مفروسة أوي

ظروف شخصية اضطرتني لأخد اجازة لمدة أسبوع من العمل،ولكني فوجئت يوم الخميس الماضي بسيل من الاتصالات التليفونية من صديقاتي ومعارفي ،كانت كل المكالمات تدور في فلك واحد خير ؟.. مالك..؟ عاملة إيه ؟ أنت تعبانة ولا حاجة ؟ أه من الأنفلونزا وعمايلها !حتي أصبحت مثل جهاز الأنسر ماشين اول مايرن جرس التليفون أكرر الكلام بلا توقف : أنا كويسة والحمد لله وربنا يجعل كلامنا خفيف علي الأنفلونزا ، وأنا مش عاملة حاجة أنا مرهقة وبستريح شوية ،ورغم الرد الجاهز إلا أنني كنت مندهشة جدا، حتي همس أحمد أصغر أولادي في إذني قائلا : علي فكرة إحنا عملنا صفحة علي الفيس بوك اسمها فوائد ومصايب اجازة ماما.. قلت : والتفاصيل ؟ قالي أفتحي النت وشوفي ،قلت :أنت وأخواتك بس ولا فيه حد تاني وزكم تعملوا كده ؟قالي أنت وذكائك بقي ياحاجة !