تعليقا على تصريحات ابو اسماعيل ..عبد الرحمن يوسف: سنحيا لئاما ..بلال فضل:يضيف كل يوم لكراماته

علق الكاتب بلال فضل على حديث الشيخ حازم صلاح أبو اسماعيل مع الإعلامي يسرى فودة في برنامج "أخر كلام" الذي أذيع مساء أمس الاثنين علي قناة "اون تي في" قائلا: "حازم أبو إسماعيل يضيف كل يوم إلى كراماته، فهو أول شخص في العالم نكتشف بسببه أن دخول استوديوهات التلفزيون يعالج الإنسان من الانزلاق الغضروفي"وأضاف" " وطبعا من علامات الحياة كراما إن أنا أخبي إن حساب الفيس بوك مش بتاعي لغاية ماتحصل كارثة ساعتها بس هأقول إنه مش بتاعي وألبسها لشباب غيري.. برافو".وتساءل فضل: " أموت وأفهم جاي لك نفس تضحك إزاي بس.. يخرب بيت كده.. لا صعب.. أنا راجل صاحب مرض ومش هأقدر أكمل.. يارب الناس تفهم الكراسي ممكن تعمل إيه في الناس؟".وأوضح الكاتب الساخر " ناقص يقول ليسري: وإيه رأيك إن أنا اتفاجئت بموضوع حازمون ده وماكنتش فاهم هما قصدهم إيه؟ ياراجل طب والنبي عشان أمشي قول تعزية اعتذار"وختم فضل قائلا: "آخر كلمة هأقولها تاني في موضوع حازم: لو راجل صادق فعلا يرفع قضية على نيويورك تايمز ويكسب مية مليون دولار وأنا مستعد أساعده والله العظيم".أما الشاعر عبد الرحمن يوسف فاكتفى بالتعليق قائلا: "سنحيا لئاما".بينما الفنان نبيل الحلفاوى قال: "أنا ملتزم باحترام الجميع.. وعدم تجريح أحد.. لكن أبو إسماعيل بيضغط بشدة.. بيتحدى قدرتي على الالتزام بنهجي على تويتر..وامرسااااه..وامرساااه.