اتجاهات

23/10/2011
محمد موافى : سلام من الله عليكم ورحمة منه وبركاته كان من المفترض اوكان من المعد سلفا ان احنا نتكلم النهارده عن تقريرلجنة تقييم الاداء الاعلامى عن احداث ماسبيرو لكن كان هناك ايضا حدث تاريخى او ربما كان هناك انجازحقيقى تجسد ولخصة السيد خالد مشعل رئيس المكتب السياسى لحركة حماس ونقلنا المؤتمرالصحفى منذ قليل هنا على الهواء مباشرة بالتليفزيون المصرى كان التليفزيون المصرى هو موضوع الحلقة ولايزال لكن لا يمكن ان نتخطى مثل هذا الحدث والانجاز الحقيقى الحقيقى والفعلى لمصر الجديدة مصر العريقة مصر الحقيقية والمخابرات المصرية اسرائيل كانت تطالب بجلعادشاليط الاسير من قبل حماس منذ خمس سنوات وحركة حماس الفلسطينيون كانوا يطالبون بمبادلتة اوببعض المكاسب او الاموركان معطلة دون سبب وكانت هناك وساطة المانية واكثر من وساطة اجنبية لا اذكرها على وجه التحديدوكلها باءت بالفشل وكانت كما قال خالد مشعل نفسة كانت الوساطة الالمانية وساطة جادة وقوية وكانت بمكاسب اقل بكثير مما تحقق اليوم المخابرات المصرية هى مصر الحيقيقة اليوم استطاعت انجاز ما تعطل دون سبب مقنع منذ خمس سنوات هذا الحدث مقلناه لحضارتكم على الهواء مباشرتا هنا فى التليفزيون المصرى حدث تغطية ربما سبق اعلامى نقلتة عنا كل محطات الدنيا وليس كل المحطات المصرية المستقلة او العربية كل محطات الدنيا نقلت الحوار الذى اجرى مع هذا الجندى الاسير وتحدث فية كيف كان شكل المعاملة التى لاقاها اذن موضوعنا ايضا الاعلام المصرى والتغطية المصرية وبحثا عن مهنية مصرية فى الاداء الاعلامى الذى كنا وباذن الله سنظل رواده رغم انف الجميع لاى دولة وفى اى مكان ورغم كل مايردد لست اتحدث عنى عن التليفزيون المصرى انا اتحدث عن مصر كلها موضوعنا الاعلام ولكن لا يمكن ان نغفل هذا الحدث التاريخى ايضا القاكم بعد الفاصل
فاصل
الرئيس/محمود عباس: لابد لنا فى هذه المناسبة من ان نحى اخوتنا فى مصرالعزيزة التى بذلت كل الجهود لاطلاق سراح اخوتنا واخواتنا تحيا مصر تحيا مصر حرة عربية
جلعاد شاليط : كانت سنوات طويلة ولكننى اعتقدت انه سوف ياتى اليوم الذى سوف اجد نفسى خارج الاسر..
محمد موافى:اهلا بحضراتكوا فى هذه الحلقة من اتجاهات وبارحب بضيوف حضراتكوا وبضيوف اتجاهات النهارده الدكتورمحمود علم الدين أستاذالاعلام بجامعة القاهرة وعضو لجنة تقييم الاداء المهنى او الاداء الاعلامى لاحداث ماسبيروفيما يخص التليفزيون المصرى والفضائيات الاخرى اهلا بك يا دكتور
د/ محمود علم الدين : اهلا بيك
محمد موافى: والكاتب الصحفى الأستاذ عصام العبيدى نائب رئيس تحرير جريدة الوفد
أ/ عصام العبيدى : اهلا بيك
محمد موافى : والدكتورعارف الدسوقى نائب رئيس حزب الغد اهلا
د/ عارف : اهلا بيك
محمد موافى: دكتورمحمود اسمح لى احنا المفروض نتكلم عن التقرير الذى قدمتموة لكن هذا الحدث التاريخى هذا الانجاز لن اتحدث عن شاليط ولا اتحدث عن ال 1027 اسير فلسطينى فيهم 27 امراة اتحدث عن الاداء المصرى هذا اول انجاز ملموس وحقيقى يمكن ان يشعربه المواطن المصرى تجاه مصر التى لها تاثير فيما يحيطة
د/ محمود علم الدين:نعم أستاذ محمد يعنى هذا الحدث بلغة الاعلام حرق مخاطر بمعنى انه اداء جهاز المخابرات المصرى فى هذا الموضوع يتسحق الاشادة موضوع منذ اكثر من خمس سنوات عالق مشتت نجحنا فى ان نفكة نحلحلة بالهجه اللبنانية ونصل لنتائج ايجابية خرج اكثر من الف اسير فلسطينى او سيخرج بسبب هذا اضف لذلك اللى يهمنا انه التغطية الاعلامية التليفزيونية الحقيقة كانت على مستوى الحدث بالتليفزيون المصرى لكن قبل ان نترك الحدث ايضا بافكر الناس بحاجة ثانية انه برضه ده بيؤكد انه هناك اجهزة فى مصر رغم سخونة الاحداث رغم التوتر البلد بتعمل مازالت بتعطى ده القضية الاولى فيها القضية بتاعت الجاسوس الاسرائيلى اللى هو بالجنسية الامريكية اللى فى جدل حواليه ايضا وايضا الاردنى المتهم يعنى اذن هناك عدة عمليات بتؤكد ان جهاز المخابرات المصرى يقف لن تهزه الظروف لن تهزه التوترات ويعمل واننا فى ايدى امينة برضه عشان ما نبقاش برضه المسالة كلها سلمية وهذه التغطية بتاعت اليوم د كان لابد للناس
محمد موافى : احنا هنتكلم
د/ محمود علم الدين:يعنى علشان ما يبقاش بس انا اللى جاى انتقد ولكن ايجابية اخرى التليفزيون المصرى كان ولذلك وهى اذاعة محاكمات الرئيس السابق او الرئيس المخلوع حسنى مبارك
محمد موافى : هنتكلم كثير عن هذا الموضوع يعنى أستاذ عصام جهازالمخابرات العامة المصرية هوتقريبا هويعنى هو تغيرت القيادة يعنى ذهب اللواء عمر سليمان جاء اللواء مراد موافى لكن حتى نكون محقين نفس الرجال اللذين كانوا يتعاملون تقريبا نفس الضباط نفس النشاط يعنى هل المشكلة كانت فى اداء الجهاز والا فى ارداة سياسية ؟
أ/ عصام العبيدى:لأ والله يا افندم هوالمشكلة طبعا كان الى بيعطل هى مشكلة الارداة السياسية انما امكانيات الجهاز واردات الجهاز دى هى امكانات بحجم مصر يعنى احنا لو نعرف من خلال الخمس اعوام الماضية تمت مفاوضات كثير لاطلاق سراح جلعاد شاليط من ضمن هذه المفاوضات احدى الدول العربية وعرضت على حماس مبلغ 500 مليون دولار للافراج عن شاليط مع اسرى
محمد موافى : احنا لسه بنقول
أ/ عصام العبيدى : لأ ما انا باقول لحضرتك
محمد موافى : نقول الاسم ايه يعنى
أ/ عصام العبيدى :ماهى قطر.. لسبب واحد ان الامير القطرى عايز ياخذ جلعاد شاليط فى الطائرة بتعتة ويهبط فى اسرائيل لتسليمة ويقول لهم اتفضلوا طبعا كان هيعمل شو رهيب احنا عملنا الكلام ده بدون ال 500 مليون دولار وبدون اى شئ لسبب واحد بس هو اسم مصر وده اللى بياكد ان التاريخ اثقل واكثر اهمية من المال اى ان كان المال انت بتلعب باسم مصر انت بتلعب بفننة مصر زى ما بيقول هو ده جهازالمخابرات بيلعب بفنية مصر طبيعى يحصل الكلام ده وطبيعى ننجح احنا فيما فشل فية اخرون
محمد موافى:دكتورعارف يعنى هناك اخفاقات مصرية عديدة بعد الثورة دى حقيقة او فى فوضى وفى وفى وفى هل ممكن حدث زى ده يمثل بارقة امل للمواطن المصرى على مستوى حياتة الشخصية والا لسة الامانى ممكنه
د/ عارف : اولا بسم الله الرحمن الرحيم هختلف معاك فى ان هناك اخفاقات مصرية كثيرة
محمد موافى : لسة برضه فى مظاهرات فى بتاع
أ/ عصام العبيدى : هذه ارهاصات
محمد موافى : اه فى شركات
أ/ عصام العبيدى:اوفى وقفات احتجاجية فى اللى جم عند ماسبيرو وفى وفى الكلام ده كلة نعلم يقينا ان مصر مستهدفة ويعلم الجميع وفى الغرب يضعون اصبعهم فقط فى اتجاه مصر لو سقطت مصر سقط الشرق الاوسط بكاملة ولهذا المؤامرات كثيرة وبرغم من ان فى ناس كثير بيتكلموا على ان بلاش نضيف المؤامرة وبلاش وبلاش لكن اناهقول لك حاجة انا كنت برة وعشت برة وتابعت حاجات كثيرة وشفتها وتابعت من الخارج وتابعت من الداخل واعلم يقينا ان مدرسة المخابرات المصرية وشوية جهازالمخابرات مدرسة المخابرات المصرية مدرسة عريقة وتقف على قدم وعلى ارضية مساوية امام اعتى اجهزة المخابرات وما حدث فى جهازالمخابرات فى مقدمات حرب 73 وما بعدها والوقوف امام اجهزة مخابرات كبيرة جدا ان درسا قاسيا لاجهزة مخابرات اخرى كثيرة والحاجات المسجلة فى داخل جهازالمخابرات يعنى ما يفرج عنه ينبأ بان هناك مدرسة مخابرات مصرية عريقة قادرة على حمايه مصر فى كل الاوقات ماحدث من ارهاصات وما صاحب ثورة 25 يناير وما اعقبها من وقفات احتجاجية والكلام ده كلة ان احنا عندنا فوضى الحرية هى التى قالت بان الناس كانت بتخاف وانا اذكر الاخ العبيدى جايز يدرك هذا جيدا كنا بنكتب فى المعارضة قبل كده واحنا فى حزب الوفد وبعد كده فى حزب الغد حاليا ونكتب فى جريدة الوفد مقالات معارضة انا يعنى اقولها لك بصراحة انا كان ليا اصدقاء بيجوا يقولوا لى ان انت بتعرض نفسك لمشاكل كثيرة جدا وليه بتاخذ المقالة بالاتجاة ده واحيانا كنت اسمع ودى نقطة من اصدقاء فى داخل بعض الاجهزة مفيش مشكلة اللى انت بتكتبة لصالح مصر
محمد موافى : تمام تمام دكتورانا عايز اتكلم بقى فيما يخص مكان ماسبيرو المتعرض دائما لاطلاق النار الاعلامى او الصحفى اوالانتقاد الشديد كلاكيت 100 مرة كل يوم ماسبيرو فى مشكلة كل هذه التغطية كيف تقاومها كا أستاذ او كخبير مهنى فى مهنة الصحافة
د/ عارف : التغطية اللى هى محل التقرير والا
محمد موافى :لأ تغطية تبادل الاسرى والانجازالمصرى
د/ عارف : يعنى دى تغطيات مباشرة لحدث من موقعة يعنى المذيع وانا تابعت اجزاء ما يتهايأليش اللى انا تابعتة بيقول ايه ان المذيع بينقل وقائع اذا اراد ان يعرض راى شبة لاخر او يعنطى الكلمة لاخرين عليه ان يقدم معلومات يجمع لى معلومات يمكن هوالخلاف كان على ايه علشان اوفر على حضرتك وقت لودخلنا جوا التقرير ماحدث للاحداث الاخيرة اللى اطلق عليها الاحد الدامى انه حصل خط بين حاجتين من دور حضرتك كناقل لحدث يجرى امامنا وراى لك فى هذا الحدث ثم حدث اختلاط واختلاف ما بين ما تقولة والموجود على شريط الاخبار وحسب تلقى هذا المشاهد وحصلت مجموعه من الاتر والتفسيرات والاستقادات اللى وصلها البعض الى حد ان هى استفذت المشاعر والتحريض وهذا الكلام هنا المسالة ليها بعد مهنى ولها بعد وطنى البعد المهنى مرتبط بادارة حلقة الاخبار ولابد ان يكون هناك ماسيترو لهذا والحوار ولابد للى بيشتغلوا فيها يكونوا عندهم مهارات بسيطة جدا المهارات المهنية اللى حضرتك اشتغلت من خلالها ان انت بتاع الالفاظ
محمد موافى : الالفاظ اه اه انتقاء الالفاظ الكلام يعنى
د/ عارف :اولا ان انت تعلن وقائع امامك.. نمرة اثنين انت تعرض اراء الاخرين ممكن تعلق عليها لابد ان تعتمد على معلومات لابد ان لا تتهم لاتحرض أ ب
محمد موافى : دى مهنة اعلام
د/ عارف:هى المشكلة ايه ان هذا الجهازالعظيم وانا باقول انه عظيم فى غياب الحرية والديمقراطية فقد مهنيتة ببساطة تحول فى فترة الى تقديم خدمة بغير احتراف لمن هم فى السلطة التنفيذية كانت الخدمة تقدم بغير احتراف للاسف
محمد موافى :طب دكتورهرجع لحضرتك تانى الموضوع ده موضوع طويل لكن هرجع للأستاذ عصام الدكتور محمود بيقول اللذين عملوا فى ظل هذا النظام فى هذه المنظومة فقدوا مهنيتهم او كانوا اداه لنقل خدمة من السلطة التنفيذية فى ناس بتقول ملكيين اكثر الملك اوالرئيس اوالمجلس العسكرى او اى جهة ما حاكمة لمصر هى لا تملى لكن فى بعض المذيعين بعض الصحفيين هما بيدورا على ان يرضى اللى فوق هل هذه المشكلة هل توافقنى سيادتك على هذه المشكلة
أ/ عصام العبيدى :كانت فى الماضى كده لكن فى هذه الايام اظن اى منصف للتليفزيون لما يبص يلاقى حضرتك بعض البرامج بتسب المشير طنطاوى شخصيا وبتنتقد المجلس العسكرى اللى هو البديل دلوقتى لمبارك اعتقد ما نقدرش نقول الكلام ده لكن مشكلة التليفزيون المصرى ان البعض لا يسمح له بالتفخر احنا مايقرب من 40 عاما و التليفزيون المصرى غارق فى اشياء مش لطيفة من كبت الحريات ومن ومن ومن لما جاء الاعلام المصرى دلوقتى يحاول يتطهر للاسف احنا مش سامحين له بهذا التطهر بمعنى ان احنا برضه مصممين على ان هذا الاعام هو زى اعلام الفقى وهو زى اعلام صفوت الشريف وده هذا الكلام خطا انا باشوف برامج فى التليفزيون وهى بتهاجم وزير الاعلام هجوم ضارى وتطالب باستقالتة انا والله باقى سعيد بان الكلام ده الكلام ده حضرتك من فترة بسيطة من حوالى 11 شهر من النهارده اعتقد كان فى استحالة انت النهارده انت انا اعلم صحفى كبير منع من الكتابة لانه انتقد تسريحة شعر مذيعة.. واصلة واخد بال حضرتك ازاى
محمد موافى: طب يعنى
أ/ عصام العبيدى : من الكتابة
محمد موافى : دكتورمحمود هل هل ده شعور شخصى هل ممكن اتكلم كشاهد عيان
أ/ عصام العبيدى :اتفضل
محمد موافى:والحقيقة لله يعنى التليفزيون المصرى بعد الثورة مكنش فى حد نادرا لما كان فى حد بيملى اوقف هذا واعمل هذا المشكلة كانت فى الناس اللى شغالة وكل واحد عايز يرضى يعنى
أ/ عصام العبيدى: يعنى
محمد موافى:انس الفقى فى السجن اما انس الفقى مجاليش فى ودنى وقال لى قول كذا قد يكون كلم ناس تانية يعنى كده دلوقتى اسامة هيكل مكلمنيش قالى قول كذا ابراهيم الصياد مع حفظ الالقاب مكلمنيش قال كذا لكن فى ناس بتطوع لارضاء من هم فوق اى ان كان من هو الذى فوق
أ/ عصام العبيدى :المهم انه حصل غياب للمهنة وعندما تغيب المهنيةاشياء كثيرة بتنهار
محمد موافى: طيب
أ/ عصام العبيدى:حول المسالة الى اقرب الى النشرة الرسمية التى تركز فقط يعنى هقولك يعنى انا أستاذ جامعة وعملت مستشارا لوزارة التعليم العالى اعلاميا ياتى المحرر من د ول وهم اصدقائى بالمناسبة يعنى وانت تعرف العلاقة ان ياتى المندوب بالكاميرا فا ينتظر يسجل كاميرة الوزير ثم ينفض الفريق وينتهى هل هذه تغطية لان هو بيشتغل على مايطلق عليه البرتوكول الرسمى اخبارة الرسمية طيب فى باحث شاب غلبان فى الجلسة الثانية بيقدم تصور قد يحل بعض مشاكل مصر الاقتصادية من خلال محور جديد للتعميم
محمد موافى :ماهو مش مهم
د/ محمود علم الدين :اهو كده .. الفكرة ايه القيم الاخبارية التى كانت تحكم العمل فى قطاع الاخبار كانت قيم رسمية لفترة طويلة لا نختلف على ذلك صحيح انه خلال 3 سنوات حصل تغيير فى شكل نشرة الاخبار بلا شك لكن مازال عدد كبير ممن كانوا يعملوا هم تصورهم العقليه النمطية الرسمية اللى حضرتك قلت ملكيين اكثر من اللى فات فى شئ الحقيقة اثبتتة دراسات التحول الديمقراطى وعلاقتة بالممارسة الاعلامية احنا حالتنا قريبة جدا من حالات دول فى شرق اوروبا حلت دول فى شرق افريقيا انتقلت من الحكم الشمولى سواء كانت حزب واحد او حكم عسكرى ووسائل الاعلام هناك بتقول ايه بتقول انه لا يمكن للنظام الاعلامى ان يتحول مرة واحدة من النقيض الى النقيض لأ يبقى فى فترة بتستمر الممارسات بمعنى من تعود على ان يكون مؤيدا لمن بيده الامر او من كان متعودا على المعارضة ايضا بيصر.. طيب انه احيانا بنبحث عن من يؤيدة والبعض يشارك فى عمليه المعارضة بعد فترة يحصل نوع من التوازن
محمد موافى : طيب احنا معانا اتصال معانا الدكتورة امير ابو الفتوح الكاتبة المعروفة مساء الخير يا افندم
أميرة ابو الفتوح: اهلا بيك واهلا بالسادة الضيوف الاساتذة والسادة المشاهدين
محمد موافى:اتفضلى يا افندم
أميرة ابو الفتوح:انا شايفة ان بتحصل مذبحة للتليفزيون المصرى .. الاعلام المصرى بقى على مدى اسبوع كامل انا يوم الاحد اللى بيسمى الاحد الدامى انا قعدت امام القناة الاولى تابعت الاحداث لنهايتها انا بعد ما اتقال تانى يوم وقرات الجرائد ولقيت مذبحة ماسبيرو هى مذبحة للاعلام اكثر منها مذبحة للى حصل حسيت ان عايزين ياخذوا الاعلام كبش فدا للاحداث
محمد موافى:طيب ا لأستاذ سلامة احمد سلامة قالها بالنص امبارح
أميرة ابو الفتوح:افندم يا أستاذ
محمد موافى:الأستاذ سلامة احمد سلامة قال كده .. قال انتوا يعنى هتحطوا المشكلة فى بس الاعلام
أميرة ابو الفتوح:اه يعنى كشف الفعلى اولا انا باقول لحضرتك انا تابعت من الساعة 5ونص للساعة يجى 12 باليل اوى يحسب للتليفزيون المصرى انا هقول عكس خالص كل اللى بيتقال وانا ياما هاجمت التليفزيون المصرى السنين اللى فاتت كان ليا باب شهير مقعد امام الشاشة لحد فى الوفدوانا فى شهر ابريل من شهر ابريل ومايو باكتب مقالات اقول الاعلام فوضى الاعلام ستاخذنا الى الهاوية كتبت مقالات ليه يا اعلام رجال الاعلام فانا لما اشوف اعلامى الرسمى محترم بينقل الحدث مباشرتا .. مباشرتا لان الحدث ادامى فى مبنى بينقلة مباشرتا اللى فى المبنى حاسين به اكثر من اللى قاعدين برة فى غرف مكيفة قاعدين يحسبوا من غيرما يشوفوا الحقيقة ما كل الصورة كانت واضحة وبعدين عايزة اقول لحضرتك حاجة الحاجة اللى بيقولوا انها مش مهنية اللى هو كام مفروض ان الاخوة الاقباط المتظاهرين بيقذفوا الحجارة طيب ماهو كان بدايه اليوم فى جميع البوابات الالكترونية قبل المظاهرة
محمد موافى:ماهو ممكن اى حد يقول ان ممكن اى حد يقول الكلام ده اى جريدة اى قناة لكن التليفزيون المصرى الرسمى يجب ان يتوخى اقصى درجات الحذر فى اى كارثة
أميرة ابو الفتوح:انا فاهمة بس ده حدث يعنى خاص سيادة الوزيرالأستاذ هيكل قال وضح فى مكالمة تليفونية لكم وللحياة مطهرة مفيهاش الطابع الطائفى لكن انا اقصد ان هما خارجين بهذا الطابع الطائفى يعنى البوابات الالكترونية كلها بتقول غدا مظاهرة للاقباط غدا الصورة بتقول كده وبعدين عايزة اقول لك حاجة انا مستفذة مش من الاعلام الرسمى .. انا ستفذة من الاعلام الخاص بتعنا اعلام الفضائيات ده هو المحرض هو ده بقى الحرض
محمد موافى: شكرا شكرا شكرا جزيلا يا دكتورة اميرة الكاتبة الصحفية المعروفة شكرا جزيلا لك دكتور عارف يعنى كمواطن مصرى كممثل منضم لشريحة لحزب هل حرض التليفزيون المصرى دون راى منى انا يعنى كمشاهد هل حرض التليفزيون المصرى الناس ضد فئة بين قوسين هى الاخوة المسيحيين المتظاهرين فيما حرض بقية التليفزيونات الاخوة المسيحيين التظاهرين ضد قوات الجيش؟
د/ عارف:اولا يعنى انا هعلق بعض النقاط كده بسيطة جدا والدكتورمحمود اغنانا اذاع عن اشياء بينية واولى بيها طبعا لكن انا حقول
محمد موافى: انا مش عايز رأيين !!! انا باتكلم كمشاهد
د/ عارف:انا دلوقتى انا كمشاهد وكواحد متابع الحدث واستخدم الناحية التخصصية فيما يسمى تحليل الصورة والمشهد وربط ذلك بما يسمى اخطاء البشر اللى هى بتدرس وبندرسها رومانسيات human do unless وبندرسها للطلبة
محمد موافى:اه
د/عارف:وبندرسها للطلبه الحتة دى مهمة جداجدا يعنى انا لما اجى اخذ المشهد اللى حصل امام التليفزيون وما قام به التليفزيون المصرى فى احظتها هكون ظالم لو ان انا انطلقت للتليفزيون والعاملين بالتليفزيون لوانا لم اراعى مجموعة من المعايير المعيارالاول انا اما بقرأ تحركت ومكثت اما التليفزيون لفترة سلمية دى نمرة واحد اثنين بدأ العنف فى توقيت معين مع المغرب وحسب الاقوال المرسلة الصحيحة او الخاطئة باندساس مندسين على فرض ان المظاهرة لم تكن مرتبة لهذه الاوضاع هذا حدث العاملين فى التليفزيون جوا هنا اشتغلوا تحت ظروف نفسية عنيفة جدا اخطاء البشر احصائيا تقاس بانها فى اى منظومة بتعمل من 5 الى 7 % ده فى الظروف العادية ترفع الى 20 ل 25% فى الظروف الضاغطة وبالتالى
محمد موافى :عندى فاصل مهم جدا لازم اطلع له
د/ عارف:اه
محمد موافى :يعنى فى الظروف الضاغطة انا اسف جدا ولازم تجاوبنى بين قوسين لو قلت الاخوة المسيحيين ده خطأ منى والا لأ
د/ عارف:لأ ههه
محمد موافى :نواصل بقى فاصل ونواصل
فاصل
محمد موافى:ارجع بحضراتكوا مرة ثانية من اتجاهات اناقش فيها اداء الاعلام المصرى كما ظهر فى تقرير اللجنة وتقييم هذا الاداء اداء التليفزيون المصرى تحديدا وبقية الشقيقات الفضائيات بما سمى بالاحد الدامى الذى راح ضحيتة يعنى تقريبا 27 مواطن مصريا مسيحيا و3 جنود من القوات المسلحة فيما اعلن ربما هناك اشياء لم تعلن و لا ندرى عنها شيئا ولكن لنا حديث فيها دكتور محمود انا اللى نفس اللى غطى هرجع لحضرتك تانى انا نفس ا لفريق اللى غطى مغادرة الاسرى والحدث والحدث ده كان معروف يعنى لا عذر للتليفزيون المصرى الا وهو يغطيها هذه التغطية نفس التاريخ تقريبا باستثناء اشخاص متلين اى باستبدال المذيع اى دورالمذيع اى المذيع دورة اقل واحد فى المسالة هودكتورعارف كان بيتكلم عن الاخطاء البشرية هل اللجنة راعت هذه الضغوط فى تقريرها
د/ محمود علم الدين:هى فى التقريراعتقد فى الصفحة الثالثة لان فى اشارة ان هناك واقع كانت بتعمل من خلالة وثيقة عمل ضاغطة فيها ازمة واشارنا اليها الحقيقة فى اشارة لهذا الموضوع بشكل دقيق يمكن هنا برضه ده بيفسر انه فى التغطية بتاعت النهارده متميزة به لان البيئة مفهاش كم الحضوروالتوتروالارتباك وعدم الوضوح هنا بيئة اليوم واضحة واتحكم فيها واسيطرعليها كل المعلومات
محمد موافى : يعنى عيب يبقى فى غلط
د/ محمود علم الدين:اه اهو كداااااا هنا بقى الغلط مرفوض لكن انت بتشتغل فى تلقى حدث انت مش عارف ملامحة ولا معالمة زائد بر دوا هنا برضه فى حاجة انه معملتش شبكة مراسلين ميدانيين حتى بالتليفون برضه هنرجع تانى للمسائلة اين اللى كاانوا فى وسط الناس
محمد موافى : هو تغيير الوزيراتكلم ان دى مفيش كاميرات توجهت لاماكن اطلاق النار
د/ محمود علم الدين: اه اه وان مفيش كاميرات للمندوبين الكاميرا بتتكسر
محمد موافى: نتكلم نتكلم مهنيا يا دكتورحضرتك أستاذنا وانا لا استطيع ان اتحدث فى التقريرالان
د/ محمود علم الدين:العفو
محمد موافى:لكن هناك من يتحدث ان التقرير لجنة الاداء المهنية ايضا فى جزء منى نسيتة صغير ان ما ينفعش ارسال مندوبين او مراسلين الى الاماكن الخطرة دا البى بى سى جالينس تقول كده البى بى سى قبل لما كانوا حبين يودونا قالولنا وفى لندن تخدوا فرقة زى فرقة صعقة مينفعش ان انا فى حد بيضرب نار وانزل مندوب مسئول عنه انا مش قناة عايزة تعمل شو ..
د/ محمود علم الدين:لأ معلش يا أستاذ محمد انا
محمد موافى: اتفضل
د/ محمود علم الدين:انا لما اروح هاخذ الايميل بتاعك وابعث لك كمية ادلة عن الصحفى والتعامل فى اماكن الصراع
محمد موافى: بيروح يموت
د/ محمود علم الدين : لأ ما يروحش يموت
محمد موافى:اه
د/ محمود علم الدين:امال مين اللى بيغطى الاحداث والمناطق الخطرة وبعدين احنا ما كناش فى حرب كنا يعنى ماكنتش حرب بمعنى حرب يعنى
محمد موافى:ها
د/ محمود علم الدين:الهدف مين اللى بيغطى العراق مين اللى بيغطى اللى بيحصل فى دارفور ومين احنااننا حكايهان الصحفى ما يروحش منطقة
محمد موافى:مايروحش يموت له محددات ووضع خاص
د/ محمود علم الدين:هنا هنا اقامت منظمات المجتمع المدنى المرتبطة بالصحافة على المستوى المحلى والاقليمى والدولى حط ادلة لسلامة الصحفيين وحط ضمانات دوليه لسلامة الصحفيين
محمد موافى : طب يا د/ 90% مناللى بيعملوا فى الصحافة يا أستاذ عصام 90% من اللى بيعملوا فى مهنة الصحافة مش اعضاء فى النقابة يعنى لو حد فيهم وقع ما احنا مش هنلاقى حد هل دى حقيقة
أ/ عصام العبيدى: ايواايوا ايوا هو معلش احنا يعنى ا نا باشرف ان انا قاعد جنبة وباتكلم عنه لكن هو فى شئ بسيط غيب عنه الستاذ محمود وهو انه التليفزيون المصرى محاط فى كل مكان التليفزيون المصرى حضرتك لو انت لاحظت ان كل قناة خاصة تروح التحريرتتشال على الاكتاف تروح اى مكان ملتهب تتشال على الاكتاف ايه ده اما التليفزيون المصرى انا ملاحظ ان الجميع بينظر له على انه تليفزيون العدو انا اعتقد ان التليفزيون المصرى لوبعث مراسل هيبقى زية بالضبط زى مراسل التليفزيون الايطالى
محمد موافى : ده ضربوا فى التحرير ضربوا فى الكاتدرائية
أ/ عصام العبيدى: طبعا ازاى المصابين ده اتصعد للاخر اتصعد
د/ عارف:الكلام ده يا أستاذ محمد بعد اذنك حصل مع قناة الحياة مع الأستاذ مصطفى بكرى .. الأستاذ مصطفى بكرى بعث المندوب بتاعة صور المصابين بتوع القوات المسلحة حاول المندوب انه يذهب الى مستشفى القبطى ليصور المصابين المسيحيين هو كان قصدة وانه تم الاعتداء عليه بعث له مصحفية قبطية علشان تروح تغطى علشان تبقى اسهل فى الدخول شوية رفضوا الدخول ايضا وجاء الاستا ذمصطفى بكرى
محمد موافى:فى هذه الحالة انا ممكن اتفهم يعنى غضب الناس اللى بتعزى فى الكاتدرائية يعنى فى غضب فى دم
أ/ عصام العبيدى: بس كل الحالات يا أستاذ محمد طوال التغطيات من قيام الثوره لغايه النهارده التليفزيون المصرى هوتليفزيون ا لعدو انا باقول لحضرت المشكلة ان احنا لم نسمح للتليفزيون المصرى ان يتطهر عارف حضرتك لما السيدة رابعة العدوية ونقعد نفكرها بماضيها ونقول لها ما انتى كنتى دانتى كنتى
د/ عارف:بس التليفزيون يا دكتورمعلش الماضى انا لو خففت هقول ماضى مشين لكن التليفزيون بدأ يتطهرباقول لحضرتك يا سيدى الفاضل
محمد موافى:هو بس ما تبقاش المسالة كده كلة ضرب ضرب يعنى بعيدا عن الدين يعنى المسالة مش كل التليفزيون المصرى ايدية ملوثة بدم الثوار
د/ محمود علم الدين:امال ماهوالعكس
محمد موافى:المعظم والاكبر والاكثر انهم معملوش حاجة ملوش علاقة فا المسالة كده ممكن توصل للتعميم يعنى
د/ محمود علم الدين:على وجة نظر الناس يا أستاذ محمد
محمد موافى :عقدين فى الطرقة قال له هو برئ تماما
د/ محمود علم الدين:أستاذ محمد اسمحى لى بس برضه يعنى نعمل نوع من التقطيب للموقف
محمد موافى : اه
د/ محمود علم الدين : احنا بنتكلم عن تغطية التليفزيون لما حدث يوم 9 اكتوبربس
محمد موافى: هه
د/ محمود علم الدين:اما قبل ذلك فى اشياء ممتارة
محمد موافى : ما هو ممكن يادكتور
د/ محمود علم الدين : وليس هذا وقفة لذبح التليفزيون
محمد موافى : ماهو ممكن ما قبل ذلك هو اللى مأثر فى رؤية الناس او فى تعامل الناس مع التليفزيون
أ/ عصام العبيدى : ده صحيح بس انا فى تصورى بقى ان احنا يعنى قلنا رأينا ومن حق الناس تناقشة لكن انا اهم من ده ان ننظر الى المستقبل مستقبل سواء كان التغطية التليفزيونية على مستوى القطاع الاخبار اوالنيل للاخبار ثم مستقبل النظام الاعلامى فى مصر اننا نفكر جميعا على نقاش ان احنا ناس سياسيين
محمد موافى : يا دكتورطب نسال
د/ عارف:انا يمكن قبل ما يسالنى السؤال ده كان فى استقبالات بسيطة جدا فى النقاط اللى كنت باتكلم فيها فى اتفاق مع الدكتورمحمود اولا ايه التحولات المجتمعية دائما تحدث واذا حدثت متسارعة فان انتكاستها اقرب من استمرا ر نجاحها
محمد موافى:لأ احنا انشاء الله بسرعة
د/ عارف:دى نمرة واحد احناعندنا التحولات اللى حدثت فى التليفزيون وفى الاعلام المصرى من تليفزيون واعلام نظام الى ان يتجة الى تليفزيون واعلام دولة وشعب ماشية طبعا ببطء وماشية علشان ماتتكسرش دى نمرة واحد نمرة اثنين التليفزيون المصرى بيحارب زى ما الأستاذ العبيدى قال بيحارب حقيقة ليه لان انا عندى مساحة من الاعلانات القنوات الخاصة تريد ان تستحوذ عليها وبالتالى تكسير العظام والقنوات الخاصة وبين التليفزيون المصرى امر مستمر ثلاثة التصريحات اللى هى تصريحا ت الترضية والترطيب لعدد من المسئولين بتضع التليفزيون نفسة فى موضع اه وتضعة فى موضع اتهام وده مش مطلوب لما يكون فى مسئول عن الاعلام اوعن اى حاجة اوعن اى وزارة مع اى سياسة لا يضع التليفزيون المصرى موضع اتهام وتصريحات الترطيب والترضية يجب ان نكون حرصين
محمد موافى : يعنى حضرتك تقصد لما وزير الاعلام السيد اسامة هيكل لما راح يعتذر فى الكاتدرائية لكى يعتذر
د/ عارف:هو لم يعتذ
محمد موافى:ما لما لسة هنكمل لما ذهب للكاتدرائية وفهم انه اعتذراوانه اعتذار ده وضع التليفزيون المصرى او المؤسسة التى يترأسها موضع اتهام ؟
د/ عارف :لأ وحطها فى وضع تسأل فيه انا النهارده لو كان هذا الاعتذار حقيقة تم كان يجب ان يصدر من لسان اخونا الفاضل اسامة هيكل وكان يصدر عن لسانة هو مش يخرج عن لسان واحد تانى دا ده تصريح خطير ان هواعتذر وكان يصدر عنه اتمنى لو كان هو اعتذر وهو عنده من الجرأة وعنده من الجرأة والشجاعة انه يعتذر اذا اراد ان يعتذر لكن ان يصدر عن اخر وينقل عن اخر انا مش عاوز اشك ولا
محمد موافى : أستاذ عصام حضرتك كاتب صحفى لكن بالاحساس حضرتك محرر صحفى
أ/ عصام العبيدى : اتفضل يا افندم
محمد موافى : ما حدث من وزير الاعلام فى الكاتدرائية علشان ننهى المسالة
أ/ عصام العبيدى :اه والله زى ما قلت طبعا راح للتعزية ايوا يا افندم هو طبعا راح للتعزية لكن حمل زيارة زى ما بيقول اللاستاذ عصام
محمد موافى: المناشتات نازلة
أ/ عصام العبيدى:ذهب للتعزية هو ذهب للتعزية مش للاعتذار ودى قالها صراحة هو قال انا اعتذر لو اثبتت اللجنة وبما ان اللجنة كان فيها الدكتورمراد بيه وصفى قال ان هو ماحصلش تحرض منعوه قال ان هو ما حصلش تحريض على اعتبار انه ماحصلش تحريض
د/ عارف :أستاذ محمد سؤال مهم قوى فى وجود أستاذنا
محمد موافى :اتفضل
د/ عارف :احنا فى مهنة الصحافة بنقول والأستاذ مصطفى شردى الله يرحمةعلمنا الكلام ده
محمد موافى:الله يرحمة
د/ عارف:ان الصورة اصدق من الف كلمة التليفزيون المصرى لما جه فى موقعة الجمل وساب الدنيا كلها والمعجنة والناس بتموت وصور صفحة النيل كاننا فى شم النسيم والناس بتتفسح خطأ طيب ده اجرام يعنى خطأ وقضية
محمد موافى: طيب
د/ عارف:نجد التليفزيون المصرى نجد الصورة كماهى ولما تيجى الكاميرات تبقى مسلطة على الناس ثم ينقل عنه فى القنوات الفضائية وتيجى تقول التليفزيون المصرى اضاف انا مش بادافع عن التليفزيون المصرى لأ انا باقول وجهة نظر هذا ما اؤمن به
محمد موافى:هذا يا أستاذنا بعض ممن شارك فى ان يبقى الحياة نيل ووردى فى موقعة الجمل هو نفسة بينتقد التليفزيون المصرى
د/ عارف:يا أستاذ محمد يا أستاذ محمد زميلتك معلش قالت تعالوا احموا الجيش اذا كان ادى الشريط موجود لكن احنا باقول لحضرتك احناعايزين نحمل التليفزيون المصرى بمصايب الدنيا
محمد موافى : ياجماعة ده
د/ عارف: دا انا تخيلت يا استاذ محمد فى الفترة الاخيرة ان اللى اطلق رصاصة بيقول ما اطلقتش والاخبار بيقول مااطلقوش والاقباط بيقولوا ما اطلقوش اللى اطلق الرصاص قال ان هو اسامة هيكل انا تخيلت هو لو اسامة هيكل
محمد موافى:الزميلة رشا مجدى عوض ربما كثيرون لا يعلمون هذه الحقيقة هى نصف عائلتها مسلمة ونصف عائلتها مسيحية قبطية والدها كان مسيحى قبطى تزوج امراة مسلمة فا اشهر اسلامة فبالتالى رشا تحديدا لا يمكن وضعها
أ/ عصام العبيدى:طبعا ياعقلاء الامه يا عقلاء يامصريين الامه
محمد موافى: اتقوا الله
أ/ عصام العبيدى:هل هذا هما عايزين يحولوها يا أستاذ محمد فاكر لبنى عبد العزيز فى واسلاماه لما قعدت تقول واسلاماه حولوا
محمد موافى: طيب معانا اتصال من احد النشطاء السياسيين أستاذ على مطاوع اتفضل
أ/ على مطاوع: السلام عليكم ورحمة الله
محمد موافى: وعليكم السلام
أ/ على مطاوع تحية لك يا اخى العزيز وتحية لضيوفك الكرام وتحية لتليفزيون الدولة وتحية للمذيعة المألقة رشا مجدى التى كنت اساندها هذا الحدث ويقال ليس مع العلم اى مفيش حد يتكلم احنا اللى شفنا واحنا اللى سمعنا الحقيقة انا اقول لكم النجاح هواصعب ما يمكن فأذا كان لديكم الاستعداد ان تنجحوا فلا تلتفتوا الى الاصوات التى لها اهدافها هناك مافيا من الاعلام الخاص تشعر الان بالاسلاب والفشل وهى تسعى جاهدة للحفاظ على مستوها من تيقاضى الملايين لايستطيع ان تكذب و تقول له حصل كثافة سنعطيك الالاف
محمد موافى :الأستاذ على
أ/ على مطاوع هذا اولا
محمد موافى:اتفضل
أ/ على مطاوع اتفضل حضرتك لوكنت عاوزتسألنى
محمد موافى:انا كنت هشكر حضرتك اولا مدحك للزميلة رشا او مدحك للتلفزيون المصرى انا لن اعلق عليه التليفزيون المصرى لكن اتهاماك للفضائيات الاخرى ساحيلة للدكتورمحمود
د/ محمود علم الدين:يعنى تبقى وجة نظر حدث اكثر للتليفزيون انه بادر فاصاب فى اشياء واخطأ فى اشياء
محمد موافى:اه
د/ محمودعلم الدين :واخرة ما قالوه عنه البعض اصاب والبعض اخطأ يعنى هنا عايزبس اؤكد المحاكمة محاكمة لزرع التليفزيون يعنى لما حضرتك تتابع ما يحدث فى العالم حوالى اسبوع فى تحليل وسائل الاعلام فى وتيرة الاحداث نحن نقيم حدث خطيروبنقول والله انه كان فى قصور مهنى
محمد موافى: لأ انا هرجع بس
د/ محمود علم الدين: اتفضل
محمد موافى :أستاذ على
أ/ على مطاوع انا هسال بس سؤال
محمد موافى:اتفضل
أ/على مطاوع: ماذا لو لم يغطى التليفزيون الحدث الم كنا سنسمع من تلك الاشخاص
محمد موافى:اولا احيك على سؤالك اتفضل
أ/ على مطاوع: انا سؤالى بس هل هناك من ياتى وهو من قنوات من اصل اصل القنوات التى علمت التضليل ياتى ليعلم التليفزيون تليفزيون الدولة الذى اؤنشئ من قبل ان يكون هناك اعلام فى المنطقة ياتى هذا وينتقد التليفزيون طب انتقد نفسك اولا ماالذى يحزمنا بحالة الانفلات والفوضى التى نحن نعانى فيها اقسم لك بالله يا اخى القنوات الفضائية وكل الشعب يعلم ذلك نحن لم نجلس على القهوة انا اعمل فى مهنة يعمل معى 9 فى مهن مختلفة واتعامل معاهم يوميا انا لا ااخذ معلوماتى تعليماتى من فيديو انا شغلتى مع الناس
محمد موافى:ربنا يقويك شكرا شكرا جزيلا الدكتورعارف اتفضل
د/ عارف: اه فى تعقيب انا استكمالا لما قالة اخونا الدكتورمحمود وجزئية تحليل الصورة فى مثل هذا الحدث فى دماء وضرب وقتل والكلام ده كلة اى مراسل تحت معاه كاميرا اى واحد تحت معاه كاميرا بيقف فى مكان بيتصور انه ممكن يصور وهو محنى او ظهرة محنى ويمكن ما يوصلش كمان وبالتالى الكاميرات استلقطت صور من مواقع محددة لم يكن لدى المصورالقدرة والا الاستطاعة انه يتحرك يلف على المساحة الكبيرة اللى فيها الاحداث دى كاميرات التليفزيون المصرى نقلت من مواقع محددة صور ومشاهد بالقدر المستطاع عندى كاميرات القنوات الاخرى نقلت صور من مواقع ومشاهد اخرى محددة لو ان جمعنا الصور دى كلها هيطلع هوده المشهد الاقرب الى التكامل فى الصور اللى كانت اصلا فى المساحة الكبيرة دى كلها
محمد موافى:احنا عايزين نعرف احنا لا بندور على سبق احنا عملنا اجتماع
د/ عارف:انا مستعد اشوفها والله وانا باكمل تحليل الصورة والمشهد اذا هناك تحليل دقيق وامين يجب ان تكمل الصورة بكل الاتجاهات يعنى زى ما بيعرضوا هدف فى الجول بيشوط فية فبيلعب فى 8 اتجاهات ده مفيش دا دى نقطة مهمة جدا
محمد موافى:أستاذ عصام يعنى خلينى انتقل من التليفزيون المصرى للتليفزيونات الاخرى والمفترض يعنى هل مارست كثير من الفضائيات المستقلة او المبتعدة عن التليفزيون المصرى اذا كان مدينة الانتاج اواى مكان تضليلا اوتحريضا فيما يخص هذا الاحد الدامى
أ/ عصام العبيدى:هوحضرتك لولاحظت القنوات مارسة الكلام ده بالفعل بس ده القنوات الدينية هى مارسة حتة التحريض دى
محمد موافى:ادينى تحديدا
أ/ عصام العبيدى:اه يعنى نفرض
محمد موافى:مليش علاقة
أ/ عصام العبيدى:قنوات كثيرة مست باقى القنوات
محمد موافى:اللى هى المسيحية والمسلمة
أ/ عصام العبيدى :المسلمة
محمد موافى:الاثنين
أ/ عصام العبيدى: اه لكن باقى القنوات زى ما قال أستاذنا لها اخطاء شبيهة زى اخطاء التليفزيون المصرى فى حكايه عدم وجود مواطنين لهم القدرة على البث من موقع الحدث وأستاذنا للاعلام قال كده واحنا بنقول هنعمل فى بعض كده سنذهب الى جحيم الاعلانات اذا كان الهدف ده هذا المبنى العملاق يبقى ستذهب الاعلانات الى الجحيم لكن حضرتك اللى بيحصل دلوقتى هجوم متواصل فى كل القنوات الفضائية أستاذ محمد معلش انا مش هاخذ وقتك قصة بسيطة احد البرامج فى الفضائية المصرية بيعلق على شئ معين وحددوا موعد محدد للقاء وطلت مرة مطلب وقالوا لى السواق يجى فين وكلما السائق علشان يجى كذا فالمعد بيدردش معايا علشان اتجاهى ايه فى الكلام اللى انا هقولة على التليفزيون
محمد موافى : قناة فضائية مصرية
أ/ على مطاوع: قناة فضائية مصرية
محمد موافى:هل مصر
أ/ على مطاوع: لألأ اسمع يا افندم
محمد موافى :لأ احنا مش عايزين
أ/ على مطاوع:فضائية خاصة ماحدث انه مجرد ما بيدردش معايا وعرف اتجاهى ان التليفزيون المصرى فى ازمة قعدنا نتكلم فؤجئ باتصال بعد ساعة من نفس المعد بيقولى بنعتذر دا احنا والله دا احنا السشوراللى بينا وبين اكتوبر انقطع واحنا مش هنقدر نطلع على الهواء ففوجئ بعد ساعة ونص يا أستاذ محمد فوجئت بعد ساعة ونص سعدتك بان البرنامج طالع على الهواء بس جايب الأستاذ علاء جاى عمل ما لا يعمل فى التليفزيون المصرى والاعلام المصرى شوف حضرتك ايه الالتقاء ازاى لان وجة النظر بتاعتى باينة انا مش هشتم على التليفزيون المصرى انا هنتقده واعمل فية المستحيل لوفعلا مخطئ لكن انا قلت وجة نظرى قلت ان الاعلام المصرى ظلم فى هذا الموضوع اتلغى اللقاء اتلغى اللقاء شفت الانتقائية فى حين جابوا مين جابوا صاحب الصوت الاعلى اللى ممكن ينتقد وممكن يتهور ويشتم او يصب حتى زى ما قلنا والوزير قال الكلام ده حتى لوقال كلام غير صحيح ان رشا مجدى قالت هلموا يا مسلمون هلموا يا مسلمون لانقاذاخوانكم فى الجيش وده اللى طبعا طبعا باقول لحضرتك تخيلت ان رشا مجدى هى لبنى عبد العزيز فى واسلاماه واسلاماه واسلاماه هو عقلاء دول معمر جايين بسلاحهم والا ايه دا سؤال يعنى انا لما اقول عقلاء ده ايه
محمد موافى : يعنى عقلاء الامه هم المنتشرون فى الفضائيات
أ/ على مطاوع: انا لما ندهت انا حضرتك لما وجهت رسالة للبابا شنودة قلتة الحقنا اصدر بيان اليس البابا شنودة احد عظام عقلاء الامة ا نا طالبتة على الهواء مباشرتا يبقى انا برضه زى رشا مجدى لما هما بيتهموها والا حضرتك الكلام ده مش منطق
محمد موافى:دكتوريعنى ان يكون الاعلام غير محايد ده متوقع ومفيش انا شخصيا مفيش اعلام محايد لكن ان نستمسك بعرى المهنة
د/ محمود علم الدين :انا سعيت تعبير ا لحقيقة تقليدى لكن لسة قايلة للاستاذ هيكل يوم 24 اكتوبر اللى بيدفع للزماريسمع الحن اللى هو عايزة
محمد موافى: مضبوط
د/ محمود علم الدين :او بلغة اكثر يعنى تقعيرا الاقتصاد السياسى ووسائل الاعلام بمعنى من يملك من يعلم من يحتكر
محمد موافى:فى البلد كلها ثلاثة
د/ محمود علم الدين:من يحتكر سيوجة اعلامة عشان كده انا باقول المطلوب الان ان ننظرالى المستقبل هناك قنوات عايزة تطلع هناك تمويل هناك ارهاصات مهنية يرى البعض انها قابلة للتكرار كما يرى البعض انها مناسبة الحل فى ايه الحل ان احنا الكلمة الساحرة اللى موجوده اسمها MEDIA RGALATION تنظيم الارهاب سيادة وزيرالاعلا م قال النموذج الفرنسى النموذج لسة موجوده بالفرنسى انا باضيف له النموذج البريطانى النموذج الفرنسى بدأ 89 من خلال المجلس الاعلى للبث المسموع والمرئى ده
محمد موافى : حضرتك بتتكلم عن تنظيم الاعلا م
أ/ على مطاوع: اه
محمد موافى:احنا هناك سؤال مباشر فى مصر لدى احد الجوار لو ثبت ان هناك نفترض ان مذيع او مذيعة حتى التليفزيون المصرى يمكن ان يوقف عن العمل ان يقال لكن هل لاحد فى مصر الدجرأة ان يوقف بث قناة فضائية بعد ما حدث مع الجزيرة مباشر مصر وانامش موافق على اللى حصل معاها بس هل يملك احد الجراة انه يروح يوقف دريم المحور الحياة او دريم مش قصدى دول انا باضرب امثلة يعنى
د/ محمود علم الدين:انزل شوف
محمد موافى : حد عنده الجراة
د/ محمود علم الدين:انزل شوف ثورة الجماعة الاعلامية شكلا ما لتنظيم الاعلام عليهم ان يقبلوا بكل ضوابط
محمد موافى : فين هى الجماعة الاعلامية
د/ محمود علم الدين :الجماعة الاعلامية
محمد موافى : لما بنتكلم عن الاعلام الناس كلها بتفتكر اننا بنتكلم عن مبنى ماسبيرو
د/ محمود علم الدين:لأ الاعلام 3 اجنحة فى مصرهناك الاعلام الحكومى الرسمى اوالقومى ووزارة اعلام الدولة اعلام الحكومة نمرة اثنين الاعلام الحزبى ثم الاعلام الخاص وليس الاعلام المستقل ليس هناك استقلال فى الاعلام الثلاث اطراف دول اللى هما الصحافة والاذاعة والتليفزيون حتى الان التليفزيون مكنش فية قنوات تمثل احزاب الان هناك قنوات ايضا تمثل احزاب بعينها ال3 اطياف دول اللى بيمثلوا الاعلام عليهم ان هما يضعوا ميثاق شرف
محمد موافى:الحقيقة الكلام كان رائع المهم التنفيذ وهل تنطبق على الجماعة الاعلامية هل تتوقع ان تتفق هذه الجماعة المتراشقة اعلاميا الان
د/ محمود علم الدين: يعنى هو ممكن الان اه
محمد موافى:دكتورعارف هل لدى احد فى مصر الجرأة لغلق اى قناة او لوقف اى مذيع خارج هذا المبنى ؟
د/ عارف:ان يكون متحرر من ضغوط المسئوليه ويحب مصر وحريص على مستقبل مصر لو شاف قناة خرجت عن حدود ومواثيق شرف المهنة فعليه ان يوقفها والا
محمد موافى:ما بسالش عن ايه هوالمفروض
د/ عارف:لأ المسئول اناهقول لك حاجة التغطية التغطية هى السائدة وانا يمكن وجهت مرة نداء قلت يعنى ان اليد الحريرية يجب ان تنتقل فى هذه الايام الى يد حديدية وكفى التدليل
د/ محمود علم الدين:هو كان غلق القناة بمعنى انا بتكلم عن قناة ايه حضرتك اى قناة فى الدنيا انت حضرتك النهارده قناة الجزيرة اغلقت قيل انها طبعا انتهكت سياسة البلد عدم وجود ترخيص
محمد موافى:وانا باسجل موقفى لو انا مش موافق
د/ محمود علم الدين: خلينا فى حاجة ثانية يا أستاذ محمد
محمد موافى: بس هنا باسجل موقفى لو انامش موافق
د/ محمود علم الدين:خلينا فى حاجة نقدر نقول قناة الجزيرة بثت خبر قبل ايقافها كان كافى تمام لوهى بتذاع فى فرنسا وعلى ارض فرنسا وهو بقى قناة الجزيرة يا سيادنا قالت انه فى حادث ارهابى وقع فى الاقصر وعلى اثر الحادث الارهابى ده تم اختطاف اتوبيس سياحى بركابة هذا الخبر الكاذب كان هادف لوانه تم او الى القضاء الفرنسى لو انه هذه القناة تمثل فرنسا
محمد موافى :بس احنا ما اغلقناهاش علشان هذا السبب
د/ عارف :انت حضرتك بتقول هل يملك او يقدر كما يقول اساتذنا المسئول اغلاق القنوات الخاصة
محمد موافى :انا ما باتكلمش عن اللى بيملك ماهو اللى بيملك يقدر يقفل
د/ عارف:بالقانون يا أستاذ محمد اللى بيحددنا النهارده لو صحيفة قالت فيك سباب انت تقدر تقفلها وتقدر تروج لكن احنا المشكلة عندنا ان القانون غيرصادق ولا يفعل يعنى غير صادق بمعنى ايه ان انا ممكن اجيب اى مسئول فى البلد واسبة وفى النهايه اشيل الف جنية دلوقتى فى الصحف يقولو ا ايه ماهى دى النهايه حتى أستاذنا عارف العقوبة 20 الف جنية او 30 الف جنية
محمد موافى:يعنى بتلخص الكلام يادكتورالقانون ممكن يمشى بس على اللى تحت يمين الدولة يعنى الموظفين بس انما الصحفى الحر او الاعلامى
د/ عارف:لألأ السؤال بتوجهه الى الجماعة الاعلامية والجماعة الاعلامية بتجد ان غلط ان هى تقرر ميثاق شرف اعلامى وتقرآليات فى مصرالقانون هنفذه اليس هناك نقابة للصحفيين ماذا عن حضراتكوا العاملين فى الاذاعة والتليفزيون ؟
محمد موافى: بنعمل نقابة دلوقتى
د/ عارف:لأ دا انا كنت بقول لحضرتك دلوقتى النظام الفرنسى لازم يلجأ لحاجتين ان هويغرم فى حالة المخالفة وبيلجأ لمسالة النشرالموسع يعنى فكرة التكريس احيانا النشر الموسع التكريس اه ده بيهتم بايه يعنى تخيل ان هو ما حكاش نبل حس التعبئة السياسية الثقافة الفرنسية حقوق الصغاروحمايتهم ثم اشياء اخرى مازالت عالقة
محمد موافى : باليات كثيرة لضبط الموقف انا اعتذرجدا لضيق الوقت الدكتور عارف الدسوقى شكرا جزيلا الكاتب الصحفى الأستاذ عصام العبيد شكرا جزيلا أستاذى طبعا الدكتورمحمود علم الدين على الحضور شكرا جزيلا ومشاهدينا شكرا جزيلا انا ما باتكلمش عن المبنى ده وماباتكلمش عن زملاء اخرين كما ان المسالة بجد بجد بجد هذا البلد انا شخصيا لوفى مساحة انا دلوقتى لازم اقول رايى ومع ان ده مش فارق لان قبل الفترة اللى فاتت كل واحد ثبت ان هو بيتمسك من لسانة فى هذا المبنى فا انا رايى الشخصى ان الاعلام الرسمى والمستقل هو سوئة مصر وبيده عمار ولا قدر الله خراب مصر فى الايام القادمة ارجوكم دقيقة سكوت لحد ان القاكم فى موعد اخر دمتم فى رعايه الله وامنه.