إحم إحم!

عتريس: الدهاشنة كلاتها لازم تلبس طرح.. جايين يعملوا رجالة علي الكبير ويعزلوه.. صبرك عليا يابلد.. شيء من الخوف مايضرش يافؤادة.
فؤادة: مش ده عتريس إللي حبيته.. عتريس إللي كان وهو صغيرعامل زي البت المستحية إللي بتلبس بلوفر صيف شتا وكان في المولد يجيبلي عروسة ويقعد مع صاحبه عوكشة يزغطوا الحمام والوز .
عتريس: فاكرة يافؤادة الطيارة الورق بتاعتنا وأقولك عايز أبقي طياروانتي تقوليلي عاملي فيها عباس بن فرناس.. ألا مين فرناس ده يابت؟
فؤادة: ابقي ادخل علي جوجل واعرف لكن المهم دلوقتي ترحم الدهاشنة وتخلع.
عتريس: إنتي كل ماتكوني جعانة تعمليلي الفيلم المكسيكي ده.. حطي البونبوناية دي في بقك واخرسي .. إنتي مو إنتي وإنتي جعانة!