اتجاهات

عنوان الحلقة واهم ما جاء بها : الاهتمام بالبحث العلمى واهميتة للمجتمع
رشا مجدى : اعزائى المشاهدين اهلا بكم حلقة جديدة من دستور بلدنا يسعدنا ان يكون معنا فى هذه الحلقة من دستور بلدنا الدكتور مجدى يعقوب اخصائى جراحة القلب اهلا بحضرتك معانا
د. مجدى يعقوب : اهلا بحضرتك
رشا مجدى : حضرتك الهوية المصرية العالم فى الخارج شايفها ازاى
د. مجدى يعقوب : د لابد من احترام الانسان واحترام فكرة والحفاظ والتعامل معه بكرامة كنت باشوف انا زمان ان ممكن يعتدى على كرامة حد تانى وفى تفريق بين واحد غنى وواحد مش غنى وبعدين فى تكافؤ الفرص دى حاجة مهمة جدا جدا الدستور ان ميكنش فى تفريق بين اى حد
رشا مجدى : البنت المراة
د. مجدى يعقوب : رجل او مراة جاى منين فى القطر اواسوان او من نوبى او من سينا او من الواحات ده مهم جدا يكون فى حساسية ان كل الناس يكونوا بس حاجة مهمة ان احنا ندى لهم فرص يبدعوا كمان لان طبعا لازم الشعب يعرف ان لازم هما يشتغلوا ففى فرص للتعليم لاى فئة يبقى رئيس جمهورية او عالم او رياضى ودى حطنيها فى الدستور ان يقال ان المهم جدا انالدولة تحاول ان تكتشف مواهب الاطفال مش بس الاطفال ان معروف العلم والابحاث اللى مرت كل انسان عنده موهبة فلازم الدولة تحاول ان تكتشف المواهب العقلية البدنية عايزين ابطال احنا 90 مليون ومعندناش عدد كفاية من الالولميك اللى حصلت فى لندن لازم نشجع المواهب العقلية الفنية عايزين موسيقيين لازم نديهم فرصة يبدعوا فى الادب زى نجيب محفوظ وبعدين حق المراة وحق الطفل
رشا مجدى : البحث العلمى فى الدستور تم اقرارها نسبة ال 1% من الدخل القومى اللى بتروح للبحث العلمى
د. مجدى يعقوب : كنت عضو فى الجمعية الملكية فى انجلترا والمجلة العلمية انا كنت اعلق على الباحثين هذا المشروع فى 4 سنين كان البحث العلمى والتكنولوجيا فى البلاد الاسلامية
رشا مجدى : 4 سنين فى ا لبحث ده
د. مجدى يعقوب : هيطلع فى الجمعية الملكية فى انجلترا فمصر حالتهامؤسفة من نواحى كثيرة البحث العلمى احنا زوجناه الى 1% ده مش كفاية البحث فى ظرف ال 8 -9 سنين اللى فاتوا كانت 2.% دى حاجة مؤسفة جدا لان فى دول ثانية 4% طبعا الدخل القومى عندنا بالنسبة للدول الثانية مكناش بنزيد خالص لما قلنا نزوده 1% زاد 5 مرات ما نقدرش نقول نطلع زى الدول الثانية بسرعة وده بيتقال فى الدستور تشجيع الاستثمار ولازم يكون فى الدخل القومى يزيد من يومين كنا ننقاش فى البحث العلمى حضرتك قلت مؤسسات البحث العلمى العلمية
رشا مجدى : القطاع الخاص
د. مجدى يعقوب : بتساعد على البحث العلمى انما الحكومة نفسها لازم تخصص الجزء الكبير اللى بنقوله ده على الاقل 1% وبنقول ان فى خطة ان ده يزداد فى مدة معينة مش يقعد 20 سنة علشان يوصل الخطة عايزين نوصل فين وبعد كام سنة حضرتك قلتى كلام هايل ان من غير البحث العلمى البلد مش هتنهض من نواحى كثيرة جدا الابحث العلمى بيزود الدخل القومى والتصدير ومصر كانت اقل من اى بلاد ثانية اسلامية كان فى 40 دولة البحث كان كويس فيها واحنا اقل من جميع انحاء العالم دى حاجة المهم زى ما باقول احنا عندنا عقول كثيرة فى اسوان فى منتهى النباهة بس اللى يدى لهم فرص لان دى بتدى كرامة مش بس للافراد لكن بيدى كرامة للبلد كلها لان الناس بيقولوا شوفوا دى بتعمل ايه اكثرمن ان بتدى حاجات مادية وبعدين كان فى بحث تانى بنتكلم فيه فى امريكاان كاليفورينا الاستثمار فى البحث العلمى لو تحطى دولار او 100 دولار بتراجعى عليه 70 الف مرة 20 سنة فامفيشى اى استثمار فى اى حاجة يرجع ده بيرجع عائد ضخم بيبقى فى انتاج فى كالفورنيا 400 مليون دولار يحطوها مرة واحدة صحة الناس بتتحسن ده استثمار ضخم جد مش بس الحكومات القطاع الخاص
رشا مجدى : مينفعش دستور يتضمن زى ما حضرتك قضيت برة جزء كبير من حياتك شارك بشكل كبير فى البحث العلمى ليه الدستور لا يتضمن فى هذه المادة القطاع الخاص
د. مجدى يعقوب : الدستور ما يقدرش يشرع الدستور يشجع الجمعيات الاهلية والصناعة انها تساعد مثلا انا عضو فى حكومة يابانية والحكومة الهولندية بيدعونى بانتظام علشان نفرق فلوس على البحث العلمى ازاى بيجوا فى الحكومة نفسها بتحط 200 مليون يوريو وتقول مش هنديها الا جمعية من الشعبية او الحكومة تحط على الاقل ده او كثر وبعدين الاثنين مع بعض عندنا 400 مليون تروح لمين لاحسن بحث موجود
رشا مجدى : من الواضح ان مشكلةالبحث العلمى مشكلة تعليم المادة 18 هل نصت على الحق فى العليم والتزام الدولة فى التعليم معايير جودة هى دى مشكلة جودة التعليم عندنا
د. مجدى يعقوب : محى الامية حاجة مهمة انما معايير الجودة على معايير عالمية لان مانقدرش نبقى متخلفين ونشجع القطاع الخاص والدولة بس هما الاثنين يشتغلوامع بعض ويكون فى مراقبة من ناحية الجودة لان من غير جودة مش
رشا مجدى : طب مشكلة الفقراء فى مصر مشكلة الصحة يمكن حضرتك لامس ده من خلال مركز مجدى يعقوب للقلب هل الدستور بيحتوى على مواد توفر للفقراء خدمة صحية مقبولة وتلتزم الدولة التامين الصحى
د. مجدى يعقوب : لكل انسان الحق فى عناية صحية متساوية اشتغلت طول عمرى فى دول كثيرة بقيت عمرى قضيته فى انجلترا وكما اشتغلت فى امريكا عدة سنوات انما اللى شفته عجبنى جدا علشان كده رجعت لانجلترا من امريكا التامين الصحى لان التامين الصحى فى انجلترا انا طبعا يوافقنى هذه الفلسفة ان كل انسان له الحق فى العلاج على نفس المستوى غنى او فقير وبعدين كنت دائما باعمل تعليم فى جامعة لندن لما يجوا ناس من حتت كثيرة اقول لهم تقديم الخدمات الصحية كان حاجة هامة لنا جدا كنا ندعى ناس من وزارة الصحة البريطانية من الحاجات اللى بتوحد الناس اقول لهم ازاى الناس عايزين حاجتين ان يكون عندهم اهل علاج طبى وبعدين السؤال الثانى عايز علتك بس وجارك تعمل فيه ايه عايز يدى له نفس التقديمة دى فا الكل نفسه يقول اه لكن فى امريكا سالت نفس السؤال كل واحد عايز يبقى عنده علاج اقوله طب وجارك يقولى لأ جارى مفروض ان هو يشتغل شايف حضرتك انا باشتغل اد ايه انما هو لو مش عايز يشتغل يبقى مايتعلجش
رشا مجدى : بس انا حكومة اقتصاديا قوية مثلا انجلترا الحكومة هل علشان الاقتصاد البريطانى قوى فا بيغطى تكاليف علاج مجانى للمواطنين والا ده محتاج ان احنا نغير فى منظومة التامين الصحي
د. مجدى يعقوب : الحاجة اللى لازم نعرفها ان مفيش اى دولة فى العالم غنية او فقيرة او اى حاجة تقدر تعالج كل الشعب وتدى له كل حاجة موجودة فى الطب هتفلس امريكا عارفة هذا الكلام انما بتقول للشعب انتوا تختاروا على اد المستوى اللى احنا نقدر ندية لكم نقدمة ببلاش بس لازم يبقى ببلاش فى كل الناس مثلا كل الناس اصغر من سن معين ببلاش كل حاجة حوادث ببلاش
رشا مجدى : امراض مزمنة احناعندنا دولة عندها امراض قلب كثير كلى كثير الدستور هيتضمن ان للصحة 3% فقط من الناس
د. مجدى يعقوب : مش 3 دول حصل كثير مناقشات من كنا نتكلم فى هذا الموضوع حضرتك بنقول على الاقل 3% وبعدين بنقول وتزيد بانتظام فى مدة محددة احناعايزين نمنع الفقر وعايزين نعلم كل الناس بمساواة تامة وعايزين نقدم الصحة بمساواة على اعلى مستوى نقدر نقدمة الان وبنفكر يكون فى مساهامات من الشعب نفسة ومن برة ومن جوا علشان نعليها مع مرور الوقت مانقدرش نتكلم وما نقدرش ننفذها الشعب لازم يعرف ان لازم يساهم بنفسة مش يقولوا هدخن ومااعملش رياضة وما اكلش مش طريقة نتعاون كاطباء وحكومة ودستور عايزين الشعب عنده صحة كويس بس لازم يتعاون لان الدولة هتفلس ومش هنقدر نعمل كل حاجة والقادرين يساهموا كى يكون نامين صحى لكل الناس ونعمل ابحاث علمية نعالج الامراض
رشا مجدى : نتكلم عن معالجة الفقراء ونتكلم عن مركز الدكتور مجدى يعقوب لزراعة القلب للاطفال الفقراء
د. مجدى يعقوب : كله ببلاش مفيش ولا مليم
رشا مجدى : عايزة اعرف تجرى بحور ما لتطوير المنظومة العلاجية ماذا يقدم المركز الان
د. مجدى يعقوب : المركز بيعمل عدة حاجات بيخدم كل انواع العمليات وكل انواع الاساطر والدعامات لكل المرضى بدون تفرقة من ناحية الحاجات المادية اوالديانة او الشكل او النوع بندى اولوية للفقراء واهل اسوان واللى عندهم حالات معقدة مش هيقدروا يروحوا اى حته تانية المركز هو مركز للعلاج وللابحاث طول الوقت فى الجودة وبنحاول نكون 100% مفيش حد 100% بنحاول نتحسن مخصصين 10 % من المصاريف للابحاث العلمية فى علم الانسجة العضلات الخلايا الجزئية علشان يبقى عندنا جيل من العلماء للمستقبل كا ما نستعملة ناتجه عن ناس خصصوا ده من قبل بنعاجل الطفل والكبار وعايزين نعالج اللى هيجوا بعدنا قدماء المصريين كانوا بيبصوا للمستقبل وبندرب الاطباء واعضاء التمريض
رشا مجدى : اغلبهم مصريين
د. مجدى يعقوب : مصريين وهولنديين وهنود وانجليز الممرضات المصريين بيروحوا انجلترا اللى عنده استعداد بيشارك فى انجلترا وفى لندن وبيجوا افريقيا وجاميكا وعايزين يخدموا المصريين بنبتدى بتقديم الخدمة كل مصر من الصعيد اكثر كمان من افريقيا سلسلة الامل بتساعد من لندن
رشا مجدى : لينا 15 سنة اويمكن اكثر بنتكلم عن قانون نقل وزراعة الاعضاء البشرية وعرفنا ان هناك لجنة حضرتك والدكتور غنيم هتتناولوا هذا الموضوع واحد سوف يكتب فى الدستور مادة عن ما يبيح ينظم زراعة الاعضاء البشرية بما يمنع الاتجار واستغلال الفقراء
د. مجدى يعقوب : لجنة الخمسين ابتدينا قلنا ايه اللى بيحصل دلوقتى فى انجلترا وحتت ثانية ان زراعة الاعضاء هى هبه للحياة ازاى هى هبه للحياة هى هبه من الشعب الى الشعب فى الدستور اكتبت الحاجة الثانية ان فى عدد ضخم من الاطفال والشبان والشابات من غير زراعة الاعضاء والانسجة والقرنية والعظم والجلد مكناش هنعمل زراعة الاعضاء هما يموتوا ودى حاجة بتحزنا جدا لان احنا بنشوفها ادمنا لو كنا قادرين ان نساعد الناس فى مصر دى واجب ضخم ومفيش اى علاج تانى حتى الاعضاء الصناعية زى القلب الصناعى زى الكبد مفيش حاجة زى زراعة الاعضاء فدى حاجة مهمة جدا والصمامات كل ده بنحاول نجيب صمامات من انجلترا ومن امريكا بس مش هنقدرطول الوقت ان احنا نجيب كده لان كل الدول قررت انها عدد الاعضاء الموجودة عندها فى اى دولة اقل من المحتاجين اليه فلازم كل دولة تساعد تعتمد على نفسها وبعدين احنا عندنا كفاءات وعندنا اعضاء بتترمى وانسجة بتترمى فليه تترمى وانا افتكر نوقش قبل ذلك رجال الدين من كل ناحية موافقين واليهود كل الناس موافقين ان كون الواحد يقدر ينقذ حياة فدى حاجة مهمة كل الناس موافقين بتنقذى حياة ودى انا باشوفها بنفسى مثلا كان عندى شبان فى انجلترا طفل 12 سنة اتحط له قلب جاى 25 سنة تانى بيتمتع بالحياة وبعدين بيدفع للبلد تانى كل اللى دفعته علشانة هبة الحياة دى حاجة مهمة جدا لازم نعرفها حضرتك قلتى حاجات تانية ان طبعا من المهم جدا زراعة الكلى والكبد والقلب والرئتين بس لازم انها تنظم من ناحية كنا بنتكلم مع الدكتور ابو الغار لازم تنظم ان لازم تكون من الناحية الاخلاقية محدش يستغل التانى يعنى وانا لسه عايش مفيش طفل يدى ابوه بنمنعة اخلاقيا غلط الحاجة التانية ابحاث كثيرة خاصة فى الكلى اللى بيهبوا كلية بيعيشوا اكثر من اللى لا يهبوا كليه فى البحث ده 35 سنة ده يفسر ان احنا لما نشيل كليه هتعيش اكثر مش معقول انما بنقول ده لانهم حاجتين واحدة الشخص اللى بيدى كليه الناس بتعتنى به وتشوفة بيعالجوا اى حاجة تتحصل له وثانيا ان تقويمة لنفسة بيزيد وان لازم كل حاجة تتعمل بنسبة جودة عالية فلازم الحكومة تعمل مؤسسات ومؤسسات اهلية مقدرناش نحط ده كله فى الدستور القوانين هتطلع بعد كده اتناقشنا فى انجلترا فى ده كثير فى التجارة احنا منعنها لكن بيقولوا التجارة ممكن تفكروا فيها حتى فى انجلترا وفى كندا انما لو فكرتوا فيها تبقى منظمة جدا ان محدش فى المتبرع محدش بيدى فى النص بياخد كل الفلوس او فى حتت مش كويسة فده غلط لازم لو حتى كان فى فلوس تدفع كلها تدفع للمتبرع مش الناس السماسرة الحاجات دى مهمة تناقش الصحافة والتليفزيون يشاركوا ويقولواللناس ماهى الحقائق وفى انجلترا الاولاد الصغيرين 7 سنين و11 سنة يقولوا عايزين نشيل وعايزين ننفذ ناس تانيين والا لأ فا موافقين وقالوا اتناقشنا فى ده فى المدرسة لازم نرجع تانى للابحاث العلمية علشان ضمان الجودة وعلشان فى اكتشافات كثيرة لسه لم نصل اليها منديش ادوية مضادة للرفض فى حاجات مهمة علم الامينولجى لازم نعرف لو شجعوا الابحاث العلمية الشعب كله هيستفيد
رشا مجدى : مجلس الشورى مش هيبقى موجود فى الدستور وغرفة واحدة والا غرفتين
د. مجدى يعقوب : انا رايى يكون فى غرفتين لان ده اشوفه بره مجلس اللوردات مهم جدا لانه بينصح مجلس النواب بيبصوا عليه ولو مفيش حاجة كويسة بيطلعوه ما سمعت الاتى ان مجلس الشورى الشعب مكنش مبسوط منها لو قلنا هيفكر هنرجع تانى مش هنمشى لادام كل اللى عايزينة ان البلد تطلع لادام كل اللى عايزينة ممكن بعد 5 سنين ممكن يكون فى مجلس شيوخ لكن فى الوقت الحالى زملائى قالوا لى وانا اقتنعت ان ممكن ان احنا نعين ناس من غير ما ندفع لهم فلوس انهم يبقوا زى مجلس الشيوخ نجيبهم وننقى كل اللى عندهم خبرات فى حاجات معينة ونقول لهم بسوا على هذه الحاجات ده بيحصل فى مجلس الشيوخ الدولة بتدى لهم قوة ازاى بتقول لهم تاكدوا ان احنا نعمل كل الحاجات اللى هتقولوها ولسه معملنهاش تنشروا رايكم ترجع تانى للشعب ضيعتوا وقتنا ياحكومة واحنا مجموعة من الخبراء قعدنا 6 شهور نشتغل فاحنا هنزعها للشعب فالحكومة تخاف
رشا مجدى : تتراجع
د. مجدى يعقوب : تتراجع ممكن ده يتعمل هنا يكون فى مجالس بس الحكومة لازم تدى لهم القوة وما تضيعش وقتهم
رشا مجدى : د. مجدى يعقوب جراح الطب العالمى انا تشرفت بلقاء حضرتك واراءك فى الدستور واحب اقول لمشاهدينا الكرام
الدكتور مجدى يعقوب بخير مشترك فى لجنة المخسين لاعداد الدستور شكرا جزيلا ولكم الشكر مشاهدينا الكرام والى اللقاء