صباح جديد

عشنا وشفنا اليوم ، اللي كل من هب ودب فيه شايل سلاح من كل صنف ولون ، اللي معاه مسدس واللي شايل خرطوش دا غير الآلي وطبعا المولوتوف والشماريخ لزوم التسالي، إلا الشرطة ملطشة للبلطجية علشان كده البلد سابت ع الآخر، ولسه وزير الداخلية بيفكر في تسليح قوات الشرطة اللي بتحرس مؤسسات الدولة ، ليه هما مش مسلحين ولا بيقفوا منظر وخيال مآته، ولا وزارة الداخلية نيتها كويسة وقصدها انهم اتسلحوا ولا ما اتسلحوش مش حيمنعوا القدر لأن المكتوب علي الجبين لازم تشوفه العين.. جبتك يا عبد المعين تعيني لاقيتك يا عبد المعين مش مسلح!