45 دقيقة

محمد حسان : اهلا بحضراتكم من 45 دقيقة كل سنة وانتم طيبين العيدعلى الابواب عشان كده هنركز على عيد الفطر المبارك من ضمن الاستعدادات لعيد الفطر المبارك لابد ان يكون هناك حديث عن السياسة فهى الشغل الشاغل لكل المصريين كله بيتكلم فى السياسة حتى فى العيد حتى لو هنتكلم عن الكعك وعن البسكوت هنتكلم عن السياسية واكيد افضل من يحدثنا عن السياسة الكعك والبسكوت يعنى الاستاذ عصام
الاستاذ / عصام العبيدى : اهلا بحضرتك وكل عام وانت طيب
محمد حسان : قبل مااتكمل عن اللى ب يحصل السياسية عايز اناقش فى اللى ب يحصل النهاردة
الاستاذ / عصام العبيدى : اتفضل
محمد حسان : امبارح وزارة الداخلية بتصرح تصريح عنيف جدا عن القناة اللى بثت زيارة شيفر واللى بثتة هذه القناة واللى واللى واللى كلام ليس له اى اساس من الصحة وبعدين بعد شوية نلاقى بعض وسائل الاعلام قالت ان طلب اللقاء بس ا لشاطر اللى رفض روحوا اقعدوا مع الرئيس المنتخب الرئيس الشرعى وبعدين قالت النهارده الصبح ان هما راحوا لخيرت الشاطر وان هو رفض ان يتحاور معاهم وان الحوار كله عن الرئيس المعزول لماذا هذا التخبط
الاستاذ / عصام العبيدى : ده اللى بيدعو الى ان يبقى فى شفافية وان احنا نعامل
المواطن المصرى باحترام وتقدير وعلى قدر عقلة وبقدر ان له حقوق علينا وان هو شريك فى الحدث مش مجرد متفرج ندى له اللى عايزينه ونخبى عليه اللى عايزين نخبيه لان المواطن المصرى اكثر رشدا من مثقفيه ومن حكامة ايضا ينبغى ان تكون هناك شفافية كاملة
محمد حسان : وزارة الداخلية تطلع تطلع تكذيب
الاستاذ / عصام العبيدى : هما على اساس ان الشاطر محبوس على ذمة قضية بيبقى فى حتى لو ده حصل هما لو خدوا اذن من النائب العام وده اللى ظاهر وذهبوا لمقابلتة مفيهاش حاجة احنا فى اطار جهود البحث عن حل من اجل الازمة وحلحلة الازمة اى سبيل مشروع حتى
محمد حسان : هسال اسئلة بسيطة معنى كده يجوز ان هماممسوكين دلوقتى على ذمة قضايا
الاستاذ / عصام العبيدى : لأ شوف حضرتك هو حتى الكلام اللى اتقال وحتى الكلام اللى اتقال على لسان البرادعى ان هو ممكن اخراج محمد مرسى والافراج عنه هو قالك كلام واضح ونهائى ان ده يجوز التصالح فى هذه القضايا لانه دائما
محمد حسان : لازم تتفاوض مع ناس محبوسين على ذمة قضايا لانهاء الازمة
الاستاذ / عصام العبيدى : لأ هو التفاوض على حاجة التفاوض على انهاء اعتصامى رابعة والنهضة هذا التفاوض ده اللى بيتم الكلام فيه يعنى هل الافراج عن محمد مرسى اوالافراج عنه والعودة للحكم او ابعاد الفريق اول عبد الفتاح السيسي
محمد حسان : ياخد كل حاجة
الاستاذ / عصام العبيدى : معلش علم السياسة غير علم الالتراس علم الالتراس بيطلب فوز فريقة على طول يعنى حتى لما يتعادل الفريق بتاعة هو عايز الفريق بتاعة بفوز على طول ما ينفعش هو فى مجالة فى قدر من المساومات بتتم لكن ما يبقاش على حساب خروج الملايين فى 30 يونيو لاعودة للوراء لان الاخوان المسلمين كل همهم دلوقتى ان يحاولوا يلغوا اليوم ده يوم 30 /6 بكل ماترتب عليه من نتائج عودة الدستور ما انت فى حاجة ان عودة الدستور معشان يعادالدستور هما لازم يفهم عشان محاكمة مرسى ماهو الدستور لو عاد محمدمرسى ما يتحكمش الا فى اليات معينة انه 2 من اعضاء مجلس الشعب وبناءا عليه
محمد حسان : هل القرار موجود؟
الاستاذ / عصام العبيدى : طبعا يعنى ان يتم الاول يتقدم اقتراح لمحاكمة ويقدم مبررات ولازم يوافق ثلثين اعضاء مجلس الشعب احنا اصلا معندناش مجلس شعب يبقى لازم تقف مفيش محاكمة ولا فى حاجة هما فاهمين الحتة دى هما فى اعادة الدستور ليس حبا فى الدستور فى ذاته لكن طمعا فى نجاتهم فى القضايا وخاصة محمد مرسى
محمد حسان : طب انا يمكن عندى مشكلة صغيرة لان فى رمضان البرنامج وقتة قليل كنت اتمنى يكونوا يوفروا عليا فرصة ان انا بس هسالك اسئلة رابعة لان هما موجودين هو بيقولك انتوا دلوقتى قاعدين تتكلموا على انهاء اعتصامى رابعة والنهضة من عندنا امبارح اتخطف الشيخ محمود شعبان راح التحرير اشمعناعايزن نفض رابعة والنهضة وما جبتوش سيرة خالص عن فض التحرير
الاستاذ / عصام العبيدى : شوف انا فى الوفد انشاء يوم الخميس القادم قطع الطريق جريمة لما تيجى تتكلم عن قطع اعتصامات النهضة ورابعة ابدا عشان مايبقاش كلامك انتقادى لأ فض الاعتصام فى اى ميدان ما يبقاش انت تقول النهاردة نفض رابعة والنهضة والتحرير على قلبى زى العسل لأ انت فض الاعتصام فى اى مكان رفض قطع الطريق فى اى مكان محاكمة قاطع الطريق اى ان كان بلاك بلوك سواء اخوانى قاطع الطريق ده مجرم اى ان كان انتمائة اى ان كان العباءة التى يرتديها اى ان كان الشعار اللى بيلتحف به هو مجرم قطع اى ان كانخلى بالك من الجزئية دى يعنى حتى لو قضية عادلة قطع الطريق جريمة عندكوا هنا مفيش فى التليفزيون ويطلع جميع العمال والموظفين والاعلاميين واللى بيقطعوا الطريق ده اه رغم ان القضية عادلة انتوا ليكوا مرتباتكوا مثلا سى من 5 – 6 شهور لما تقبضوها تيجى تقولى ما قضيتى عادلة اقولك ما هياش عادلة قطعت الطريق فقطع الطريق ملوش مبررات من حققك تعتصم فى رابعة فى النهضة فى اى مكان لكن احنا بنقول لما الاعتصام ده يقطع طريق لما الاعتصام ده يبقى فيه سلخانة لتعذيب الخصوم لأ والف لأ هنا لازم نقف اللى حصل مع محمود شعبان بالامس فى التحرير شفت محمود شعبان انا ما قلتش الشيخ محمود شعبان لان سلوكة واحاديثة التليفزيونية لاتقل بلطجة عما حدث معه بالامس يعنى ان كان محمود شعبان يمارس بلطجة متلفزة فما حدث بالامس
محمد حسان : هى بلطجة مكتملة الاركان
الاستاذ / عصام العبيدى : الحاجات
محمد حسان : بماسبة قطع الطريق زميلنا صبرى يونس مجهز لنا تقرير عن الاستعدادات المرورية خلال عيد الفطر المبارك ونرجع نكمل ونرجع نكمل مع ضيفنا عصام العبيدى نائب رئيس تحرير جريدة الوفد
تقرير : صبرى يونس ايام قلائل وتخرج الجماهير المصرية الى الحدائق العامة والمتنزهات والى شاطئ النيل وبين جنباتة لاستقبال اول ايام عيد الفطر المبارك اعادة الله على مصر بالخير واليمن والبركات الجهات الامنية تتستعد بكافة خدماتها لسلامة المواطن
ضابط مرور: اخر اسبوع بالذات فى شهر رمضان يبقى عندنا كثافات مرورية عالية جدا طبعا الناس اللى بتبقى نازلة تشترى احتياجات العيد
ضابط2 : احنا بيبقى عندنا من الاسبوع ده لحديوم الوقفة خلال 3 ايام العيد انشاء الله علشان نتعامل فيها مع كثافات المرور بالنسبة لمنطقة الجيزة احنا من اول محاورنا الحدود بتاعتنا من عند المنيب مرورا بالشريط النيلى كله لغاية الوراق وامبابه المنطقة دى بتستقبل الناس فى وقت العيد وفى خدمات مرورية علشان الزحام المرورى المتوقع اوقات الاعياد والمحاور البديلة متحددة لو حصل فى كثافات فى مناطق معينة فى محاور بديلة متحددة هو اصلا يعتبر احنا شغالين عليها فى فترة رمضان الموضوع هيبقى سهل ان احنا نشتغل فيه على طول فترة العيد المطلوب من الناس فترة العيد علشان خاطر الناس كلها تبقى فرحانة اكيد لو وقفت صف تانى او لو انت حاولت تصل الى اقرب مكان وتقف فيه هيعطل غيرك وهيعطل ناس كثير جدا انت لو قاعد فى وقت كويس غيرك مش هيلاقى وقت يصل للمكان اللى هو عايزه
مواطن : فى عدم نظام من الناس 80% عدم نظام هو المطلوب من رجال المرور ان هما يساعدوا
صبرى يونس : مصر ستظل هى الملاذ الامن لكل حاقد اوحاسد او مستغل اومستغل او مدفوع من خصومها من هنا او من خارجها هنا من الجيزة صبرى يونس التليفزيون المصرى
محمد حسان : مرة ثانية بنجدد لحضارتكم التحية وبنجدد التحية ايضا لضيفا الكريم الاستاذ عصام العبيدى نائب رئيس تحرير جريدة الوفد ونتحدث عن حوار فى المشهد السياسى تفضل حضرتك بتتحدث عن حوار لحل الازمة الحوار ده فيه وساطة متمثلة فى 4 اطراف طرف ربما يغادر بعد ان مد زيارتة اليوم ثم ياتى بعده كيرى وربما ياتى اخرون وده الجانب الامريكى جانب الوساطة ايضا فيها ممثل الاتحاد الاوروبى وممثل من الامارات وممثل ايضا لقطر لماذا هذا المربع للتفاوض
الاستاذ / عصام العبيدى : حضرتك النهاردة احنا بالفعل اى جهد فى سبيل حلحلة الازمة احنا بنشكره لكن فى
محمد حسان : ما بيسبش اى مقومات ان فى قطر وان فى الامارات قطر دفعت لمرسى والامارات دفعت للثورة وان فى الاتحاد الاوروبى وان فى امريكا دى مش مؤشرات
الاستاذ / عصام العبيدى : ماهو انت بتشوف مين الاقرب للاطراف المتصارعة قطر اقرب للاخوان وتملك وسائل اتصال معاها امركا نفس الوضع اقرب للاخوان من السلطة الجديدة الحاكمة بدليل ما حدث اول امبارح كانوا بيرفضوا تماما يقولوا انها ثورة الا بعد التصريحات بتاعت
اذن الامارات اقرب للحكم لسلطة الحكم فانت بتدور على مين الاقرب المهم بقى فى الكلام ده كله
محمد حسان : ماهى اليات التفاوض المشكلة ان ايه لما تطالب باقصى والطرف الاخر يطالب باقصى مفيش مكان للتفاوض النهاردة لو انت تخيلت مع لوالسلام فى معاهدة سلام وجه وقال لهم الاسرائيليين نبتدى بيهم الاول قالك مش هنتنازل عن شبر والسادات قال لهم وانا مش هتنازل عن شبر من سينا هيقوموا ويمشوا ويبقى خلاص هتقوم الحرب تانى انما الاسرائيليين تنازلوا عن سينا السادات تنازل عن جزء كبير قوى من سياستة عن سينا المسائلة فيها جزء كبير قوى من التنازل لكن انت دلوقتى طرفى المشكلة فى مشكلة عندهم خاصة الاخوان 00 الاخوان عايزين يلغواتماما 30 يونيو
محمد حسان : المعتصمين فى رابعة وصلتهم مطالبهم من عودة الرئيس العزول وحضرتك بتقول ان ده اقصى
الاستاذ / عصام العبيدى : استحالة طبعا
محمد حسان : اقصى ا ليمين واقصى اليسار ان السيد الفريق اول عبد الفتاح السيسى بيقول لا تراجع عن خارطة الطريق امال هيبقى على ايه التفاوض حضرتك شايف التفاوض هيكون فى ايه
الاستاذ / عصام العبيدى : لأ التفاوض يبقى حوالين مثلا عدم الملاحقة الامنية الثورة بقت واقع الملاحقة الامنية لمين
محمد حسان : للغاليبية العظمى للى موجودين فى رابعة لان
الاستاذ / عصام العبيدى : الغاليبية قنابل حارقة واحد زى محمد البلتاجى تعفو عنه ازاى ؟ ده جزء كبير قوى من واحد زى صفوت حجازى عاصم عبد الماجد جزء كبير قوى من الدم اللى سال عند الحرس الجمهورى والا عند اذا كان سببهم ده
محمد حسان : اللى بيتفاوض ليس المعتصم اللى بيتفاوض القريب لهذه القيادات
الاستاذ / عصام العبيدى : ده بيعقد المشكلة اكثر لانه دول بيتخيلوا ان لو تم فض الاعتصامات دى مباشرتا لان نص على السجن مباشرتا لان دول اجرموا بالفعل
محمد حسان : التفاوض هيبقى على ايه ؟
الاستاذ / عصام العبيدى : انت بتحاول تعمل ايه انت بتحاول تقول بما معاناه ان احنا بنحاول نلجأ للسلمية بتقول للناس الموجودة انا عجبنى تعبير وزارة الداخلية اول مرة اسمعة تعبير اختطاف الزهن ده تعبير جميل جدا بالفعل اللى فى رابعة فى اختطاف زهنى لهم ناس كثير قوى من الغلابة اللى زى ما بنقول احنا تفكيرهم على ادهم والبسطاء اهلينا بردوا دول بيبقوا مختطفين ذهنيا الواحد يقول ان كمان فى اختطاف ثانى بدليل ان ال 33 جثة من اللى القتلى بتوع المنصة لقوهم بدون بطاقات بطاقاتهم مع اخونا البلتاجى هو عشان يضمن عدم خروجهم لان بيهددك انت لو خرجت الامن هيعتقلك لان هيلاقوك بدون بطاقة فاهتعمل ايه
محمد حسان : هو عمل ملاحقة ليس للقيادات ولكن للمعتصمين
الاستاذ / عصام العبيدى : ده لا كلام عنه على الاطلاق
محمد حسان : حضرتك ذكرت فى بدايةالحوار ان جزء من الاتفاقات خروج مرسى
الاستاذ / عصام العبيدى : ما لم متورط فى دم هو مرسى انت عندك جاسوس متهم بالتخابر مع حماس انت عندك جاسوس ثابت عليه التهمة وخد حكم انت حاليا بتعمل معاه مبادلة وفى حاجات معينة زى ما حصل مع المتهمين بتوع المعونة الامريكية وتم الافراج عنهم بان حصلت مصيبة ان جه الامريكان قال لك بالذوق او بالعافية احنا هنفرج عنهم لو اضطريت ان احنا نختطفهم
محمد حسان : اذن السيادة وعلى اى شئ مرسى وعلى اى بعد الفاصل ان الحلقة عن الاستعدادات
الاستاذ / عصام العبيدى : اتفضل
محمد حسان : زميلنا نعيم ابراهيم مجهز فقرة عن استعدادات الحدائق والمتنزهات والجهات الحكومية كيف تستعد لهذا العيد عيد الفطر المبارك كل سنة وانتوا طيبين
تقرير: مع قرب قدوم عيد الفطر هيئات النظافة والتجميل تكون جاهزة حتى تكون على المستوى اللائق بالمواطنين يمكنهم من الاحتفال بهذه المناسبة السعيدة
اصدرنا قرار دلوقتى فورا خلال فترة العيد بدأنا الاستعدادات بتعتنا اعددنا الساحات لاقامة صلاة العيد فيها وبيتم مراجعة النظافة حوالين المساجد والطرق المؤدية لها
محمد حسان : رجعنا معكم ومع ضيفنا كنا بنتكلم قبل هذا الفاصل عن هل تم اخيتارهاامام الولايات المتحدة الامريكية هل ما يصرح به الفريق اول عبد الفتاح السيسى بجريدة الواشنطن بوست واقع احنا شايفينة الان ام ان هناك اسباب اذا اقتربنا منها امريكا هتضربنا على ايدينا ؟
الاستاذ / عصام العبيدى : شوف حضرتك احنا هو الفريق اول عبد الفتاح السيسي لما طلب من الامريكان التدخل لدى الاخوان كان يعلم ان لامريكان كلمة عليا عند الاخوان وحسب التقارير ايضا وهذه حقيقة لكن كان خطاب السيسى ولقائة وحوارة الصحفى لما قال ان الشعب المصرى لم قال للامريكان احنا مش لعبة فى ايديكوا
محمد حسان : الناشط ممدوح حمزة او رجل الاعمال ايا ان كان كان فى حوار على احدى القنوات الفضائية كان يتحدث عن ما حدث فى قضية تمويل ان امريكا قالت لعنان نصا ان فى حال عدم الافراج عن الامريكان سيتم الغاء الشفرات الخاصة بالطائرات وتبقى الطيارات مجرد حتت حديد على الارض هل ده جزء من الواقع
الاستاذ / عصام العبيدى : تصدق ده ليه لان احنا السلاح المصرى دلوقتى 95% منه سلاح امريكى لان احنا لما كان كل المعسكر الشرقى كان بيورد لنا سلاح لما حصلت الحرب العراقية تم توريد جزء كبير قوى من السلاح القديم للعراق وجزء لافغانستان خلى بالك هو فى مصالح متبادلة يعنى كنت اسمع ان امريكا هتقطع المعونة الامريكية عنا ده صحيح
تقرير: احنا بنعانى من الاعتصامات ومن التسبب فى غلق طرق كثيرة جدا ده بيؤدى الى التاثير علينا فى مساراتنا الرئيسية وبيؤدى الى تاخير الخدمة فيها نتمنى ان تنتهى هذه الاعتصامات
نعيم ابراهيم : معنا ناخذ من عيد الفطر بداية ننهى بها خلافاتنا حتى نعيد بناء مصر من جديد
محمد حسان : بنجدد التحية معا كم ومع ضيفنا كنا نتكلم عن ان امريكا هتخلى طياراتنا صفيح على الارض وحضر تك اكدت ما قالة السيد ممدوح حمزة ليه احنا بنتحاور مع امريكا اذا كان هى تملك كل ده احنا عايزين ايه وهى عايزة ايه واحنا نعملة واحنا صحاب قرار
الاستاذ / عصام العبيدى : شوف كل حد بيمتلك اوراق ضغط على الثانى عرفنا امريكا تمتلك ايه عليها احنا نمتلك ايه علي امريكا امريكا لاتتحرك فى منطقة الشرق الاوسط الا من خلال مصر
محمد حسان : ليه هتاخد تاشيرة من مصر
الاستاذ / عصام العبيدى : هى مصر ليها دور لايمكن انكارة فى كل دول العالم العربى حرب الخليج حرب تحرير الكويت مكنش ممكن ان كل دول العالم تلتف حول امريكا الا بموافقة مصر ونانضمام مصر
محمد حسان : انا موافق على هذا لكن بعد كده امريكا عملت حرب العراق ومحدش التف حولها والعرب شجبوا وادانوا ورغم كده مش محتاجة موافقة من حد
الاستاذ / عصام العبيدى : الاولى كانت اكثر مشروعية لان كان فى مطالب للامريكان نطاق شرعى فى نفس الوقت مصر بتقوم بدورها العربى المطلوب منها ميثاق جامعة الدول العربية لان اى دولة يعتدى عليها من طرف اجنبى او حتى من دولة عربية الدول الثانية تقوم بدورها فكان الدفاع عن الكويت فى اطار هذا الكلام فاذن لما يقع تكتر سكاكينة اصل فى مشكلة ان احنا الاخوان احنا كنا بنتعامل معاهم طول الفترة الماضية 80 سنة الدولة فى مصر ببتعامل معهم ولسه الدول العربية بتتعامل معهم على انهم عصابة القرن الماضى او السنتين الماضيتين دخلوا مجال السياسة مجال العمل السياسى بثقلهم واصبح لهم السيطرة الاولى لغاية ان من كام شهر منهج اكاديمية الشرطة كان فى باب مخصوص اسمه الاخوان منظمة ارهابية ممكن لما راح لمحمد مرسى ماقالش له ليه القصر الرئاسى اول منظمة من منظمات الارهابية فى روسيا قال الاخوان المسلمين هيقابل زعيم منظمة ازاى هو ده محمد مرسى بالنسبة لهم مش رئيس مصر دا واحد من العصابة وصل للحكم فالازم يبقى فى تعامل لكن فى المكانة اللائقة لواحد من العصابة بالنسبة لروسيا حتى محمدمرسى لما قال لروسيا ما طلبش منه ينهى الموضوع ده محمد مرسى فى استقبال وزير الخارجية الروسى الا بالغاء
محمد حسان : يعنى انا اقترح ان مرسى بيحاكم بتهمة التخابر مع قضية وربما اغفلوا امريكا نتيجة للحسابات اللى ما بينهم لكن السؤال هنا دلوقتى مرسى بيحاكم بانه جاسوس ومن يدير القوات المسلحة الان السيد الفريق اول عبد الفتاح السيسى قبل ما يبقى وزير الدفاع والانتاج الحربى كان مديرا للمخابرات الحربية لسنوات طويلة ثم جاءت ترشيحات رئاسة الجمهورية من ناس كثير منهم من استبعد لتوكيل السيد المرحوم عمر سليمان قام بمجموعة عدة تسجيلات يعنى عملتوا كل هذه التحريات فى المخابرات العامة والحربية ماخذتوش بالكم ان مرسى جاسوس وبعدين دلوقتى بقى جاسوس الاجابة بعد هذا التقريرمع محمود على هل فرحة العيد السنة دى هتختلف بعد كل هذا الجدال وهذا النقاش اللى بقى فى كل بيت مصرى
تقرير : يحل بنا شهر رمضان ومعه يكثرالاستهلاك على كافة المستويات غير ان هناك عدد من السلع يلقى رواجا ملحوظا فى هذه المناسبة وخاصة الكنافة والقطايف وغيرها من المواد المرتبطة بالشهر الفضيل
فاصل
محمد حسان : مرة ثانية كل سنة وانتوا طيبين ويارب تستمتعوا بالعيد ويكون عيد سعيد علينا تعود به كل الاواصر ما بين كل المصريين لكن حوارنا مستمر مع الاستاذ عصام العبيدى نائب رئيس تحرير جريدة الوفد والسؤال اللى كان قبل الفاصل هما خدوا بلهم ان فى 73 توكيل مضروبين من عند السيد عمر سليما ن الله يرحمة مخدوش بالهم ان محمد مرسى جاسوس لامريكا ثم جاسوس لحماس
الاستاذ / عصام العبيدى : شوف حضرتك صحيفة الحالة الجنائية لو هو عامل بلاوى الدنيا كلها لكن مفيش حاجة موجودة فى صحيفة الحالة الجنائية دى
محمد حسان : صحيفة الحالة الجنائية كانت بيضة بالنسبة لحازم صلاح ابواسماعيل ولكن التحريات اثبتت ان امة امريكية فراحوا عملوا جابو ما يثبت ده ليه ما جبوش الاوراق اللى تثبت تورطة
الاستاذ / عصام العبيدى : لانه حتى موضوع حماس القضين دول ظلوا حتى الان اتهام مجرد اتهام
محمد حسان : حتى لو اتهام اليس من حق الشعب عليك انك تطلع تقولة خلى بالك الراجل ده متهم فى كذا مكنتش الناس انتخبتة اصلا
الاستاذ / عصام العبيدى : كانت الناس مفروض يعملوا ايه بقى حتى تسريبات تطلع للصحافة والاعلام ان والله فلان الفلانى ده متهم بكذا
محمد حسان : اذا كانت المفاجاة بعد شهر والا حاجة ان نهاية المفاوضات ان الراجل ده طلع يبقى احنا كنا قطع شطرنج ليس لنا دور
الاستاذ / عصام العبيدى : لأ على الاطلا ق شوف فى حاجات معينة لما تيجى انت لحقن الدم
محمد حسان : حقن الدم اهم من ان انت هفترض افتراض ان هذا الرجل جاسوس هل انك تحقن الدماء اولى من انك انت تكون حر طليق
الاستاذ / عصام العبيدى : لأ ماهو انا هقولك حاجة بل بالعكس دا انت بتجيب جاسوس حر طليق وتودية بلده د
وتحكم عليه كمان محمد مرسى لم يحكم عليه لغاية دلوقتى لكن هو لو كا ن ده ثمن ان هو يحقن دماء الابرياء لان الناس الموجودة والله فى رابعة اغلبهم
محمد حسان : هو كل هذا الحوار نتيجة لمحاولات حقن الدماء والا القيادة تسرعت وهى مش اد اعتصام رابعة والنهضة
الاستاذ / عصام العبيدى : لأ هى القيادة تقدر تفضة وهما عايزين يطلعوا باقل الخسائر الممكنة وخاصة فى ظل وجود قناصة واسلحة ثقيلة دخلت واسلحة جاية من الواحات رايحة رابعة 809 قطعة سلاح آلى اتمسكت القانون الدولى قالك طالما المتظاهر استخدم السلاح اضربة بين عينية
محمد حسان : انت دائما ضيفنا المفضل بنتابع مع بعض المشهد وهنكون مع بعض فى حلقات قادمة نكمل الحوار بنشكر حضرتك استاذ عصام العبيدى نائب رئيس تحرير جريدة الوفد ولكم الشكر مشاهدينا والى اللقاء.