبين القائم بالإصلاح هيبقي في مشكلة كبيرة».
وأكد الرئيس عبد الفتاح السيسي أن مصر تشهد ثورة جديدة في التعليم، ونجاح ذلك من خلال التضحية والتحمل والصبر حتي نستطيع أن نكون دولة تحقق آمال وأحلام أبنائنا، مطالباً الأسر المصرية بمساعدة الدولة علي نجاح هذا الإنجاز.
وأضاف» حكايتي مع دكتور طارق شوقي بقالها 3 سنين وكان أمين عام المجالس المتخصصة ولما قولتله تعالي رفض مش تهرب ولكن تحسب وكان عاوز يعمل إصلاح، لكن هل احنا مستعدين ندفع طريق الإصلاح، وطبعا احرجته علي الهواء »‬.
واستكمل: عملنا بنك المعرفة في يناير 2016، لكن بتكلم مع أسر معندهاش معرفة بحجم المعرفة اللي موجودة واللي جبناها من أعلي وأكفأ مؤسسات في العالم، وإحنا الوحيدين في العالم اللي عملنا بنك معرفة وتمت اتاحتها لكل حامل موبيل مصري، وفي دول أكثر مننا وقدرتها الاقتصادية أكبر اشادت بالفكرة وطلبت تدخل معانا في الفكرة».
وقال »‬ إحنا شغالين في المنظومة بقالنا كتير وشوفنا كل المناهج والأفكار والاساليب اللي ممكن نعمل بيها اصلاح التعليم ونعمل المنظومة، واحنا مش هننجح إلا بكم، وبدل ما تعملوا ممانعة للرفض اعملوا دعم للتوفيق والنجاح».
وأوضح »‬ الاصلاح الاقتصادي لو انتم رفضتوه مش هيكمل.. انتو اللي هتتحملوا النجاح والفشل، ورجائي ونصيحتي شرح المنظومة ودور الاعلام لاننا عاوزين انسان مثقف مرن متعلم ومحب وده دور المجتمع والقائمين علي العملية الاجتماعية »‬.
وقال الرئيس السيسي »‬ الأربع سنوات الجاية للتعليم والصحة والاصلاح الإداري، وتخيلوا معايا لو عاوز ازود المدرس ألف جنيه علي مرتبه هبقي عاوز 15 مليار جنيه سنوياً، هل الناس تتقبل انها تستحمل علشان نزود الزيادة دي، وكله هيبقي عايز زيادة »‬.
وأضاف »‬ المدن الجديدة والمشروعات اللي الناس بتقول اننا بنعملها بفلوس انا عاوز اقولكم ان الحكومة مخدتش من الدولة جنيه في تنفيذ حاجة وكمان جابت فلوس لانها أفكار بتتنفذ.