ملفات خاصة

عبد اللطيف المناوي:دكتور يوسف بطرس غالي وزير المالية استطلاع الراي اللي اجري وعرضت نتائجه اليوم الى اي مدى بيعتبر احد القواعد اللي بتعتمد عليها في تحديد السياسة المالية ؟
د/يوسف بطرس غالي وزير المالية: لا دا واحد من القواعد الاساسية يعني احنا بنحط اطارعام بنحدد فيه الاولويات والسياسات وكيفية صياغتها وغيرها لكن في النهاية الحكم الاخير هو راي المواطن ممكن انا اكون متجه في سياسة معينة ما تهموش وبالتالي لو لقيت رد الفعل انه مش مهتم بيها ما بخشش فيها بنفس الثقة في سياسات اخرى قد اكون انا مش شايفها اومش شايف انهال بالاهمية هو بيقولي عليها لما بلاقي فيه اهتمام باولوية معينة انا مش مهتم بيها بقوم مغير السياسة
عبد اللطيف المناوي: طب اذا طبقتنا القاعدة دي على نتائج استطلاع النهارده ايه هو ما ترى انه يحتاج الى تغيير وما يحتاج تاكيد
د/يوسف بطرس غالي: تغيير لا اللي بيحتاج الى تاكيد هو ان انا اكمل في الفترة القادمة على محورين اساسين رفع مستوى معيشة المواطن بان انا اديله اطار معيشي افضل معندوش صرف صحي ادخل صرف صحي معندوش مسكن ملائم اديله مسكن ملائم معندوش ميه اديله ميه احط له بيئة ملائمة بحيث ان مستوى معيشته برغم انيمش هديله فلوس في ايده ولكن حياته اليومية تكون اسهل النقل المواصلات النقطة التانية ان انااركزعلى التشغيل، التشغيل قضية مهمة وقضية اثارها تدوم يعني اللي بيشتغل بيجيله دخل سنة بعد سنة بعد سنة كل دا بهدف اني انقل الاسرة المصرية بعيد عن خط الفقرلانه تمركزالاسرالمصرية حتى لو كان فوق خط الفقرقريبة منه أي اهتزازفي الاسعار بينزلها تحت وبالتالي بيخلي استطلاعات الراي غير مستقرة لان لو حصل في الفترة اللي انا بستطلع فيها الراي الاسعار زادت فجاة هتلاقي كل الردود سلبية وبالتالي لو قدرت ابعد الناس عن خط الفقر عن منطقة الفقر كل ماكان دا اكثر استقرار للاسرة المصرية واكثر استيعابا للمواطن للسياسات والاجراءات اللي بتتاخد
عبد اللطيف المناوي:احد التعبيرات اللي استخدمت عدة مرات هي اعادة توزيع الدخل اظن ان احنا محتاجين تعريف كيف تفهمون انتم مسالة اعادة توزيع الدخل وكيف ستقومون باعادة هذا التوزيع ؟
د/يوسف بطرس غالي: في النهاية أي سياسة واي اصلاح انا بموله ةمن الضرايب الموازنة العامة ما بتخلقش فلوس فكلا ماقدرت اركز ان اجيب من القادر واركز اللي انا بصرفه على الغير قادر دا اعادة توزيع دخل حتى لو ما اديتوش فلوس ف ايده
فاصل
عبد اللطيف المناوي: مهندس احمد المغربي وزير الاسكان اذا طلبت منك انطباعاتك الاساسية عن النتائج اللي ظهرت في استطلاع النهارده الى أي مدى كانت بتتوافق مع توقعاتك في الاول ومع مخطط الدولة في الخدمات المقدمة للمواطنين ؟
م/احمد المغربي-وزير الاسكان والمرافق والتنمية العمرانية: الحقيقة معظم المخرجات من هذا الاستطلاع بتؤكد اللي بنيت على اساسه السياسات اللي اتبعها الحزب كان واضح على سبيل المثال ان اكثر من 70% من الناخبين بيقولوا ان توجيه اصواتهم في الانتخابات هيعتمد على الخدمات دا كان واضح جدا بالنسبة للحزب الوطني في ال5 سنين اللي فاتوا ودا اللي نتج عنها المشروعات الكبيرة زي مياه الشرب والصرف الصحي فيه اكثر من 50 مليار جنيه صرفت في هذا المجال دا اتت اكلها على مستوى الشارع ودا بينعكس في نظرة المواطن لمستقبله ومستقبل البلد نفس الشئ بينطبق على ال1800 وحدة صحية في القرى عدد الفصول اللي اضيفت في البطاقات وتعديل في قانون الضمان الاجتماعي ودي واحدة من المخرجات اللي ظهرتا في استفتاء الالف قرية كان واضح ان فيه فئات مستحقة ولم تكن تاخذ دا تم توسيعه كل هذا اللي استمر وانتهى بالتعديلات التشريعى الاخيرة واللي انتهى بقانون التضامن الاجتماعي الحقيقة بيفسر بشكل كبيرمستوى الرضا اللي قد يزعج بعض الناس اللي هي عايزة تعطي الصورة ان كل شئ في البلد قاتم ان كل شئ في البلد يحتاج الى اصلاح..لا.. الشارع بيقول غير الفضائيات ما بتقول
عبد اللطيف المناوي: على اساس هذا الاستطلاع هل لديكم خطة للتغيير ؟
م/احمد المغربي : اعتقد فيه حاجتين ظهروا في الاستطلاع دا ان مع التحسن في الخدمات مثل المياه والصرف وان نحرك موارد اكثر بالنسبة للصرف الصحي والصحة والتعليم الاستطلاع بيقولنا وجهوا سياستكم الى هذه الامور
فاصل
عبد اللطيف المناوي: دكتور محمود محي الدين اذا سالتك الى أي مدى بتتوافق مع نتائج الاستطلاع مع عملك الميداني ؟
د/محمود محي الدين –وزير الاستثمار: بالنسبة للمؤشرات الخاصة بالبطالة والتضخم النتائج جايه متوافقة فيه فروق بسيطة انما بتخلي الواحد متطمن لباقي النتايج
عبد اللطيف المناوي: هل بتعتقد ان الحكومة في مخططاتها او في تحركها في المرحلة الماضية بتتوافق الى حد كبير مع تطلعات الناس مع هذه الحكومة وفقا لما هو موجود من الراي فس الاستطلاع؟
د/محمود محي الدين : ماتم على ارض والواقع زائد مجموعة الاجراءات رغم انها مش بس بتتعامل مع تحديات اقتصادية بعضها موجود من فترة وانما مع متطلبات تستلزمها مرحلة جديدة بالعكس انا ارى ان النتايج بتؤكد على ما تم اعداده للدخول بيه الى مجلس الشعب
عبد اللطيف المناوي: ثنائية ارتفاع الاسعار ونسبة البطالة كيف تقرا انت هذه الثنائية واضح انها مسيطرة تماما على المستطلع اراؤهم في هذا الموضوع ؟
د/محمود محي الدين : لو انت بتقارن في فترة سابقة شوية 2002 كانت معدلات البطالة اعلى ومعدلات التضخم ايضا اعلى دلوقت معدلات البطالة اقل ومعدلات التضخم اقل لكن فترة الازمة فترة ارتفاع الاسعار مع الازمة العالمية لكن دلوقت مشكلة التضخم قلت لكن مشكلة البطالة بسبب زيادة السكان حتى لو انت نجحت في تشغيل اعداد كبيرة من الشباب والخريجين على مدار الفترة الماضية ولكن هناك زيادة بتتدفق الى سوق العمل من الخريجين سنويا
عبد اللطيف المناوي: وفقا لنتائج الاستطلاع هل اكتشفت بان هناك اولويات انتم في حاجة الى اعادة النظر فيها ؟
د/محمود محي الدين : هو مع ارتفاع معدلات النمو وتوقعنا ان في حدود 5,2 % دا بيخلي الحكومة تركز على عدة ابعاد البعد الاول هو البعد الاقليمي انك بعد تدفق الاستثمارات انت محتاج لانك توجه التدفق دا لارياف الدلتا والصعيد والبنية الاسايية اللي اتطورت زي الطرق والمطارات والغاز الطبيعي دا بيساعد على زيادة الاستثمارات البعد التاني هو البعد القطاعي زي قطاع معين الاسكان والتنمية العمرانية وقطاع الاتصالات ولكن انت محتاج لان تدفع بمعدلات النمو البعد التالت هو التفاوت ما بين المراة والرجل لسه فيه سوق العمل خاصة مع دور اكبر للقطاع الخاص في التشغيل
فاصل
عبد اللطيف المناوي: دكتورة اذا ما سالتك عن طبيعة العينة الى أي مدى يمكن ل2400 اسرة يمكن ان تكون عينة ممثلة بالفعل للمواطن المصري؟
د/عالية المهدي-عضو المجلس الاعلى للسياسات بالحزب الوطني الديموقراطي: هي عينة ممثلة تم تصميمها بواسطة حد من الخبراء المتخصصين في تصميم العينات احنا كنا طالبين انها تكون ممثلة لمصر والاقاليم الثلاثة في مصر الوجه البحري والوجه القبلي والمحافظات الحضرية اللي هي بتشمل القاهرة والاسكندرية وبورسعيد
عبد اللطيف المناوي: تفسيرك ايه للتناقض اللي حادث لنتيجة الاستطلاع اللي بتبدي قدر من الرضا النسبي وقدر منن التفاؤل عن الحالة العامة الموجودة في الشارع وتظهر في وسائل الاعلام المختلفة وتعطي انطباعات سلبية مغايرة للنتائج
د/عالية المهدي : طبيعي ان كثير من البرامج تروج لنفسها لااكتر لما تركز على السلبيات لان دا العادي انا في تصوري ان دا نوع من ال ELETE اللي هما الصفوة او النخبة لما بنبص للرجل العادي المشاكل بتاعته والهمةوم بتاعته مختلفة عن القضايا اللي بتبقى مطروحة على الفضائيات احنا ما استهدفناش النخبة واخترنا الرجل العادي والنتايج اللي جت نتايج ملتصقة بالنتايج اللي قبل كده
عبد اللطيف المناوي: ايه اكتر النتايج اللي ماكنتيش تتوقعيها ؟
د/عالية المهدي : قضيةالتعليم اللي كلنا بنشتكي منها كنا بنقول لابد ممن تطوير التعليم
عبد اللطيف المناوي: تفسيرك لدا ايه؟
د/عالية المهدي : معرفش هي مسالة نسبية لو الاسرة محدودة الدخل وومش قادرة تودي ولادها مدرسة تانية خلاص هي بتبقى راضية بحالها
عبد اللطيف المناوي: التعبير عن حالة رضا عامة ؟
د/عالية المهدي : يعني هما مش هيقدروا يعملوا اكتر مكن كده لكن دا تنعبير عن حالة نسبية ودي ممكن يكون المواطن العادي اللي عنده هموم كتيرة راضي بيها لكن مش ممكن تكون واحد من النخبة اللي حاسس ان احنا المفروض نكون احسن من كده كتير
عبد اللطيف المناوي: في اعتقادك الاستطلاع بيعبر بالفعل عن حالة المواطن المصري والحالة الموجودة في الشارع المصري؟
د/عالية المهدي : انا تصوري كده
فاصل
عبد اللطيف المناوي: دكتور محمد كمال النتايج اللي ظهرت الناردة اظهرت قدر من الرضا عن اداء الحزب الوطني وقد يكون هذا متناقض مع بعض ما تحاول جهات اخرى تصديره الى أي قدر بتعتقد ان هذا تعبير بالفعل عن اراء الناس؟
د/محمد كمال-امين التدريب والتثقيف بالحزب الوطني الديموقراطي: اعتقد اولا ان العينة ممثلة للمجتمع هي ريف وحصضر فيها متعلم وغير متعلم وبالتالي هي تمثل انعكاس عن الفئا ككل يعني لما سالنا في الثقة في الحزب الوطكنيب كانت 50% ودي كانت نسبة معقولة وبتعكس التطور في الحزب وانه حزب متواجد وفي حالة تفاعل مع لناخبين وفيه مجموعة من الخدمات اللي قدمها مثل القوافل الطبية في نسبة واقعية
عبد اللطيف المناوي: هل تعتقد ان هذه النسبة مطمئنة والحزب على ابواب انتخابات؟
د/محمد كمال :لا الحقيقة الامنتخابات محتاجة الى جهد دائم ومستمر وهذا الاستطلاع ان الناخب بيهتم بالخدمات دا هيدينا توجيه ان برنامج الحزب يهتم بالخدمات وهتبقى التزامات على حكومة الحزب اذا اخذ الاغلبية
عبد اللطيف المناوي: من اللافت للنظران قضايا السكان والتعليم شغل مرحلة متراجعة في اهتمامات المواطنين بالمقارنة بالاسعار اين المشكلة؟
د/محمد كمال انا اعتقد ان المواطن بيضع اولويات فالاسعار والتشغيل احتلت مرتبة متقدمة جاء بعد كده التعليم والصحة ولكن فيه حالة رضا عن بعض الخدمات مثل مياه الشرب والصرف الصحي
فاصل
الاستاذ جمال مبارك الامين العام المساعد للحزب الوطني الى أي مدى بيستفيد من هذه الاستطلاعات ؟
جمال مبارك-الامين العام المساعد وامين السياسات بالحزب الوطني: مفيش شك ان دا عنصر مهم لوضع السياسات العامة لكل حزب مش بس الحزب الوطني ، الحزب من خلال كوادره كمتصل بالجماهير متصل بالقواعد الجماهيرية يعني في هذه الايام على سبيل المثال عندنا نقاش مفتوح ومتواصل ومستمرواحنا بنتستعد لتحديد اولويات مجلس الشعب القادمة واستطلاعات الراي معبرة عن راي المواطنين في القضايا ويمكن هذا التليد مش وليد هذا العام احنا يمكن من حوالي 7 سنين سواء في عام انتخابي او غير عام انتخابي لدينا استطلاعات راي او بنكلف مجموعات متخصصة عشان تجحري استطلاعات راي عشان تضيف لنا وتساعدنا في تحديد الاولويات خاصة ان احنا متواجدين في انتخابات الشعب
عبد اللطيف المناوي: الاشياء الموجودة في هذا الاستطلاع هل بتعطيكم ان انتم على الطريق الصحيح ام تبرز تعديل بعض السياسات الخاصة ؟
جمال مبارك:احنا لاالنهارده كان النقاش الاول ان الهدف مش ان احنا نقرا ارقام لكن نحلل ودا اللي بيقوم بيه لجنة السياسات عندنا لكن فيه بعض الارقام ما اعتقدش انها كانت مفاجاة على سبيل المثال التحسن الملحوظ في ريف مصر في الخدمات المقدمة لمواطنين على سبيل المثال الميةوالصرف الصحي في كثير من لقاءاتنا اليومية بننزل نقعد مع قياداتانتا و حتى مع هالي هذه القرى فيه مشاكل طبعا وشكاوى كتيرة ولكن الجميع بيلمس التحسن الي حصل في مثل هذه الخدمات ودا اللي اكده النهخاردة استطلاع الراي امية وتالصرف الصحي نفس الخدمتين دول برضه الوحدات الصحية في الريف فيه عدد من هذه الوحدات جرى فيها تطوير في برنامج واضح المعالم في وحدات محددة كل عام برضه وضح ان فيه احساس قد يتفاوت من مكان لاخرانه النهارده فيه وحدة صحية اكثرتطويرا مما مضى برضه فيه نقطة اثارت انتباهنا جميعا فيما يخص الصحة بشكل عام فيه ما يقترب من 55 الى 60% للحصول على العلاج ودا كنتيجة مباشرة لسياسة التوسع في المستشفيات ومراكز الورام او مستشفيات الصحة
عبد اللطيف المناوي: بالمقارنة الارقام دي بالارقام السابقة بتعطي ان فيه حالة من حالات التطور الحاصل بالفعل في المناطق ؟
جمال مبارك طبعا مفيش شك كل ما بترجع لمدى زمني اكبر من 2003 مثلا وتقيس مؤشرات مختلفة زي ما بتقول ما بتقفش عند رقم واحد او مؤشر بلاشك انه على مدار الفترة الزمنية الماضية وتحديدا من 2005 فيه تقدم ملحوظ في مؤشرات عديدة احنا حاولنا النهارده في العرض نركز نقاشنا على 2008 الى 2010 اللي هي الفترة بتاعة الازمة المالية اللي هي مفيش شك القت بظلالها علينا ايضا طبعا بشكل اقل كثيرا من دول كثيرة لكن بمعدلات النمو انخفضت على المنحنى اللي كانت ماشية فيه قبل الازمة وبالتالي معدلات خلق فرص العمل كنا متوقعين انها تسيربمعدلات اعلى في السنتين الي فاتوا القضايا الخاصة اللي ايضا الازمة المالية القت بظلالها علينا ايضا الاسعار وخاصة اسعارالغذاء بيحاول
عبد اللطيف المناوي: حالة الرضا او الانطباع اللي كنا خارجين بيه النهارده بعد سماع الاستطلاع هناك الة من حالات الرضا النسبي لدى المواطنين المصريين لماذا يعتقد البعض بان هذه الحالة من حلات الرضا بتتناقض مع ما يتم تصديره كل يوم في الشارع المصري من خلال وسائل الاعلام المختلفة بان هناك حالة من حالات الاستياء
جمال مبارك لازم الواحد لما ييجي يحل الاولويات يعتمد على حاجات مختلفة طبعا الاعلام عنصر مهم يشكل الراي العام واحنا كحزب سياسي بنكون متواجدين بالفعل اتصالنا بالقواعد الحزبية اللي موجودة من خلال قياداتنا من خلال نوابنا هي ايضا بشكل مستمر طول السنة لما نضيف عليها استطلاع الراي بتوضح بعض الامور تزيل بعض اللبس اللي موجود عند البعض ولكن توضح لنا الصورة زي ماهي زي ما الناس شايفاه ودا اتاكد في اكتر من سؤال وفي اكتر من محور الخدمات العامة ، لما تيجي مثلا نشوف هل السياسات العامة بتسير في الاتجاه الصحيح ولا لا لما نشوف الاسر الفقيرة او سكانا في وجه قبلي لما نشوف العناصر دول ولاموضوع الخاص باصحاب المعاشات الحزب بقاله 3 سنين بيدرس تعديل جذري في قانون النمعاشات والتامينات اللي فعلا اقر في الدورة الماضية واللي بسببه فيه زيادة كبيرة وكبيرة لاكتر من 3 مليون صاحب معاش الموضوع التانمي وجه قبلي واعتقد انه ظاهعر للعيان الاهتمام المكثف بتوجيه استثمارات كبيرة تحديدا في وجه قبلي واللي ظهر ايضا لما بنتكلم عن محاربة الفقر بشكل عام ولما بنتكلم تحديدا عن الموضوع الخاص باستهداف القرى الفقيرة النسبة الاكبر الموجودة في وجه قبلي وبالتالي الاستثمارات في هذا البرنامج بترةوح في وجه قبلي فلما تسالني في ال3 حاجات دول دا بيدينا قنناعة لكن فيهى ناس لسه عندها شكوى طيب اذا كنا خدنا هذه الخطوات ايه اللي هنبني عليه ونعظم ونسرع من محاولة هذه الفئات مش فقط ان انا احميها من الفقر ودا واجب علينا اننا نعمله
عبد اللطيف المناوي: البرنامج الانتخابي اوبرنامج الحزب في المرحلة المقبلة الى أي مدى هو استكمال لبرنامج الخالي والى أي مدى يكون فيه شكل من اشكال الاختلاف مع البرنامج؟
جمال مبارك طبعا انا مش عايزاقفز استنتاجات لان احنا في مرحلة حوار هنرفعها للامانة العامة ثم المكتي السيياسي لكن واضح لنا جميعا من 2005 الى اليوم فيه حجم كبير من الانجاز في شتى المجالات وواضح ايضا ان النمو الاقتصادي وما ترتب عليه من خلق فرص وزيادة في الدخول نعم لم تستفد كل الفئات لكن المدن الصناعية للكثافة الصناعية فيها استفادوا بشكل اكبرعن وجه قبلي وبالتالي فيه بعض القضايا استمرار معدل النمو بما يعنيه من فرص عمل دا التحدي الاساسي
عبد اللطيف المناوي: مسالة الاسعار والتشغيل والبطالة من المسائل اللي بيشغلوا بال المواطن ايه ملامح السياسة الخاصة بيك لتعامل مع موضوع البطالة ؟
جمال مبارك هضرب مثال اخر الاصلاح الاقتصادي اللي كثفنا العمل فيه مع بداية البرنامج الانتخابي عام 2005 اعتمد على تطوزير دور الدولة وازالة المعوقات امام الاستثمار عشان افتح الباب واشجع الاستثمرا عشان الانتاج والنمو وفرص العمل ومفيش شك في ان الهدف هو خلق فرص عمل عمرنا ماقلنا ان احنا هنقضي على مشكلة البطالة في خمس او ست سنين قلنا لو نجعل الاقتصاد المصري يوفر ما يقترب من 4.5 مليون فرصة عمل في 6 سنين اعتقد ان يد يهتبقى طفرة كبيرة نبني عليها المستقبل المؤشرات الى اليوةم ال5 سنسن اللي فاتوا 3.7مليون فرصة عمل واحد يقولي مش كفاية نحن نعلم انه مش كفاية احنا محتاجين نواصل ونعظم هذا الموضوع طبعا قابلتنا المشكلة بتاعة الازمة لدولية 2008 /2010 انخفضت معدلات النمو في السنتين اللي فاتوا مع الازمة ومع التباطؤ في الاستثمار تدخلت الدولة وووفرت مبالغ من موارد الاصلاح الاقتصادي اضطرت انها تخش وتعظم بشكل كبير من استثماراتنا العامة في مشروعات خدمية وبنية اساسية بيحتاجها المواطن دي كانت لها هدفين الاسراع بتنفيذ هذه المشروعات ومنها على سبيل المثال المية والصرف الصحي في القرى ولكن في نفس الوقت اعطاء دفعة للاقتصاد المصري الى ان تعود الامور بعد الازمة ويبدا الاستثمار المصري في العودة مرة اخرى الاستثمارات العامة حصل فيها زيادة مرة اخرى في ال3 سنين الي فاتت تصوري ان هي دي اللي ساعدت ان التاثير بتاع انخفاض معدل النمو بشكل عام لم يكن بالحدة اللي شفناها في دول اخرى على معدلات البطالة او حتى على الخدمات العامة في كثير من القرى
عبد اللطيف المناوي: ماهي الفلسفة العامة في تطوير العلاقة ما بين القطاع الخاص في الدخول الى مجالات مختلفة وجديدة في التعامل؟
جمال مبارك: فيه نوع من الانفصام في الحوار الذي يجري في الاعلام توجس وتخوف ومقاومة وهجوم على القطاع الخاص ماشي دي الحالة يمكن بيخلقها بعض الاخطاء الواقع بقى اللي موجود سواء من واقع الارقام او اللي اكده استطلاع لاراي ما يقترب من 65% من القوى العاملة في مصر في القطاع الخاص لو من 20 او 25 سنة مكانش كده الاكتر من دا ان الغالبية العظمى من فرص العمل اللي اتوفرت من 2005 الى اليوم من خلال البرنامج الانتخابي هي فرص في القطاع الخاص فدا الواقع الموجود اليوم نتفق او نختلف عليه ودا جه بسبب تحول في السياسات الاقتصادية وتشجيع الاستتثمار والتشريعات الجديدة بدءا من قانون الضرايب ومشاركة القطاع الخاص لاول مرة بقى لنا اطار تشريعي وواضح النعالم يشارك فيه القطاع الخاص في البنية الاساسية
عبد اللطيف المناوي: لكن فيه اتفاق على ان لا يؤثر ذلك على كفاءة الخدمة ؟
جمال مبارك ماهو دا اللي انا لسه هقوله
عبد اللطيف المناوي: السيدات والسادة شكرا جزيلا لكم والى لقاء اخر ان شاء الله