كلام مسئول

محمد صلاح:يامساء الخير مصر التي في خاطري ماشية ازاي في مسالة التنمية ومكافحة الفقر والشفافية وضرب الفساد طبعا الحكومة بتقول انها ماشية ومشيت خطوات لكن يا ترى فيه ثقة من الناتس ان الحكومة هتقدر تكافح فقرهم هتتمكن من رفع الفقرا درجة في السلم الاجتماعي بيقودهم للطبقة الوسطى طب هو لسه فاضل طبقة وسطى كتير بيقولوا الطبقة دي اتاكلت وكتير برضه مختلفين معاهم وبيقولوا لا الطبقة الوسطى مش بس موجودة دي اعرضّت والدليل عدد المشتركين في شركات المحمول ومستخدمي الكمبيوتر وان معايير القياسات بالنسبة للفقر وكمان بالنسبة للطبقة الوسطى لازم تتغير طب والفساد ..اه من الفساد.. الكل بيتكلم عن الفساد زي ما بنتكلم عن الموضة هو بقى موضة مستمرة عندنا من سنن زي الروتين والبيروقراطية وفوت علينا بكرة العبارة الشهيرة بتاعة زمان وموجودة دلوقت برضه طب موبايلات كمبيوتر اعلام في الماتشات اقبال على التعليم الخاص ابو فلوس والجامعات الخاصة والمصايف وكل الناس عندها اجهزة معمرة كل دا جنبات الى جنب مع الفقر والعشوائيات والبطالة هي العلاقة المجتمعية مختلة هي الحكومة في سكة والناس في سكة تانية خالص طب ايه اللي يربط دا كله في بعضه ايه اللي يملا الفراغات اللي مابين اللي تقدر عليه الحكومة واللي ماتقدرش عليه الناس الثغرات في القماشة الاجتماعية في مصر اللي كل ما بتزيد بتتوحش المناطق الخالية من التكاتف والتعاضد والاتزان فيه شغل كتير في التنمية بس لازم يحسها الكل من اللي في البحيرة ومن اخر الصعيد المسالة محتاجة تنظيم فيه خطط كتيرة في ملف الفقر والفقرا ومنها على سبيل المثال مشروع الالف قرية الاكثر فقرا اكيد احنا محتاجين نظرة جديدة مفاهيم عصرية مبتكرة للمشاركة حياة كريمة لكل مواطن وعقد اجتماعي جديد ..عن العقد الاجتماعي الجديد هيكون لينا النهاردة كلام مسئول
فاصل
محمد صلاح: استعادة الثقة المفقودة امر ضروري خصوصا بين المواطن والحكومة الثقةالمتبادلة يعني بس الحكومة الاول ترمي بياضها لان الحكومة الطرف الاقوى وعلى الحكومة اعادة الجسور والكباري بينها وبين المواطن فيقوم بدوره وواجبه وحقه في مشاريع التنمية مدير مركز العقد الاجتماعي التابع لمركز الوزرا الدكتورة سحر الطويل هيكون لينا معاها كلام مسئول ومن كلام الدكتورة سحر الطويلة " هناك حالة من انعدام الثقة بين المواتطن والحكومة نتيجة لعدم وجود خدمات او سياسات عامة تكون في مصلحة المواطن وثقة المواطن في الحكومة مرهونة بمدى عدالة هذه السياسات كمما ان هناك علاقة طردية بين الفساد وانعدام الثقة ..اطلقتا حوارا وطنيا جادا يجمع النخبة الثقافية في البلد لناقشة الوضع الامثل لتحريك السياسات العامة الملزمة للحكومة لاعادة الثقة للمواطن الا انا يجب الا نتفاءل بترحيب الحكومة بهذا الحوار"..." نسعى من خلال مركز العقد الاجتماعي الى الدعوة لاعادة النظر في حجم الانفاق الطوعي والتبرعات لان هناك مليارات مبعثرة في قنوات فرعية لاتعطي أي اثر ملموس ولذلك فنحن في حاجة الىتعبئة رشيدة لتحقيق اهداف تنموية محددة تحت اشراف المجتمع المدني "....
مطالبة المواطن بحقه اول خطوة من خطوات التنمية ولا يضيع حق وراءه مطالب لكن العودة كمان لمبدا الحقوق والواجبات موضوع مهم بس مش هنقدر نرجع له بسرعة لازم العودة تبقى جذابة عشان الناس اصلا تعبت جدا وعشان مقولة ماتقولش ايه اديتنا مصر وقول هندي ايه لمصر تبقي في محلها لازم الميزان يتعدل وهتلاقي الناس لوحدها هتعمل اللي عليها ايه الوسيلة ايه المعادلة السحرية ..؟
مدير مركز العقد الاجتماعي التابع لمجلس الوزراء الدكتور سحر الطويلة هيكون لينا معالاها كلام مسئول
فاصل
محمد صلاح:ارحب مديرمركز العقد الاجتماعي التابع لمجلس الوزراء دكتورة سحر الطويلة منورانا يا دكتورة ..دكتورة هو العقد بين مين ومين ... ومين الي هيمضي العقد
د/سحر الطويلة- مدير مركز العقد الاجتماعي:والله العقد عادة بيبقى بين الدولة والمواطن ومرة تانية بؤكد ان الدولة مسش بس الحكومة والمواطن ، الحكومة ماهي الا مؤسسة من مؤسسا الدولة لكن العقد بالاساس المفروض يكون بين الدولة بكل مؤسساتها وبكل فئاتها وبين المواطن
محمد صلاح:ازاي ؟
د/سحر الطويلة: لانه مركز العقد الاجتماعي اهتمامنا الاساسي هو التنمنية وكانت الفكرة الاساسية ورا انشاء المركز اللي دعا اليها مش الحكومة ممش طرف بعينه وانما كانت مجموعة من الاكاديميين من مختلف التيارات والتوجهات الفكرية سنة 2005 لما كانوا بيحللوا وضع التنمية في مصر وكان الخلاصة او الاستنتاج النهائي ان اوضاع التنمية في مصر اقل مما يجب ان تكون عليه رغم ان فغيه جهود تنموية حقيقية بتتم على الارض ورغم ان فيه موارد مالية كبيرة بتخصص لعملية التنمية لكن بتظل النتيجة النهائية انه التنمية في مصر هي غير عادلة بدرجة كافية مش الكل بيشارك فيها ومش الكل بيستفيد منها هي اقل كفاءة مما يجب ان تكون عليه بمعنى انه العائد مقارنة بالموارد التي تخصص لان احنا بنطالب بتخصيص قدر اكبر من الموارد لكن حتى في ضوء الموارد اللي بتخصص العائد اقل مما يجب وفي النهاية لاتعطي كل الاثر المطلوب لها فكان دا المدخل اساسا .. المدخل دا يمكن نقلنا لنقطة تانية ايه اللي ممكن يتعمل عشان التنمية تصبح على الااقل اكثر عدالة واكثر فاعلية واكثر استدامة ، طبعا هي عملية التنمنية هي محكومة بالسياسات العامة سياسات التنمية سواء كانت سياسات اقتصادية او اجتماعية وانا هنا بحب اؤكد ان التنمية في النهاية هي عبارة عن انه معيشة الناس معيشة الافراد تتحسن لو معيشة والناس ومعيشة الافراد بتتحسن يبقى فيه تنمية لو مفيش يبقى مفيش تنمية وبالتالي لنا بنقول دا ما بيحصلش كانت الاجابة بتقول بس فيه معدلات نمو مرتفعة بتتم اعتقد ان الاجابة دي بتركز على جانب واحد فقط من التنمية النمو الاقتصادي .. فهي الفكرة انه معدل النمو هو شرط لازم لكن لاحداث التنمية لكن لوحده مش كافي ولكن لابد ان تكون فيه سياسات عامة اخرى بتضمن ان عائد التنمية دي يصل او يتوزع بنوع من العدالة وان التنمية دي تستجيب لاحتياجات كل الفئات في المجتمع ....
محمد صلاح:العقد الاجتماعي بقى يادكتورة
د/سحر الطويلة: العقد الاجتماعي دي نقطة اساسية زي ما بنقول العقد الاجتماعي تاريخيا من ايام جان جاك روسو هو العقد الاجتماعي حقوق واضحة واجبات ملزمة واليات مسائلة عن ان حد ما بيحصلش على حقه او على انه حد ما بيؤديش الواجب المفروض عليه وانه الادوار تكون موزعة بصورة واضحة ومعلنة على كل مؤسسات المجتنمكع احنا بنتصور انه الوضع القائم دلوقت بيقول ان الامور ليست بالوضوح اللي يجب ان تكون عليه وخليني اديك مثال صغير ادوار المؤسسات المختلفة مثلا عن المؤسسة القضائية بداية المؤسسة القضائية في ضوء كل نتايج الابحاث اللي بتتم سواء اللي احنا عملناها او غيرنا بتقول انها مازالت في نظر المواطن المصري هي الحصن العتيد واخر القلاع اللي بيحتمي بيها المواطن المصري للحصول على حقوقه لكن لما نلاقي النهاردة ان احنا كمجتمع بنبقى سعداء قوي لما قضايا زي قضية نجع حمادي او قضية زي قضايا البلطجة او قضية زي عملية الاغتصاب الجماعي اللي تمت في كفر الشيخ بتسعد جدا انها تصل الى القضاء زي ما بنقول بنقعد وناخد نفسنا ونقول خلاص الموضوع وصل للقضاء والقضاء باحكامه الرادعة سوف يحل هذه المشاكل اللي في المجتمع انا بتصور اننا بنحمل القضاء عبء فوق الاعباء الطبيعية وبنحمله انه يقوم بدور مش دوره الطبيعي مش هو المنوط بيه علاج مشاكل اجتماعية يعني مش القضاء اللي هيحل مشكلة الطائفية، مش القضاء اللي هيحل مشكلة البلطجة اذا كانتى دي مشاكل اجتماعية فيه مؤسسات اجتماعية تانية كان المفروض تقوم بدورها في علاج الظواهر دي والقضاء له دور محدد بيعمل في اطاره ..مثال اخر المؤسسة الامنية برضه مؤسسة هامة جدا وبتحظى باحترامنا كلنا لكن دورها الاساسي هي توفير الامن للمواطن في بيته في الشارع في وسائل المواصلات احنا بنعتبر ان أي قصور النهاردة بيصدر من جانب المؤسسة الامنية احنا غصب عننا بنلتمس لها العذر لانها محملة باعباء التعامل مع القضايا السياسية المفروض انه كان فيه مؤسسات سياسية اخرى زي الاحزاب وغيرها هي اللي منوط بيها انها تعالج هذه المشكلات المثال التالت الاعلام مثلا الاعلام مؤسسة مهمة جدا وفي استطلاعات الراي اللي بنعملها بعد المؤسسة القضائية على طول بيجي العلام من نماحية تقدير المواطن للاعلام كمؤسسة ممكن يحتمي بيها ويلجا اليها للدفاع عن مصالحه والحصول على حقه والدور الرقابي للعلام مابين التوعية والرقابة دورين اساسيين للاعلام لكن لما نلاقي النهاردة ان المواطن بيلجا للاعلام عشان عنده ابن في سن المدرسة مش عارف يدخله المدرسة اللي جنبه فيلجأ للاعلام عشان يدخل ابنه المدرسة ، مواطن مريض وعيان ومش عارف يحصل على العلاج بتاعه فيلجا للاعلام عشان يحصل على العلاج بتاعه .. فيه اجهزة المفروض كان منوط بيها انها تقوم بادوار معينة ما بتقومش بيها وبالتالي بقى فيه مكان خالي فاجهزة اخرى بتقف في المكان الخالي دا وتبدا ان هي تقوم بهذا الدور يعني زي ما يكون حد مسك كده مكل الادوار بتاعة المؤسسات الدولة وحدفها فوق كده وكل واحد واقف واللي قع في ايده دور بيقوم بيه .. الحقيقة دي ظاهرة غير صحية على الاطلاق ....
محمد صلاح:بالتالي عملتوا ايه في مركز العقد الاجتماعي ؟
د/سحر الطويلة:النقطة الاساسيية انه يبقى فيه حوار حقيقي بين كل اطراف المجتمع لازم يبقى فيه حوار ما بيستبعدش تيار سياسي ما بيستبعدش توجه فكري ما بيستبعدش فئات معينة باعتبار انها غير مؤهلة مثلا ثقافيا او تعليميا للدخول في حوار ..فيبه حاجتين بتصور ان لازم يتعملوا حاجة منهم عن ازاي كل مؤسسة في الدولة تستعيد دورها الحقيقي اللي هي المفروض تقوم بيه والنقطة التانية المهمة اللي هي محور للحوار دا لازم يبق كلنا فاهمين ايه هي حزمة الحقوق والخدمات الاساسية اللي المواطنين المفروض يحصلوا عليها وازاي يحصلوا عليها وايه الطرق الواقعية السليمة اللي المفروض يلجاوا اليها اللي مقدروش يحصلوا على حقوقهم ومين اللي هيساءل الحقيقة عن عدم حصولهم على حقوقهم هو حوار الهدف منه ان الامور تبقى واضحة
محمد صلاح:ملاحظ يادكتورة انك ماجبتيش سيرة المجتمع المدني او مؤسسات المجتمع المدني اوالمنظمات الاهلية؟
د/سحر الطويلة:بالعكس دا دورها مهم جدا لان انا بتكلم عن كل فئات المجتمع من بينها المجتمع المدني بكل تشكيلاته
محمد صلاح:بس انت مش معايا ان المنظمات دي شغالة شوية بعشوائية الاكثر بروزا منها العاملة في مجالات حقوق الانسان لكن العمل الخدمي اللي ممككن تقوم بيه المؤسسات دي الفراغات دي ممكن تملاه مؤسسات اخرى مش محسوس
د/سحر الطويلة: هو مازال جهد مش منظم.. بعض اسبابه بترجع لنفس الجمعيات الاهلية يمكن اللي هي محتاجة درجة اعلى شوية من بناء قدراتها علشان تقدر تقوم بالدور اللي بتقوم بيه يعني هما محتاجين بتناء قدرات في الناحية المؤسسية ازاي يقدروا يديروا شئونهم المالية بصورة منظمة ازتي يقدروا يضعوا مخططات لمشاريع تنموية ويقوموا بتنفيذها فهما محتاجين الحقيقة بناء برامج قدرات مؤسسية فيه مشكلة تانية تتعلق بالاطار القانوني اللي بيحكم عملهم وحركتهم اللي هو قانون الجمعيات الاهلية والقانون كان اتغير من عدة سنوات واعتقد ان فيه مشروع قانون الحكومة بصدد اعداده وكان المفروض انه يدخل الدورة الحالية لمجلس الشعب فالنقطة الاساسية لابد انه القانون اللي بيحكم عمل الجمعيات الاهلية يبقى بيسمح لها بقدر من حرية الحركة
محمد صلاح:مشروع القانون الجديد وانت في المركز عندك بيعمل في هذا المجال كان ليه اسهام في مواد القانون او على الاقل ابدى رايه فيها ...؟
د/سحر الطويلة: المكركز مش فروض انه يقول رايه في القانون وانما المركز مفروض انه بيعمل حاجتين يا اما بيوفر نوع من الحوار او النقاش بين كل الفئات المعنية بقانون معين قبل صدور القانون وقبل مناقشته في مجلس الشعب والحاجة التانية انه بيتم عمل زي دراسة موازية دا حاليا ما بيتمش في مصر بصورة منظمة لكن من الحاجات الي بننادي بيها دلوقت انه المفروض مع كل مشروع قانون بيعرض على مجلس الشعب او الشورى لابد ان يكون مع مشروع القانون دراسة بيقول ايه هيتقييم الاثار الاقتصادية الاثار الاجتماعية الاثار البيئية المرتبطة باي قانون قبل عرضه على المجالس التشريعية
محمد صلاح:يعيني شعار "حياة كريمة لكل مواطن" المركز عندك شايف ايه مواصفات الحياة الكريمة للمواطن؟
د/سحرالطويلة: العالم استقر على مقومات الحياة الكريمة اللي هي اصبحت معروفة ولها دعائم اساسية فيه حاجة اسمها جودة الحياة المرتبطة بالمسكن اللائق والمرافق المتوفرة في حدود امكانيات المواطن ، تمكين المواطكن من الفرص المؤهلة لحياة كريمة يعني العليم الجيد التدريب الجيد ، ايضا سياسات الحماية الاجتماعية دي جزء اساسي من الحياة الكريمة للمواطن اللي هي قوانين التامينات الاجتماعية بما تشمله من التامين الصحي الشامل ..
محمد صلاح:دي بتتنفذ ازاي؟
د/سحر الطويلة: الاجندة دي الفكرة كلها انه لازم يحصل نوع من التوافق المجتمعي حوالين حزمة الحقوق الاساسية اللي المفروض تكون متوفرة لكل المواطنين على قدم المساواة وزي ما بنقول ازاي يحصلوا عليها ومين اللي يساءل عن عدم حصولهم عليها وقدام كل حق بيقرر للمواطنين في الحقوق الاساسية دي الحقيقة تنفيذه مرتبط بالسياسة واذا مكانتش السياسة عادلة بمعنى انها تاخد في اعتبارها مصالح واحتياجات كل فئات المجتمع مش ممكن في النهاية هتصل انها تنجح في توفير الحياة الكريمة لكل مواطن ...
محمد صلاح:فيه كلام كتير عن نسبة الفقر وفيه كلام على تعريف الفقر وفيه ارقام بتطرح في وسائل الاعلام انتوات بقى في المركز عرفتوا الفقر بايه وحددتم نسبه بكام
د/سحر الطويلة: هو حرمان من الحقوق الاساسية ...
محمد صلاح:كم محروم عندنا؟
د/سحر الطويلة: عندنا 20% ودي مش احصاءاتنا الحقيقة دي احصاءات رسمية بتقول انه 20% من المصريين تحت خط الفقر القومي يعني واحد من كل 5 فرد من كل 5
محمد صلاح:انت شايفة ان مشكلة الفقر لا تعالج بالمعونات وانما تحتاج التعليم والتدريب والعمل ماهي التلاتة فيهم مشاكل برضه ؟
د/سحر الطويلة:زي ما بنقول في النهاية ان الفقر ترجمة عملية للحرمان من الحقوق الاساسية والحرمان ان الفرد دا بقى عنده القدرة على ان هو يمكن اقتصاديا ..هو محروم من حقوقه الاساسية سكن تنعدم فيه جميع خصائص ما يمكن ان يطلق عليه سكن جيد ومستوى التعليم يا اما ماحصلوش على تعليم خالص او صلوا على مستوى ضئيل ومتدني من التعليم ، احوالهم الصحية عادة بتبقى متدنية وعادة هو لا يجيد صنعة بالتالي بيندرجوا تحت عمالة غير مدربة
محمد صلاح:فيه موظفين في ال2% دول وفقا لدراساتكم يعني ؟
د/سحرالطويلة:بالتاكيد فيه لان خط الفقر دا مرتبط بمبلغ معين الحقيقة وكان اخر تقدير له بيقترب من 200 جنيه للفرد في الشهر فالمفروض ان يؤخذ في الاعتبار نسبة الاعالة ان الفرد اللي بيشتغل نفسه في العمل هو بيعول كام فرد اعتقد ان النسبة في مصر حوالي 3 يعني كل واحد بيعول 3 في المتوسط
محمد صلاح:نسب البطالة قد ايه؟
د/سحر الطويلة: النسبة الرسمية للبطالة دلوقت حوالي 9%
محمد صلاح:عندك رقم تاني يادكتورة ؟
د/سحر الطويلة: هي الفكرة مش في الارقام انا عاوزة انبه الناس للنقطة دي هو الحساس الواقعي بان الرقم دا غير واقعي ليه..؟ لان البطالة مركزة اكتر بين الشباب البطالة مش موجودة بنفس النسبة في كل الفئات العمرية لو بتنقول ان فيه بطالة 9% لو ان اجمالا بنقول ان فيه 2 مليون عاطل اعتقد دي الاحصائية الرسمية هنلاقي ان 90% من ال2 مليون عاطل دول هم من الشباب اللي تحت 30 سنة وبالتالي المشكلة بتترجم ان كل واحد من العاطلين دول هو ممثل في كل اسرة موجودة في مصر او في نسبة كبيرة موزعين على الاسر اللي موجودة فتيجي الناس تسمع يعني ايه 9% بس بطالة دا البطالة اكتر من كدا لان كل واحد عنده مشكلة البطالة دي في بيته
محمد صلاح:خليك معايا يا دكتورة لسه الكلام مخلصش
فاصل
محمد صلاح:موضوع البطالة من الموضوعات الملموسة في المجتمع ..دكتورة عندنا مجموعة من الشباب بيتكلموا عن القصة دي نشوفه
د/سحر الطويلة: اه طبعا
محمد صلاح:نشوف الشباب بيقول ايه
فاصل
شاب1:مفيش أي شغل في أي مجال نقدر نعيش منه حتى ..
شاب2:قعادنا على القهوة مابقاش مرتبط بوقت معين كله قاعد لان اصلا حال البلد وحش الشباب محبط نفسيا مش عارف لما يخلص طب ولا يخلص صيدلة هيشتغل ولا مش هيشتغل انا اخويا خريج طب اسنان ولو مامعوش فلوس يفتح عيادة هيقعد
شاب3:مفيش حاجة اعملها مفيش حاجة في المدرسة ناخدها لانه مفيش مدرسين والدرس بالليل ان شاء الله بس فقاعدين كده حبة نقاهة
فاصل
محمد صلاح:انا بتصور ان جزء من الموضوع هو فعلا مفيش فرص عمل كافية ..لكن الحقيقة برضه عشان الصورة تبقى واضحة وعشان الواحد يبقى عادل في الكلام بتاعه مازال هناك فرص عمل متاحة ولا تجد من يشغلها نتيجة انه مفيش التقابل بين المواصفات المطلوبة لفرص العمل المتاحة بالفعل ودا نتيجة عدم وجود أي التصاق بين سياسات التعليم من ناحية وسياسات التدريب وسياسات التشغيل ، 3 سياسات عامة يمكن يتم وضعها وصياغتها بمعزل .....
محمد صلاح:طيب المركز بيعمل ايه في المنطقة دي ؟
د/سحر الطويلة: احنا بنثير النقط دي ان فيه عدم تقابل بين سياسات التعليم وسياسات التدريب وسياسات التشغيل وانه عند وضع السياسات دي لازم يبقى فيه تكامل بين السياسات بعضها، ما بيحصلش لانه الوضع القائم حاليا ان كل وزارة منوط بيها وضع وتنفيذ سياسة معينة بيتم وضعها وتنفيذها بمعزل عن الاخرين بالاضافة الى النقطة الاولى اللي احنا اتكلمنا فيها ان اراء كل المعنيين اللي هيتاثروا بالسياسة لا تؤخذ في الاعتبار عند وضع هذه السياسة
محمد صلاح:طب نحل دا ازاي؟
د/سحر الطويلة: العقد الاجتماعي دي الفكرة الاساسية
محمد صلاح:طيب العقد الاجتماعي هيحل المسالة دي ازاي؟
د/سحر الطويلة: بانه يبقى فيه زي ما بنقول وسائل او اليات موجودة تضمن مشاركة كل الاطراف المعنية بسياسات معينة تضمن لها انصوتها احتياجاتها مطالبها تؤخذ في الاعتبار عند وضع هذه السياسات دا على مستوى اللي هيتاثروا بالسياسة دي ، الطلب اتاني ان اللي بيضعوا هذه السياسات الحقيقة فكرة التكامل عند وضع السياسات التكامل بين السياسات الاقتصادية وبعضها والتكامل ما بن السياسات الاقتصادية والاجتماعية ان لكل سياسة اقتصادية في النهاية لها اثر اجتماعي اذا لم يؤخذ في الاعتبار عند وضع هذه السياسة يبقى مانفاجئش بقى في النهاية لما الاثر دا ييجي سلبي او في صورة غير مطلوبة
ممم من بين الاثار اللي مكمن تكون واضحة او الناس تتداولها بشكل متكرر الكلام عن اختفاء او على الاقل تآكل الطبقة الوسطى انت معايا انها بتتاكل ولا راحت خالص ولا شايفة انها لسه موجودة
د/سحر الطويلة: انا بتصور ان جزء كبير قوي من الغموض اذا جاز لنا ان نسميه غموض اللي بيحيط بالطبقة الوسطى النهاردة في مصر اساسه ان لطبقة الوسطى في مصر ما بقتش طبقة متجانسة زي ماكانت قبل كده يمكن في الخمسينات والستينات ولحد السبعينات الطبقة المتوسطة كانت طبقة متجانسة تشوفها في الشارع تعرف ان هذا الفرد او هذه الاسرة تنتمي للطبقة المتوسطة من نواحي كتيرة النهاردة الطبقة المتوسطة هي لازالت موجودة بس خصائصها اتغيرت بمعنى انها ما اصبحتش الطبقة المتوسطة المتجانسة زي زمان بقت جزئين نقدر نقول عليها الطبقة المتوسطة العليا والطبقة المتوسطة الاقل بس هما الاتنين طبقة متوسطة انا ما بتكلمش عن الطبقة العليا خالص ..
محمد صلاح:بس ما بقتش بين مطرقة وسندان بمعنى انه ما بين طموحها وتطلعاتها للطبقة العليا وبين خوفها من ان تسقط الى الطبقة الدنيا.
د/سحر الطويلة: دا عامل مهم جدا الحقيقة ودا اللي عمل الانقسام يعني هي الاول كانت طبقة متجانسة نتيجة تنبه جزء كبير منها من السقوط الى اسفل كافحوا اكتر عشان يتشبثوا بالطبقة المتوسطة العليا في مقابل مجموعة اخرى بذلت جهد برضه في النهاية هي موجودة بس منقسمة وهي في النهاية طبقة صامتة بتعامل مع الامو رانا بقول انها طريقة عملية بتمشي امورها بنفسها
محمد صلاح:ازاي ما الشعب المصري بيمشي اموره بنفسه؟
د/سحر الطويلة: اكتر طبقة بتمشي امورها بنفسها هي الطبقة المتوسطة تعمل في صمت يعيني هي كان من حقها تحصل على العليم المجاني الذي توفره الدولة اكتشفت ان دا ما ينفعهاش فاتصرفوا وتحملوا العبء المادي بتاع ان ولادهم يروحوا مدرسة خاصة ،،عييوا ما استخدموش المرافق الصحية الحكومية واستخدموا مستشفيات خاصة ، المواصلات العامة مهينة قسطوا وجابوا
محمد صلاح:طيب ايه اكتر ضربة اتعرضت لها الطبقة المتوسطة في الفترة الاخيرة ؟
د/سحر الطويلة: يمكن انا بتصور موضوع الضرائب العقارية انه يمكن ضربة قاصمة للطبقة المتوسطة اللي كانت صامتة وعشان كده لم تستمر في الصمت المرة دي فبتصور انه هما في هذه المرة تحديدا يعني هما لم يستمروا في عملية الصمت لان هما الطبقة المتوسطة يعني الي احتجوا على قانون لاضرائب العقارية كانوا مين كانوا الصحفيين القضاة المستشارين الاطباء المهندسين المحاسبين طوائف مختلفة اللي جزء كبير منهم المسكن اللي هو بيدافع عنه ومش عايز يسدد الضريبة العقارية المفروضة عليه هو حصل عليه نتيجة سنوات غربة طويلة اتحملها في الدول العربية او ايا كان ... واعتبر ان المكسب الحقيقي اللي رجع بيه انه يبقى عنده مسكن لائق له ولولاده
محمد صلاح:طب فين بقى مركز العقد الاجتماعي التابع لمركز الوزراء هنا
د/سحر الطويلة: انا بتصور انه يظل دورنا هو نفس الدور الاساسي ادارة عملية الحوار
محمد صلاح:طب نعمل ايه بالحوار بعد القانون ؟
د/سحر الطويلة: ودا اللي احنا بنقوله ان الحوار الحقيقة كان المفروض يتم قبل القانون بس عايزة اعلق تعليق صغير انه يمكن الطبقة المتوسطة المرة دي تحديدا يمكن هي مسئولة شوية
محمد صلاح:عشان ايه عشان ورثوا ولا اشتغلوا.؟
د/سحر الطويلة: لا لا لا ..مسئولة عن صمتها المستمر عن امور اخرى يمكن بقى هناك تصور ان الطبقة دي اصبحت الطبقة المنية اذا جاز لنا ان نقول ذلك حتى لما حضرتك نحاول نتذكر مع بعض الحملة الاعلانية اللي وزارة المالية قامت بيها علشان موضوع قانون الضرائب العقارية هي كانت مركزة بالاساس على اللي مش هيتاثروا خالص بالقانون بتطمنهم انه لا انت اطمن خالص املا الاقرار بس مش هيحصل لك حاجة او انت مسكنك دا قيمته ضعيفة ومنخفضة جدا وحتى اذا اتفرضت عليك ضريبة فهتبقى شيئ بسيط قوي ما تحملش هم ولم تخاطب الطبقة الاساسية المعنية الحقيقة بهذا الموضوع هي كمان لم تعن بمخاطبة الطبقة العليا اللي هي مش هيفرق معاها الحقيقة انها تسدد ما عليها من الضرائب العقارية لكن الطبقة الاساسية اللي بيمسها القانون محدش خاطبها وعشان كده برضه هما لما اعترضت ه1ه الطبقة على القانون اعرضت عليه بصورة موضوعية تلائم عقلية هذه الطبقة
محمد صلاح:يمكن عشان كده الرئيس مبارك استجاب وتفهم لمطالب الطبقة دي ؟
د/سحر الطويلة:هما اعترضوا قالوا ايه..؟ قالوا ان المسكن الخاص يجب ان يتم اعفاؤه من الضريبة العقارية دا المقترح بتاعهم بصرف النظر عن نتفق او نختلف معاه وكان يبدو من وجهة نظرهم انه اقتراح عادل وبرضه من نفس المنطلق دا هذه الطبقة تكاد تكون فغي حالة من اتنين اما انهم حصلوا على المسكن اللي بيقيموا فيه دا بشق الانفس او جزء كبير منهم اصحاب عقارات قديمة يعي كانت المفارقة المضحكة انه قانون الضرائب العقارية اعفاهم من تسديد الضريبة على الوحدات السكنية التي ليست في حيازتهم اللي هي بينطبق عليها قانون المساكن القديمة لكن المساكن اللي هما بيقيموا فيها اصبحت خاضعة للضريبة فدي المفارقة
محمد صلاح:معايا تقريركده الناس بتتكلم على الثقة ..نشوف التقرير
فاصل
مواطن1:تجاوبنا مع الحكومة المصرية في الفترات اللي فاتت تخلي الشعب المصري لا يثق في الكثير من القرارات التي تتخذها الحكومة يعني الكثير من الوعود والكثير من الامال التي رسمتها الحكومة للمواطنين ولكن حين الوصول الى ارض الواقع نجد ان هذه الوعود معظما يتبخر لا اريد ان اقول كلها ولكن معظمها يتبخر هل نتيجة سوء تخطيط من الحكومة
مواطن2: قرارات الحكومة كلها ما بنشوفش يعني خلينا واقعيين احنا دلوقت بنطالب بحاجات كتير ما بنلاقيش منها حاجة يبقى الشعب في واد والحكومة في وادي تاني خالص
مواطن3:طبعا الوضع اللي احنا شايفينه ما بيوحيش باي ثقة في الحكومة الوضع في كل المصالح الحكومية وفي أي مكان في الدولة كله مشاكل والحكومة لا تنفذ وعودهات اللي احنا بنشوفها فطبعا ازاي نثق في الحكومة
مواطن4:الثقة طبعا مفيش ان انا دلوقت عندي 35 سنة لا لاقي شقة اقعد فيها ولا شغلانة بشتغل أي حاجة عشان اعيش بس فهي لا موفرة لي سكن ولا شقة ولا شغلانة حتى انبوبة البوتاجاز مش عارفين نجيبها
مواطن5:الناس مش لاقية سكن والناس مش لاقية معيشة والمواصلات الناس تعبانة تعب جامد قوي ناس مبسوطة قفوق وناس تحت
مواطن6: مش لاقيين نسكن مش لاقيين نشتغل مش لاقيين كل حاجة يبقى نثق في الحكومة ازاي ؟
فاصل
محمد صلاح:المفارقة ان الناس اللي اتكلموا ومعندهمسش ثقة في الحكومة نتيجة المشاكل اللي بيواجهوها ..الحكومة نفسها عاملة مركز للعقد الاجتماعي طيب الحكومة السبب في المشاكل من وجهة نظر الناس يعني طب المركز وجهة نظره ان المشاكل دي سببها الحكومة المركز يا دكتورة اللي هو تابع للحكومة لمجلس الوزراء يعني ..مش فيه شوية تناقض ولا ايه؟
د/سحر الطويلة: هو مفيش تناقض لسبب ان الناس شخصوا المشكلة بصورة ذكية جدا ان هما مشكلتهم الثقة مفقودة ليه بعضهم قال ان فيه وعود لاتتم وبعضهم قال انه ان اللي بتعمله الحكومة لا تلبي مطالبه واحتياجاته ان الحكومة بتعمل حاجات بيستفيد منها بعض الناس لكن هو ما بيستفادش منها دي النقطة اللي بترجعها السياسات للي بتعملها الحكومة مش بس هنا انما في كل حتة في العالم المفروض انه يبقى فيه مجال لكل الاحتياجات انها تتسمع وان السياسات بتصمم بصورة بحيث انها تلبي اكبر عدد من الفئات ومفيش سياسة بالمناسبة قادرة على انها تلبي احتياجات كطل الفئات لكن عند وضع هذه السياسة بيؤخذ في الحسبان انها هتلبي احتياجات فئات معينة والفئات اللي مش هتقدر تلبي احتياجاتهم ايه اللي هيتعمل عشانهم يعني يبقى فيه نوع من الاستعداد ان السياسة دي لن تلبي هذه الاحتياجات ، هما اتكلموا ان مفيش ثقة لانه سياسات الحكومة لا تلبي احتياجاتهم فدي نقطة اساسية ودا اللي بنسميه عدم عدالة السياسة وعدم استجابتها لمطالب الفئات المختلفة النقطة التانية اللي بيقولوها ايه خدمات جيدة هو مش لاقيها فيه عنصر تالت دا الحلقة التالتة اللي بتشبك الحقيقة السياسات من ناحية والخدمات بتاعة المواطنين من ناحية تانية اللي هي مكافحة الفساد لان الفساد هو اللي بيحرم الناس من حصولهم على حقوقهم الاساسية بس لازم برضه نقول ان الفساد له وجهين الحقيقة زي الجواز بيقولوا ان الجواز دا سارع باتجاهين فيه طرفين زوج وزوجة وبالتالي أي مشاكل بتقع في الزواج الفساد كمان طريق ذو اتجاهين بمعنى ان واقعة الفساد لها طرفين لها طرف موظف عام عشان كده بقى اسمع فساد لو كل الاطراف خارج الوظيفة العامة ما يبقاش اسمه فساد يبقى توافق بينهم على الفساد لكن بما ان احد الاطراف في الوظيفة العامة عشان كده بقى اسمه فساد بس هما طرفين الحقيقة طرف في وظيفة عامة وطرف بيتعامل معاه فحتى الطرف التاني اللي بنتكلم عليه دا الحقيقة المواطن كونه هو وصل لمرحلة انه استسلم للفساد عشان يحصل على حقه ...
ممم يعني هو بتفرض عليه قوانين بتزيد اعباؤه زي الضريبة العقارية لما بيبتدي اعداد مشروع قانون للتامين الصحي مثلا عنده شكوك من اللي شافه قبل كده يعني طيب المواطن يعمل ايه هو عليه عبء نه يتخلص من الفساد وهو عاوز يخلص الشغلانة بتاعته ويمشي
د/سحرالطويلة: اذا كنا بنلتمس له العذر وان كان دا مش عذر الحقيقة انه احيانما بيضطر عشان يحصل على حقه انه يتحايل للحصول على حقه
محمد صلاح:انا عايز الفت نظر حضرتك انه صحيح ممكن يكون الفساد له طرفين موظف عام زائد متعامل معاه مش شرط المتعامل دا موظف غلبان عايز يخلص مصلحة دا ممكن يكون برضه حوت كبير عاوز ارض على حساب الناس التانية اللي مش عارفة تاخد مترين في أي حتة
د/سحرالطويلة: ودا الفساد بمعناه الصارخ الحقيقة لكن احنا بنتكلم عن جزء كبير دا فساد موجود ولابد من مكافحته لكن فيه جزء اكبر من لافساد اللي موجود هو للاسف حاجة من اتنين انه يا اما المواطن بيضطر اليه للحصول على حقه وفي احيان كتيرة هو بيبادر هو بيتطوع يعني اصبح راسخ في ذهنه انه اذا ماعملش كده هو مش هيحصل على حقه وانا اتصور ان دا الوضع الاسوأ وان دا المفهوم اللي احنا محتاجين ان احنا نغيره
ممم يعني بتحاولوا دايما تعالموا حوار بين اطراف المشاكل الدولة المجتمع المدني الحكومة في النهاية بتعملوا ايه بتطلبوا توصيات ترفع الى الوزوارات او المؤسسات المختلفة نتيجتها ممكن تكون ايه هتغير كل اللي انتوا راصدينه اللي مجلس الوزرا راصده
د/سحر الطويلة: هو مش هيتغير نتيجة ان احنا بس بنقول غيروه احنا هدفنا تشخيص الوضع وتحليله وتقديم التوصيات المرتبطة بيه لكن الفكرة انه يحصل نوع من التعبئة سواء على مستوى قرار اللي بيصنع القرار ذاته والاهم على مستوى الممثلين الحقيقيين للمواطنين اللي هما حاليا الممثلين الشرعيين اللي هما في المجالس التشريعية هما اعضاء البرلمان المفروض ان هما الحقيقة يتبنوا هذه التوصيات
محمد صلاح:طب والمركز انتوا بقالكم 5 سنين شغالين ؟
د/سحر الطويلة:لا لا احنا بقالنا مدة بسيطة شغالين الحقيقة احنا لسه في بداية ان احنا نقوم بالعمل ..
محمد صلاح:طيب اعضاء البرلمان بيتبنوا؟
د/سحر الطويلة: والله هما بيهتموا انهم ييجوا ويسمعوا واتصور ان الموضوع محتاج جهد اكبرمننا ومنهم ومش بس هما الحقيقة الاعلام كمان دوره مهم مش بس في الهجوم والاثارة اتصور انه لازم يبقى فيه نوع من التوازن في العرض التوازن ان هو بيقول ان كل طرف بيقول ايه وعليه ايه وزي ما بنتكلم عن حقوق المواطن لازم نتكلم عن واجباته ، الدايرة المفرغة اللي احنا ماشيين فيها دلوقت انه لا محدش يكلمنا عن الواجبات لما نبقى ناخد حقوقنا الاول اعتقد ان دي دايرة مفرغة وخطيرة جدا مش هتوصل لنتيجة مشس هتوصل لحل .. لو كل حد قال لا انا مش هشارك معاكم لحد لما اشوف التانيين هيشاركوا ولا لا لما اطمئن ان الاطراف الاخرى وافقت انها تيجي وتقعد على الترابيزة ودا كلام بنسمعه في دعوتنا لاحزاب سياسية لتوجهات فكرية معينة لفئات معينة في المجتمع انا اعتقد انه مش مفيد ابدا ان انا ادعو تيار فكري معارض للدخول في حوار وهو يقول لا اصل مفيش فايدة انتوا حكومة ..
مم شارك وبعدين ابقى احكم
د/سحر الطويلة: بالضبط ما اعتقدش ان دا توجه ايجابي
محمد صلاح:يعني المطلوب ان المواطن يكون اكثر ايجابية ؟
د/سحر الطويلة: كمواطن وكفئات
محمد صلاح:ومن ضمن الفئات الحكومة برضه؟
د/سحر الطويلة: طبعا
محمد صلاح:لازم نتحول كلنا الى ناس ايجابيين كل مؤسسات الدولة .. قالت مدير مركز العقد الاجتماعي بمجلس الوزرا كلام ربما كان غريب علينا الدكتورة سحر الطويلة النهاردة لكن ما الحكمة راصدة اهه يعني راصدة حقوق المواطن واللي عايزه المواطن وراصده اخطاء الحكومة يارب بقى يفعل العقد الاجتماعي وقالت الدكتورة سحر الطويلة كلامها معانا النهاردة كان كلام جميل كلام معقول بس اكيد كان كلام مسئول خلص الكلام سلام نلتقي في الحلقة المقبلة