حديث المدينة

مفيد فوزى : من يشرب ماء النيل يعود اليi حتى لو عاش الغربة وترك مصر ثم تالق فى الخارج وصار شخصية مرموقة مثل الدكتور مجدى يعقوب أسف السير مجدى يعقوب كما اطلقت علية ومنحتة هذا اللقب اى موضوع نتناولة على شاشة التليفزيون لابد يبقى له زوايا لماذا مجدى يعقوب لماذا نسافر 46 لمقابلة الدكتور مجدى يعقوب وتقديم لناس مصر لانة ببساطة عاد الى مصر ليخدم ناس مصر وقلوب اهل مصر واطفال مصر خصوصا اذا ثبت ان مصر اصبحت على خريطة الصحة العالمية فيها نسبة كبيرة قوى من مرضى القلب فى مصر الاخطرهم العيوب الخلقية فى الرضع والاطفال اللى سنة واثنين وثلاثة الولد من دول او البنت من دول يشيلها ابوة ويجرى ويدور ويسافر ويقولوا له مبالغ ضخمة يكون لسة طفل رضيع يمكن علشان خاطر يعيش مجدى يعقوب بعون من الله تعالى يرى ان العلم استطاع ان يدخل داخل قلوب الاطفال حتى الرضع حتى الرضع يملك ان يعيد لهم الحياة ويعيد الابتسامة ايضا الى اهاليهم هو سادس جراح قلب فى العالم وثانى واحد بعد الدكتور برنار عمل عمليات زرع قلب فى القلب مجدى يعقوب كيف يفكر لماذا مشروع مركز القلب فى اسوان لماذا اصر ان تكون اسوان هى ارضة وجهدة وعطائة لانها فى نهايه الصعيد ولان الصعيد المهمش يحتاج الى10مجدى يعقوب يبقى التساؤل وهل اثرياء اسوان يساهموا هل اثرياء الصعيد يساهموا فى هذه المشروعات تلك هى الضية مجدى يعقوب فى اسوان صوت وصورة ومعكم مفيد فوزى فى حديث المدينة
فاصل
مفيد فوزى : سير مجدى يعقوب مفخرة مصر ايه اللى يجيبك من جو اوروبا الجميل لدرجة حرارة 50 فى الظل
فى اسوان ازاى بتستمتع بالحياة فى هذا الجو
د/مجدى يعقوب : طبعا ده واجب عليا لان انا مصمم اخدم شعب مصر وعشان اديك المثل لازم يكون فى حضور مستمر وفى علاج الاطفال الناس دى محتاجة
مفيد فوزى : حر والا ثلج مش مهم فى بالك دى مسالة محسومة 00 طمنى على قلوب المصريين
د/مجدى يعقوب : قلوب المصريين فيها تعب كثير
مفيد فوزى : سببه ايه ؟
د/مجدى يعقوب : سببه ان عندناالتشوهات الخلقية موجودة كثير يمكن اكثر من حتت ثانية فى العالم وطبعا لازم تعالج باستمرار وانا عارف ان مصر باستمرار بتحاول
مفيد فوزى : ليها اسباب معروفة التشوهات الخلقية ؟
د/مجدى يعقوب : بعضها معروف يعنى بيتولدوا بيها طبعا فى دراسات كثير بتدرس ازاى القلب بيتكون فى الجنين وماهى الجزيئات اللى بتتحكم فى هذا الموضوع فدى حاجة حضرتك معقدة جدا جدا جدا من الغريب انه ما بيحصلش تشوهات اكثر من اللى احنا بنشوفة فى المستقبل هنعرف بالضبط ما هى الجينات اللى فيها بيحصل فيها خلل خفيف الجينات دى بتبقى فى الضلع مثلا بنسب خطيرة جدا لو المدة دى زادت او قلت كان يحصل خلل خفيف الخلل الخفيف ممكن انه يزيد اكثر واكثر
مفيد فوزى : هل الهندسة الوراثية ممكن تلعب دور فى المسقبل الجينات هل الواحد ممكن يطمن الناس فى الوراثة هل ممكن انه يحصل ؟
د/مجدى يعقوب : ده سؤال هايل كويس جدا لان بعضها فيها وراثة
مفيد فوزى : بعضها ؟
د/مجدى يعقوب : بعضها فيها وراثة يعنى مثلا فى امراض احنا بنساعد فيها تضخم القلب وده وراثى وفى معروف ما هى الجينات اللى بتتحكم فى هذا الموضوع فى امراض ثانية مهياش وراثية انما الجينات نفسها وهى بتشتغل فى الجنين ممكن يحصل لها خلل خفيف ماهو سبب هذا الخلل لان المرض فى الوقت ده فية تلوث او ساعات مفيش سبب باين انما المهم الابحاث نفسها ودى اثبات ان النمرة بتعتى انا مع زملائى فى امريكا وفى انجلترا وحتى ابتدينا نشتغل مع الصين علشان نعرف ايه هى الاسباب
مفيد فوزى : لما يبقى فى سبب معلوم امامك ولما يبقى فى سبب معلوم بتبقى الاسباب سهلة لكن لو يكن هناك سبب معلوم هل بتستفذ العلم والبحث اكثر ؟
د/مجدى يعقوب : طبعا انا دائما اقول ان احنا انا وزملائى ان احنا بنشتغل الحاجة الاولية ان مساعدة الناس الحاجة الثانية اكتشاف حاجات جديدة العلم ال scienceالعلم ما هو الا اكتشاف الحقيقة وعشان نلاقى الحقيقة دى زى ما حضرتك بتقول لما نعرف ان احنا مش عارفين الحقيقة مش موجودة بنحاول ان احنا نشتغل ليل ونهار وبعدين لما يبقى فى اكتشاف حتى لو اكتشاف خفيف يبقى على بعضة احنا محظوظين جدا انا دائما اقول للدكاترة
مفيد فوزى : انا لا اتخيل مش قادر اتخيل انه رضيع يتعمل له جراحة كيف يحدث هذا يعنى خلينى اشعر بالدهشة مع انى مش طبيب ؟
د/مجدى يعقوب : كنا زمان مع التطورالكثير ان دلوقتى من الممكن عمل هذه العمليات
مفيد فوزى : فى قلب الطفل؟
د/مجدى يعقوب : فى قلب الرضيع اللى هو القلب كلة اد كدة لان مع تطور الاجهزة ومع تطور العلم والتطورات التكنولوجية كل ده
مفيد فوزى : حضرتك بتقعد 5 ساعات فى العملية هل تصلى قبل العملية احب اعرف ؟
د/مجدى يعقوب : انا روحانى
مفيد فوزى : اساسا ؟
د/مجدى يعقوب : اساسا
مفيد فوزى : شخصيتك يعنى؟
د/مجدى يعقوب : اصلى قبل اى عملية يمكن لأ انا دائما افكر حاجات روحانية ودائما احب اقول لنفسى وللفريق بتاعى ربنا يساعدنا
مفيد فوزى: يا سلام اما انت عليك حاجة غريبة اوى تقول مرة زملائى تقول الفريق يعنى حضرتك بتشتغل بروح الفريق مافيش سير مجدى يعقوب ؟
د/مجدى يعقوب : بالمرة محدش يقدر يشتغل لوحده خصوصا فى التخصص بتاعنا ده كلنا معتمدين على بعض و فريق قوة الفريق بتقاس بيمكن اضعف حته فى السلسلة و دايما بنقول ان كلنا مع بعض بنحب بعض جدا و بعدين فى نفس الموضوع و زى ما حضرتك شايف انه ال team بتاعنا اغلبه مصريين و سايبنا احنا ندرب المصريين امنا فيه اجانب كتير من انجلترا و من المانيا و فيه من النرويج من استراليا كلنا بنشتغل مع بعض كوحدة واحدة علشان ايه علشان نساعد المريض
مفيد فوزى : ازاى بتقرأ فكرة انه هو بيعمل مستشفى فى هذه البلد لقلوب الاطفال ؟
مواطن : جميلة و المفروض تتعمل فى اى بلد و فى اى مكان عشان الاطفال عشان الاطفال على مستوى مصر
مفيد فوزى : تفتكر مستشفى للقلب مازال ايه بالنسبة لك انت تحس ايه ؟
مواطن : طبعا ديه حاجة عظيمة بالذات انه هو بيعملها هنا فى اسوان لأن هى بلد بعيدة و بلد محتاجة خدمات و كون انه هو بيركز خدماته فى اسوان فا ده بيقول احنا بعيد شوية عن القاهرة و كل الخدمات الطبية فعلا مركزة فى القاهرة بس حتى المرضى اللى جواه عشان ياخدوا خدمة كويسة فى القاهرة هيبقى اسهل بالنسبة لهم ان هم يروحوا اسوان
مواطنة : الاطفال اكيد محتاجين اكتر حاجة ممكن يفكر فيها البنى ادم انه هو يساعد الطفل ان كان طفل يتتيم ان كان طفل مريض ان كان طفل محتاج وهو بصراحة شعور كويس انه هو يفكر يعمل حاجة للأطفال
مواطن : طبعا فخر ليا ولبلدى ان عيادة د مجدى يعقوب يعمل حاجة لبلده لأنه من الشخصيات المرموقة على مستوى العالم و على مستوى مصر فى الطب و فى المجال و ده يشرفنى طبعا انه يعمل حاجة زى كده فا ديه اول حاجة انه هو يخدم بلده و يعمل حاجة لأنه من النادر ان حد يعمل حاجة لبلده بالذات لما بيسافر بره فا ده طبعا لما يجى يعمل حاجة زى كده فى بلده و يخدم اطفال بلده و طبعا زى ما احنا عارفين الامراض ديه من الامراض المستعصية و طبعا اللى بيحصل هنا الدكاترة اى مرض زى كده للأطفال فى الوريد او فى الكلام ده كله طبعا احنا نسافر بره و نعمل اد كده و طبعا ممكن ميبقاش فيه الامكانيات المادية فبالتالى كويس انه هو يعمل حاجة زى كده و حاجة طبعا تشرفنا و حاجة تفرحنا
مفيد فوزى : د/مجدى يعقوب هل كنت تزاولت فى مصر و لم تسافر لانجلترا هل كنت ستحصل على هذه المكانة انا بسأل السؤال ده ليه انا عرفت الاجابة خلاص ؟
د/مجدى يعقوب : طبعا nobody knows
مفيد فوزى : نفسى افهم منك فى اوروبا فى انجلترا انت وجدت المناخ العلمى انا ليه بقول ده لأنه لما يخرج احمد زويل من مصر و يتألق و يخرج مجدى يعقوب من مصر يتألق و يبدع ويصبح قيمة عالمية و يصبح مفخرة للبلد انت واحد من 6 اطباء جراح قلب فى العالم ايه عايز اقولك كلمة بالبلدى بيقولوا التكة تعرف يعنى ايه التكة
د/مجدى يعقوب : طبعا
مفيد فوزى : انت بتخلى انسان مصرى فى الخارج يتألق هذا التألق ؟
د/مجدى يعقوب : افتكر انه العلم دلوقتى فى جميع انحاء العالم مهم جدا ان الانسان يعرف ايه اللى بيحصل فى جميع انحاء العالم انت بنفسك قلت دلوقتى ان فيه مناخ علمى و فيه بلاد دلوقتى فيها مناخ علمى اكتر من حتت تانية طبعا احنا بنشتغل كتير جدا فى مصر ان يكون المناخ العلمى يبقى زى المناخ العلمى اللى موجود فى انجلترا او فى امريكا
مفيد فوزى : ادامنا اد ايه ؟
د/مجدى يعقوب : ادامنا مشوار
مفيد فوزى : تمام بنشوف فى المهارة فى الحرفية فى الالات الاجهزة .
د/مجدى يعقوب : بالظبط الاساسات بنبنى اساسات هنا عندنا شبان و شبات النباهة و يمكن انهم يمشوا
مفيد فوزى : هل تعليم الطب فى مصر يريحك ؟
د/مجدى يعقوب : لا فى الوقت الحاضر لا
مفيد فوزى : يا سلام
د/مجدى يعقوب : يعنى حضرتك فيه طبعا الابداع فى جميع انحاء العالم خصوصا فى العلم فمثلا المجال اللى بشتغل فيه حنا بنعلم علم تطبيق مع بعضه انما الجامعة نمرتها نمرة 3 فى العالم كما ترى فى العالم نمرة 3 التعداد اللى موجود دلوقتى فى مصر فى الشرق الاوسط يمكن 150 او 200 او لسة
مفيد فوزى : الترتيب ؟
د/مجدى يعقوب : اه التواجد انه ينهض و يؤدى نهضة هنا فيه مجهودات ضمة من الحكومة و من الجامعة انهم يطوروا هذا الموضوع
مفيد فوزى : ليه معندناش مرة اخرى ماروداشا اللى هما اساطيل الطب فى مصر ؟
د/مجدى يعقوب : افتكر انه مهم جدا انه يعتمد على انسان واحد انما المهم انه يكون فيه culture
مفيد فوزى : اه ثقافة عامة
د/مجدى يعقوب : اه انه يكون الشعب كله يعرف ان العلم ده حاجة مهمة جدا و يخصص لها مناخ زى ما حضرتك قلت بالظبط حضرتك قلت كلمة مناخ و مناخ مهم جدا
مفيد فوزى : حضرتك قلت ثقافة مجتمع هل ثقافة المجتمع فى الاكل فى الطعام المعدة المصرية
د/مجدى يعقوب : انا شايف ان الرياضة مش كتيرة كميات اكتر من اللازم خصوصا انا لما باجى فى مصر بشوف ان الخضراوات المصرية لا يعلى عليها
مفيد فوزى : كده
د/مجدى يعقوب : اه لا يعلى عليها
مفيد فوزى : طبق السلطة فى مصر مش ثقافة عامة ؟
د/مجدى يعقوب : ماهياش ثقافة عامة الكوسة هايلة الناس تقول لك ديه كوسة ديه الكوسة جميلة جدا مش بس انها
مواطنة : طبعا فرحانين بيها يعنى احنا عندنا يعنى الصعيد مصر فاكرانا مش نسيانا ايه اللى جايبك هنا فى المستشفى
مواطن : هى هاجر كانت تعبانة كده
مفيد فوزى : هاجر ؟
مواطن : هاجر عزت
مفيد فوزى : هاجر ؟
مواطن : هاجر
مفيد فوزى : ده اسمها ؟
مواطن : ااه
مفيد فوزى : عندها كام سنة؟
مواطن : 3 سنين
مفيد فوزى : عندها تعب فى ايه ؟
مواطن : هى عندها دقات القلب سريعة
مفيد فوزى : اه و بعدين
مواطن : فجأة كده بنكشف الدكتور اقترح ان احنا نعمل اشعة اشعة ايكو فا ظهر فى الاشعة عيب خلقى عايزة لها عملية ان شاء الله فا طبعا توجهت على طول لمركز الدكتور مجدى و هنعمل اسطرة تشخيصية لتحديد ايه التشخيص
مفيد فوزى : اسطرة فى قلب هاجر؟
مواطن : اسطرة فى قلب هاجر لتحديد ايه المشكلة بالظبط و على اساس الاسطرة هنحدد ان شاء اللع ايه اللى هيتعمل
مفيد فوزى : بكرة تعملوا العملية و تبقى زى الفل و بعدين تكبرى و تحلوى و تفتكر انك فى يوم من الايام جيتى مركز اسوان للقلب جيتى عند الدكتور مجدى يعقوب و بس؟
مواطن : ان شاء الله تعمل العملية
مفيد فوزى : خلى الكاميرا تجيبك خلى الكاميرا تشوف المال ده
مواطن : انا الحمد لله عشان صايمة
مفيد فوزى : صايمة؟
مواطن : عشان الاسطرة
مفيد فوزى : صايمة عشان الاسطرة ؟
مواطن : اه عندها هبوط عشان يقالها 24 ساعة مكلتش لا اكل و لا شرب
مفيد فوزى : ماله ابنك يا حبيبتى ؟
ام : عنده القلب بتاعه الشمال مطرح اليمين
مفيد فوزى : مش فاهم
ام : يعنى الشمال مطرح اليمين و اليمين مطرح الشمال
مفيد فوزى : و ده مأثر عليه فى حاجة ؟
ام : بيبقى ازرق خالص و هيموت
مفيد فوزى : هيتعمله عملية ؟
ام : عملية فتح قلب
مفيد فوزى : عنده اه ايه
ام : عنده سنتين
مفيد فوزى : اسمه ايه ؟
ام : محمد سالم
مفيد فوزى : بيتكلم ؟
ام : اه
مفيد فوزى : ايه يا محمد خايف يا محمد .؟
مفيد فوزى : ده ولد و لا بنت
مواطن : ولد
مفيد فوزى : ماله ؟
مواطن : عنده اختلاف فى الشرايين العملية ديه محدش يقدر يعملها فى العالم غير الدكتور مجدى يعقوب رحنا بيه اماكن كتير جدا قالوا ما فيش جيت قدمت هنا فا اتصلوا بيا
مفيد فوزى : ده عيب خلقى ؟
مواطن : اه رحت جيت هنا
مفيد فوزى : انت متجوز حد قرايبك ؟
مواطن : ده ابن صديق ليا و ظروفه الصحية تعبانة فا بعتى بيه
مفيد فوزى : يعنى انت هنا اب بديل ؟
مواطن : اخ فى الله
مفيد فوزى : اسمه ايه ؟
مواطن : احمد محمد فتحى
مفيد فوزى : كنت اتمنى ان النقاش مع ابوه لأنه كان هيحس اكتر ؟
مواطن : سبحان الله والده برده معندوش القدرة انه يسافر بلاد بعيدة مافيش حل غير مجدى يعقوب و رحنا بيه بلاد بعيدة
مفيد فوزى : حدد له معاد ؟
مواطن : اه ان شاء الله اتصلوا بينا امبارح
مفيد فوزى : هيعمل له عمليه و لا ايه ؟
مواطن : اه على مرحلتين اتنين لازم تتم على مرحلتين
مفيد فوزى : طيعا هو و لا قادر يعمل لى حاجة ؟
مواطن : ربنا يتولاه هو بسم الله ما شاء الله سمعة الدكتور مجدى سبقاه و سألنا كتير بالنسبة للسفر برة قالك هو اكتر واحد ممكن يعمل العملية قدرة عالية جدا جدا
مفيد فوزى : حضرتك اتعودت على صراخ الاطفال و بكائهم يعنى انا دلوقتى سامع فى ودنى صراخ طفل ورايا بهتز انا من جوا طبعا انا مش طبيب و عايز اقولك يعنى لدى بقايا رومانسية لم يلمسها احد هل حضرتك رومانسى؟
د/مجدى يعقوب : يعنى الطبيب ما هو الا انسان وان كان عاطفى من المهم جدا زى ما حضرتك قلت الطبيب لازم يبقى مركز على الheartوعلى ايه اللى بيحصل
مفيد فوزى : من غير عواطف ؟
د/مجدى يعقوب : غير العواطف يعنى مش ممكن ان يبقى الواحد انسان من غير عواطف لان ده جزء من الانسان انما فى وقت لازم فى وقت جراحات لازم يكون فية تركيز مش معناها ان احنا ننسى خالص ونرمى العواطف انما يكون فى تركيز فى هذا الوقت على حاجة واحدة انقاذ الطفل
مفيد فوزى : سير مجدى يعقوب انت عاطفى؟
د/مجدى يعقوب : افتكر ان انا عاطفى
مفيد فوزى : اسأل سؤال واحد؟
مفيد فوزى : هل بكيت الاميرة ديانا 00
د/مجدى يعقوب : اناموافق على الكلام اللى بتقولة
مفيد فوزى : اميرة القلوب ؟
د/مجدى يعقوب : اه كانت انسانة مسالمة جدا
مفيد فوزى : ان هذا المصيركان شئ قاصى بدون الدخول فى التفاصيل ؟
د/مجدى يعقوب : محبش اعلق على الموضوع
مفيد فوزى : يا سلام انا محترم ده جدا
مفيد فوزى : سير مجدى هل تعتقد ان المشروع بتاع حضرتك ده ادامة اد ايه علشان يخلص؟
د/مجدى يعقوب : المشروع ماشى كويس الحمد لله
مفيد فوزى : بس محدش بيتبرع كثير 00 انت ده مضايقك ؟
د/مجدى يعقوب : لأ انا فعلا فى شعور طيب جدا فى مصر انما احس ان كل الناس يعرفوا المشروع ده بتعهم هما
لان ده مشروع مصر من الشعب الى الشعب
مفيد فوزى : هل فى اثرياء فى اسوان؟
د/مجدى يعقوب : معرفش
مفيد فوزى : اسوان يعنى حضرتك بتخدم الصعيد
د/مجدى يعقوب : طبعا
مفيد فوزى : اعتقد ان مرضاك معظمهم قادم من الصعيد 00 هسألك سؤال مهم قوى هل الضغوط النفسية اللى بيتعرض لها الانسان احد اسباب القلوب؟
د/مجدى يعقوب : بدون شك
مفيد فوزى : ايه الحل يمكن استطيع ان انا واسطة جهود اكون لنيفسى فلسفة مريحة تخلينى فى حالة نفسية افضل فلا يتأثر قلبى؟
د/مجدى يعقوب : طبعا ده صعب زى ما حضرتك بتقول 00 الناس لازم تعرف التفاؤل مهم للمحافظة على الصحة خصوصا اذا ما يقدروش يغيروا حاجة لازم ينفعلوا يغيروا كل حاجة اكثر من ان يكون فى كبت وزعل
مفيد فوزى : النكد؟
د/مجدى يعقوب : النكد وحش
مفيد فوزى : وحش يجيب القلب
د/مجدى يعقوب : يجيب القلب
مفيد فوزى : الضحك يفيد القلب؟
د/مجدى يعقوب : الضحك كويس كان فى بحث علمى اتنشر اكثر من بحث بيورى ان الكأبة بتأثر على القلب
مفيد فوزى : الكأبة؟
د/مجدى يعقوب : الكأبة اه
مفيد فوزى : بتأثر على القلب؟
د/مجدى يعقوب : اه على طول
مفيد فوزى : حضرتك تفتكر انه الاسطرة هيبقى فيها جديد فى العالم ؟
د/مجدى يعقوب : طول الوقت فى تقدم ودلوقتى فى تقدم عن الجزيئات النانو تكنولوجي الاسطرة وزرع عمليات الاسطرة وازاى العمليات والاسطرة يتزرعوا مع بعض كل دى ازاى يتماشوا مع بعض جوا
مفيد فوزى : هل التقدم ده لزرع القلوب وصل مداه اكثر؟
د/مجدى يعقوب : لأ ده لسة معانا مزيد من عمل المعجزات ازاى ناس كانت بتموت وبعد 25 سنة لسة بيتمتعوابالحياة بيشتغلوا اساتذة فى الجامعة ومش معناها ان احنا نبطل الابحاث العلمية من المهم جدا ان احنا نفضل نطورة ونكتشف مجالات كثيره لانه ممكن يحصل ان الجسم الادوية بتوقف بس بتوقف حاجات ثانية زى الالتهابات بدل ما نعمل الادوية دى نعمل حاجة تخلى الجسم ما يرفضش القلب بس يرفض كل حاجة ثانية
مفيد فوزى : تمام ليه مفيش جراحات نساء ؟
د/مجدى يعقوب : فى
مفيد فوزى : فى العالم ؟
د/مجدى يعقوب : فى معانا دلوقتى ست من انجلترا
مفيد فوزى : تمام جراحة
د/مجدى يعقوب : انما هى اصلا من هولندا جراحة اطفال
مفيد فوزى : للرضع ؟
د/مجدى يعقوب : اه
مفيد فوزى : حضرتك لما تخش اوضة العمليات بتنسى كل حاجة برة تماما ؟
د/مجدى يعقوب : تماما تقريبا ده حتى علشان الواحد ينسى كل حاجة بره اهتماماتة زى
مفيد فوزى : لما بتخلص اوضة العمليات بتعمل ايه الناس تحب تعرف سير مجدى يعقوب وانت بتمسك ايه بيسموه ايه المشرط؟
د/مجدى يعقوب : اه
مفيد فوزى : بتمسك المشرط 5 - 6 ساعات وتعمل 5 عمليات ده ايه ده دى هوايه يا دكتور ادمان يعنى فهمنى هل هو ادمان تلك العمل؟
د/مجدى يعقوب : فية نوع من الادمان
مفيد فوزى : انا واثق انه ادمان
د/مجدى يعقوب : فى نوع طبعا ان انا
مفيد فوزى : بس ادان عظيم
د/مجدى يعقوب : لما بتلقى نتيجة وبعدين فى اكيد كثير للمستقبل كلها متشابكة مع بعض
مفيد فوزى : اه لكن اخر اليوم بتعمل ايه ؟
د/مجدى يعقوب : اخر يوم تعبان اسمع مذيكة كلاسيكية مثلا اقرأ المجلات العلمية
مفيد فوزى : بالليل تانى ؟
د/مجدى يعقوب : تانى
مفيد فوزى : برضه العلم
د/مجدى يعقوب : طبعا لازم تعرف
مفيد فوزى : العلم يا دكتور مجدى حضرتك يعنى مولود له 00 انت مولود لجراحة القلب ؟
د/مجدى يعقوب : من الصعب ان انا اقول ان انا مولود لجراحة القلب انما جزء من حياتى يجوز بقدسة طبعا مهم جدا
مفيد فوزى : كام سنة مع القلوب ؟
د/مجدى يعقوب : مع القلوب 40 سنة
مفيد فوزى : مع القلوب؟
فاصل
مفيد فوزى : تفتكر قلوب المصرييين ممكن الاكل يصلحها الرياضة تصلحها ؟
د/مجدى يعقوب : طبعا ليها اسباب كثيرة انما بدون شك الرياضة بتحسن القلب بتحسن القلب السليم وبتحسن القلب اللى مش سليم زى ما حضرتك قلت الرياضة بدون شك حاجة مهمة جدا الاكل زى ما حضرتك قلت له اهمية ثانية
مفيد فوزى : عندى دقة زيادة فى قلبى معناها ايه؟
د/مجدى يعقوب : معناها ان اغلب الناس يمكن 90 % منهم نبضات مش مضبوطة يعنى دى زى الكهربة بتاعت القلب بتختل شوية فى ناس ما بتحسش بيها خالص وفى ناس بتحس بيها انما ايه الاسباب فى زيادة الكهربة من المهم جدا انها يبقى فى حاسم اللى عملها ايه لانها اسباب كثيرة دلوقتى حاجات اكتشفت كثيرة جدا من علم الجينات بنورى ايه هى الcanals وايه هى الجينات
مفيد فوزى : القلب اربع حجرات مش كده؟
د/مجدى يعقوب : اه اه انما الكهربة تبقى
مفيد فوزى : واصلة من خلال الاورطى ولا الاعصاب؟
د/مجدى يعقوب : فى زى اسلاك جوا القلب
مفيد فوزى : حضرتك بتشوف القلب بالكامل دلوقتى متخيلة تماما بما انك شفت الالاف القلوب يعنى مدرك بالضبط ازاى بتتوصل هذه الاسلاك؟
د/مجدى يعقوب : اه طبعا الاسلاك لها دراسات حتى علم لوحدة لانه بيوصل مش بس بالخلايا فى جزيئات وللشانل زى قنوات بتدخل حاجات للخلية بتاعت القلب وبعدين الكهربة تستقبلة كل ده معروف دلوقتى
فاصل
مفيد فوزى : دكتور وائل عبد العال خلينى اقول لك انطباع شخصى كل العذاب اللى احنا بنعملة فى التليفزيون ده والاضاءة والصوت والجرى والنط والشمس لا يساوى ضربة مشرط فى قلب طفل رضيع هل انطباعى غلط ؟
د/ وائل عبد العال : لأ طبعا يعنى الطب عامة مهنة صعبة مش سهلة وفيها اتخاذ القرار صعب جدا بتيجى اهم مستويات الحياة وهى الحياة نفسها والمعاناة
مفيد فوزى : عايزك تقول لى ملاحظاتك الشخصية اثناء عملك مع سير مجدى يعقوب
د/ وائل عبد العال : راجل عظيم جدا وبسيط جدا
مفيد فوزى : بساطة ايه من ايه ؟
د/ وائل عبد العال : بساطة جايه يعنى ان هو بكل علمة دوت وتاريخة يسمع للناس ويسمع الالام الناس وقلبة طيب جدا ويسمع من الكبير والصغير يعنى مش متسلط فى رايه يعنى هو عندة علم جامد لكن اى حاجة بيعرضها على المجموعة كلها واحناتيم تيم كبير قوى هنا وهو مقتنع بكدة يعنى لازم يكون فى تيم شغال والاراء كلها تحترم
مفيد فوزى :يا دكتور وائل ده فى بعض ناس عندهم انيميا فى المعرفة انيميا فى المعرفة تعبير غريب بالنسبة لك
د/ وائل عبد العال : اه ايوا بس حلو
مفيد فوزى : هههه اشكرك انيميا فى المعرفة وعندهم ايضا مرض اخر ملوش حل عندى اسمة انتفاخ الذات
د/ وائل عبد العال : ايوا
مفيد فوزى : مش كدة فمجدى يعقوب العلم هو اللى خلاه متواضع
د/وائل عبد العال : هو علمة كبير وغزير وفى مجالات كثيرة يعنى يمكن ما كناش نتخيلها فى الزرع وفى الجينات
يعنى نبقى ماشيين مهتم بالجنينة جدا ويعرف انواع الزهور والنباتات تاريخها ايه وبتطلع امتى ؟
مفيد فوزى : تمام تمام
د/ وائل عبد العال :انما انا مهتم بدة ويكتب فى مجلة مجلات القلب وجراحة القلب فا اتعلمنا منة حاجات كثيرة ومازلنا باشتغل معاة من سنوات طويلة وبيبهرنى على طول
مفيد فوزى :ايه اهم قيمة اتعلمتها منه ؟
د/ وائل عبد العال : اهم قيمة اتعلمتها منه البساطة واتخاذ القرار بحذر ودائما التفكير فى المستقبل بانفتاح وان الحلم علشان يتحقق لازم مجهود كبير
مفيد فوزى :احيانا ممكن جدا ان القلب يتوقف عن الخفقان ؟
د/ وائل عبد العال :اه طبعا
مفيد فوزى : ويرجع
د/ وائل عبد العال : ويرجع اه
مفيد فوزى : ايه بقى اساسه ايه ؟
د/ وائل عبد العال : دكتور مجدى بيبقى very scientific
مفيد فوزى :علمى
د/ وائل عبد العال : علمى جدا systematic مفيش فى هرجلة فى الموضوع ده هوت فى نمط معين بنمشى علية
بيبقى فى مثلا 10 - 12 واحد بيبقوا واقفين كل واحد له دور دور مهم مفيش كلام كثير
مفيد فوزى : لكن فى سعادة
د/ وائل عبد العال : فى سعاد ة لما يرجع
مفيد فوزى : قلب عاد؟
د/ وائل عبد العال : اه طبعا طبعا طبعا طبعا وهو ما هو القلب بيتوقف جوا اوضة العمليات وهو بيعمل فية الاصلاحات وبيرجعة تانى وهو واقف ويخرج العيان وتانى يوم يكلمة بقى دى السعادة اللى مفيش زيها يعنى
مفيد فوزى : كلمنى عن Belief بتاعة ايمانة
د/ وائل عبد العال : ايمانة شديد جدا ايمانة بكل حاجة موجودة حوالينا ايمانة بان كل بنى ادم له حق فى ان هويتعالج مهتم جدا بالبسطاء يكلمهم يشرح لهم وبالتالى احنا ده بيجى عبئ علينا لان كل الناس عايزة دكتور مجدى يعقوب يشوفها ده بالرغم ان فى عبئ علينا لكن دى مهنتنا احنا مهنتنا ننبسط لما نعالج حد او نتكلم معاة او نحس انه وهو ماشى ان احنا عملنا حاجة كويسة وبسطناة وبسطنا الاسرة دى اهم حاجة عندنا
مواطن :احنا بنحس انشاء الله فى تطور جامد وفى اهتمام بالصعيد طبعا احنا خدنا لينا فترة جامدة جدا منعدمين بامنة يعنى فى تطور كلة منتبة لبحرى انما راجل دكتور زى كدة يجى ينتبة للصعيد شئ عظيم جدا يعنى واللى انا اعرفة بيستخدم كنت شغال فى توشكى برضها الراجل عامل مستشفى عالمية جيد جدا
مفيد فوزى : دكتور مجدى يعقوب بيعمل مركز القلب فى اسوان ؟
مواطنة : اسوان الجديدة عند الكوبرى الجديد فا المساحة 8 كيلو بين اسوان والمستشفى اللى هى هيعملها الدكتور مجدى يعقوب انما حاليا فى مستشفى اسوان التعليمى بصراحة يعنى عمليات ناجحة 100 ال 100 بصراحة الواحد ما يقدرش يقول اى حاجة يعنى انا عن نفسى يعنى كنت حاجزة لناس من مصر من القاهرة وجم عملوا عملية هنا برضها وحجزوا فى الفندق هما والمرافق بتاعة يعنى المريض والمرافق اذا كان حد ثانى معاة بيخش على حسابة يعنى فى الفندق لكن هو بيحجز للمريض والمرافق بتاعة بس الصراحة عمليات 100 -100 يعنى
مفيد فوزى : انتى حاسة براحة؟
مواطنة :اه طبعا طبعا ده خدمة للبلد مين يطول كدة يا استاذ مفيد مفيش حد يطول يعنى حاجة زى كدة دا الناس كانت بتتشمشم كدة على دكتور يعنى كويس يشوفة انما ده كشف وعمليات وببلاش لمؤاخذة يعنى ده فين فين نلاقية يا استاذ مفيد
مفيد فوزى :انا مريض سكر من فترة طويلة لية كل ما اروح للدكتور يقولى خلينى اشوف قلبك اطمن هل هناك علاقة بين السكر والقلب ؟
د/مجدى يعقوب : اه فى علاقة بين السكر والقلب
مفيد فوزى : يعنى مريض السكر سهل قوى اصابتة بالقلب ؟
د/مجدى يعقوب : مريض السكر عنده استعداد اكثر من اى حد ثانى يجى له تصلب فى الشرايين
مفيد فوزى : والسبب؟
د/مجدى يعقوب : لان التصلب فى الشرايين ده السكر بياثر مش السكر بس لو السكر عالى لو السكر لوحده بيأثر على حاجات ثانية زى الكوليسترول مثلا كلها متداخلة مع بعض فاذا السكر عالى فا بيساعد الدهنيات انها تعمل مضاعفات
مفيد فوزى : خلينى اسالك هل حضرتك مطاط اكثر من النساء القلوب ولا من الرجال؟
د/مجدى يعقوب : لأ الرجال اكثر
مفيد فوزى : الرجال؟
د/مجدى يعقوب : اه
مفيد فوزى : هل النساء عندهم قدرة وصلابة؟
د/مجدى يعقوب : دائما فى مناقشات علمية
مفيد فوزى : هل فى تجربة علمية ؟
د/مجدى يعقوب : النساء بيجلى لهم مرض القلب بعد مدة اطول من الرجال دى حاجة معروفة انما الحاجة الثانية
ان احنا زى ما بنقول ما بنخليش بالنا من النساء زى ما المفروض ان احنا نركز ان احنا نعتنى بيهم اكثر وفى ابحاث علمية كثير بتقول ان احنا لازم نخصص وقت
مفيد فوزى : نهتم نهتم بالنساء؟
د/مجدى يعقوب : نهتم بالنساء اكثر
مفيد فوزى : اه يعنى ما يبقاش فى عنف ؟
د/مجدى يعقوب : لأ سياسية العنف الخدمات
مفيد فوزى : اه الابحاث بالذات على النساء لا يحظين بها
د/مجدى يعقوب : حقوق النساء غير حقوق الانسان حقوق النساء
مفيد فوزى :انا مفيش كلام اقولة لك غير انى اوجة لك شكر عميق على هذا انك حظيت بهذا الوقت الجميل لحديث المدينة وتذكر ان قلوب مرضاك تناديك
د/مجدى يعقوب : شكرا
مفيد فوزى : شكرا لك شكرا جزيلا