كلام مسئول

محمد صلاح: يامساء الخير القمة العربية في ليبيا في الاسبوع الاخير من الشهر اللي احنا فيه اذا قلنا عنها قمة كسر الجليد البعض بيسالنا هو احنا لسه هنكسر في الجليد وبعدين جليد ايه هي المنطقة العربية فيها اصلا جليد يمكن شوية كده من جبل لبنان في الشتا وساعات في ابها والباحة في السعودية وشوية جليد كده صغيرين بيطلعوا برضه في الشتا في عمان نشوف حاجة تانية غيرالجليد نخليها حجارة لا ما ينفعش العرب يقعدوا يكسروا في الحجارة يمكن تكون قمة لم الشمل ..شمل ايه واحنا سه هنلم في الشمل ما كفناش 65 سنة من ساعة ما تأسست الجامعة العربية وشفنا 23 قمة عربية معرفناش فيهم تنلم الشمل هنلم بقى في قمة ليبيا وبعدين هو دا مش تحميل للجماهيرية الليبية وقمتها اكتر مما تحتمل ..طب تبقى قمة مصالحات ممكن لان العرب على طول بيتخانقوا ويرجعوا يتصالحوا وفي الاعلام العربي اعتدنا انه مفيش خصومات دائما وكمان مفيش مصالحات دائما الخلاف الدائم وساعات لاتفه مشكلة ممكن العودة لابسط سبب الجسد العربي اتعود على كده واللي مكنوش وعيوا على ايام الخمسينات والستينات كانت الامة ظابطة الساعة على الخلافات بين النظم الثورية والنظم الرجعية في السبعينات بقى الصمود والتصدي وفي التسعينات الفضائيات اللي بعضها مش مكفيه يغطي احداث لكن عايز حاجة يولعها ..مراحل بقى ..كان عندنا اساتذة جغرافيا رسموا الخريطة العربية على جسد الانسان والجسد على الخريطة طلعت مصرالقلب و الشام الصدر والعراق الكتف ماعلينا في تحركات عربية كتيرة عشان لم الشمل وعمل مصالحات تسبق قمة ليبيا صحيح فيه بطء شديد في تحقيق دا لمن برضه يمكن السبب فيلا القضايا الكتيرة في المنطقة القضايا بقى المتوارثة زي القضية الفلسطينية والحوثيين وجمهورية الصحرا والقضايا اللي من انجازات الساسة الحاليين زي الصوما لوالسودان والعراق عن قمة ليبيا هيكون لينا النهاردة كلام مسئول
فاصل
محمد صلاح: كالعادة القضية الفلسطينية هتكون على راس اولويات قمة ليبيا القضية الفلسطينية اللي هي الجذر والفرع علشان كده اتقال كتير وعن حق ان هي قضية العرب المحورية تتمجور معاها وعليها وحواليها بقية القضايا بنتخاصم ونتصالح فيها وبننسى قضايا مهمة وخطيرة زي التعليم الطاقة النووية التكامل الاقتصادي العمل البطالة التنمية قضايا قمة ليبيا من وحجهة النظر المصرية هيكون لينا معاها النهاردة مع وزيرخارجية مصر السيد احمد ابو الغيط معاها النهاردة كلام مسئول ومن كلام الوزير احمد ابو الغيط " القمة العربية المقبلة ستشهد محاولات لكسر الجليد والتحرك نحو هدف جمع الشمل العربي ونامل ان يتحقق ذلك من خلال الفهم المشترك ".."سوريا هي ميزان المشرق ونسعى الى الحفاظ على امنها القومي ومصرتسعى الى علاقات طيبة واحنرام متبادل وعمل وتعاون"ايران تتحرك الى جانب الفلسطينيين لتحقيق مصالحهم ويجب الا ترهن المصالح الفلسطينية على محراب " مواجهة ايرانية عربية " لما بيجتمع مجلس الجامعة العربية مع مستوى القمة يبقى دا احلى مستوى في العالم العربي المشترك هرم من السنوات والقضايا والخبرات في الملفات والاتفاقيات والمعارف والمصالحات لكن القمة بعد 10 سنين من دوريتها محتاجة تستخدم روحها عزيمتها في الفعل اكتر من الكلام عشان تدي قيمة لحبر اللي بيتم بيه التوقيع على أي قرار ..قمة ليبيا الوشيكة وملفاتها هيكون لينا عناه مع وزير الخارجية المصري السيد احمد بو الغيط كلام مسئول
فاصل
محمد صلاح: ارحب بوزير الخارجية السيد احمد ابو الغيط ..منورنا سياسيادة الوزير..سيادة الوزير باقي حوالي اسبوعين على وزراء الخارجية التي تسبق القمة العربية مصر بتوصف الحالة العربية دلوقت ازاي
احمد ابو الغيط: يعني اقدر اسميها حالة ترقب..ترقب لكيف سنصل الى القمة وكيف ستدار القمة وكيف سنخلص الى نتائج ايجابية تخدم الواقع العربي والوضع العربي ..الوضع العربي طبعا وضع اقل ما يوصف بيه انه وضع غير مريح فيه امكانيات عربية كبيرة جدا ولكن العربي لم يصلوا بعد الى اتفاق على المنهج الصادق الموضوعي الحقيقي اللي يمكنهم من انهم يحققوا اهدافهم يعني يوم 2 مارس اشهر دا كان فيه اجتماع للجنة المتابعة ..الرئي الفلسطيني قال للناس كده عيني عينك قالهم ادي الموقف دبروني والخيارات المتاحة ايه دا كان تحليل للموقف العام في مواجهة اسرائيل فدا زضع طبعا العرب عليهم ان هما يسالوا نفسهم ما هي الخيارات المتاحة للحفاظ على المصالح العربية فيه دولة اسرائيل رغم ان العرب من عدة ايام وافقوا ومعانا السماح للرئيس الفلسطيني او تاييد سعي الرئيس الفلسطيني للمفاوضات او محادثات بنسميها proximity عن قرب اوغيرمباشرة الا انه الايام الاخيرة شفنا هذا العبث الاسرائيلي متمثل في اعلان مباني جديدة وعمليات استيطان جديدة و1600 وحدة هنا وضع أي انسان يرفضه دا وضع اسرائيل والعرب وبعدين على الجانب الاخر شايفين الكثير من القضايا العربية بتحاول قوى اقليمية انها تلعب فيها وتقول رايها فيها وتوظفها لصالح سياساتها وبالتالي وضع العرب
محمد صلاح: زي ايران مثلا ؟
احمد ابو الغيط:زي ايران وطبيعي زي ايران لان هو النهاردة لما نشوف انه بيتقال انه ايران بتطالب الفلسطينيين بالمضي في الصدام وفي النضال بالشباب الفلسطيني طيب ماهي المقاومة مطلوبة والمقاومة لا يمكن لاي انسان يرفضها لكن المقاومة التي تحقق الهدف للشعب ولا تحطم الشعب فالمقاومة دي شئ مقدس لكن كيف تدار وتوقيت ادارتها على أي الاحوال بتلاقي فيه ىاسرائيل هنا بتلاقي فيه ايران في الناحية التانية وبعدين بتلاقي حتى العالم الاسلامي بنلاقي اوضاع في العالم الاسلامي دولة تقرر او شعبها يقرر انه لا مآذن في الجوامع اوانه يوضع مجموعة من هذه الرؤساء تحت طائلة المحكمة الجنائية ففيه اوضاع في العالمن العربي محتاجة لوقفة مع النفس ونقعد نقلبها
محمد صلاح: عشان كده انا بقول انك انت تنظر الى مؤتمروزراء الخارجية 25 مارس اللي هو في "سرت" قبل يومين من القمة .
احمد ابوالغيط: بكثيرمن الترقب بالاعداد الجيد بتحضير الوضع العربي بالامل انه هذه القمة تسفر عن نتائج تمكن العرب انهم يستعيدوا قدرتهم على التاثيرعلى مستقبل هذا الاقليم اذا ما نجحت هذه القمة في وضع حتى ولو بذرة او اختطت الطريق وحددت علاماته يبقى امر جيد
محمد صلاح:سيادة الوزيرنرصد من خلال القمة اللي فاتت قمة الدوحة حتى قمة سرت في ليبيا بعض الظواهر توتر مع الجزائر على خلفية مباراة القاهرة ثم مباراة ام درمان وامس بدات لجنة الانضباط في الفيفا بحث الشكوى المصرية وشكوى الجزائر بخصوص ما حدث في ام درمان والاعلام ايضا بدا يسخن في الجانبين لانه الفيفا هياخد قرار يامعاقبة مصر يا معاقبة الجزائرهنرصد كمان برود مع سوريا هنرصد الفريزر بقى العلاقة مع قطر هنرصد ايضا المشكلة اللي تعتعلق بدعوة حماس اذا ما جرى يعني الى القمة مصر فين من دا كله
احمد ابوالغيط: شوف لااعتقد انه فيه توترعلى الاطلاق في العلاقة الجزائرية في اطارها الرسمي بمعنى نلتقي بوزيرخارجية الجزائروبنلتقي مع بعضنا بس مش بالضرورة كل شئ معلن لا نحمل لدولة الجزائر الا كل رغبة في ان ينجح هذا المجتمع في الخروج من أي مشاكل يواجهها انه يحقق تنميته انه ننصره على أي طرف انه يبقى فيه امام وفد اسمه منظمة التحريراوالسلطة الفلسطينية اووفد اسمه حماس وهذه المحاولة حصلت مش في القمة اللي جاية او مش في الاجتماع الماضي ولكن دي اتعملت في يونية 2007 الكلام دا ما يمشيش لازم اللي يقعد في كرسي فلسطين والا الاممن المتحدة بكرة الصبح هتيجي قايلة للفلسطينيين روحوا بقى انتوا العرب سمحوا لكم بمقعدين وبما ان هنا عندنا مقعد واحد فلما تتفقوا مع بعض تبقوا تيجوا تاخدوه دا مش موقف مصر فقط دا موقف الغالبية من الدول العربية
محمد صلاح: وليبيا موقفها ايه ؟
احمد ابو الغيط:انا فهمي انه الاخوة في ليبيا بيقولوا ان حماس مش هيدعوهم دا فهمي فدا موضوع حماس
محمد صلاح: طيب عدم وجود حماس يكون دا الموقف العقلاني الطبيعي يعني انها حاليا لا تحكم في فلسطين يعني لكن دعوتك كمراقب اوكضيف
احمد ابو الغيط: طرف عربي يبقى دولة ممثلة لكن انك تيجي تقولي دا فيه تنظيم يبقى احدهم يقول طب ما نجيب بقى التنظيم الفلاني في الدولة التي يزعم انه راغب في الانفصال ما تنفعش المسائل..نمرة 3 موضوع قطر انا لا اتصور انه لا مشكلة بين مصروبين قطر والمشكلة هي القناة التي صباح مساء تبحث عن أي شئ لا يرضي مصر يعني عندنا مشكلة قمامة لا يتطرق لها الا القناة .احنا دولة كبيرة لها تاثيرها في هذا الاقليم والناس بتشوفها وانا بفاجئ في البداية وبعدين بقت حقيقة انه الكثيرمن زملائي السفراء اوالوزراء اوالمسئولين يقولوا لي اه دا احنا شفناك على "البيت بيتك " وبالتالي مصربيحبوها فيه عشق ليها وبالتالي اذا كانت الجزيرة من هؤلاء اللي بيعشقوا مصر فاعشقوها بخيرها وبسلبياتها لكن مفيش داعي انكم انتوا تركزوا انه مفيش الا دي وعشان كده انا بقول المشكلة عند ادارة هذه القناة وانا اعلم ليه
محمد صلاح: ليه؟
احمد ابو الغيط:عشان اللي بيدير هذه القناة احد الشخصيات القريبة من خط معين في فكرة العربي يرفض أي منهج مصر بتعمله
محمد صلاح:خط معين في الفكرالعربي يعني اميل للاخوان المسلمين مثلا ؟
احمد ابو الغيط:ربما وربما ان النضال المسلح هو القناة الوحيدة للامة وحتى لواستدعى مقتل كل انسان على ارض مصرفبالتالي مع قطر مفيش مشكلة ..القناة دي سيبها تتكلم الشعب المصري شعب ذكي جدا وناس كتيرة جدا في مصر قالت انا بطلت اشوف القناة اللي هي احس انها مفيهاش هذا القدرمن الموضوعية يعني انت لما تشوف التليفزيون المصري وتشوف قناة العربية وتشوف قناة دبي وبعدين تشوف هما بيركزوا على ايه لنفس الخبر او لنفس الحدث .. يبقى سوريا ..سوريا ومصر دول الشريكين اللي حاربا معا سوريا حاربت اللي حارب معايا احطه في عينيا وبالتالي اذا كان النهاردة فيه جفوه لها اسبابها وهي اختلافات الرؤى ..حق المنطقة انه بقى فيه سلام وانه يتم تسويتها بشكل عادل يحق للشعب الفلسطيني انه دولته فدي كلها مناهج احنا وسوريا بنلتقي فيها واثق انه الوزير وليد المعلم اواحمد ابو الغيط عندما يتحدث ويلتقيا يتحدثا ويلتقيا فيما هي المصالح العربية وكيف نحققها ..الاختلاف بيكون كيف نحققها لكن المصلحة مؤكد انه فيه اتفاق على المصالح ..عندما نختلف على تحقيق المصالح لا داعي انه يبقى فيه هذه الجفوة ..احنا ننتهز اللحظة المناسبة ونشوف الامور هتتحرك ازاي بين سوريا وبين مصر وبالتالي راحت بقى امل ان القمة القادمة تكون قمة مصالحات تكون قمة تهدئة تكون قمة تمكين للعرب لكي يتفقوا على المنهج القادم للاتفاق على المصالح العربية لتحقيق السلام الاستقرار كل الكلمات الكبيرة اللي هي حقيقة الامر كل الكلمات المطلوب انك تعمل تنمية للمنطقة العربية انه حق المنطقة العربية الا تحدث فيها تدخلات أي طرف اقليمي او دولي
محمد صلاح: حضرتك بتستخدم لهجة هادئة جدا عند الحديث عن الخلافات بين مصر وبين أي قطر عربي ؟
احمد ابو الغيط:لانه معندناش عراك لو انت جربتني في مواجهة حادة في لحظة ما من الزمن هتجد انه لا هاخد موقف وهاخد موقف في غاية الحدة ، عندما استشعر ان هناك ظلم بين لهذا الوطن مصر وهذه الدولة الرئيسية التي تدافع عن مصالح الامة فعندما تظلم او يتعرض احدهم لظلم فيجب التصدي اليه ..التصدي اليه بادب انا دايما اقول ليس من شيمة الدبلوماسية انك تردح لكن ما اسهل انك انت تردح لكن هيتردح كمان في وشك هل انت الدولة الكبيرة ذات التاثير ذات النفوذ وكلها دي كلمات انا مصدق فيها لما نقول كام كتاب صدر في العالم العربي هتلاقي مصر صدر فيها كذا لما هنقول كام طبيب جراح مخ حصل على الجائزة الدولية 50% من الاطباء الموجودين في العالم العربي جم من مصر لانه المسالة الكتلة السكانية الجغرافيا والتاريخ دخل مع الحياة على مدى 200 سنة وبالتالي دي دولة لها تاثيرها ولها قيمتها ولها وجودها ولها دبلوماسيتها ولها فنييها ولها السينما بتاعتها ولا المسرح بتاعها ولها كتابها لها نجيب محفوظ ولها الكثير من هؤلاء الكتاب اللي هما بيتصدوا لها ويتخانقوا معاها ويخبطوا فيها دي قيمة مصر انها بقوتها تدير هذا الجدل الداخلي
محمد صلاح: في القمة اللي فاتت ما بين معسكر الممانعة ومعسكر الاعتدال ؟
احمد ابو الغيط:احنا مش عايزين نفتح الجراح اللي فاتت ومش هنفتحها ومعنديش النية ان انا اتكلم فيها لكن لواعيدت الكرة فسوف اخذ نفس المنهج من هنا نبتعد عن أي مواقف وتصرفات تقود الى احتدام ..واعوون في مصر ان نسعى الى بناء المواقف العربية التي تحق للعرب مصالحهم في الفترات التي اختلفنا مع اشقائنا كنا نرى ان هذا المنهج المقترح من قبل اشقائنا سوف يعمق الخلاف وبالتالي نصيحتنا علينا ان نبتعد عن كل ما يعمق الخلاف ..الان وصلنا الى اللحظة جميعا ان نتبين ان هناك كثير من الاوضاع التي تؤثر على فاعلية العمل العربي المشترك وبالتالي علينا جميعا ان نسعى الى التحرك وكل له منهجه وعندما يكون لكل منهجه هذا لا يعني ان نتضارب او نتعارك
محمد صلاح: سيادة الوزيرنتكلم عن البعدالاقليمي المؤثر على العالم العربي وقريت لحضرتك حديث في صحيفة الحياة قلت ان ايران تتعامل مع القضية الفلسطينية وتستخدم الفلسطينيين لتحقيق اهدافها
احمد ابوالغيط:انا سالني صاحب الحوارقالي هي بتخضع الفلسطينيين قلت على ايران ان تتوقف عن خداع الفلسطينيين في ايهامهم انها هي وهم قادرون على التصدي او تحطيم دولة اسرائيل غدا او بعد غد لانه الرسالة التي تاتي من ايران هي فلتناضلوا وسوف تنتهي ويقضى عليها ..هذا الطرح يؤدي الى تحطيم المجتمع الفلسطيني لانه هيدفع بيه الى صدام وهذا الصدام سوف يؤدي الى انه الطفل الفلسطيني مش هيروح مدرسة انا هدفي ان الطفل الفلسطيني يروح مدرسة انا هدفي انه الطفل الفلسطيني ابنيه واقويه عليا ان انا امكنهم من قضيتهم ولكن امكنهم من قضيتهم من خلال القراءة الجيدة ماذا نرغب لاهل فلسطين انا ارغب للشعب الفلسطيني ان امكنه من ارضه ان ارفع مستواه في المعيشة ان اديله جامعات ان انا ما اشجعهوش على الهجرة برة فلسطين وانه اسرائيل بتزق بيهم برة فلسطين لان النهارده عندنا مليون نص في غزة وعندنا مليون و200 الفل في فلسطين.. فلسطيني اسرائيلي .. وعندنا في الضفة الغربية 3 مليون يعني 3 مليون مع واحد ونص ادي 4.6 مع واحد و200 يبقوا 5 و 750 ..خمسة مليون و750 الف عدد الاسرائيليين اليهود في اسرائيل لا يتجاوزوا ال5 مليون نص وبالتالي النهاردة العرب بدا يبقى عدهم اكبر من الاسرائيليين بعد 15 سنة دول هيبقوا 7.5 مليون ودول هيبقوا 6 مليبون يعني العرب هيبقوا اكتر ..اسرائيل واعية لهذا الكلام وبالتالي اسرائيل بتدبرمن النهاردة ان هي تستفزهم اوتدفع احد الى استفزازهم لكي تزقهم بره وتيجي تقولهم سافرواعلى وادي كندا مفتوحة واستراليا مفتوحة ودول مفتوحين وسعداء انهم يسهلوا تسوية القضية الفلسطينية مرة اخيرة ونهائية وخلاص احنا لازم ما نضحكش على الناس لازم نساعدهم انهم ياخدوا حقوقهم من خلال فهم علاقات القوة
محمد صلاح: يعني ايران بتضحك عليهم ؟
احمد ابوالغيط: طبعا ايران كل اللي يهمها اياك تفكرالامكانيات النووية الايرانية اوتفطرانك انت تضربني دا انت لو ضربتني دا انا هولعهالك نارفي جنوب لبنان هولعهالك نار في غزة هولعهالك في العراق وفي الصومال وهفتح لك نارفي الخليج عملك في اليمن وهسويلك الهوايل ودا كله ايه اراضي العرب ومواطني العرب واولاد العرب هو دا اللي احنا بنقوله يا جماعة فيه مناهج اخرى لتحقيق اهدافنا لازم تفهم مرة تانية علاقات القوى بين فلسطين وبين اسرائيل علاقة مش بس مش متوازنة علاقة واحد في السما والتاني في الارض ولذلك مصر لما بتخش تدافع عن الحقوق الفلسطينية بتحاول ان هي ترفع الكفة بتاعة الفلسطينيين والعرب بينزلوا معاها عشان يرفعوا الكفة الفلسطينية وقدرته على التفاوض .. ييجي الاسرائيلي يقولك انا مستعد اعيد الاراضي بحجم ما احتل سنة 67 ..انا لغاية الاسبوع اللي فات جالي اكتر من وزيرخارجية يقولي طب ماهو الراجل الاسرائيلي عمال يقول صباح مساء انا مستعد للمفاوضات انا جاهز للمفاوضات طب اديني قبلت المفاوضات تاني يوم عامل مستوطنات انت عارف الضفة الغربية دي احتلت امتى ..يوم 8 يونيه احتلت بالكامل سنة 67 بقالها 43 سنة محتلة فلما ندي 3 او 4 اشهر نشكل مجموعة الضغط الدولية زي ما وزير خارجية فرنسا واسبانيا بيقولوا لي احنا نعلن الدولة ونعترف بيها في الاتحاد الاوربي قلت له الدولة اعلنت سنة 89 في الجزائر لكن هي المسالة ايه ان انا مش هعلن دولة بحجم" اندورا "وهي دولة بين فرنسا واسبانيا ولا يمكن اننا نقبل كده الفلسطينيين شعب له حقه في ارضه وله حقه في دولته هو دا اللي احنا بنقول يا جماعة فيه مناهج ارخى لتحقيق اهدافنا .طب انا هقولك حاجة موضوع الرئيس ابو مازن والمفاوضات غير المباشرة واللجنة اللي وافقت على هذا الجهد ورد الفعل الاسرائيلي اللي هو رد فعل عبثي ومتوقع تقولي طب ايه بقى اللي عملته تقوم رادد عليه اقولك النهاردة يا اما تروح تحارب ضد اسرائيل تجيبلك 5 الاف دبابة و5 الاف طيارة وتحطلك 2 مليون فرد ولا صوت يعلو فوق صوت المعركة وتحطلك تريليون دولار ويا تكسب او ما تكسبش او انك تضيق عليها الخناق لغاية ما توصلها للحظة الحقيقة فيقولك طيب هتضيق ازاي اقولك بتجيلك الولايات المتحدة القوة العظمى دي اللي مش قادرة تعمل حاجة مع اسرائيل وتقوم قايلة انا هطرح عليهم فكرة المفاوضات غير المباشرة والحدود ونركز على الحدود ونشتغل علىى الحدود 3 اشهر او 4 اشهر نديكم بداية التسوية يقولي بس لو ماجيتش لا تلومن الا نفسك لان العالم الغربي والمجتمع الامريكي والشعب الامريكي والشعوب الاوربية بيسالونا هي فلسطين مش عايزن ليه نقولهم دي اسرائيل مش هتديهم حاجة واسرائيل واسرائيل يقولك طب يا اخي ما تكشفولنا الحقيقة دي .. انا ارى انه دا تصرف حميد جدا من لجنة المتابعة قلنا اقعد تفاوض4 اشهر تعالى قدم تقريرلا تنقل من مفاوضات غبير مباشرة الى مفاوضات مباشرة اتوماتيك ولكن بعد 4 اشهر اذا بان انه الاسرائيليين دول بيلعبوا يا امريكا احنا رايحين مجلس الامن وما تجيش بقى تقولي اصل فيه ظلم بينت لاسرائيل وغيه تعدي على اسرائيل انا هستخدم الفيتو مقدامكيش تستخدمي الفيتو فبالتالي هي معركة اقناع للمجتمع الدولي معركة اقناع للشرعية الدولية قولوا لنا ادينا مشينا في المفاوضات عملت ايه راحت بانية مستوطنات وبانية وبانية
محمد صلاح: ماهو دا اللي احنا بنقوله رد فعل اسرائيل متوقع.
احمد ابوالغيط: معلش بس انا المرة دي بحاول اغلط الجميع وبقوله اديني جبت له لبن العصفورزي ما بيقولوا الراجل مصمم ان هو ياخد ارض الفلسطينيين انتوا قدامكم ايه يا امريكان وياغرب
محمد صلاح:طب اذا رسمنا سيناريواذا فشلت المفاوضات ونصل الى مجلس الامن حضرتك بتقول هنقول للامريكان ما تستخدموش الفيتو هل لدى العرب وسيلة ضغط للامريكان انهم ما يستخدموش الفيتو غير حكاية الاحراج والحاجات دي ؟
احمد ابو الغيط:الضغط على الامريكان ان احنا نفكرهم بكل احاديثهم معانا لكن ان واحد يقول ما نفكربقى في سلاح البترول والتاني يقول ما نفكرفي سلاح الغاز استطيع ان اؤكد لك انه محدش هيفكر لا في سلاح البترول ولا في سلاح الغاز..المواجهات التاريخية المصيرية لما بتتعمل بتتعمل في لحظات تاريخية وما بتتكررش كثيرا بمعنى لما دخلنا 73 واستخدمنا القوة المسلحة كان اشقائنا واخواتنا معانا وواقفين ورانا بيدعمونا بسلاح البترول وبيقللوا انتاجه وبيحظروه على ناس معينة عشان كده خرجت معركة متكاملة اليوم مفيش معركة متكاملة
محمد صلاح:خليك معايا سيادة الوزيرلسه الكلام مخلصش
فاصل
محمد صلاح: حاسس انه المرة دي الشاعر العربي مش ضاغط على القمم ..سيادة الوزير في القمم السابقة كانت بتقوم مظاهرات او مطالبات او اجتماعات وتتوجه للقادة توصيات او مطالبات انت ملاحظ انه الشارع العربي نفض ايده من القمة ولا ايه
احمد ابوالغيط: لا القمة اللي جاية فيه ترقب كبيرلان القمة القادمة قمة مصالحات
محمد صلاح: حصل مصالحات قبل كده في قمة الكويت ؟
احمد ابو الغيط:لا ان شاء الله المصالحات المرة دي ..القمة القادمة قمة بيسعى قائد الثورة الليبية انه يضع مفاهيم جديدة للقمة ولرئاسة القمة فلنرى كيف ستتجاوب القمة مع هذه الاطروحات ..القمة القادمة هي قمة فعلا بتقترب لاشياء حاسمة للقضية الفلسطينية رايحين فين بعد 47 سنة
محمد صلاح:طب نشوف سيادة الوزيراراء الناس في القمة ايه.
فاصل
مواطن1: الى متى هنعمل قمم عربية الى متى يعني احنا عاوزين الفعل عاوزين نثبت الوجود العربي ومكانة القومية العربية والجامعة العربية فين دا كله انا بسمع وساعات ما بسمعش؟
مواطن2: والله القمم العربية كلها بتنتهي الى لا شئ للاسف الشديد وفي الوقت الحالي فيه خلاف بين الدول العربية مش عايزين يتفقوا على شئ خالص .
مواطن3: نتمنى انه القمة اللي هتنعقد دي تتكلم في مضمون اساسي بالنسبة للمشكلة الفلسطينية ككل .
مواطن4: كنا نتمنى انه مؤتمرات القمة العربية يكون ليها نتيجة بناءة لكن للاسف اللي بيحصل انه فيه اخطاء كتيرة بتحصل المؤتمرات ما بتطلعش اولا بنتائج ايجابية حتى لو اتفقوا مع عدة نقاط ..النقاط دي ما بتتحققش ولا بيتم منها حاجة على كمان انه فيه بعض القادة العرب ما بيحضروش المؤتمرات دي لوجود خلافات وياريت ان الخلافات دي بتتحل او ان القمم بتحلها ما بين الدول العربية او ما بين الرؤساء نفسهم الكلام دا ما بيحصلش
مواطن5: المشكلة مين اللي براس القمم ..هي دي المشكلة اللي بتشغل بال الرؤساء العرب لكن نتيجتها معروفة نشجب ندين مفيش أي نتيجة
مواطن6: القمة العربية لا جدوى منها يكفي ان اسرائيل تضرب عرض الائط بكل القمم العربية
مواطن7: القمم العربية دي لو فيه جدية ولو فيه ورقة عمل مظبوطة هتبقى كويسة انما كل واحد بيعمل قرارمن دماغه وبيعمل قرارات من دماغه عمرها ما تنجح
مواطن8: أي قمة عربية اذا كان مفيهاش خلافات فهي تخرج بقرارات على الورق بس دا اللي احنا اتعودنا عليه ونتمنى ان هي تخرج من غير خلافات اصلا يعني كونها انها تخرج من غير خلافات دا يعتبر في حد ذاته انجاز
مواطن9: %% زي الفل ..بس خلاص
فاصل
محمد صلاح:كنت متوقع سيادة الوزيرالاراء دي؟
احمد ابو الغيط:القمم بتؤكد ان للامه فكر واحد ولها مسار ولها رغبة في ان تلتقي بشكل دوري وبالتالي لما بتعقد في نهاية شهر مارس دا في حد ذاته انجاز الحاجة التانية ان القمم لهابيعكس منهج بيعكس رؤى وفي الرؤية العربية ان رؤتنا لهذه القضية وهذه القضية هي هكذا وبعدين لعها بعد اقتصاد والبعد الاقتصادي دا بعد هام في مصر مثلا في 2011 هيعقد قمة اقتصادية لربط العالم العربي فيما بينه بربط سكك حديد بطرق واحدة بمواني واحدة اتخذ قراربتفعيل العمل العربي المشترك يعني احنا كمعرب نتفق سويا على مناهج ان الطاقة الذرية تكون وسيلة للحصول على الطاقة عبر الفضاء العربي وفيه اتصالات وفيه لجان بتعقد اتفاقات على نجيب منين المفاعلات النووية ونشتغل بالطاقة ازاي انا رايي ان لقاء وزراء الخارجية فيما بينهم ومناقشة كل مشاكلهم ولقاء القمة على مستوى الزعماء ودائما يحضر ما بين 15 الى 16 احيانا بتنزل الى 14 لكن احيانا اخرى بتصل الى 16
محمد صلاح: لكن تحليلك ايه لاراء الناس اللي سمعناها ان الناس محبطة من القمة وشايفاها مش هتعمل حاجة ؟
احمد ابو الغيط:اصل هي منتظر مننها ايه عشان تقول هتعمل ولا مش هتعمل القمة مش هتحررفلسطين على الاقل القمة القادمة مش هتحرر فلسطين القمة القادمة مش هتدي كل مواطن عربي بيت مساحته 150 متر في التجمع الخامس مش هيحصل ولكن القمة هتلم الشمل هتدي الاتجاه هتوثق العلاقات عتدي مجتمع قادرعلى ان يقول نحن قادرون على المشاركة في المجتمع الدولي في المناخ على يبيل المثال
محمد صلاح:لكن يافندم فيه تعبيرات بتتقال كده في القمم العربية يمكن لسان حال الناس عايز يقولها مثلا في قمة بيروت في 2002 طرحت المبادرة العربية للسلام طرحتها السعودية الاميرعبد الله ولي العهد طبعا الملك عبد الله خادم الحرمين الشريفين وافق عليها العرب ولكن امام التعنت الاسرائيلي والاجتياح والقتل وهكذا ..تخرج القمة العربية تقول المبادرة لن تبقى الى الابد
احمد ابو الغيط:في قضية عمرها 67 سنة ولا 57 سنة انها سنة ولا اتنين تفضل تناور هنا وتناور هناك وانك تطرح هذه الاطروحة او تلك وانك تفضل تضغط وتدور على خيارات بديلة وتشوف ايه المتاح دا لا اره انه شئ ضار على العكس لانه البديل ايه ..؟ قد يقول البعض فلنتوقف عن كل شئ ونقول سحبنا المبادرة فهيرد يقولك وبعدين لن تتحدث وبعدين يقوم يقول فلنتصدى بالعمل العسكري هتزول مين اللي هيتصدى بالعمل العسكري
محمد صلاح: هيقولوا عايزين مصر؟
احمد ابو الغيط:هل احنا عايزين نخش نحارب حرب اضافية وجديدة طيب البديل انا بطرحه كمصر بقول تعالي يا اهل فلسطين ويا قيادات فلسطين اتصالحوا واذا اتصالحتم بقيتم اقوياء واذا بقيتم اقوياء هنقف معكم ووراءكم لنقف معكم لكي تحصلوا على حقوقكم من الاسرائيليين قوة المفاوضات من خلال وحدتكم دي كلها مش كلمات رنانة وشعارات دي كلها كلمات لها معنى لكن لما تقولي تعالي يامصر حاربي بجيش عشان الفلسطينيين منقسمين اقولك اسف انا مش هعمل كده لما الفلسطينيين يتحدوا ويبان لي انهم انكروا الذات وانكروا المصالح الضيقة وابعدوا الايدلوجية عن المسار السياسي وقرروا انهم يعطوا لبلدهم عندئذ هقولك انا كمان هديهم لكن انك انت نقعد النهاردة بقالنا سنتين ونصف بنحارب عشان الناس تلتقي مع بعضها
النهاردة الاسرائيلي في كل مكان صباح مساء يقولي انا ما قداميش شريك وبعدين وبعدين ييجي بعض الغربين اللي عايزين يصدقوا او اللي بينضحك عليهم بدليل طب هو لو الرئيس ابو مازن وحصل وحقق وقع اتنفاق هو الاتفاق دا مطبق في غزة ماهي حماس مش هتقبله فكانكم بتدوا اسرائيل كارت وبتقولولها العب....
محمد صلاح:سيادة الوزيرايه قصة الورقة المصرية اللي هي ورقة المصالحة حماس مش عايزة توقع ليه واذا كانت معترضة على بعض الامور الشكلية زي ما بيقولوا طب عدلوها ؟
احمد ابو الغيط:لا لانه لو عدلنا الورقة وفتحناها لاي نقاشات اضافية بصيغات جديدة ماهو الطرف الاخرهتفرط لا هي كده تعالوا وقعوا واحنا هناخد في حسبتنا كلامكم وتعقيباتكم وتحفظاتكم سميها زي ما تسميها
محمد صلاح: انت بتحس بايه سيادة الوزير لما بتقرا كتير كلام وتحليلات سواء داخل مصر ا خارج مصر وكمان اتقال في الميديا وفي الجزيرة كلان عن دورمصر وتاخر الدورالمصري وتراجع الدور المصري ؟
احمد ابو الغيط:ولا بهتم بيها لسبب لو انا شاعر انه فيه عدم تاثير اه ابص واهتم بهذه النقطة واحللها وابحث فيها لكن اذا كان القضية الرئيسية للعرب مصر بتتعامل بيها والعرب مديين لمصر كارت بلانش اللي هي قضية فلسطين اذا كانت مصر في اللحظة اللي احنا بنتكلم فيها دي رئيسة حركة عدم الانحياز اذا كانت في اللحظة اللي احنا بنتكلم فيها دي مصر الرئيسة المشاركة في الاتحاد من اجل المتوسط اذا كانت في اللحظة اللي بنتكلم فيها دي مصر مشتبكة على المسرح السوداني شمالا وجنوبا
محمد صلاح:ما تضايقتوش من اتفاق الحكومة السودانية وجماعة العدل والمساواة اللي تم في قطرانه سحب من الرصيد المصري؟
احمد ابو الغيط: غازي صلاح الدين المستشار للرئيس السوداني سافر ووزير خارجية تشاد جاء الى الخرطوم وتم اتصال مباشربين تشاد والسودان وتم تسوية الخلافات التشادية السودانية وتسوية الخلافات التشادية السودانية هي التي فتحت الباب للحكومة لكي توقع مع حركة العدل والمساواة والتي هي موجودة خاليا داخل ارض تشاد دا اطار .. اما انه الاتنين يتفقا انه يروحوا قطر او يروحوا دمشق او يروحوا في ليبيا او يروحوا مصر هذا الامر لا يشغلني كثيرا آخذا في الاعتبار ان احنا يجب ما نكوش على المسائل .. قطر هي رئيسة القمة العربية طيب احنا هناخد من الناس حقها اذا كان دول هما رئاسة القمة العربية فمن باب اولى انه يتم التوقيع عندهم لكن هي اتعملت ازاي اتعملت في سعي مباشر بين السودان وتشاد وبعدين هو هياخد من مصر ايه هو التوقيع هو دا ...طيب انا هقولك حاجة تانية التفاق بيقول قبل 15 مارس يتم الاتفاق على كافة التفاصيل لهذا الاتفاق احنا قلنا نامل ان هذا الاتفاق يتحقق قبل 15 مارس ونامل ان هذا الاتفاق يبقى ويتمسك بيه الاطراف وهذا الاتفاق يمكن اهل دارفور في ان ياخذوا الامور في ايديهم ..بعد 3 ايام من هذا الاتفاق دار قتال محتدم بين الجيش السوداني وبقية الفصائل مسالة اكثر تعقيدا من ان انا احلها لوحدي او اعملها لوحدي ليبيا حاولت قطر حاولت مصر حاولت والاتحاد الافريقي والجامعة العربية والامم المتحدة ولم ننجح .. قصة دورمصر هذا الحديث يردده من يرغب في نشر كلام مش دقيق
محمد صلاح:سيادة الوزيرونحن على ابواب القمة العربية بتأتي مسالة الامانة العامة للجامعة العربية والسيد عمرو موسى الامين العام للجامعة حط العقدة في المنشار وقال في تصريحات صحفية انه مش عايز يجدد مصر بصّة للحكاية دي ازاي ؟
احمد ابو الغيط:امين عام الجامعة العربية بيقيم في مصر لانه مقر الجامعة في مصر وبالتالي لكي ينجح وتنجح معه الامانة وتنجح معه الجامعة العربية يجب ان يكون مصري وسوف يكون مصري والعرب يؤيدون هذا المنهج واذا ما كان هناك هذا الصوت او ذاك
محمد صلاح: الجزائر بتدعو من قمتين الى تدوير ..؟
احمد ابو الغيط:الجزائرلا تدعو الى شئ.. صدر تصريح لاحد المسئولين الجزائريين بصفته الشخصية وهذه مسالة بالغة الحساسية واذا ما كنا نسعى الى عمل عربي قوي يحرك الامور الى الامام وينهي القتال وتنطلق الامة العربية من الجامعة العربية بصوت واحد دعونا نر الامين العام قادر ..الامين العام المصري وهذا هو النهج عندما خرجت الجامعة الى تونس كان الامين العام تونسيا البديل بقى ان يقول احدهم ان تنقل من القاهرة لن تحقق هذا ...
محمد صلاح: هي وصلت لكده ان حد ينقلها ؟
احمد ابوالغيط:طبعا بالتأكيد لا الوضع العربي ليس بهذا السوء ..النوايا مش بهذا السوء وهناك احاديث بين وقت لاخر لكنها ليست انعكاس حقيقي للنوايا الجادة للدول
محمد صلاح: على القمة العربية التي ستعقد بعد حوالي اسبوعين في مدينة سرت الليبية كان الحديث ودار الحديث وتركز حول التوافق العربي اكتر بكتير حول الخصام العربي حول المصالحة العربية اكتر بكتير من الخصام العربي لكن بعد القمة يحلها الحلال ونشوف بقى ايه هيحصل فيها ...قال وزير خارجية مصر السيد احمد ابو الغيط كلامه معانا النهاردة كان كلام جميل كلام معقول اكيد كان كلام مسئول خلص الكلام سلام نلتقي في الحلقة المقبلة