وراء الاحداث

د/ عبد المنعم سعيد : مساء الخير .. من الصعب أن نتناول كل الأحداث الجارية فى المنطقة مرة واحدة حتى ولو كانت هذه الأحداث كلها مهمة مثل ذلك يجعل المسألة أكثر صعوبة , لدينا حركة محمومة تتعلق بموضوع الشرق الأوسط نتيجة الجولة التى يقوم بها جورج ميتشل فى المنطقة حاليا – لدينا أحداث فجأة إرتفعت لها علاقة بمياه النيل .. منذ عام لم نكن نتحدث كثيرا عن الموضوع منذ شهور حتى لم نكن نتحدث كثير عن هذه الموضوع ولكنه أصبح مطروحا علينا .. لدينا زيارة هامة للرئيس مبارك إلى الولايات المتحدة الأمريكية .. منذ فترة قصيرة حركة عدم الانحياز التى ظن كثيرين أنها ماتت مع انتهاء الحرب الباردة بعثت من جديد فى شرم الشيخ وكل ذلك يجرى من خلال دبلوماسية مصرية نشطة عبر مستويات رسمية وغير رسمية كثيرة ومتعددة .. من الصعب جدا أن نقول على كل ذلك أنه حدث واحد يمكن مناقشته لكن يمكن ذلك فقط إذا كان ضيفنا هو وزير الخارجية – معالى الوزير / أحمد أبو الغيط الذى شرفنا به أكثر من مرة فى برنامج وراء الأحداث هذه المرة لن تقل عن المرات السابقة أهمية لأنه لا أعتقد أنه حدث أبدا أن مصر كانت لحظة من اللحظات بلدا ساكنا إنه كانت دائما وسط أحداث متعددة تؤثر فيها ولكن مصر أيضا تؤثر فى هذه الأحداث لأنها بحكم مواقفها بحكم قياداتها بحكم قدراتها لابد وأن تكون مشكلا أيضا لهذه الأحداث قبل أن نلتقى بضيفنا تعالوا نستمع إلى هذا التقرير :-
فاصل " تقرير "
كثيرة هى الملفات والقضايا المفتوحة فى منطقة الشرق الأوسط ويزيد تشابكها من صعوبة التعامل إذ يبدو من الصعب بل ومن المستحيل التعامل مع ملف أو قضية بمنئى عن الملفات والقضايا الأخرى وائما ما يقع على الدبلوماسية المصرية عبئ التعامل مع تلك الملفات فى آنٍ واحد .
فى الفترة الراهنة تشهد استمرار وتأزم الملف الفلسطينى الإسرائيلى والملف الفلسطينى الفلسطينى والملفين العراقى والإيرانى – لما شهدته من دفعة خلال المؤتمر الأخير – فيه رئاسة الحركة – ومن المؤكد أن توتر الآوضاع بشكل – الاتفاقية الإطارية بدول حوض النيل وموقف مصر منها يحمل ملف مياه النيل وعلاقة مع دول الحوض إلى مقدمة اهتمامات السياسة الخارجية المصرية .
وعلى الرغم من تلك الملفات فإن ملف العلاقات الثنائية بين مصر والدول الأخرى يظل حاضرا مستحوذا على نصيبٍ كبيرٍ من اهتمام الدبلوماسية المصرية وفى هذا السياق تأتى زيارة وزير الخارجية / أحمد ابو الغيط اليوم وغدا للبرازيل تسلم خلالها رسالة من الرئيس مبارك إلى الرئيس البرازيلى لولاتى سيلفا تتعلق بالعلاقات المصرية البرازيلية الثنائية وسبل تفعيل التعاون المشترك بينهما وخاصة من خلال الإتفاق الإطارى الذى يربط مصر بتجمع الميكروسوت الذى يضم البرازيل والأرجنتين وأورجوى وبراجوى فالعلاقات المصرية البرازيلية علاقات قديمة تم تفعيلها خلال الخمسينيات والستينيات من القرن العشرين فى إطار حركة عدم الانحياز وبعض التجمعات الاقتصادية مثل مجموعة ال77 إضافةً إلى ذلك فإن أهمية البرازيل لمصر ترجع إلى كونها الشريك التجارى الأول لمصر فى منطقة أمريكا اللاتينية , كما يبلغ حجم الإستثمارات البرازيلية فى مصر نحو 16,7 مليون جنيه أما مصر فتعتبر الشريكة التجارية الثالث للبرازيل فى قارة إفريقيا بعد كلٍ من جنوب إفريقيا ونيجيريا والشريكة التجارية الثانية على مستوى الدول العربية بعد السعودية .
فاصل
د / عبد المنعم سعيد : معالى الوزير أهلا بك فى البرنامج مرة أخرى .
معالى الوزير / أحمد أبو الغيط : أهلا .. أهلا .
د / عبد المنعم سعيد : معالى الوزير وإحنا نحن نسجل هذا البرنامج أعلم أنك فى طريقك إلى البرازيل اليوم لماذا البرازيل الآن ؟
معالى الوزير / أحمد أبو الغيط : يعنى هو البرازيل قوى صعبة اقتصاديا وسياسيا وأحد الدول إللى بدأ يبقى تأثيرها قوى وبازخ – تلاحظ على سبيل المثال إن الرئيس مبارك زار الهند الرئيس مبارك زار الصين زار جنوب أفريقيا .. البرازيل كان مُعَد لها زيارة من قِبل الرئيس الظروف ما سمحتش .. كان من الطبيعى إن إحنا نُبقى على هذا الاتصال عالى المستوى .
د / عبد المنعم سعيد: فى فول إن الرئيس بعد زيارة الولايات المتحدة هيروح البرازيل دا فيه احتمال قائم ؟
معالى الوزير / أحمد أبو الغيط :يعنى هو دا مش مقرر فى اللحظة ديه ولكن .
د / عبد المنعم سعيد : مش مقرر فى اللحظة ديه ولكن مش مقرر فى اللحظه ديه يعنى ممكن يقرر ؟
معالى الوزير / أحمد أبو الغيط : صعب لأنه زيارة الرئيس تأتى مباشرةً قبل رمضان وبالتالى يصعب إن أنا أتوقع مثل هذا ولكن المؤكد إن الرئيس عنده نية واضحة ووعد الرئيس لولا بإنه يزور البرازيل وفى الغالب قبل الانتخابات البرازيلية القادمة فى شهر مايو وبالتالى فالرئيس عنده النية لهذه الزيارة ولكن ولحين إتمام الزيارة زيارة البرازيل مهمة وزيارتى لها تأتى فى إطار تعزيز وضع مصر فى علاقتها مع مجموعة الدول الصناعية أو الدول الخمسة الاقتصادية الباذخة أنت تعرف .
د / عبد المنعم سعيد : معالى الوزير أنا يمكن بس عايز أسألك إنت دلوقت فى الدبلوماسية ووزير خارجية أيضا لتاريخ طويل يعنى يبدوا لى العالم أصغر شوية يعنى الآول لما كنا نتكلم عن البرازيل يعنى هنروح بلد بعيدة .. علاقات .
معالى الوزير / أحمد أبو الغيط : لأ أنا مش بس رايح دا أنا رايح أنا هأقعد فى الرحلة كلها 48 ساعة 17 ساعة رايح و17 ساعة جاى و10 ساعات على الأرض لأن العالم أصبح هكذا إنت تستطيع النهارده إنك تشوف أى منظر بيحدث فى أى منطقة فى العالم بس تشوفه من أى نقطة فى العالم وبالتالى الاتصالات والحركة وبناء العلاقات أصبح .
د / عبد المنعم سعيد :وأثناء ذلك بتدير عملية السياسة الخارجية المصرية .
معالى الوزير / أحمد أبو الغيط :وبتُدار – وبتدار الدبلوماسية المصرية لأن السياسة الخارجية المصرية
د / عبد المنعم سعيد : لأ يعنى أقصد دور وزارة الخارجية شغّال يعنى عمال تتصل بالسفراء بتوعك بتوع مصر يعنى .
معالى الوزير / أحمد أبو الغيط : مش بس دا إنت بييجى لك كل الموضوعات بتاعتك وكل ما يُعرض عليك من خلال جهاز صغير شغّال على القمر الصناعى وما حدش يقدر يخش عليه لإنه متشفر وبالتالى .
د / عبد المنعم سعيد : دا بتبقى إنت شايله معاك ؟
معالى الوزير / أحمد أبو الغيط :آه بأبقى شايقه .. آه بأبقى شايله مش أنا يعنى أنا وبعض معاونيه معاه هذا الجهاز وهذا الجهاز يمكننا إن إحنا نتلقى فى أى لحظة أى رسالة من أى سفير .
د / عبد المنعم سعيد : لو فيه أزمة مثلا .
معالى الوزير / أحمد أبو الغيط : والرسالة إللى بتنزل للقاهرة للإحاطة يستطيع السفير إنه يحطها ل 150 بعثة أخرى .. الاتصالات اليوم تُمكِّن أى سفير إنه يتصل بوزير الخارجية أو بأى سفير آخر تبع لمصر فى أى بقعة فى العالم فى نفس التوقيت .
د / عبد المنعم سعيد:هل ديه بتبقى فى طيارة خاصة ولا تجارية ؟
معالى الوزير / أحمد أبو الغيط : لأ . لأ رحلة البرازيل طيارة تجارية لأنه الطيارة الخاصة بتبقى صغيرة وبتبقى غالية جدا تكلفتها غالية لإن الساعة بتكلف كثير وبالتالى لما تطير 17 ساعة ذهاب و17 ساعة عودة يعنى عندك 38 ساعة طيران فلو 38 ساعة طيران أضربها بقه فى كذا ألف .
د / عبد المنعم سعيد: تطلع كتير قوى؟
معالى الوزير / أحمد أبو الغيط : هتطلع كثير .
د / عبد المنعم سعيد: طيب نرجع للمعنى السياسى يعنى ملاحظ حضرتك كلمت الرئيس زار الهند بتتكلم عن البرازيل ربما العلاقات أيضا شايفها بتنشط مع المكسيك جنوب أفريقيا هل هناك محاولة لخلق نوع من " كلاس تيت " أو دول الطبعة المتوسطة ؟
معالى الوزير / أحمد أبو الغيط : لأ هى مخلوقة .. النهارده الدول الصناعية ال 8 موجودة وذات تأثير- الدول الصناعية ال8 إكتشفت إن الوضع الاقتصادى والوضع السياسى فى العالم ضاغط عليها بشكل أنه لا تستطيع أنها تنفرد بالقرار وبالتالى طالبين إنه لأ نوسع إطار المشاركة فى القرار الدولى فبيعملوا إيه بيقولوا طيب إحنا عندنا دولة زى الصين الناتج القومى بتاعها يقرب من اليابان .. عندنا دولة زى البرازيل الهند الميكسيك وبعدين تأتى فى مرحلة لاحقة جنوب أفريقيا لآنهم بيبحثوا عن تمثيل أقليمى وبيحكموا على الدول من خلال قدراتها الاقتصادية – يعنى الهند إذا كان الناتج القومى للهند .
د / عبد المنعم سعيد : إنت بتستثمر إيه إنت بتصدر قد إيه تجارتك قد إيه ؟
معالى الوزير / أحمد أبو الغيط : وإنت إمكانياتك إيه ؟ .. البحث العلمى عندك شكله .
د / عبد المنعم سعيد : معالى الوزير دلوقت فيه النظام الدولى أنا بس عايز أخرج من النقطة ديه .
معالى الوزير / أحمد أبو الغيط : إدينى فرصة أنا عايز أشرح لك طيب ليه المجموعة ديه فالمجموعة ديه هى أقوى الاقتصاديات الباذخة لكن فيه اقتصاديات أخرى بازخة فى كوريا فى تركيا فى إندونيسيا ما أخذوهاش معاهم فمصر قالت لأ لازم يبقى فيه ممثل للعرب لازم يبقى فيه ممثل للمسلمين ولازم يبقى فيه ممثل لأفريقيا ومش وحيد لإنه أمريكا اللاتينية فيه اثنين وآسيا فيه اثنين طيب وأفريقيا ليه يبقى فيه واحد فقط إللى هو جنوب أفريقيا.. فطرحنا إسمنا والناس إهتمت بطرح المصرى وبالتالى بدأو يعطوا هذا الإهتمام للدور المصرى .. النهارده فيه فى العالم قوتين يعنى أو أصحاب قرارين مجموعة ال 8 مضاف عليهم ال 5 دول ومجموعة ال 20 .
د / عبد المنعم سعيد: أنا كنت بس عايز أقول كدا إنه إنت خدمت فى الأمم المتحدة وخدمت كسفير ورئيس بعثة مصر فلدينا نظام دولى قائم على نتائج الحرب العالمية الثانية,
معالى الوزير / أحمد أبو الغيط : ولا زال .
د / عبد المنعم سعيد : فيه 5 قوى دائمة فى مجلس الأمن بشكل من الأشكال مسؤلة عن حفظ السلام والأمن الدوليين – لدينا نظام بعد إنهيار الحرب الباردة قائم على دولة قوى عظمى وحيدة ثم بعد ذلك كل الأطراف الأخرى . ولدينا 3 فى الوضع .
معالى الوزير / أحمد أبو الغيط : لا مش كل الأطراف فى مجموعة تاليه ومجموعة تاليه زى الهرم
د / عبد المنعم سعيد : آه إبتدى يبقى فيه هرم .
معالى الوزير / أحمد أبو الغيط : بالتأكيد يعنى هى الولايات المتحده لوحدها ولوحدها لفترة غير معروف مداها ممكن تنتهى بعد 10 سنين وممكن تبقى ل50 سنه قادمة .
الأزمة الإقتصادية والأزمة المالية إللى إحنا شوفناها إبتداءا من سبتمبر أو أغسطس السنة اللى فاتت طبعا هزت الولايات المتحدة هزة قويه جدا ولكن ما كنتش بمفردها إللى إهتزت وبالتالى مازالوا عندهم ما يقرب من 14 ترليون دولا ر ناتج قومى محلى .. مازال الإتحاد الأوربى صحيح قدهم من ناحية الحجم الناتج أو حتى عدد السكان أكبر لكن الإتحاد الأوربى ما بيجمعوش ولا سياسة واحدة ولا قدرة عسكرية واحدة سياسة خارجية ولا قدرة عسكرية وبالتالى مازالت بمفردها فهى موجودة وبعدين فيه مجموعة ما يسمى النطاق التالى .. النطاق التالى إللى هو دولة زى روسيا زى الصين زى فرنسا زى بريطانيا وبعدين فيه النطاق الثالث ممكن جدا نقول الهند المكسيك تركيا إندونيسيا وبعدين بقه فيه نطاق خامس وهكذا سلسلة نطاقات من الدول لغاية لما نوصل إلى أكثر الدول ضعفا فى التأثير وفيه منها ؤعدد ما يقرم من 120 – 130 – 150 دولة .
د / عبد المنعم سعيد : هل عندنا أجتماع عدم الإنحياز بطريقة ما هو ممثل للشريحة الخامسة إن جاز التعبير من الهرم الدولى .. يعنى عندنا 118 دولة بالإضافة لعدد من ؟
معالى الوزير / أحمد أبو الغيط : يعنى دول عدم الإنحياز طبعا وعشان كدا هى دول الجنوب وعشان كده قيل إن دعونا نقوى قدرة الجنوب فى النتفاوض مع الشمال وتحقيق أحدافه أهدافه تجاه الشمال من خلال وحدة العمل المشترك وفى هذا السياق تم مجموعتين مجموعة إسمها عدم الانحياز ومجموعة أخرى إسمها ال 77 عدد ال 77 فى الحقيقة أكثريمكن يصل إلى أكثر من 130 دولة ولكن بيجمعهم فكر اقتصادى وفلسفى واحد فى كيفية التعامل فى المسائل الاقتصادية , التجارة الدولية الاستثمارات منهج بناء المجتمع اقتصاديا بالداخل .. فالمجموعة ديه مصر مشتركة فيها لها دورها ولها فاعلياتها وأحيانا كثيره تنقصها ومجموعة عدم الانحياز حاليا مصر بترأسها – المجموعتين دول هم بيمثلوا مساعى الجنوب .
د / عبد المنعم سعيد : قاعدة الهرم الدولى الحالى .
معالى الوزير / أحمد أبو الغيط : بالظبط .. مع مجموعة ال 77 فى الصين بيقولوا إيه مجموعة ال77 والصين – الصين بتفترض نفسها إنما مازالت لسه فى مرحلة نمو رغم إن الناتج القومى بتاعها يقرب من اليابان اليوم أو خمس الولايات المتحدة اليوم الصين فى خلال 25-30 سنه ممكن تظهر بشكل مختلف جدا عن ما هى عليه اليوم ولكن ما ننساش كمان إنها مليار ونصف من السكان وبالتالى إذا تحسن مستوى الدخل للمجتمع الصينى أو المواطن الصينى فهو بيتحسن نسبيا نتيجة لحجم السكان .
د / عبد المنعم سعيد: معالى الوزير إنت عندما تذهب إلى البرازيل هتقابل الرئيس لولا هتقابل وزيرخارجية البرازيل ؟
معالى الوزير / أحمد أبو الغيط : فى رسالة من الرئيس مبارك إلى الرئيس لولا .
د / عبد المنعم سعيد : إيه بقى يعنى جدول الأعمال يعنى إيه النقاط التى سوف تثيرها يعنى لو كان الأمر له علاقة بزيادة التجارة أو الاستثمار كنا نتصور إنه هيبقى أحد الوزراء الاقتصاديين هو إللى يجتمع بسيادتك ؟
معالى الوزير / أحمد أبو الغيط : لأ هى الزيارة بتتحط فى علاقة استراتيجية إطار سياسى استراتيجى بتخش على البرازيل وبتقول له دلوقت نحن بنقترب لكى نمثل عملية سياسية واحدة إنتم بتمثلوا 5 دول أو بتشتغلوا فى إطار 5 دول ومصر داخله بتحاول إنها تتتحط معاكم فى نفس المستوى – إنتم عندكم حاجه إسمها الإبسه جنوب أفريقيا والهند والبرازيل 3 دول من الخمسه دول فمصر بتقول إنه ممكن جدا يكون لها دور فى هذا الإطار .. إحنا بنتكلم على إعادة اتخاذ القرار الدولى أو توسيع اطار اتخاذ القرار الدولى وبالتالى مصر تسعى لى إنها تحظى بدعم البرازيل احنا بنتحدث عن إعادة تشكيل القرارالدولى فيما يتعلق بمجلس الأمن مين إللى يتخذ القرارات ؟ إزاى بنوسع مجلس الآمن هل نقصره على ال5 دول دول ولا هيضاف عليهم دول .
د / عبد المنعم سعيد : يعنى اللقاء فى البرازيل هدفه ذلك هدفه إزاى إعادة تشكيل النظام الدولى بشكل أو بآخر؟
معالى الوزير / أحمد أبو الغيط : التحدث فيه مش الهدف إعادة التشكيل التحدث فى كافة الجهود التى تتم حاليا من أجل تغيير شكل اتخاذ القرارالدولى دا بُعد فى العلاقة البُعد الثانى .
د / عبد المنعم سعيد : إحنا مهتمين بالموضوع دا قوى لكن مش له تكلفة ؟
معالى الوزير / أحمد أبو الغيط : له تكلفه لكن السياسة الخارجية لأى دولة يجب أن تكون نشطة وقادرة إن هى تأخذ مبادرات عشان تشارك الدولة بتأثيرها لأن الدولة التى تغيب فسوف تغيب الدولة التى تسعى للحفاظ على دور وتوسيع هذا الدور وعدم قصره على قضية واحدة لأن أحد مشاكلنا كانت دائما هو إن إحنا قضية الشرق الأوسط القضية الفلسطينية عظيم وديه قضية محورية .
د / عبد المنعم سعيد : ديه هتتكلم فيها برضه .
معالى الوزير / أحمد أبو الغيط : بالتأكيد لازم نقدم لهم تقرير بيحصل إيه لكن فيه حاجه ثانية اسمها أفريقيا – طيب إنتوا يا برازيل مهتمين بأفريقيا لكم نشاط كبير فى السنين الآخيرة وقررتم إن تفتحوا 17 سفارة إضافية فيه منطقة القارة الإقريقية إحنا لدينا 52 بعثة مصرية فى القارة الأفريقية تعالو نشتغل سويا فى تعامل ثلاثى مصرى البرازيل أفريقيا لسعى مشترك لمساعدة القارة على الخروج من مشاكلها ديه برضه بُعد لهذه الزيارة البعد الثالث إن البرازيليين وقفوا وقفه جميلة جدا مع فاروق حسنى وزير الثقافة وقرروا رغم إن فيه مرشح أو مرشحة من إكوادور إنهم يؤيدوا فاروق حسنى وبالتالى إللى تابع سلوله وإسلوبه فى التعامل .
د / عبد المنعم سعيد : تأييده لمنصب اليونيسكو ؟
معالى الوزير / أحمد أبو الغيط : منصب اليونيسكو الشكل إللى تعامل به - مع الوجود المصرى لاكولا فى إيطاليا ل 8 و10 يوليه الرجل وقف مع مصر بالكامل يعنى ما كنتش تقدر تفرقه بين بيرلسكونى وساركوزى
د / عبد المنعم سعيد : دا الموقف إللى هو خاص بإن مصر تبقى جزء من مجموعة الدول ال 8 .
معالى الوزير / أحمد أبو الغيط : وإن مصر يجب أنها تأخذ فرصتها لكى تمثل مجموعة الدول الإسلامية أو الدول العربية فى هذا.
د / عبد المنعم سعيد : معالى الوزير ممكن إستسمحك فى سؤال صريح شوية ويمكن يكون مؤلم شوية من الممكن إن حد من – يعنى إن فيه جهد بيتعمل على مستوى هذه الدول إن حد يقول والله مصر لا يزال إقتصادها محدود .
معالى الوزير / أحمد أبو الغيط : وارد جدا .. وارد جدا .
د / عبد المنعم سعيد : وإنه جزء من المعيار الأساسى للقوى لهذه القوى كدول صناعية بتتكلم عن دول بتقرب من ..
معالى الوزير / أحمد أبو الغيط : أكثر مترليون ونصف 300 .
د / عبد المنعم سعيد : بينما مصر لاتزال فى أوائل الترليون .
معالى الوزير / أحمد أبو الغيط : ترليون جنيه مصرى هههههه .
د / عبد المنعم سعيد : نرليون جنيه مصرى ؟
معالى الوزير / أحمد أبو الغيط : شوف بيتقال هذا الكلام كثيرا وبيتقال إما بنية طيبة إنه إنتوا لسه إمكانياتكم أو بنية غير طيبة الرد والرد واضح جدا وسهل جدا ولا يسيئ لأحد عندما يكون هناك مشكلة بين العالم الغربى ممثلا فى الولايات المتحدة والاتحاد الأوربى وكل قوى الغرب وحتى نقول اليابان كجزء من المنظومة الغربية والعالم الإسلامى – بنكتشف إن كل مشكلات الأرض فى هذه اللحظة هى مشكلات عند المنطقة الإسلامية .
د / عبد المنعم سعيد : أيوه بس مصر هى المحور .
معالى الوزير / أحمد أبو الغيط : المحور
د / عبد المنعم سعيد : معناها إنك بتضيف القيمة الاستيراتيجية للقيمة الاقتصادية .
معالى الوزير / أحمد أبو الغيط : برد قايل إيه طيب ودا حصل – وحصل بشكل إللى يفهم فهم – لما رحنا تريستا فى إحتماع وزراء خارجية الدول ال 8 مع الدول ال 5 مع بعض المعنيين بالشأن الأفغانى تحدثنا وبان إنه ما فيش حد عنده مؤسسة اسمها - ومافيش حد عنده إمكانيات لإختراق المجتمعات والمساعدة زى المنظومة المصرية ولها نشاط فى أفغانستان وأنشاط فى الباكستان وموجودة على الأرض العراقية وموجودة فى كل مشكلات العالم الإسلامى مع العالم الغربى وبالتالى قولوا لنا بقى يا إخواتنا فى المكسيك وقولوا لنا يا إخواتنا فى جنوب أفريقيا إنتوا تقدروا تساهموا بإيه ؟ أنا عندى فى أفغانستان مستشفى ميدانى بتعالج 300 ألف أفغانى على مدى ال 7 سنين 100 سرير و100 دكتور و100 ممرض وأنا إللى بأدفع ثمن القصة ديه قولوا لنا تعملوا إيه مين فيكوا يقدر يساهم فى مسألة دكتور قد مساهمتى بأرض عسكريا أو بمستشفى أو بالتأثير السياسى أو – جذب الناس مين فيكوا يقدر يحل القضية الفلسطينية زى ما بأسعى لحلها مين فيكم يقدر يشتغل على علاقة دول الجنوب المتوسطى مع دول الشمال المتوسطى مين آخد رئاسة .
د / عبد المنعم سعيد : وبعد كل هذه الأسئلة الإجابة بتقول آمين يعنى .
معالى الوزير / أحمد أبو الغيط : آه قولوا آه والله وعشان كدا بيتحقق يعنى إللى عايز أقوله إيه هم بيقولوا إن إنتوا الناتج القومى بتاعكم وإقتصادياتكم مع حجم التجارة الخارجية لمصر بالمقارنة بالتجارة الدولية أو بالتجارة الإقليمية هو حجم قد كذا دا كله عظيم طيب بالأرقام بس مين فيكم له هذه الحيوية السياسية وقادر إنه يمسك بكثير من الخيوط ويأتيه الكثير من البشر هتسمحوا له يجى ولا لأ فبيقولا أيوه دا إحنا مش بس هنسمح لك دا إحنا عاوزينك .
د / عبد المنعم سعيد : ديه نقطة مهمة جدا ممكن فاصل قصير ثم نعود مرة أخرى معالى الوزير نلتقى بعد الفاصل .
فاصل " تقرير "
مرة أخرى يعود المبعوث الأمريكى للسلام فى الشرق الأوسط جورج ميتشل إلى المنطقة لبلورة تصور أمريكى وبشأن ما يمكن عمله لتحديد عملية التسوية السلمية للصراع العربى الإسرائيلى بشكل يتسق وتوجهات الإدارة الأمريكية الوحيدة التى أعلن دعمها الرئيس أوباما أكثر من مرة التى أكد فيها رفضها الإسترار الإسرائيلى فى بناء مستوطنات بإعتبارها واحدةً من أهم العقبات التى تعرقل التقدم فى عملية السلام فى حين ترفض إسرائيل هذا الموقف الذى يتبناه إلى جانب الولايات المتحدة كلٌ من فرنسا والإتحاد الاوربى وروسيا ومع ذلك فقد أكد ميتشل خلال الزيارة الموقف الامريكى من عملية السلام حيث قال فى إسرائيل إن الولايات المتحدة مصممة على التوصل إلى سلامٍ شامل فى الشرق الأوسط وهذا يعنى سلاما بين إسرائيل وفلسطين وبين إسرائيل وسوريا وبين إسرائيل ولبنان بالإضافة إلى علاقات طبيعية مع جميع دول المنطقة كما شدد فى دمشق على رغبة واشنطن فى إستئناف المفاوضات السورية الإسرائيلية وهى الرغبة التى يدعمها عودة السفير الأمريكى لدمشق فى يونيو الماضى .
فاصل
د / عبد المنعم سعيد : معالى الوزير جورج ميتشل جاء إلى المنطقة بدأ بدمشق وجاء إلى القاهرة ما هى طبيعة مهمته وإيه إللى جرى بلقاءاته فى القاهرة فى أى قضايا ؟
معالى الوزير / أحمد أبو الغيط : شوف التكليف إللى جاى لجورج ميتشل هو محاولة السعى لدفع جهود تسوية فلسطينية إسرائيلية حقيقية وبالتالى هو بيعد أفكار ومقترحات وتوصيات وبيتعرف على شتى المشكلات وبيحاول إنه يقنع إسرائيل بمفاهيم وبحاول إنه يقنع العرب بمفاهيم وبالتالى بيُعد للرئيس الأمركى ولوزير الخارجية مقترح شامل يقوم على إنه إسرائيل تلتزم باتخاذ خطوة رئيسية فى مواجهة الفلسطينيين تتمثل فى وقف كامل لكل أنواع الإستيطان بيتوقع فى المقابل إن الدول العربية وبهدف مساعدة الفلسطينيين وتحريك الأمور أنها تستتجيب لبعض الإجراءات أى التى يمكن التوقف عنها إذا ما توقفت إسرائيل أو كسرت هذا التفاهم – نمره 3 إنه يمكن بدء مفاوضات بين الإسرائيليين والفلسطينيين وبين الإسرائيليين وسوريا ولبنان للمسارات السياسية لتسوية سوريه إسرائيلية – إسرائيلية لبنانية وأن تتحرك المسائل وفى خلال عام أو أكثر بشكل محكوم وفى إطارزمنى محكوم يمكن التوصل إلى إتفاق على دولتين دولة فلسطين ودولة إسرائيل هذا بيتطلب من وجهة نظره إتفاق على حدود الدولة الفلسطينية الإتفاق على وضع القدس إتفاق على مسائل اللاجئين وعلاقة الدولتين بعضها ببعض وعلاقة إسرائيل بالدول العربية فى إطار الشرق الأوسط إللى إحنا عارفينه إللى هو الشرق الأوسط إللى بيمتد من الخليج لغاية كذا بلانكا فى الغرب رغم إن طبعا إن كذابلانكا فى الغرب بعض الناس بتقول لأ دا شمال أفريقيا لكن هى دا الهدف الأمريكى – الهدف الأمريكى ايضا إنه هذا المشروع يتم الإعلان عنه فى توقيت مناسب ويدعوا الرئيس الأطراف للمفاوضات ولكن بإتخاذ هذه الإجراءات المتقابلة أو بإرسال الإشارات فيما بينها بما يؤمن بدء عملية سلام نشطة هل الكلام دا قابل للتنفيذ نأمل .
د / عبد المنعم سعيد : الأول قبل الحديث عن قابل للتنفيذ معالى الوزير يعنى تقريبا دا هو الإطار العام إللى دارت عليه كل جهود التسوية منذ مؤتمر مدريد حتى الآن ؟
معالى الوزير / أحمد أبو الغيط : بالظبط
د / عبد المنعم سعيد : يعنى سواء الإسم بقى ديمس روس جورج ميتشيل بتتكلم على هذا الإطار .
معالى الوزير / أحمد أبو الغيط : بالضبط
د / عبد المنعم سعيد : يعنى لكن كل لحظة زمنية لها الجدل بتاعها يعنى يمكن الجديد إنه بيبحث عن أمر سوف تعلنه الولايات المتحدة الموقف الأمريكى التقليدى كان بيقول دائما إيه لأ الأطراف بتتفق مع بعضها وهى تبارك الإتفاق هل دا هو الجديد ؟ أمريكا هتيجى تقول آه دا الحل .
معالى الوزير / أحمد أبو الغيط : لأ هى مش هتقول آه دا الحل لكن هتقول آدى الإطار إللى أنا أتصوره حلا لهذه المسألة هذا هو الإلتزام الأمريكى بأن تكون هناك توعية فلسطينية على أرض فلسطين فى أطار الأراضى التى أحتلت سنة 67 .
د / عبد المنعم سعيد :هل دا إللى هو كان – الصيغة إللى كان بيُقال عليها هوس بيس يعنى الولايات المتحدة هتيجى هتجيب القوى الكبرى وتروح مجلس الأمن وتقول الله إحنا أخذنا هذا القرار زى القرار تقسيم فلسطين مثلا وإنه على الأطراف أن تلتزم به ؟
معالى الوزير / أحمد أبو الغيط : لأ مش هيحصل كدا هيحصل إن هم يحطو الإطار للتسوية من وجهة نظرهم هيطالبوا الأطراف إن هى تبدأ مفاوضات على هذا الأساس وإنه يتواجد المجتمع الدولى ممثلا فى يمكن الولايات المتحدة الرباعى الدولى ربما بعض القوى الإقليمية بالتاكيد فى مقدمتها مصر لمتابعة ومساعدة الأطراف على التوصل إلى هذه التسوية هل هذه المفاوضات تعقد فى مصر تعقد فى أمريكا تعقد فى قبرص تعقد فى أوربا دا لسه ما إقترحش المؤكد إنه فيه عنصر ضاغط على الولايات المتحدة للتوصل إلى تسوية .. العنصر الضاغط هو إنه الولايات المتحدة والعالم الغربى مثل ما قلت لك قبل كدا شايفين إنه فيه صدام بين الإسلام الدول الإسلامية والدول العربية من ناحية والغرب من ناحية أخرى وإلا طيب هم بيعملوا إيه فى أفغانستان بيعملوا إيه فى العراق بيعملوا إيه مع الباكستان .. فيه إحتدام فى العلاقات .. الولايات المتحدة عايزه تفرغ هذا الإحتدام .
د / عبد المنعم سعيد : فى جزء منه صراع ؟
معالى الوزير / أحمد أبو الغيط : جزء منه – مش جزء منه محوره الصراع العربى الإسرائيلى هو تحدث عن هذا فى جامعة القاهرة الرئيس الأمريكى عندما جاء إلى جامعة القاهرة وجاء إلى مصر لكى يخاطب العالم الإسلامى خاطبهم من هذا المنهج وإن كان .
د / عبد المنعم سعيد : معالى الوزير هنرجع للولايات المتحده ثانى أنا بس عايز استكمل هذه النقطة .
معالى الوزير / أحمد أبو الغيط : الموضوع الثانى نقطه ثانيه ضاغطة برضه على الولايات المتحدة والعالم الغربى وهى نقطة احتمالات الانتشار النووى فى الإقليم وديه عنصر ضاغط يفرض عليهم السعى لتسوية تُبعد هذا الخط .
د / عبد المنعم سعيد : الخط .. معالى الوزير دلوقت العملية ديه جارية بينما فيه أمور واقعة على الأرض منها إستمرار الإستيطان منها تهويد القدس بدرجه تهدد إن ما يبقاش فيه قدس زى ما إحنا بنتكلم عليها قدس شرقية وقدس غربية وحجم الإستيطان معنى كدا إن إحنا زى ما يكون عندنا مريض بنحاول نعمل له .
معالى الوزير / أحمد أبو الغيط : إحنا عندنا سباق مع الزمن – شوف عندما طرح الرئيس السادات فكرته فى أن ناخد الضفة الغربية ونجرى بيها وناخدها بالمتاح وعندما طرح الرئيس كلينتون على الجانبين فى السن الإسرائيلى أطارات كامب ديفيد أو ما تبعها من محاولة لتسوية فى شهر سبتمبر أكتوبر نوفمبر سنة 2000 كان هناك سباق مع الزمن بعد 7 سنوات اصبحت المسألة سكينه محطوطة هنا ( أشار على رقبته) إما تتحل يا إما تضيع هذه القضية نهائيا آخذا فى الإعتبار إن الوضع الفلسطينى أصبح مهترق إلى الحد إن كل يوم بنخسر إحنا كعرب وكفلسطينيين كل يوم بنخسر الإستيطان هنا .
د / عبد المنعم سعيد : معالى الوزير أستأذن حضرتك نتكلم فى النقاط العامة أنا عايز أعرف سنة 78 و79 أو 80 كان فيه 30 ألف مستوطن فى الضفة الغربية النهارده يقربوا من 750 ألف أنا هآخذ النقطه ديه إنتوا بتقابلوا المسؤلين الإسرائيليين إتصالات جالية .
معالى الوزير / أحمد أبو الغيط :لسه إمبارح قايلين لسكرتير عام الخارجيه إنه المضى فى هذا الطريق إللى إنتوا ماشيين فيه سيؤدى إلى إنه مش هيبقى قدامكم حل الدولتين هيبقى قدامكم حل الدولة الواحدة والدولة الواحدة يا إما هتبقى دولة عنصرية ياإما دولة قائمة على ثنائى عنصرين مع بعض عنصر يهودى ,
د / عبد المنعم سعيد : فيها قوميتين .
معالى الوزير / أحمد أبو الغيط :قوميتين وبالتالى شوفوا لكم حل هل هتفضلوا ماشيين كدا هتخسروا فى النهاية .
د / عبد المنعم سعيد : معالى الوزير يعنى إحنا آداتنا الدبلوماسية هنا اللوم التقريع النصح .
معالى الوزير / أحمد أبو الغيط : كل الأنواع .
د / عبد المنعم سعيد : ودا بيبقى الرد إيه يعنى لما بتقول له كدا ؟
معالى الوزير / أحمد أبو الغيط : لا دا أنا صادق دا أنا عاوز أحل دا أنا عاوز اعمل دا أنا عاوز أسوى ما تنساش إنه مش بالضرورة كل ما تسمعه هو يتسم بالصدق ولعل البعض يتصور على الجانب الإسرائيلى إنه لا لا لأ ولا يهم آدى حذرونا زى ما حذرونا وأخيرا حذرونا وفى نهاية المطاف هم منقسمين على نفسهم وواقعين فى بعض ويقتلوا بعض هو حصل من قبل إن الفلسطينيين قتلوا بعض ؟ أو ضيقوا الخناق على بعض ؟
د / عبد المنعم سعيد : ها آجى على الفلسطينيين بس أنا عايز أعرف الحوار دلوقت حتى بين بيتشل – الولايات المتحده واخده موقف واضح من قضية الإستيطان .
معالى الوزير / أحمد أبو الغيط : واخده موقف وبيجادلو وبيقولوا طيب إحنا قابلين لوقف الإستيطان ومستعدين إن إحنا نتكلم معاكم لوقف الإستيطان لفترة زمنية مقفولة ولكن ما الحال فى المستوطنات إللى مفتوحة ما الحال فى المبانى إللى وصلنا فى إنه بقة المبانى جاهزه للسكن أو يعنى فما زال جدل --- بيرى إنه.
د / عبد المنعم سعيد :موضوع الزاوية الطبيعية - طبعا والا دلوقت توقفت ؟
معالى الوزير / أحمد أبو الغيط : لأ هو التوسعات الطبيعية ديه محكومة بفرض أمريكى الحقيقة حازم حتى تتوسع ما تتوسع رأسيا إيه حكاية إنك إنت تيجى آخر 100 فدان إضافى فى كل مرة عايز تتوسع – المسألة هو إن إحنا يجب وبأسع وقت ممكن خط الحدود الفلسطينى الإسرائيلى لإنه إذا حطينا خط الحدود وجبنا الولايات المتحدة والمجتمع الدولى معنا وحطيناها على الآرض قدام الطرفين يبقى خط الحدود بيحسم مسائل مثل 1 موضوع الإستيطان بيحسم المسألة لإن خلاص يبقى مداخل هذا الخط بتاعى وما خارج هذا الخط بتاعك وبتحسم مسألة القدس لأن مسألة القدس
د / عبد المنعم سعيد : لما تحط هنا ؟
معالى الوزير / أحمد أبو الغيط : يبقى خلاص ما لكش الحق – دى بتاعتى .. بيحسم مسائل تبادل – لأنه مش بالضرورة الخط هيبقى زى 67 لأن – للأسف بنوا جوه 67 طيب هتدينى فى المقابل إيه واحده قدام واحده فدان قدام فدان حتة أرض قدام حتة أرض نفس الل .
د / عبد المنعم سعيد : معالى الوزير تقديرك للموقف الإسرائيلى إيه أنت تفاوضت معهم لمرات كثير هل الموقف الإسرائيلى يريد أن – يعنى بيساوم أن يحصل على أعلى ما يمكن لكنه عايز الحل فى النهاية أم إنه بيضيع وقت لغاية ما يفوت إدارة أوباما بشكل أو بآخر .
معالى الوزير / أحمد أبو الغيط :إدارة أوباما ديه ممكن تقعد 8 سنوات .
د / عبد المنعم سعيد : لأ ما هو الإسرائيليين إسرائيليين .
معالى الوزير / أحمد أبو الغيط : الإسرائيليين بيكرروا صباح مساء على كل المستويات من أول رئيس الدولة إلى رئيس الوزراء إلى الوزراء إنه إحنا --- التوجه الرئيسى للمجتمع الإسرائيلى وهو السعى لسلام مع الفلسطينيين لكن شكل السلام إيه وصيغته إيه هو إللى بيتم فيه النهارده الشد والجذب -الفلسطينيين عارضين مواقف – العرب عارضين موقف .
د / عبد المنعم سعيد : -- بيتكلم عن الفلسطينيين .. فاصل قصير نلتقى بعد الفاصل .
فاصل " تقرير "
أحيت جولة الحوار الفلسطينى الفلسطينى القاهرة فى نهاية فبراير الماضى الأمل فى إمكانية التوصل إلى الإتفاق الفلسطينى الفلسطينى يعيد الأمور على الأقل بما كانت عليه قبل إنقلاب حماس فى منتصف عام 2007 إذ كانت تلك الجولة قد أعادة بمنهج جديد إعتمد فى مرحلته الأولى على محاولة تزليل العقبات بين حركتى فتح وحماس قبل الإنتقال على المرحلة الثانية التى شهدت تشكيل 6 لجان مختلفه للقضايا الخلافية مثل تشكيل الحكومة والإنتخابات والإجهزة الأمنية والمصالحة الوطنية وتفعيل منظمة التحرير الفلسطينية وإستحدثت لجنة خاصة بالإشراف والمتابعة ورغم التقدم الذى شهده العديد من تلك اللجان إلا أن إستمرار الخلافات بين حركتى فتح وحماس حول عددا من القضايا العالقة بالمصاحلة الوطنية قد أدى إلى تعدد جلسات الحوار ثم إلى تأجيل الحوار مرة أخرى إلى نهاية الشهر القادم فهل ينجح الفلسطينيون فى إعتنام الفرصة فى جولة أغسطس المقبلة ؟ أم أن ملف الحوار الفلسطينى الفلسطينى قد وصل إلى طريقٍ مسدود ؟
فاصل
د / عبد المنعم سعيد : مرة أخرى مع معالى الوزير أحمد أبو الغيط وزير الخارجية معالى الوزير كنا توقفنا عند نقطة خاصة بالفلسطينيين الجانب بتاعنا اتكلمنا عن الإسرائيليين نتكلم على الجانب بتاعنا أو مثلا بقى فيه شويه من الملل إنه الإخوه هيجتمعوا هيحطوا مبادئ هيجتمعوا تانى بعد شهر يجتمعوا عندنا ويبدوا لى إنهم زى ما يكون عندهم كل الوقت موجود لنهاية التاريخ للأسف .
معالى الوزير / أحمد أبو الغيط : إنه الوقت مش موجود وبأقول لك سباق مع الزمن وكل ما طار الإطار الزمنى كل ما فقدنا أرض طبعا البعض يتصور لا لا ولا نخسر أرض ولا غيره بعد 100 سنه مسائل ما بتتحلش بعد 100 سنه المسائل تتحل النهارده وبأستكمل كل عناصر التأثير بتاعى النهارده وبأشتغل فيها وبعدين من هنا ل100 سنه بأبنى إمكانياتى عشان أظهر كمجتمع قادر على إنه يتعامل مع الإسرائيليين فى هذه اللحظة من الزمن بعد 100 سنه نفس المستوى لا يجب إن إحنا نكون مجرد عمال مبانى كفلسطينيين .
د / عبد المنعم سعيد : يمكن بعض الفلسطينيين شايفين إن هم عايزين يبقوا جزء من دولة إسرائيل حتى لو عمال مبانى ديه .
معالى الوزير / أحمد أبو الغيط : ديه مش الرؤية الفلسطينية الرسمية – الفلسطينية الرسمية الممثلة فى السلطة الفلسطينية وعلى مدى المؤتمرالوطنى الفلسطينى وفى الجزائر فى 15 ديسمبر سنة 88 بيقول إحنا بنتفق على أن تقوم دولتين وبالتالى وإحنا قابلين دولة إسرائيل وعايزين نشتغل معاها دخلت علينا منظمة حماس بعد ا شافت 20 سنه من المراوغة والمناورة المتاعب إنه لأ دا إحنا خلاص بقى نرجع تانى لمفهوم دولة فلسطينية واحده ولكن نعملها على مراحل نعملها على ما نعملها الفلسطينيين النهارده فى إنقسام حاد فيما بينهم وفيه رؤيتين أنا هدفى إن أنا أخلص الشعب الفلسطينى من الإحتلال هدفى إن أبنى الدولة الفلسطينية أمكن الفلسطينيين من دولة ءأمن الشرق الأوسط من الاحتدام إللى حاصل فيه أدى فرصه للعالم الإسلامى والعالم العربى إنه .
د / عبد المنعم سعيد : معالى الوزير المشاهدين عايزين يعرفوا إيه الجارى فى المفاوضات ديه وليه كل شويه عايزين نجتمع تانى ؟
معالى الوزير / أحمد أبو الغيط : ما فيش كتير – مافيش كتير لأن كل طرف متمسك بمواقف أساسية حصل نجاحات فى مناطق - حصل نجاحات فى مسألة إن إحنا لازم نعمل إنتخابات بنهاية ديسمبر 2010 متفقين .. إن إحنا تشكيل المجلس يبقى على أساس القائمة ولكن أيضا على أساس الفردى متفهمين .. إن إحنا محتاجين لمشاركة كاملة فيما بيننا فى قوات الأمن متفاهمين .. إن إحنا نبنى ونشوف تعويضات فيما يتعلق بخلافاتنا ومين إتأثر بإيه متفهمين .. لكن إللى مش متفهمين عليه تفصيلا على سبيل المثال شكل التواجد الفتحاوى فى قوات الأمن فى غزه .. إللى مش متفهمين على حرية حركة حماس فى الأراضى إللى تحت السيطرة التابعة للسلطة الفلسطينية . فده بيفرض عليك إن إحنا نعاود ونجيبهم ونعاود ونجيبهم لعل إن يتنبهوا إن فيه أخطار جسيمة على مستقبل القضية الفلسطينية .
د / عبد المنعم سعيد : معالى الوزير ليه ما بنلجأش للشعب الفلسطينى مباشرةً ؟ يعنى على المستوى الإعلامى نقول له والله أدا المطروح عليكم كذا وكذا وكذا وإن هذه القوى المختلفه واخده مواقف ---- ؟
معالى الوزير / أحمد أبو الغيط : وفيه دول هيقدروا يروحوا طيب ما هو عشان كده هنتكلم على إنتخابات قبل نهاية يناير 2010 هى إللى – إنت لك حقك إيه على الأرض إنت بعد 3- 4 سنين .
د / عبد المنعم سعيد : أنا بأقول لك دا بصراحه لأنه كتير من الفضائيات العرب بيلومونا إحنا فى الاخر ؟
معالى الوزير / أحمد أبو الغيط : ليه هو إحنا إللى بنتعارك فيما بيننا إحنا لا نتعارك بيننا كمصريين هم إللى العراك فيما بينهم وبالتالى إحنا بنسعى للم الشمل – ولم الشمل دا يجب أن يكون بهدف استراتيجى – إيه هو الهدف الإستراتيجى إن انا لما أقرر آخذك مفاوضات مع إسرائيل تكون فى أقوى الأوضاع وفى إمكانياتك متاحة تأثر على صاحب القرار الإسرائيلى وتتفاوض معه وأن تكون أيضا مقنع للعالم إللى حواليك عشان يساعدك .
د / عبد المنعم سعيد : معالى الوزير معلهش .
معالى الوزير / أحمد أبو الغيط : إحنا مشكلتنا اليوم إن إحنا بنروح فى الأمم المتحدة وكانت فيه قرارات بتعدى ببساطة شديدة وكان فيه كتلة تصويتية مؤيده للحقوق الفلسطينية اليوم بتتبخر هذه الحقوق لإن كثير من هؤلاء إللى كانوا بيقفوا معنا وبيدعمونا فى مواجهة إسرائيل أصبحوا يقولون لنا ولماذا .
د / عبد المنعم سعيد : عشان خاطر حماس .
معالى الوزير / أحمد أبو الغيط : لأ المسألة مش حماس المسألة الإنقسام الفلسطينى .. أنا لا أحمل حماس المشكلة الإنقسام الفلسطينى لأنه كان فيه تصرفات ما يصحش إنها تتعمل فيما بينهم البعض .
د / عبد المنعم سعيد : هل في احتمال معالى الوزير إن إستمرار بما تقول به القضية الفلسطينية أو العالم لديه مشاكل أخرى إنه المسار السورى بياخد الكاميرا بمعنى إن زيارة ميتشل لسوريا تجعل إمكانية لو سوريا جاء؟
معالى الوزير / أحمد أبو الغيط : معروف – فهى القضية الفلسطينية وإذا طرف اقليمى حل فهو يحل وياريت يحل بل على العكس دا إحنا نؤيد جدا نجاح سوريا وإسرائيل فى التوصل إلى .
د / عبد المنعم سعيد : المعلومات إللى عندنا حوالين .
معالى الوزير / أحمد أبو الغيط : لأ هو فيه موقفين متناقضين إسرائيل بتطالب بتصريحات رسمية على لسان رئيس الوزراء والموقفهم بتعالوا نعمل محادثات مباشرة بدون شروط مسبقة ومش مطلوب مننا إن إحنا نبدى أى إلتزام والجانب السورى بيقول لأ تعالوا نعود مرة أخرى إلى المفاوضات غير مباشرة لكى نتفق – مفاوضات غير مباشرة بمعنى إنه يبقى فيه وسيط يأخد من هذا الطرف مواقفه وينقلها للطرف الآخر ونقرب بين وجهات النظر لحين التوصل إلى تفاهم على التسوية شكلها إيه عندئذ يقعدوا مع بعض دا الموقف السورى – الموقف السورى عاوز إنه لأ أنا مش هاجى كدا وأقعد معاك لمجرد إنك إنت داعينى عشان تقعد تتكلم معايا أنا جاى وعندى هدف محدد لاستعادت الجولان وبالتالى إنت نواياك إيه وديه هننقلها لهم طرف الأمريكى ما وصلوش لسه لحل يعنى .
د / عبد المنعم سعيد : ماتين إندنج فى مذكراته عن .
معالى الوزير / أحمد أبو الغيط : فى كتابه الأخير .
د / عبد المنعم سعيد : فى كتابه الأخير نص إتفاقية إسرائيلية وبين قوصين عدد بسيط من الإختلافات هل حد طارح هذه ؟
معالى الوزير / أحمد أبو الغيط : لأ لإن للأسف الحكومة الإسرائيلية الجديدة قالت لا إلتزام لى بما توصل إليه إسحاق رابين مع الرئيس حافظ الأسد ولا إلتزام لى بالمحادثات المباشرة التى جرت بين الجانبين فى الولايات المتحدة فى شيبر تون وفى جنيف لا إلتزام وبالتالى تمسك الجانب السورى .. وأتفهم وجهة نظر سوريا إنه لا إحنا مش هنفضل نتفاوض ونرجع نتفاوض على ما تفاوضنا عليه سابقا إحنا عايزين إن إحنا لما نرجع نرجع على النقطة إللى إحنا تفاهمنا عليها – فيه تفاهم وكانت – يعنى هى مش بالكامل بالشكل إللى هو بيصيغه إندنج لإن إندنج طبعا له أهدافه له رؤيته لكن كان فيه تقدم كبير فى مفاوضات إسرائيلية سورية بسعى أمريكى – الأمريكان عايزين يرجعوا بيهم لهذه المرحلة – حكومة رئيس الوزراء نتنياهو بتقول لك لأ أنا عايز من البدايه وأتحدث من البداية لو حصل إن سوريا وإسرائيل توصلوا لتسويه هذا سوف يضيف إلى ضغط للتسوية الرئيسية إللى هى الفلسطينية الإسرائيلية لكن ولا ديه بتحصل ولا ديه بتحصل .
د / عبد المنعم سعيد : هل سوريا متواصله معانا لما تفعله فى هذه المفاوضات ؟
معالى الوزير / أحمد أبو الغيط : لأ
د / عبد المنعم سعيد : يعنى بيتصرفوا لوحده ؟ .
معالى الوزير / أحمد أبو الغيط : لأ هم الحقيقة تاريخيا ما يتعلق بالشأن السورى تجاه إسرائيل أو تجاه المفاوضات هو أمر خاص بسوريا ولا يطلعون أحد عليه .
د / عبد المنعم سعيد : ميتشل لما جه هنا مصر ما إدناش أى ريبورت ؟
معالى الوزير / أحمد أبو الغيط : لا إحنا عندنا مش بس ميتشل إحنا عندنا 150بعثة فى العالم – إحنا عنينا متفتحة قد كده لكل .. دا إحنا بدأنا حديثنا سويا بنقول إيه إنه ما أصبحش فيه سر فى البشرية كل شيئ معروف كل إللى عليك إنك إنت مجرد تبحث فيه وتبحث فتلاقى المعلومات هل بقه المعلومات ديه 100% دقيقة 90% دقيقة 50% دقيقة ديه كلها دقيقة بمعنى مؤكده حقيقية – دا كلها مسائل الأيام هى اللى بتكشف.
د / عبد المنعم سعيد : معنى كدا فى إجابه قصيرة إن إلى أن فيه ترتيبات قادمه وإن أوباما على وشك إن هو بعد زيارة الرئيس إنه يطلع على العالم .. واضح إن العقبات على الأرض كثير جدا .
معالى الوزير / أحمد أبو الغيط : لا.. لأ هو مؤكد إن الرئيس أوباما عنده النية المؤكده إنه يطرح على المجتمع الدولى وعلى الأطراف المعنية أفكار محددة هم يطرحون هذه الأفكار حاليا مع كل طرف على حدى يجربون ويتساءلون .
د / عبد المنعم سعيد :لكن بعد كدا يقولوا أدى الرؤية .
معالى الوزير / أحمد أبو الغيط : وآدى الرؤيتى آهه هقولها إمته أنا تقديرى إن هو هيقولها فى أسابيع تالية أوأيام تاليه لزيارة الرئيس.
د / عبد المنعم سعيد : ما هو بعد – العام السياسى إللى بيتم بعد سبتمبر يعنى أجازة .. عودة الكونجرس
معالى الوزير / أحمد أبو الغيط : مع بداية – الأمم المتحدة والجمعية العامة والمظاهر الدولية إللى هى الناس بتشترك فيها وعودة الكونجرس وإنتهاء رمضان وكل والكلام ده .
د / عبد المنعم سعيد :ويحصل على تأييد .. إحنا مؤيدين لجهود أوباما .
معالى الوزير / أحمد أبو الغيط : بالتأكيد .. بالتأكيد لأنه ما فيش على المسرح حد بيبذل حهد حقيقى إلا الجانب الأمريكى وإحنا .
د / عبد المنعم سعيد :هو الجانب الأمريكى .
معالى الوزير / أحمد أبو الغيط :وأحنا إللى عايزين نحل المسألة ديه ونحل المسألة ديه مش لصالحنا فقط لأنه آه الإستقرار فى الشرق الأوسط شيئ جيد – المجتمعات تستشعر إنه الجهد له عائد شيئ طيب ولكن المسأله هى إنه.. وبعدين بعد 40 سنه نفضل فى هذه الدورة الصماء من المواجهة والعدوان .
د / عبد المنعم سعيد : معالى الوزير معلهش أنا هاأقاطعك طبعا عندنا عائمة كتيرة من الحاجات عن الصين وروسيا وغيره لكن باقى لنا دقائق قليلة .
معالى الوزير / أحمد أبو الغيط : ليه ما نقعد ما يبمدوا لك ساعة إضافية .
د / عبد المنعم سعيد : هههههه النيل قضية النيل يعنى فجأة هذا العام 2009 فجأة أصبحت على.. وديه أى واحد عارف الإطار الأمنى الإقليمى المصرى زى ما تعلمنا إنه الشمال والشمال الشرقى والجنوب ومياه النيل.. النهارده الموضوع يبدوا فى ناحيه إنه فيه 7 دول تكأكأوا فى رؤية معينة وفيه دول إحنا والسودان ودول المجر؟
معالى الوزير / أحمد أبو الغيط :الموضوع مش جديد عشان بس نبتدى .
د / عبد المنعم سعيد : يعنى كان سرى قبل كده؟
معالى الوزير / أحمد أبو الغيط : هذا الموضوع وماكنش سرى هذا الموضوع كان موجود وعلى مدى 5-6-7 سنين بعد عدة سنوات قليلة من تفاوض على ما يسمى مبادرة حوض النيل – ومبادرة حوض النيل هى مجموعة من الدول 9 إلى 10 دول تفاهموا فيما بينهم على إنه نسعى جميعا لتطوير إمكانيات دول الحوض والحوض من ناحية زيادة كميات المياه ومن ناحية تطوير مشاريع من ناحية مساعدة المجتمعات ديه على التنمية للمشكلة المتكاملة وبدأ هذا الكلام والبنك الدولى كان جزء منها وإشتغل فى هذا الموضوع وهم بيصيغ أو إحنا بنصيغ جميعا وصلنا إلى فلسفة إن يبقى فيه مفوضية والمفوضية ديه تشرف على إدارة هذا المشورع إللى هو مشروع بالغ الضخامة وسيستغرق 50 عاما ويتطلب 50 مليار دولار .. قيل طيب أثناء البحث مين له حق إيه ؟ فمصر والسودان قالوا إحنا دول المصب لإن لنا حقوق تاريخية فى استخدامات المياه ديه لازم إللى يعمل حاجه فى المنبع لازم يحيط المصب ويحصل على تأييده لأنه إنت ممكن جدا تيجى عامل من المشاريع ما تؤدى إلى إهدار إمكانياتى أنا فى التنمية فى الشمال فإحنا لنا مطلب الآعتراف بإستخدامات التاريخية – السودانيين قالوا مستقبلية لإن السوان ما بيتهلكش كل
د / عبد المنعم سعيد :هيكبر – وبعدين فيه إتفاقات دولية حاكمة اتصالاتنا وبعدين فيه إعتراف يجب أن يكون من ناحيتكم تجاهنا إنه إختار المسبق إنكم تبلغونا رأينا وإحنا نا مش متزمتين أو متعنتين إنه آه تعالو نشتغل مع بعض عشان ننمى هنا وننمى هنا وننمى هنا ونمكن المزارع الكينى والمزارع الأوغندى ونزود
معالى الوزير / أحمد أبو الغيط :عن موقفنا ولدينا موقف إنما رد الثانى .
/ أحمد / المسائل ديه معروفة .
د / عبد المنعم سعيد : ما هى لو كانت معروفة يا معالى الوزير ما كنش يبقى فيه مشكلة ؟
معالى الوزير / أحمد أبو الغيط : لأ معروفه من إن فيه شكلة لكن هى إنفجرت ليه ؟ إنفجرت لأنه بعد 10 سنوات من الأخذ والمفاوضات والحديث على هذا الموضوع قالوا طيب دلوقت إحنا وصلنا لنهاية الحقيقة هتعملوا إيه ؟ فقلنا تعالوا نتتفق على منهج فهم عايزين يطلقوا المبادرة قبل ما نتفق على تسوية وسط فيما بيننا لصيغات قانونية تحكم لحقوق المصرية التالية .
د / عبد المنعم سعيد :هل القضية الأساسية قضية تصويت – قضية إزّاى تُدار المبادرة ؟
معالى الوزير / أحمد أبو الغيط : لأ هذه لمبادرة عشان تتعلم وعندما أطلقت 10 أو 11 سنه أطلقت على مفهوم إسمه التوافق أى لا تتخذ القرار إلا بتوافق فمايجيش 6 أو 7 يقرروا إنهم من عنديتهم كدا إحنا رايحين نصوت إللى عايز يمشى معانا يمشى إللى مش عايز يمشى ما يمشيش خلاص إللى عايز يمشى يمشى وإللى عايز ما يمشيش ما يمشيش بس إحنا مش هنكون ملتزمين بهذا الاتفاق فيما بينكم والقانون الدولى يقف معنا والبنك الدولى يتفهم وجهات نظرنا لأنه الانطلاقة الأساسية كانت على أساس التوافق فطالما ما فيش توافق .. وعشان كده إحنا بنطرح لأ تعالوا بقى تعالوا نبحث فى المزيد إنتوا مش عايزين تشيروا إلى الإتفاقات التاريخية لإنها إتفاقات إستعمارية وعندهم مشكلة مع الاستعمار البريطانى والاستعمار البلجيكى والاستعمار الفرنسى وبالتالى بنقول لكم – بيقولوا لنا يعنى إحنا مش هنقبل هذه الاتفاقات فبنرد نقول ياجماعة خلوا بالكم لإنه كل إتفاقات أفريقا الحدود كلها قائمة على الاتفاقات ديه .
د / عبد المنعم سعيد :هل ال 7 يعنى كلتلة موحدة ولا بينها ؟
معالى الوزير / أحمد أبو الغيط :طبعا بينهم فيه حد بيبقى النغمة بتاعته أعلى فيه حد بيبقى النغمة بتاعته أقل .
د / عبد المنعم سعيد : مين النغمة بتاعته أعلى ؟
معالى الوزير / أحمد أبو الغيط : أنا مش عايز أتكلم فى تفاصيل يكون لها تأثيراتها وإنعكاساتها لكن إللى أنا عايز أقوله إنه منهجنا هو السعى للتوصل إلى توافق ولكن أيضا السعى المصرى الحديث لبناء علاقات قوية بعض الكُتَّاب المصريين بيقولوا إنتوا ما بتبنوش علاقة مع أفريقيا فالدول بتبنى علاقة مع أفريقيا وإحنا فى مثلا وزارة الخارجية عاملين 40% من صندون التعاون الفنى والدعم دا رايح لل 8 دوا دوا 40% من الصندوق رايح لل 8 دول دول كلن إحنا بنقول إيه يا شركات مصر يا رجال أعمال مصر يا كل ما يرغب فى الإستقادة من القدرات الإفليقية إنزلوا القارة إشتغلوا وفيه مصريين راحوا وفيه شركات راحب وياما قلت هذا الكلام ولكن ليه ما سنبستودش لحمه مثلا وبالتالى بدل ما ناخد بمليار ونصف – بمليار وخمسمائة مليون دولار لحمة من البرازيل ومن الأرجنتين ومن فرنسا ليه ما بناخدش من الدول ديه وبالتالى نربط مصاحلها بمصالحنا – ليه ما بننزلش فى هذه المناطق ونزرع فيها ونقول له تعالى هأخذك – إسمع أنا إللى هأزرع وهنتفق.
د / عبد المنعم سعيد : معالى الوزير معلهش أنا آسف لمقاطعتك وقتنا إنتهى
معالى الوزير / أحمد أبو الغيط : جالك الفكرة ؟
د / عبد المنعم سعيد : ولكن آخذ من حديثك إنه نداء لكل القوى والطاقات المصرية سواء كانت اقتصادية رجال أعمال شركات عامة نقابات منظمات مجتمع مدنى أن نمد أيدينا لإحداث تكامل مع ما تقوم به وزارة الخارجية وأيضا أجهز السياسة الخارجية المصرية المختلفة لأن التعامل مع دول الحوض النيل أعتقد هى مسألة حياة بالنسبة لمصر وهى لن تنجح إلا إذا كانت فى إطار تكاملى وإلى هنا تنتهى هذه الحلقة من برنامج وراء الأحداث ونشكر معالى الوزير شكرا جزيلا ونتمنى لك رحلة موفقة شكرا ونلتقى فى حلقة قادمة بإذن الله .
معالى الوزير / أحمد أبو الغيط : شكرا جزيلا لك