عنوان الحلقة واهم ما جاء بها : الاتجاه للعمل ومصلحة المواطن والعدل محمد بشير: اهلا بكم وحلقة جديدة من 45 دقيقة ارحب بضيفى الدكتور يحيى الرخاوى استاذ الطب النفسى اهلا بحضرتك معانا د. يحيى الرخاوى : اهلا وسهلا محمد بشير: عايز اعرف من حضرتك توصيف الحالة النفسية للمصريين حاليا وهل الثورات تؤدى الى دفع الانسان الى الانتقام اوسؤ السلوك د. يحيى الرخاوى : هى انفلات الحقيقة والحكاية طالت قوى وباخت قوى 3 سنين كفاية قوى كفاية للمظاهرات كفاية للتوقف عن العمل كفاية للتخريب للتوقف عن الانتاج كفاية لطرد المال من الاستثمار 3 سنين كفاية قوى عمر الحملة الفرنسية بكتاب وصف مصر كانت 3 سنين مش اكثر علينا ان نقوم ببناء حقيقى نستثمر فيه الايجابيات الشعب المصرى 90 مليون يوم ما يقولك الشعب المصرى منشن على ميدان رابعة على ميدان التحرير على ميدان النهضة اقولك لأ مش هو ده الشعب المصرى قرات عن ماليزيا عينوا الامين العام الاخوان الدولية من ماليزيا انا باحب ماليزيا لاسباب كثيرة علشان مهاتير محمد فا مهاتير محمد رجل تاريخ ماليزيا اللى بيتعرف عليها متجيش محافظة من محافظات مصر تعدادها اقل من ثلث تعداد مصر احنا 90 مليون هما 29 غير المسلمين فيها 40% مش احنا عمالين نقول المسيحين لأ15 لأ8 وشغالين وكل ده بفضل مهاتير محمد اللى كان محارب من التيار الاسلامى دلوقتى كمان هناك ومع ذلك تعايشوا والتيارالاسلامى دخل مسيحيين وبوذيين علشان هنا لمانيجى فى الدستور يقول لك الاديان السماوية لأ الاديان قدروا يتعايشوا مع البوذيين قدروا يتعايشوا مع الصنيين قدروا يتعايشوا مع الليدنيين وانتجوا فيتنام حاربت امريكا كام سنة اتهدت جاءت على الارض النهاردة بتنتج احسن مننا فيتنام اللى دوخت امريكا وانهارت تماما بتنتج احسن مننا ان الاوان ان احنا احنا كنا فى حرب وما انهزمناش 3 سنين نبطل كل حاجة فيها تعطيل او تخريب.. الوعى منذ الولادة اذا كان فى البيت وعى اصل انا ليا وعى دلوقتى وانا قاعد فى بيتنا لما اقعد معاك يسموه الوعى البين شخصى لان بينى وبينك تكون وعى فى النص لما يكون معانا 5-6 يتكون وعى جمعى غير الراى الجمعى يتخلق من احتكاكنا وعى جميع فهو يتخلق منذ الولادة فى الاسرة الطفل يولد يلاقى عنده اب ام بواب يتكون عنده الوعى وبيقعد يتصعد مع اتساع دائرة الحوار والتواصل يسموها الوعى الجمعى يبتدى بالاسرة ينتقل للشارع وبعدين المدرسة وبعد كده اخرى علشان اصلحة لازم اخذ المسطرة من اولها مهمة الاعلام تكاد توازى الخاص والعام مهمة الدولة لما الدولة تعمل مدارس والعيال ما بيروحوش بتحلل الوعى كنت زمان اروح مدارس اعدادى ادرس كلمتين اقول لهم مدرسة من غير حوش كبير وفسحة لما زمان كنا ناخذ الفسحة ساعة ونص وبعدها حصة واحدة اقول هما هيزنبونا والا ايه طب ما يضموا الحصة على الخمس حصص ونروح اتارى لأ اتارى ساعة ونص دى جزء لا يتجزا من تكوين الوعى العب واروح واستنى وادخل الانجلش كلاس العب معرفش ايه وارجع اريح شوية عاملى شلة ده تكوين الوعى فا تكوين الوعى عايز مساحة عايز اخذ وعطا الدولة من ناحية والاعلام من ناحية يتكون الوعى محمد بشير: د. حضرتك تابعت بعض اللقطات للرئيس المعزول محمد مرسى اثناء المحاكمة وكانت هناك ردودفعل المجتمع المصرى بيستغربها كيف شاهدت الرئيس المعزول ؟ د. يحيى الرخاوى : اولا ما تستغربش محمد بشير: حينما ذكر انه الرئيس الشرعى والرئيس المنخب وانه لا يعترف بهيئة المحكمة د. يحيى الرخاوى : تابعت خصوصا الناس اللى زى حالاتى كده انا باعقب على الناس اللى هتفوا فى المحكمة اعقب ونص ده بنى ادم محبوس ليس من حقى ده محبوس اوصفة باى وصف سلبى مهما كان غلط شوح قال شرعية 700 مرة ده بيدل على مع احترامى لظروفة هو بصراحة مصرى فلاح اظنة مجتهد لا اشك فى انه حسن النية وقليل الحيلة انما يرفع البنطلون يشوح بادية اقول ده معناها كذا عيب محمد بشير: اللى كانواموجودين فى المحكمة تعقيب حضرتك على سلوكهم كيف تصفة د. يحيى الرخاوى : القانون لم يدخل جوانا الدولة ان لم تكن داخلية فهذه دولة كلمة قانون مادخلتش جوانا ليس من حقى ان ارفع صوتى فى المحكمة فما بالك ان انا اهتف ما بالك ان احتج لايجوز ده معناه ان مفيش وعى لاحترام هذا الكيان محمد بشير: تبعيات ما حدث فى السنوات السابقة لما نلاقينا بعض الاشخاص تحاصر المحاكم زى المحكمة الدستوري العليا زى مجلس القضاء الاعلى زى المؤسسات القضائية دى تداعيات يا دكتور د. يحيى الرخاوى : كونة يسمح بها ولا يفضها فى خلال 5 دقائق دى العن من البيان الدستورى اللى يقولك مش من حقكم تعدلوا عليا اخطاؤة جسيمة جدا جدا جدا لكن هذا لا يسمح لى ان جرحة وهو وراء القضبان انما يسمح لى ان انا اقول باعو للى بره هذا يضر الرئيس نفسة ويضر بالبلد ويضر بالاتقصاد محمد بشير: نجد هؤلاء من السادة المحامين يهتفوا وروعوا شكل الجلسة ان هو مش معترف بيهم اساسا ولا عايز حد يدافع عنى توصيف الحالة النفسية دى باية د. يحيى الرخاوى : هو من حقة حسب القانون ان هو مايوكلش حد ومن حق المحكمة تعين حد يدافع عنه المحامين وانا لى علاقة بالقضاء المحامى ووكيل النيابة والقاضى 3 دعائم لمؤسسة القضاء واقول لا يمس جايز يغلط ده بنى ادم فى درجة ثانية ودرجة ثالثة المحامى جزء لا يتجزا من المؤسسة القضائية محمد بشير: نعم د. يحيى الرخاوى : وله كل الاحترام وعليه كل الالتزامات اذا كان محامى اخل بالتزامة واخل بالتزامة المهنى واخل بالتزامة الخلقى واخل بالتزامة الوطنى نشوف طريقة لمحاسبتة سواءا من النقابة او من القاضى وفورا يوقفه عند حده وقد يصدر عليه حكم فورى اثناء الجلسة وقد يرفع الجلسة محمد بشير: طيب هنروح مع حضرتك تقرير لزميلنا محمود عمر تقرير: اللى بشغل بالى حاليا عودة الامن يعنى رغم ان الشوارع كلها مفيش شارع الا فيه دبابة وفيه جنود وبردوا الامن مش موجود مواطن : المرور والشوارع مقتظة بالسيارات اليوم لافرق بين عامل رسمى وتجد الشارع مكتظ بالناس هذا من ناحية انظر الى الحالة الاقتصادية ارتفاع شنيع فى الاسعار دون ربط ودون حسم مواطن : البطالةحضرتك لو اخذت كاميرا ومشيت على القهاوى كل الشباب قاعدة على القهاوى مواطن : اللى بيشغل فكرى ان انا رايح ماتش الاهلى عايز اكسب عايز مصر تفرح كفانا حزن احنا اهلاوية وفرحنا امبارك للزمالك مواطن : اللى بيشغل بالى فى المجتمع المصرى الانقسام فى المجتمع مكنش موجود فى مصر الا السنتين الاخيرة مواطن : الاسعار المرتفعة تانى حاجة شركاتنا بتضيع واقتصادنا بيضيع هذه الايام عايزين البلد تمشى وحظر التجول يمشى والدنيا تمشى عشان مصر تمشى فى تقدم على طول مواطن : الكلام اللى بيكتب على الاسوار وفى محطة المترووفى كل حتة بنلاقى كلام واهانات نفسى الكلام ده كله يتمسح ونبطل نكتب الكلام ده لانه بيسئ لينا كلنا مواطن : المعيشة وعدم الاستقرار والامن كل ما نروح لتفاؤل نلاقى الاحداث اللى بتحصل اليومين دول الواحد بيقلك على المستقبل نفسى كل واحد يبص لمصلحة البلد مواطن : اهم حاجة المواطن يشوف العيش والحرية والعدالة الاجتماعية اللى قالت عليها الثورة مواطنة : اللى بيشغل بالى المساكن القديمة اللى الشقة ب 10 جنية وحاليا دلوقتى الشقة ب 300 و400 يعنى اقولك ام الايتام لما يبقى عندنا بيت بتاخذ مه 100 جنية اربع خمس ادوار تعيش ازاى مواطن : اداء الحكومة متدنى اداء الوزراء بعد مصيبة واثنين وثلاثة يطلع يقولك اه ده فى مشكلة انابيب فى ازمة بالفعل طب الازمة دى مكنتش عارفها قبل كده مواطن : حالة الانقسام الموجودة فى الشارع المصرى ونوع من الكراهية فى الشعب المصرى مواطن : احنا عمرنا ماكنا كده كنا كتلة واحدةووحدة مجتمعية واحدة وحبين بعض مواطن : عندى 28 سنة متزوج عندى 4 اولاد مش شغال خالص محمد بشير: رجعنا لكم اعزائى المشاهدين مع ضيفا العزيز الاستاذ الدكتور يحيى الرخاوى لما شفنا التقرير اهم ما يشغل المواطن المصرى نقاطة الطبيعية بيسال عن الاكل عن الامن الاستقرار الشان السياسى ده مستبعده تماما لايهمه عندنا ارتفاع اسعار عندنا انقسام عندنا الامن ازمة البطالة السلوك الحضارى د. يحيى الرخاوى : هو الامن سياسة البطالة مش سياسة لقمة العيش مش سياسة البوتاجاز مش سياسية محمد بشير: بالضبط والتحفظ على اداء الحكومة د. يحيى الرخاوى : دى هى البنية الاساسية لاى دولة الدولة حتى كلمة حرية نتكلم عنها بعد توفير الضروريات مستوى الضرورة وبعدين مستوى الاختيار مستوى الضرورة ان انا البس واروح شغلى فى مواصلة عامة والاقى سكن اوضة واحدة ودورة مياة ده سياسة عينة ممثلة جيدة جدا اللى احناشفناها ان انا باحظر من التعميم دول مهماش كل الشعب المصرى ولا يمثلوا الشعب المصرى بالمعنى العلمى مش هدف توظيفة اليومين دول مع ترقيق القلوب والاثارة والاستعجال فى استجابة لمطالبهم اللى هى اساسية وضرورية لولا التركيز على الموارد على مايجعلنى ويجعل الدولة قادرة على الوفاء بمطالبهم كون الاعلام حقة يخفف شوية وهو بيعرض العينة دى ينبه ان هذه لا تمثل كل الناس ولكن تمثل عدد مهم وينبغى له اولوية الناس دى عايزين العدل لما اتكلم عن الحد الادنى الاقصى انا لا يهمنى الحد الادنى كل واحد بيدبر شئونة انشا الله ينام جعان انا يهمنى الحد الاقصى مفيش عمل فى الدنيا ياخد 20 الف ولا10 الاف ولا 15 الف محمد بشير: دا فى مستشارين بياخدوا كده وهو ما قدمش اى حاجة اثناء خدمتة د. يحيى الرخاوى : لو اطمئن هؤلاء الناس وكل الناس المظلومين فى الحياة على الحد الاقصى هيرضوا بالحد الادنى ويترك الحد الادنى للعرض والطلب ويوم ما صاحب العمل بما فى ذلك الحكومة هتدى له اضعاف اضعاف اجرة علشان تجيبة يهمنى العدل وهو غير موجود فى المجتمع محمد بشير: التعليم د. يحيى الرخاوى : رفعنا الحد الادنى وعملنا كادر لم يذهب مدرس الى فصلة نتيجة لرفع الكادر يبقى عمل ايه الحد الادنى كان بياخذ 10 بقى ياخذ 15 لم يزيد حضور الطلبة فى المدارس محمد بشير: الدروس الخصوصية زى ماهى د. يحيى الرخاوى : لما يجى لى طالب انا عندى شغل ان لم تذاكر انزل اشتغل صنايعى بكره تذهب للمدرسة يوميا يقولى مفيش مدارس يقولى محدش بيروح يادكتور انت مش هناوالا ايه ؟ فى مراكز للى معندهمش وفى دروس خصوصية 3 مستويات مدارس فاضية ومراكز لها ساعات وحصص بتدار كمراكز وبعدين دروس خصوصية هنا يبدا فكرة الدولة تتكون والوعى العام يتكون اجى اغشش العيال فى الاعدادية والدولة المتوسطة والصنايع وهو ما بيعرفش يفك الخط ما بيعرفش يكتب اسمة يبقى هكون وعى ايه ونيلة ايه دانا باعلمة الغش من سن 11 سنة بملية الاجابة من سن 12 سنة الكلام ده كله لازم بدل ما نرجع نعمل مظاهرات تانى كفاية كده كفاية احتقار للشعب كفاية استهانة بالشعب فرصة 10 سنين بقى اظن مهمة الاعلام فوق الوصف مهمة الدولة من روضة لحد ما يتخرج من الجامعة محمد بشير: قصد حضرتك المهمة التعليمية د. يحيى الرخاوى : الدين ان الله يحب اذا عمل احدكم عملا ان يتقنه تعبد الله كانك تراه فان لم تكن تراه فانة يراك ومن يعمل مثقال ذرة خيرا يرى ومن يعمل مثقال ذرة شرا يرى وكلهم اتية يوم القيام فردا لوحده الرئيس مرسى هيروح لوحده هو خدها من قصيرها وقال لك مش عايز محامين لازم القيم الدينية ا لعظيمة اللى تمشى البلد ازاحة الازى عن الطريق محمد بشير: يعنى الوعى الدينى متمثل فى مؤسسة كبيرة وعريقة فى الازهر الشريف د. يحيى الرخاوى : الازهر له تاريخ عظيم هو فخر عبر التاريخ التركيز على الفقه الكتب والترغيب والترهيب هو بيدى قواعد اساسية للاسلام الدين المعاملة عندنا احترام الجار محمد بشير: انما جئت لاتمم مكارم الاخلاق لما اشوف امس جنازة طفل برئ وطلع فيها الالاف ونلاقى حفنة من الناس يلقون بالطوب والزجاجات مفيش حرمة للميت د. يحيى الرخاوى : لو حفنة مش واخده بالها انما لما نشوف الحفنة بتقول انا اسلام انا امثل هذاالدين العظيم هى مش بس اهانتنى ولا اهانت الطفل ووالده دى اهانت دينى ادام ربنا محمد بشير: الرسول عليه الصلاة والسلام وقف لجنازة يهودى د. يحيى الرخاوى : الاخوان المسلمين اكثر رحمة واكثر طيبة محمد بشير: هل الحرمان له 80 او 90 سنة من شئ فجاة هو غير مؤهل يتولى منصب او يتولى قيادة ممكن ينعكس عليه فى تصرفاتة د. يحيى الرخاوى : ممكن انما اللى تم بدل مايطلع ينتقم يبقى عارف ان القهر وحش قوى عليه وعلى غيره يبقى اكثر رقة يقول ياه احبس فلان زى ما كنت محبوس لا اشوف طريقة ثانية ممكن يطلع ينتقم بغل شديد جدا المصيبة محددش عدو اللى حبسوا وقهروا مش هوده اللى بيوجه لينا لما يروح يموت عساكر عساكر مرور انا تحبست 10 سنين اموت عسكرى مرور محمد بشير: شئ غريب الاكثر من ذلك ما الاقى شخص بيلجم نفسة باحزمة ناسفة ومتفجرة بيسمى حرمان حسى د. يحيى الرخاوى : الجسد امانة محمد بشير: بيقال ده جهاد فى سبيل الله د. يحيى الرخاوى : ليس من حقى اتصرف فيه اللى خلقة هو اللى يتصرف فيه المسالة زادت وفاضت هذه التفجيرات تؤلمنى الم شديد لا ينبغى ان نركز عليها وحدها المظاهرات والتخريب وتعطيل الانتاج والعسل وعدم التركيزعلى اقتصاديات البلد وان احنا نجيب علشان نوزع نوزع بعدل عدل عدل وشغل شغل شغل يطلع وعى ويطلع بكرة محمد بشير: سعدت بوجود حضرتك معايا يادكتور بندعو من خلال سيادتك الى العمل والانتاج وجها د العمل لرفعة هذا الوطن وهذا الشعب والحكومة لازم تقوم بدورها لاعلاء الوعى لدى المواطن المصرى وان احنا نحيد الخلاف والضغينة عايزين البلد دى ما تستهلش من الا كل خير اشكرا واشكركم مشاهدينا والى اللقاء.
