»الشعب والمارينز ايد واحدة«

المصريون يسخرون من يوم الغضب الأمريكي فلول الحزب الديمقراطي »هيعملوا موقعة الخنازير«

تحذير لأوباما : "الأصابع المصرية الخفية تعبث بالامن القومي الأمريكي".. "الأمريكان هيعملوا ثورة يا ردالة". جاءت هذه التعليقات الساخرة كأول رد فعل من الشباب المصر ي تجاه الدعوة التي وجهها عدد من النشطاء الامريكيين علي موقع التواصل الاجتماعي " تويتر" ليوم الغضب الأمريكي يوم 17 سبتمبر القادم لاستعادة الديموقراطية . وحملت الدعوة العديد من الشعارات لتحفيز الشباب الأمريكي علي المشاركة. وأبرزها " فليبدأ يوم الغضب " الشعب مش مبسوط" " اعتصامنا في وول ستريت" " هات خيمتك معاك"
وكعادة المصريين تنافسوا علي تبادل التعليقات الساخرة علي " الفيس بوك " و" تويتر " ردا علي دعوة الأمريكان . فتضمنت ردود المصريين " ثورتنا الأصل والباقي تألييد" " احنا عايزين ندرب الأمريكان علي سرقة الدبابات وكشري التحرير و الخمسين جنيه المكرمشة " .. " يا تري هانشوف صفحة احنا آسفين يا أوباما ".. " بلاش يوم 17 ده يوم نحس وافتكروا ليبيا.. خليها يوم 25 أحسن"
عندنا الفلول عملوا موقعة الجمل.. أكيد عندهم هيعملوا موقعة البيتش بجي« وتعليق آخر يحذر نداء للأمريكان احترسوا موقعة الخنازير قادمة تحت رعاية بلطجية الكونجرس" وجاء آخر التعليقات " كده بقي أجندة خارجية خالص من كوكب المريخ" .. " حضر نفسك يا أوباما انت وهيلاري الطوفان قادم " بريطانيا وبعديها أمريكا " نقفل القوس ولا لسه في حد تاني ".