حوار ساخن مع.. صديق إخواني

د. الشوادفى منصور شريف
دق جرس الهاتف .. وجدت اخي وصديقي وكيل الكلية سابقا هناك واجب عزاء لشقيق عمدة ساحل الجوابر وبن عم الوزير المحترم عبد الهادي راضي وزير الري والموارد المائية رحمه الله واخونا الاكبر د. سمير راضي.. بمركز الشهداء بلد العارف بالله سيدي شبل رضي الله عنه وارضاه بن عم رسول الله (ص) .
فقلت له: علي الرحب والسعد ...الواجب واجب ؛ ولكن هل تسمح ان يصحبنا بسيارتك صديقنا الكادر الاخواني الكبير. يشرف علي الرحب والسعد . فانتفضت زوجتي هو لسه ما اتقبضش عليه ؛فين من شهرين وانت بتقول انه مجهز شنطة هدومه خلف الباب مستعدا ربنا يستر وما يتبقضش عليكم الليلة .. فال الله ولا فالك . وما ان ركبنا السيارة وبدون اية مقدمات قالاخي وكيل الكلية منفعلا علي زميلنا الاخواني عاجبك اللي بيحصل في جامعة الازهر من طلاب الاخوان البلطجية .حرام عليكم دي مؤسسات بنيناها من عرقنا وأقوات الغلاب..دول طلبة علم دول يعتدوا علي اساتذتهم وزملائهم ويحرقون كلية التجارة ليمنعوا عقد الامتحانات دول مجرمين .... بهدوء رد صديقنا الاخواني انهم ليسوا اخوانا انهم بلطجية مندسون علي الاخوان ورد زميلنا وا شارات رابعة التي يحملونها...!؛ ده شغل الامن أليست دماء الطلبة حرام يا إخواننا؟! فقلت له احنا مش اخوانك احنا اصدقائك لو سمحت ..ورد صديقي منفعلا ودماء رجال الشرطة في المنصورة مش حرام ؛ ده اسلام ده .. ده الارهاب بعينه يا مفتريين ....؛لقد تم ادانته من حزب الحرية والعدالة وبشدة والدكتور الشوادفي عارف كده احلفلك بإيه ، فرد صديقي : قالوا للحرامي احلف ؛ قال جالك الفرج ...فاجبت اعرف منين انا ما سمعتش. ....؛ يا راجل يا مفتري ياللي حولت زملاءك من الاساتذة في الجامعة لبلطجية في مٌقالاتك بالاخبار واتهمتهم ظلما وبهتانا انهم اعتدوا علي مكتب رئيس الجامعة وكسروه ؛ وكنت قاسيا عليهم علشان رئيس الجامعة صديقك؛ فقلت وصديقكم كمان ؛ألست من قلت بلسانك وزميلنا المشترك خير شاهد في الكنترول العام الماضي ان الاخوان يدعمونه في انتخابات رئاسة الجامعة ..غلطنا يا سيدي ؛ لكن يوقف زمايله عن العمل ويحولهم لمجالس التأديب رغم اعتداء الموظفين بالضرب وتزيد الطين بلة وتحول المعتدي الي ضحية ..فقلت له يا عم ..المؤامرة علي مصر كبيرة ؛ وتنظيمكم العالمي بيمول بسخاء ؛أليس فيكم رجل رشيد؟! الناس بتوعكم البعض منهم اتجنن ؛ اللي يقولك.... يوسف هايخرج من السجن ليرسي العدل في مصر ...؛وأحد زملائك بالتنظيم يقوللي في مكتبي ان مرسي احسن رئيس جه في تاريخ مصر ....بعد محمد رسول الله ؛فقلت له اتق الله يا رجل ....امال الخلفاء الراشدين راحوا فين وعمرو بن العاص ومحمد علي وعبد الناصر والسادات راحو فين ...بلاش يا سيدي حسني مبارك ...فرد علي منفعلا هذا ليس اخوانيا ؛ ده راجل علي كل لون يا باتستا رجل كل العصور .مش ده ايام مبارك كان بيقول قريبي ؛ ولما اتخلع تنصل من قرابته وتحول، مش ده اللي قال علي رئيس الجامعة انه من حسن الطالع ان مولد الرسول جاء في يوم مولدك ...فرد زميلنا وكيل الكلية .دول الاساتذة اللي اسقطوا الجامعات ورجعونا للخلف مئات السنين .هؤلاء المتحولون ؛ فرد الاخواني: ما تقلقش غدا ياسيدي ها يبقيcc .
ولكني حقيقة لي عتاب شديد عليك ونحن نحترم آراءك وكتاباتك وانا أقرأ مقالاتك من زمان حتي لما كنت في السجن من سنوات ؛ وكنت أقول للدكتور بديع... الشوادفي ده قريبي من الشرقية .فقلت :ودينا في داهية بقي؛ لها حق زوجتي حينما قالت ربنا يستر وما تباتوش في السجن الليلة .... رجائي خف شوية علي الاخوان ؛فقلت ما انا خفيت جدا جدا بدليل انك عمرك ما ركبت سيارتي وركبتها الليلة .. .ولانك رجل عاقل ووطني وانا اثق في حبك لمصر وغيرتك عليها والدليل ...ما حدش قرب منك؛ لإدانتك للعنف والخارجين علي القانون وانت اول من انتقدت زملاءك الذين اعتدوا علي مكتب رئيس الجامعة .فقال يعني مش ها تقول علي ارهابي ؛ فقلت حاشا لله ..فدمعت عيناه....فقلت له اقرأ الفاتحة لسيدي شبل وللسائق اكرمنا ب 4 عصير قصب من الراجل بتاع العصير ده؛ وماهي الا دقائق ووصلنا لسرادق العزاء لأداء الواجب ....الله يسامحك ياللي في بالي خليت صديقي.ارهابي.
....