حالة حوار

د /عمرو عبد السميع : مساء الخير وأهلا بكم في حالة حوار , منذ ان أعلن الرئيس مبارك في برنامجه الرئاسي الانتخابي عام 2005 ان الصعيد يحتل أولوية متقدمة في سياسات الدولة تعددت زيارات المسئولين التنفيذيين الى هذا الإقليم الذي طال حرمانه أولهم السيد الرئيس مبارك نفسه وثانيهم كان رئيس الوزراء وثالثهم كان الوزراء ورابعهم كانوا المسئولين التنفيذيين متنوعي الدرجة والمستوي وشوفنا مجالس المحافظين تعقد برئاسة رئيس الوزراء في محافظات الصعيد للاشتباك ميدانيا وعملياتيا مع مشكلات الناس وشوفنا مؤتمرات الاستثمار تعقد في محافظات الصعيد وأخرها كان في الفيوم في شهر فبراير الماضي إحنا هنا في حالة حوارعملنا حلقة عن انجازات الحكومة في محافظتي أسيوط وسوهاج والنهاردة بنتعرض لمحافظتي بني سويف وقنا هناك انجاز كبير تحقق فوق الأرض هناك زمن جديد أتخلق في الصعيد لكن مش معنا كده ان إحنا كملنا المعاني الناس لسه عندها مطالب ومطالب الناس لابد ان تعامل باحترام شديد جدا وبقدرة على التلبية ولما الحكومة تعمل ده نقول لها أنجزت يا حكومة وأحسنت يا حكومة , اسمحوا لي أولا ان أرحب بضيفي وضيفيكما الدكتورسميرسيف اليزل محافظ بني سويف,واللواء مجدي أيوب محافظ قنا وأرحب بأبنائي وبناتي شبات وشباب القاهرة والصعيد وأهلا وسهلا بكم
د/عمرو عبد السميع : إحنا طبعا عرفين انك أنت بقيت محافظ من أربع شهور بس وبالتالي مش هنتكلم معاك في حساب ماضي وإنما هنتكلم معاك في توقعات للمستقبل إحنا عرفين ان الرئيس لما راح زرا محافظتك في واحد مارس الماضي حصل ان وزير التجارة والصناعة المهندس رشيد محمد رشيد أتكلم عن وضع بني سويف في خريطة الاستثمار فقال أنها نمرة واحد بين المحافظات المصرية من حيث الاستفادة من برنامج حوافز الاستثمار الصناعي طيب وقال كمان ان انتوا استفدتوا من هذا الاستثمار في 28 مشروع على وجه التحديد لكن إحنا لما يبقي معانا عميد كلية الزراعة بجامعة الفيوم يبقي لازم إحنا نتكلم عن الاستثمار الزراعي آفاقه ايه يا سيادة المحافظ
المحافظ /سمير سيف اليزل : الحقيقة يا فندم أنكم سيادتك عن الاستثمار الصناعي فندي فكرة صغيرة عنه الاستثمارالصناعي في بني سويف في 8 مناطق صناعية ال 8 مناطق دول يعملوا في الصناعة وحاليا متخصص فيهم 448 مشروع يعمل فعلا حاليا في الإنتاج 124 مشروع ال 124 مشروع دول يستوعبوا 12000 من الأيدي العاملة متكلفين ما يقرب من 4 مليار جنية مصري النهاردة فعلا أنا بقول ان بني سويف خلال فترة بسيطة جدا تبقي قلعة صناعية كبيرة من قلاع الصعيد أما بالنسبة للاستثمار الزراعي فبني سويف فيها 300 ألف فدان طبعا أنا هركز هنا على الحاجة الهامة بالنسبة لينا في عندنا 10 ألاف فدان تتزرع نباتات عطرية وطبية هذه المساحة من الزراعة كلها للتصدير أي 95% من إنتاج هذه المساحة للتصدير ينتج ما يقرب من 50 % من إنتاج مصر للتصدير للنباتات الطبية والعطرية النهاردة بقت قامت كثيرة جدا من الصناعات على هذه الزراعة وبقت يتم التقنيات عالية جدا جدا هذه التقنيات اللي توافق السوق الأوروبي النهاردة اغلب هذه المنتجات تصدر للسوق الأوروبي في صور مختلفة صور سواء كانت أعشاب جافة او زيوت او حتي مواد فعالة النهاردة أنا شايف انه الإنتاج
د /عمرو عبد السميع : برضه قولي المواطن عندكم في بني سويف يستفيد ايه من هذا الكلام مش أصحاب الشركات اللي بتزرع هذه المحاصيل علشان تصدر لفرنسا او غيرها
المحافظ /سمير سيف اليزل : النهاردة اللي يستفيد بها المواطن نفسه اللي هو العمالة اللي يتم سواء اللي بتشتغل
د/عمرو عبد السميع : يعني فائدة المواطن هي العمالة فقط ؟
المحافظ /سمير سيف اليزل :العمالة اللي تشتغل في المنشاءات دي والنهاردة طبعا إحنا على وشك يمكن خلال الأسبوعين ثلاثة توقع بروتوكول للتدريب الزراعي مع المعونة الأمريكية تدريب على التقنيات الحديثة من الزراعة بحيث توجد ايدي عاملة مدربة
د/عمرو عبد السميع : كم شخص تم تدريبهم ؟
المحافظ /سمير سيف اليزل : نعم يا فندم
د/عمرو عبد السميع : كام شخص سوف يتم تدريبهم ؟
المحافظ /سمير سيف اليزل : يتم تدريب دلوقتي إحنا عملية أول اجتماع نجيب في رجال الأعمال وتعرف ايه هي الحاجات المحددة اللي هيتم التدريب فيها وهما محتاجين لها ومش لاقيين لها سوق في بني سويف وبناء على كده تقدر تقوم بالتدريب لكن الطاقة بتاعة البرنامج ممكن تستوعب في الشهر لغاية 300 متدرب هيستمر حوالي 3 : 4 شهور بتدرب في المركز ويتدرب في المنشاة وبناء عليه تدريب يتبادل ما بين المنشاة وبين المركز دي حاجة الحاجة الثانية النهاردة في كثير جدا من الصناعات تعمل على الإنتاج الزراعي وهذه المصانع تحتاج أيضا ايدي عاملة مدربة على التقنيات الحديثة ميبقاش النهاردة العامل الزراعي العادي وبرضه التدريب على الإنتاج سواء كانت في المزارع في المنشاءات الصناعية للنباتات العطرية وفي المصانع اللي تشتغل على التجفيف
د/عمرو عبد السميع : ده كلام المحافظ لكن قدامي كلام أخر كلام جمعية شباب بني سويف للتنمية والبيئة الحقيقة أنهم عملوا دراسة او تقرير بيتكلموا فيه عن معوقات الاستثمار في محافظة بني سويف أتكلموا كثيرعن ان مفيش مواصلات توصل للمناطق الصناعية مفيش إسكان قريب من المناطق الصناعية مفيش مياه مفيش كهرباء هيجلكم مستثمرين على أساس ايه ؟
المحافظ /سمير سيف اليزل : الحقيقة المستثمرين مفيش فيهم مشكلة عندنا لسه في قائمة انتظار للمستثمرين لان عندنا النهاردة منطقتين صناعيتين منطقة في جراد العرب والثانية في كوم أبو راضي فيها مرافق بالمجان وبالتالي في عندنا ضغط كبيرللمستثمرين لكن بالنسبة مثلا حاجة زي المواصلات هو إحنا حاليا بندرس عمل مشروع نقل جماعي لمنطقة شرق النيل اللي هي فيها اغلب المصانع يمكن في خلال أسبوع او أكثر ننزل مناقصة لشركة تقوم بالنقل بصورة حضارية
د/عمرو عبد السميع : تخلص المناقصة دي أمتي؟
المحافظ /سمير سيف اليزل : يعني أنا بقول أنت محتاج حوالي شهرين تقريبا ومشكلة النقل تنتهي تماما ان شاء الله لكن هي فعلا بتدرس والحقيقة كانت نتيجة لما بدأنا نشتغل في مشاريع النقل الجماعي قالوا والله كان في مشاريع قبل كده وفشلت فمكنش ينفع نكرر نفس التجربة وبدأنا نعملها بالدراسة كام مواطن يستخدموا مواصلات من شرق النيل ومن الساعة كام للساعة كام بحيث حددنا الفترات اللي فيها ضغط ركاب وعدد الركاب دول كام بحيث تيجي في الأخر ونقول عاوزين كان عربية بالظبط من الساعة كذا للساعة كذا ومن الساعة كذا للساعة كذا بحيث برضه يكون التسعيرة مناسبة جدا للعمالة الموجودة
د/عمرو عبد السميع : حضرتك بتكلمني دلوقتي عن موضوع قائمة الانتظار للمستثمرين اللي عاوزين يستثمروا في بني سويف يتم اجتذاب هؤلاء المستثمرين دول أزاي يعني إحنا بنشوف مثلا مؤتمرات الاستثمار اللي بيعقدها وزير الاستثمار هنا وهناك وأخرها كان في الفيوم في فبرايرالماضي يطلع المحافظ من دول يقول خطبة هل هي الخطبة دي اللي بتجذب فعلا الاستثمارات ولا ده كلام للتلفزيون بس .
المحافظ /سمير سيف اليزل : لأ لأ حقيقة المؤتمرات دي تؤدي الى جذب كثير من المستثمرين أنا يمكن مش عاوز أقول أسماء طبعا علشان ما يبقاش نوع من الإعلان لهذه الشركات في أخر مؤتمر جه أربع مستثمرين يستثمروا حاليا وعملوا الأوراق بتاعتهم وهيشتغلوا ان شاء الله قريبا
د/عمرو عبد السميع : في هذا الإطار اسمح لي حضرتك أني أنا بحاجة الى طرح فكرة مهمة يعني إحنا لما نتكلم على الاستثمار بتاع القطاع الخاص او الاستثمار بتاع الشركات او المستثمرين اللي بيطرقوا أبواب بني سويف والصعيد علشان يستثمروا هناك الحقيقة أنا قدام ارقام الأرقام دي تقول ايه تقول ان الدولة هي التي تدفع الاستثمارات الكبرى حتي الآن في الصعيد إحنا شيفين مثلا بتضخ 1500 مليون جنية لتطوير مجمع الألمنيوم في نجع حمادي او 467 مليون علشان مصانع السكر او 170 مليون علشان الصوت والضوء في أبو سنبل او مليار و 300 مليون علشان تطوير مصانع كيما او 5 : 6 مليار لتطوير مصانع الاسمدة الدولة هي اللي بتعمل ده كله مش بسمع القطاع الخاص ؟
المحافظ /سمير سيف اليزل : لأ هو طبعا ابتديت الحديث عن الاستثمار الزراعي أنا يمكن بتجه او بشجع الزراعات من اجل التصدير يعني عاوز نعمل زراعات تصنع وتصدر يعني حاليا الاتجاه أزاي تقدر نشجع الزراعة من اجل التصدير والزراعات اللي لنا فيها ميزة نسبية أنا مليش ميزة نسبية في المحاصيل العادية التقليدية الذرة والقمح لكن ليه ميزة نسبية لمحاصيل أخري من ضمنها زي سيادتك ما قلت فعلا السكر النهاردة بني سويف بتزرع ما يقرب من 1000 فدان بنجر سكر كان في احتياج كبير لمصنع حاليا يتم الاتفاق مع احد المصانع الكبيرة
د/عمرو عبد السميع : النقلة اللي حصلت في بني سويف ما بين وضع يشكوي منه الناس الى الوضع اللي حضرتك بتتكلم عنه دي النقلة دي حجمها أد ايه ؟
المحافظ /سمير سيف اليزل : حجمها ضخم جدا يعني علشان اعمل نقلة زي دي في بني سويف لازم اعمل مرافق ولو أتكلمت على المرافق تلاقي مثلا صرف صحي أتكلف مليار و 450 مليون جنية المياه تكلفتها ما يقرب من مليار جنية الطرق السريعة الطريق الغربي والطريق الشرقي وازدواج الطريق الزراعي أتكلف كام الكهرباء أتكلفت ما يقرب من مليار جنية الإسكان النهاردة يتم على ارض بني سويف ما يقرب من 12000 وحدة سكنية إسكان مبارك 6000 وحدة ابني بيتك 2000 وحدة لذوي الأولي بالرعايه النهاردة كل الحاجات دي أتكلفت كثير جدا
د/عمروعبد السميع : يعني مفيش شك بني سويف تعاني من أي حاجة ؟
المحافظ /سمير سيف اليزل :لأ أكيد عاوزين أكثر إحنا دائما تطمع بالكثير النهاردة كان في عندنا كوبري واحد كوبر النيل النهاردة في كوبري تاني بيتعمل في الوسطة الكبرى ده ان شاء الله يفتتح في أخر السنة دي اللي هو يربط الشرق بالغرب
د/عمروعبد السميع : طيب الناس تشتكي من ايه عندك ايه ده كله السكوت ده ؟
المحافظ /سمير سيف اليزل : ده سيادتك اللي تعرف بقي
د/عمروعبد السميع : لازم برضه المحافظ يعرف .
المحافظ /سمير سيف اليزل : هو يمكن في بعض الحاجات اللي ظاهرة ودي اللي إحنا نحاول نعالجها ان شاء الله
د/عمروعبد السميع : اللي هي ؟
المحافظ /سمير سيف اليزل : النهاردة المصانع محتاجةعمالة والشباب مبيروحوش هذه المصانع ليه أولا المجتمع في بني سويف مجتمع زراعي مجتمع زراعي لسه الشباب الزراعية مش وخدين لسه على الأسلوب الصناعي انه يشتغل ستة أيام في الأسبوع
د/عمروعبد السميع : يعني محتاج انك تؤهله علشان يصلح للوظيفة دي ؟
المحافظ /سمير سيف اليزل : بالظبط وده اللي أنا بعملة دلوقتي سوء عن طريق المشروع الأمريكي او مشروع تاني
د/عمروعبد السميع : ايه كمان الناس بتشتكي منه عندك ؟
المحافظ /سمير سيف اليزل : يشتكوا من ايه النهاردة أرضية المياه بقت 97 % تغطية المياه 97% في 3% موصلهاش المياه دول مين واحد زي سيادتك راح بني فيلا في مكان بعيد
د/عمروعبد السميع : أنا هاجي ابني فيلا في بني سويف .
المحافظ /سمير سيف اليزل : ليه بني سويف جميلة دي بني سويف من
د/عمرو عبد السميع : لأ مش هاجي ابني فيلا في بني سويف أنا اسكن في بيت زي اللي الناس بتسكن فيه ؟
المحافظ /سمير سيف اليزل : بني سويف جميلة المهم فهو يروح يبني بيت بعيد وبعدين يجي أقاربه ويعملوا 3 : 4 بيوت يجوا يقولوا معندناش مياه وعلشان أوصل له مياه موضوع تاني ده عاوز تكلفة أكثر لكن القرى الكبيرة كلها النهاردة متغطية بالمية دي احد الشكاوي الشكوى الثانية قدرنا نغطي
د/عمرو عبد السميع : حضرتك بتتكلم على الحلول مش الشكاوي يعني قلت ان إحنا غطينا 97 %
المحافظ /سمير سيف اليزل : بس اللي بيشتكي 3%
د/عمرو عبد السميع : 3% بس ؟
المحافظ /سمير سيف اليزل : 3% بيشتكوى من مية الشرب الى الآن دول هما الي بيشتكوا
د/عمرو عبد السميع : عارف أسمائهم ؟
المحافظ /سمير سيف اليزل : هوطبعا لما أقول لحضرتك 3% من 2.7 مليون ده مش قليل ده عدد مش قليل الحاجة الثانية النهاردة قدرنا نغطي ما يقرب من 30 : 40 % من قري بني سويف بالصرف الصحي وده في راي ده رقم كويس قوي الباقيين بيشتكوي
د/عمروعبد السميع : يعني ايه في رأي حضرتك ان ده رقم كويس ؟
المحافظ /سمير سيف اليزل : لان ده مكلف جدا ولازم يبقي في خطة
د/عمرو عبد السميع : و لو فاضل 10 % ما يبقاش رقم كويس إحنا بنتكلم في القرن ال 21 يا سيادة المحافظ ؟
المحافظ /سمير سيف اليزل : معلش بس دي مكلفة وفي خطة ولازم يبقي في خطة علشان نغطي الصرف الصحي الخطة دي معمولة ان شاء الله خلال فترة وجيزة تستطيع السنة الجاية ن شاء الله توصل 50% يعني السنة دي عملنا 65 قرية السنة فدخل كمان 35 بقينا 100 قرية من 220 يعني ممكن في خلال سنتين نغطي 50% من القرى باقي القرى بقي زعلانة س إحنا وخدنها بالأولوية أولا القرى المبتلة نمرة 2 القرى الكبيرة اللي هي عددها كبير وبعدين نوصل القرى الصغيرة
د/عمروعبد السميع : طيب لما نيجي تفتح الناس بتشتكي في القرى اللي فضلة ال 3% اللي فضلين ومش عارف ايه بتقعد تقول لهم ايه لسه هيجي دوركم في الخطة مين يصبر على مثل هذا الكلام لما تبقي المسائل لها علاقة بالاحتياجات اليومية الضاغطة زي المياه وزى الصرف الصحي ؟
المحافظ /سمير سيف اليزل : لكن ........
د/عمرو عبد السميع : مين يصبر على ان مسئول يجي يقول له خليك صبور استني شوية ان شاء الله دورك جاي في الخطة ؟
المحافظ /سمير سيف اليزل : ما هو مينفعش حتي لو أنا وفرت
د/عمرو عبد السميع : ما بقاله 7000 سنة مستني .
المحافظ /سمير سيف اليزل : بس إحنا الخطة دي بقلنا 4: 5 سنين بس بنشتغل فيها بالصورة اللي هي الكبيرة دي لكن عاوز أقول النهاردة أنا لو جيت قلت أغطي كل مصر بالصرف الصحي مش هلاقي حتي مقاولين الموضوع لازم يمشي بخطة حسب أولويات وكل واحد يجي دورة يأخذ الخدمة
د/عمرو عبد السميع : مفيش مبادرات غير حكومية لانجاز مثل هذا اللون من الخدمات ؟
المحافظ /سمير سيف اليزل : في هناك بعض مؤسسات المجتمع المدني عرضة النهاردة أنها تعمل مشاريع صغيرة زي محطات مية صغيرة بالقرى اللي هي 3 ألاف و4 ألاف زي ما قلت سيادتك اللي هي التوابع بقي في الحالة دي بنسمياها تابع او ليس قرية او برضه محطات صرف صحي صغيرة تقدر تشتغل على القرى الصغيرة طبعا بنحاول برضه يتجازب معاهم مع هذه المؤسسات لان فيها برضه مصلحة للكثير من أخولنا طبعا في المحافظة ودي يمكن تؤدي الى حل مشكلة زي ما قلت لسيادتك اللي هي 3% والحاجات التوابع والحاجات البعيدة دي
د/عمرو عبد السميع : سيادة المحافظ الحقيقة إحنا هنتكلم كلام عام عن الصعيد الأول قبل ما نخش بالتفصيل شوية عن قنا إحنا شوفنا وزير الاستثمار في مؤتمر الفيوم الأخير للاستثمار في فبراير الماضي قال انه في المسافة الفاصلة ما بين مؤتمر الاستثمار في الفيوم ومؤتمر الذي سبقة في يونيو في أسوان حصل إطلاق ل 925 مشروع استثماري في الصعيد كان منهم 35 % مشروع صناعي و 24% مشروع خدمي و17 % مشروع سياحي 12% مشروع زراعي و 8% تشييد وبناء و 4% تكنولوجيا واتصالات الكلام شكله حلو لكن إحنا عاوزين نعرف تأثيره ايه على الحالة بتاعت المواطن في الصعيد تأثيره ايه على العمالة تأثيره إيه على البطالة تأثيره بنسب انتو بتعرفوا ده في مجلس المحافظين مش بس عن قنا
المحافظ/مجدي أيوب : أقول لحضرتك أنا حضرت جميع مؤتمرات الاستثمار اللي تمت في الصعيد بدا من مؤتمر أسيوط ومؤتمر أسوان ومؤتمر المنيا ومؤتمر الفيوم ومؤتمر الأقصر جميع المؤتمرات حضرتها بأمانه شديدة أي مؤتمرات كنت احضره أنا بحضره أنا كمحافظ اعرض أوجه الاستثمار في محافظتي إنما أنا عاوز أقول العائد اللي ينتج من حضور هذه المؤتمرات على وبالتالي يبقي على باقي المحافظات علشان يبقي الكلام عام
د/عمروعبد السميع : تمام
المحافظ/مجدي أيوب : بالنسبة للمؤتمرات الاستثمار أنا بعرض أوجه الاستثمار عندي وفي نفس الوقت أنا شخصيا كمحافظ قنا بعمل معرض على هامش المؤتمر وخاصة أني أنا عندي ثروة تعدينية في المحافظة يمكن مفيش معلومات متوافرة لدي المستثمرين هنا وبالتالي أنا بعمل معرض خاص لهذه الثروة التعدينية
د/عمرو عبد السميع : يعني بتسوق محافظتك استثماريا ؟
المحافظ /جدي أيوب : آه وفي نفس الوقت اللي يحضر المؤتمر مستثمرين من عندي وبرضه خلال المؤتمر لو لقوا أي موضوع طرف أي جهة تنفيذية موجودة في المؤتمر هذا المؤتمر يبقي مجال لحل هذا الموضوع والانتهاء منه بحيث ان المستثمر بيطلع برضه من المؤتمر يعني حقق نتائج نتيجة بقي بعد المؤتمرات لما بنرجع للناس
د /عمرو عبد السميع : أنا عاوز أوصل للناس للمستثمر وصل مشاكل المستثمر حاجة عظيمة جدا أتكلم في الناس .
المحافظ/مجدي أيوب : ما أنا لما بحل مشكلة المستثمرده بيعود على المواطن ليه لما بيجي عندي ويجي يعمل المشروع الاستثماري عندي أيا كان زراعي صناعي سياحي خدمي أيا كان ده يعود على المواطن بلا جدال يعني صحيح آه إتاحة فرصة عمل للشباب وإحنا الحمد لله نتيح كل ما نقدر عليه من فرص عمل عندنا كمحافظة قنا
د/عمرو عبد السميع : نسبة البطالة عندكم أد ايه ؟
المحافظ/مجدي أيوب : نسبة البطالة لوجنابك رجعت لأخر تقرير أتعمل سنة 2006 كان في قنا 13.5%
د/عمرو عبد السميع : طيب ده أزيد من المعدل القومي المعدل القومي 12% ؟
المحافظ/ مجدي أيوب : ما أنا أقول لحضرتك معلش
د/عمرو عبد السميع : وبعدين من 2006 لغاية دلوقتي معندكوش أرقام ؟
المحافظ/ مجدي أيوب : لأ عندي أنا قلت 2006 لسه أقول 2010
د/عمرو عبد السميع : طيب قول .
المحافظ/ مجدي أيوب : هو لسه متعملش تعداد إنما لو جينا من بدايه 2006 مع تنفيذ البرنامج الانتخابي لسيادة الرئيس وكافة أوجه ما اشتملته البرنامج الانتخاب أتحقق على المستوي محافظة قنا مشروعات ضخمة ما بين استثمار مصري واستثمار عربي واستثمار أجنبي أنا يعني كان لنا نصيب في رخصة مصنع اسمنت أخر مليار و900 مليون
د/عمرو عبد السميع : آه و900 مليون .
المحافظ/ مجدي أيوب : ده قطاع خاص وده تبع قطاع أعمال
د/عمرو عبد السميع : عملتوا ايه احتياطيات بيئية لحمايه البيئة وحمايه الناس ؟
المحافظ/ مجدي أيوب : لا كل الإجراءات
د/عمرو عبد السميع : أزاي بقي ؟
المحافظ/ مجدي أيوب : كل الإجراءات أولا هو في منطقة خارج المنطقة السكانية بالكامل وعملنا قبل ما يبتدي بشتغل صاحب هذا المصنع عملنا دراسة للأثر البيئي وعملنا دراسة مجتمعية غير الدراسة الرسمية وزارة البيئة وإدارة البيئة في المحافظة والكلام ده عملنا دراسة بيئية مجتمعية بمعني لقاء حضره الشعبيين في المحافظة
د/عمرو عبد السميع : مين الشعبيين دول في بطاقته مكتوب عليه شعبي؟
المحافظ/ مجدي أيوب : أعضاء مجلس الشعب
د/عمرو عبد السميع : أعضاء مجلس الشعب ميبقوش شعبيين يبقوا ممثلين ؟
المحافظ/ مجدي أيوب : أقول لحضرتك أعضاء مجلس الشعب
د/عمرو عبد السميع : أنا بتكلم عن الناس الكثير .
المحافظ/ مجدي أيوب : وأعضاء المجالس الشعبية المحلية وعدد من المواطنين العاديين حضروا هذا اللقاء لقاء كان كبير
د/عمرو عبد السميع : تمام
المحافظ/ مجدي أيوب : وكان هناك نقاش كامل وأتعرض المصنع كاملا ونتيجته كله وافق عليه وبناء عليه هو ابتدي بشتغل وفعلا حضر معانا السيد وزيرالاستثمار وحطينا حجر الأساس وده هيوفر حوالي 600 فرصة عمل مباشر و 2000 فرص عمل غير مباشر