45 دقيقة

التقديم : محمد القاضى
التاريخ : 10/3/2013
الضيوف : فضيلة الشيخ خالد الجندى من علماء الازهر الشريف
التحرير: سكينة حمدى اسماعيل
اعدتة للنشر : سكينة حمدى اسماعيل
- التضخم وصل اعلى معدلاته منذ يومين .
- وزارة التموين تؤكد لا صحة لثلاثة ارغفة للمواطن.
- وزارة العدل تناقش موضوع قانون جديد ينظم عمل الشركات وحراسة المنشآت.
- رئيس المعهد القومى للكبد 9ملايين مواطن مصابون بفيرس سى.
- برنامج 45 دقيقة يفتح ملف ازمة الثروة السمكية فى مصر اين والى اين.
العنف اصبح بعد صدور الحكم للمتهمين فى احداث بورسعيد حرق مقراتحاد الكرة ونادى الشرطة والاهالى يمنعون اغلاق القناة العنف بعد صدور الحكم على 21 متهما بالاعدام شنقا ومعاقبة 5 آخرين بالمؤبد و10 بالسجن 15 سنة او 6 بالسجن 10 سنين و2 خمس سنين ومتهم بالسجن لمدة سنة وبراءة 28 ده كان الحكم لكن الالتراس النادى الاهلى استقبل الحكم بفرحة اطلاق شماريخ لكن اعترض عدد كبير بسرعة على العقوبات والعشرات اشعلواالنيران فى المبانى المجاورة للنادى الاهلى والمؤسف ان يتم سرقة الكؤوس الموجودة فى مقرنادى الشرطة وهى لوبيعت لا تاتى بمال ولكن قيمتها فى القيمة الادبية والمعنوية لها الالتراس نظم مسيرة لميدان التحريرورددوا هتافات ضدوزارة الداخلية ثم تبادلوا اطلاق الحجارة والقنابل المسيلة للدموع امس فى محيط كوبرى قصر النيل بميدان التحرير مما اسفر عن وفاة مواطن باختناق وهذا يبدو كسيناريو حربى الخلاصة ماتم تدميرة بشكل غير مبرر مثل اتحاد الكورة
الاستاذ/ حسن فريد نائب رئيس تحرير اتحاد الكورة على التليفون مساء الخير استاذ حسن
الاستاذ/ حسن فريد: مساء الخير
محمد القاضى : هل هناك حصر نهائى للتلافيات الان توجد لجنة لحصر التلافيات وتم سرقة اجهزة الكمبيوتر واشياء اخرى وقد تم دخول الاتحاد ملثمين وكل واحد فى يده سيف مش مطوه وكلهم تحت تاثير غير طبيعى لانهم دخلوا حرقوا الجامع
محمد القاضى : تقصد تحت تاثير مخدرات
الاستاذ/ حسن فريد : اكيد اكيد اكيد اللى يخش يحرق جامع مش طبيعى يبقى تحت تاثير مخدر اللى يخش يحرق مكان بهذا التنظيم وهذا الترتيب لازم يكون مدرب كويس جدا السرقة اللى تمت انت بتسرق جهاز الكمبيوتر ليه بتسرق الداتا ليه عملية ارهابية منظمة
محمد القاضى : نقدر نقول ان التحريات هى اللى هتقدرتتوصل لذلك الفاعل الحقيقى والخلاصة ان هناك فى لجنة لحصر التلافيات وبالنسبة للدورى
الاستاذ/ حسن فريد : اما بالنسبة للدورى هيلعب الساعة 8 النهاردة
محمد القاضى : يعنى مفيش نية لوقف الدورى اواى شئ من هذا القبيل
الاستاذ/ حسن فريد : هو انا وقفت الدورى امبارح فى الاجتماع كانت جميع المباريات ستلعب خارج جمهورية مصر العربية كنت امبارح باتكلم مع الكاتب هانى ابو ريده وكان معاه بلاتر والرجل طمنى وقال لا توقفوا المسابقة واندية الاهلى عندهم ارتباطات مع الاندية العربية والافريقية يلعبوا فى القاهرة
محمد القاضى : استاذ حسن فريد نائب رئيس اتحاد الكرة شكرا جزيلا لك لما بنتكلم عن اللى حصل واللى بيحصل بيتقال كلمة الالتراس المشجعين لاى نادى الاهلى الزمالك المصرى عملوا بعض النشاطات فى بورسعيد بعد الحكم ايه هو الالتراس وهذا التعبير اللى شوية مش جديد لم يكن مثار اهتمام فى الفترات السابقة
ماهو الالتراس زميلنا فرج عبد العليم حاول يقترب من مفهوم الالتراس
تعليق : الالتراس كلمة بسيطة فى معناها عميقة فى فحواها هى كلمة لاتينية معناها (الزائد) انتمائها الشديد لفرقها الرياضية تكونت البرازيل عام 1940 ولم تستمر بهذا المعنى فتشعبت هذه الكلمة واصبحت مقترنة بالعمل وفق اجندات لقوى سياسية لها اهداف خارج نطاق الرياضة ليزداد الغموض والضبابية حول مجموعات الالتراس التى تكونت فى مصر عهام 2007 واستغلها النظام السابق لصالح الشعب المصرى فى السياسة باحتفلات شعبية مبالغ فيها لمجرد الفوز باى بطولة رياضية على حساب قضايا وطنية ملحة غير ان النظام السابق لم يكن يدرى انه يلعب بالنار التى احرقته فى ثورة الخامس والعشرين من يناير وكانت مجموعات الالتراس من الاسباب الرئيسية للقضاء على النظام السابق وتساقطه لكن منذ هذا التاريخ دخل الالتراس فى صدام مع الامن المصرى عقب كارثة اللقاء الاشهر فى تاريخ الرياضة المصرية فى الثامن من مارس عام 2012 اللقاء الذى جمع الاهلى مع المصرى باستاد بورسعيد والمجزرة التى راح ضحيتها 72 من رابطة مشجعى النادى الاهلى وازداد الامر سؤا بين الاهلى والالتراس فى الفترة الاخيرة حتى اتهم الالتراس باشعال النيران امس فى منشأتين هامين هما اتحاد الكرة ونادى ضباط الشرطة بالزمالك عقب حكم محكمة الجنايات بحق المتهمين بنجزرة بورسعيد فقضت بالاعدام شنقا بحق 21 متهما وتراوحت احكاما اخرى بين المؤبد والسجن لمدة عام لعدد من المتهمين وبراءة 28 متهما اخروالغريب تجد شخصا يتغنى بحب وطنة ويقوم بالتكسير والحرق والخريب السؤال ماذا سيجنى اذا حرق مبنى حكومى او سيارة او اغلق طريقا على كل مصرى ا ن يطعظ لما حدث بسوريا من قتل وخراب يحتاج عقودا من الزمن ونوجه نداءا لمجموعات الالتراس التى يؤكد اعضاؤها انهم يعتمدون على التمويل الذاتى ولا ينتمون الى اى احزاب او قوى سياسية يشجعوا فرقتهم اطلقوا الشماريخ اطلقوا الالعاب النارية لكن ارجكوا لاتعاونواالايدى التى تلعبربمصر وتحاول ان تلعب بهيبتها .
محمد القاضى : دى فكرة ازاى كون الالتراس افراد الالتراس بيقولوا مش احنا اللى عملنا اعمال العنف بالامس مفروض ان فى جهات معنية تبحث فى ذلك المهم الشارع المصرى لابد ان تمثل فيه هيبة الدولة وزير الداخلية عمل مؤتمر صحفى اشار فيه الى ان الجيش لايمكن ان يقوم بدور الشرطة والشائعات التى تطلق على الضباط من خلال الاعلام قلصت من الروح المعنوية للضباط وعن سقوط الشرطة فى مصر وتولى ميليشيات اى ان كان تبعياتها قال ان هذا لن يحدث ابدا الا على جثثنا
الخبر الاقتصادى التضخم وهذا شئ طبيعى نتيجة الاحداث التى نراها فى الشارع لازم التضخم يرتفع الى اعلى معدلاتة من سنتين الجهاز المركزى للتعبئة العامة والاحصاءاعلن ارتفاع معدل التضخم خلال فبراير الماضى بنسبة 2.8 بالمائة ارتفع من اول سبتمبر 2010 وارتفع معدل التضخم السنوى خلال 2012 بيوصل الى 132.7 نقطة رئيس الجهاز المركزى للتعبئة العامة والاحصاء بيقول ان جهاز صرف ا لعملات الاجنبية امام الجنية المصرى خصوصا سعر صرف الدولاراثر على زيادة الاسعاركل القطاعات خلال شهر فبراير اللى فات وارتفاع اسعار الدواءالتى اثرت على قطاع الرعاية الصحية وصعود اسعار كل الاجهزة الكهربائية بينما لم تؤثر على البوتاجازوالسولار اللى مش لاقينه واشار الى زيادة اسعار الطماطم والشراب وغيره من هذا القبيل بنسبة 2.9 مقارنة بالشهر السابق عليه الخضروات سجلت 2.9 نقطة ورتفع معدلها ليصل الى 9.7 الخلاصة ان التضخم زاد جدا فى الفترة الاخيرة والنهاردة على المواقع الاخبارية بسبب ازمة السولار ارتفاع جنونى فى اسعار الخضروات فى القاهرة غير العبور فى شاحنات او عربات نقل بتنقل هذه الخضروات والخضار والفاكهة الى القاهرة لما مفيش سولار مفيش عربيات النقل يقل الاسعار ترتفع جدا بالقاهرة عن سوق العبور الاحداث الاخيرة صاحبة الدور الرئيسى فى الحالةالتى نعيشها اتساؤل ماموقف الحكومة مما يحدث بالشارع المصرى مجلس الوزراء بيقول سنتعامل بحسم مع المعتدين على منشأت الدولة التفاصيل ان السفير علاء الحديدى المتحدث الرسمى لرئاسة مجلس الوزراء بيقول ان الوطن محتاج فى الظروف الدقيقة دى الى تضافر جهود جميع المصريين لحماية امن البلاد وعدم تعريض مصالح الشعب ومنشاته للمخاطر دى مسلمات لا تحتاج تصريح الحديدى اكد على ضرورة احترام احكام القضاء وسيادة القانون
للمواطنين حق التعبير والظاهرالسلمى بما لا يعرض مصالح المواطنين ومنشأت الدولة للخطر اضاف سيتم التعامل بكل حسم مع من يتعدى على المنشات او يحرقها ويتم ضبط الجناة لمبنى اتحاد الكرة ونادى ضباط الشرطة بالجزيرة وغيرها من المنشات
على التليفون السفير علاء الحديدى متحدث باسم رئاسة الوزراء
محمد القاضى : مساء الخير سيادة السفير
السفير علاء الحديدى : مساء الخير
محمد القاضى : التصريحات اللى حضرتك اطلقتها فى غاية الاهمية خاصة فيما يخص التعامل بمنتهى الشدة مع من يريد تخريب هذا البلد لكن متى يتم هذا التعامل ؟ متى تظهر النتائج بهذا التصريح ؟
السفير علاء الحديدى : النتائج ستظهر قريبا وسيتم التعامل بكل حسم مع الخارجين عن القانون بطرق قانونية وما يتم حرقه من ممتلكات الشعب ويجب الحفاظ عليه
محمد القاضى : حضرتك تقول سيتم التعامل بحسم التساؤل طب ليه مكنش التعامل بحسم قبل ما تحرق المنشآت؟ لماذا لم تمنعوا اللى حرقوا
السفير علاء الحديدى : فى مسائل يمكن التحكم فيها ومسائل تخرج عن السيطرة قوات الشرطة تركز على حماية منشات معينة مثيرى ا لشغب يذهبون الى الاماكن التى ليس بها تواجد امنى ينطلقوا اليها ويحرقوها ويجب ان نلقى بالمسئولية على من يستحقها قوات الشرطة تبذل اقصى جهد ولكن تواجة تحديات وتعمل بطريقة قانونية ويجب علينا جميعا مساعدتها
محمد القاضى :هل الاضرابات المتواترة لرجال الشرطة فى الفترة الاخيرة الا تثير قلقلا للقيادة السياسية متمثلة فى مجلس الوزراء
السفير علاء الحديدى : مجلس الوزراء يتابع ما يحدث وكان فى اجتماع لمجلس المحافظين يوم الخميس الماضى ورئيس الوزراء يتابع شخصيا على مدار الساعة جميع التطورات هناك مطالب لدى قطاع من رجال الشرطة المطالب المشروعة سيتم الاستجابة اليها هناك ضغوط يتعرض لها رجال الشرطة يجب تفهم المرحلة الدقيقة التى نمر بها يجب ان نتقهم طبيعة عمل رجال الشرطة يؤدون واجب وطنى
محمد القاضى : وزير الداخلية بمناسبة هذه الاحتجاجات سارت شائعة بانة سيستقيل
السفير علاء الحديدى : سؤلت هذا السؤال على مدار الثلاث ايام السابقة وكانت نفس الاجابة مجرد شائعات
محمد القاضى : شكرا جزيلا لك ننتظر انشاء الله ان يكون هناك اعمال لهيبة الدولة وشبط اللى حرقوا مصر اللى بيحرق مبنى بمصر يبقى بيحرق مصر.. ننتقل الى التموين وزير التموين يؤكد لاصحة لتخصيص 3 ارغفة للمواطن نفى هذا الخبر تماما د. باسم عودة وزير التموين والتجارة الداخلية اكد ان الوزارة بتسعى لضمان وصول الكميات التى تكفى كل مواطن وان الدعم السنوى بيصل الى 114 مليار جنية فى نصيب واضح بيصل لاصحاب السوق السوداالحكومة تسعى للقضاء على الاسلوب العشوائى فى ادارة منظومة المواد البترولية من خلال النظام السابق لن يتم وضع اى اسس لضغط عملية تنظيم توزيع الوقود بانواعة المختلفة ومن خلال زيارة الوزير امس لالمنيا فى خطة لتنظيم توزيع السولارالمحاجر لكى لا يلجاؤا لمحطات الوقود بالتعاقد المباشر بين المحاجر والهيئة العامة للبترول وزير البترول صرح بان هناك اتجاه ان المزارعين يروح لهم السولار الى اماكنهم ويتم عمل محطات متنقلة الى الاماكن المختلفة للقضاء على هذه الازمة وهيكون هناك اعلان عن المافيا التى تتحكم فى السولار السوق السوداء للسولار الذى يعمل على هذه الازمة الحكومة خلال ايام ستحل مجلس الشورىة من شركات حراسة المنشات شركات الامن التى تحقق الامن والحراسة للبيوت والمنشات والافراد مفروض ان فى قانون بينظم عملها مجلس الوزراء فى اجتماعة الاخيرالمشروع بيقى بعدم مزاولة هذا النشاط عن طريق الشركات المرخص لها وتاسيس شركات تزاول هذه الاعمال باذن مسبق من وزارة الداخلية
تقرير: احمد فؤاد عن هذا المشروع الخاص بشركات الامن ظل الامن فى الشارع المصرى اهم اولويات الحكومة المصرية عبر العصور المنصرمة ولم يقتصر على الارواح فقط بل والمنشات الحيوية ايضا من هنا جاء مشروع قانون الحراسات الخاصة المعنى بالشركات الحيوية ليقف جهاز الامن مع الجهاز الشرطى فى مصر .. وهو تنظيم لها لمباشرة عملها اصدار التعليمات الخاصة بامن المواطن والوطن وبكافة منشاتة صار امرا ضروريا لابد للاهتمام به من كافة الجهات العاملة فى مجال الامن والحراسة سواء كانت شرطية او شركات خاصة حفاظا على سلامة الشعب المصرى وممتلكاتة
محمد القاضى : رئيس المعهد القومى للكبد دكتور وحيد دوس قال ان مصر بتتصدر دول العالم فى الاصابة بفيرس الالتهاب الكبدى الوبائى (c) بنسبة 10% من المصريين مصابين بالفيرس (c) 10% يعنى تقريبا 9 مليون مواطن مصرى مصابين بهذا الفيرس طالب الدكتور دوس برفع مستوى الوعى العام للاكتشاف المبكر للمرض حفاظا على صحة المواطن وانقاذ ارواح المصريين مشكلتة تتعدى سفر المصريين للعمل فى الدول الاخرى
تقرير: صبرى يونس حول موضوع الالتهاب الكبدى الوبائى (c)
هؤلاء المرضى واخرون من ملايين المصريين المصابين يعانون من مرض عضال اسمة الفيروسات الكبدية كاميرا برنامج 45 دقيقة تفتح ملف اخطر الامراض التى تواجه الانسان المصرى مع الخبراء فى هذا الشان ..
د. وحيد شريف : احنا عملنا مسح شامل لهذا المرض فى 2009 واتضح ان نسبة مرض فيرس سى فى مصر حوالى 10% من السكان الدولة حاولت العلاج عن طريق حقنة كل اسبوع لمدة سنة وده بالتعاون بالكامل مع المريض بنعمل له مراجعة شاملة واللى بيحتاج للعلاج الدولة بتتدخل بالمجان عالجنا 250 الف مريض قبل الثورة كنا نعالج 1000 فى الشهر بنعالج 4000 فى الشهر دلوقتى
مواطنة : انا باتعالج على حسابى عشان الحالة ما تزيدش عندى
د. وحيد شريف : عدد المرضى اكبر بكثير من الادوية فى المعهد الاجراءات لاتاخذ ربع ساعة صبرى يونس من المعهد القومى نريد بناء انسان سليم وقوى
محمد القاضى : شفا الله المصريين جميعا وقلوب المصريين ونفوسهم احنامحتاجين حالة شفاء نفسى معنا فى الاستديو فضيلة الشيخ خالد الجندى من علماء الازهر الشريف نقول الشيخ خالد الجندى وخلاص
الشيخ خالد الجندى : احنا الحقيقة فى زمن الكشرى اللى احناعايشينة حاليا افضل كل واحد يقول تخصصة ايه وبيشتغل ايه وبيعمل ايه لان احناهلت علينا فتاوى من كل حد وصوب من كل ناحية من كل صفحة من كل زقاق من كل شارع من كل عطفة من تحت الجحورومن فوق الجحور ومن داخل الجحور كل واحد بيفتى يقول ماشاء متى شاء اينما شاء فيمن شاء انا اثارت السلامة فى احداث الفتن اللى مرت بها البلاد ويمكن ده اول لقاء لمذيع محترم زى حضرتك انا باقدم التفسير لوحدى لكن حاليا الامر قص الصاع واتسع الخرق على الراقع
محمد القاضى :لأ ويفعل كمان
الشيخ خالد الجندى : ويفعل لازم نعرف الاصول ماشية ازاى
محمد القاضى : الاصول هل اللى بيحصل ده اصول
الشيخ خالد الجندى : ايه اللى بيحصل اصول ده مفيش اصول خالص
محمد القاضى : مش قادرين نوصف انا مش عارف اقول ايه حضرتك بتقول كل واحد بيقول اللى هو عايزة انا باضيف واللى حصل امبارح بيقول ان كل اللى عايز حاجة بيعملها
الشيخ خالد الجندى : طبعا طبعا
محمد القاضى : شفاء النفوس بقى هل نحن بصدد معروف ان فى ازمة سياسية وازمة اقتصادية لكن هل احنا عندنا ازمة فى النفوس والا الازمة نفسية
الشيخ خالد الجندى : بداية الثورة الامور كانت ماشية عال العال ثم بدات بعض الممارسات احنا كلنا اتخضينا منها مش دول اللى نزلوا المصريين الاوائل الشباب الاطهار اللى نزلوا كنسوا الشوارع وبيضوا الرصيف ونظفوة وشالوا المعوقات من الطريق ليس هؤلاء اللى تحولوا بعد ذلك بعضهم اللى اندس وسطهم وقلنا الكلام ده احظروا من المندسين اللذين تسلقوا على ظهر الثورة وهذه الاحداث وادت الامور الى افراز نوعية نادرة من سيئ الاخلاق اللى اصابوا المجتمع فى مقتل
ونشروا الفساد والفوضى فى ربوع البلاد احنا بنقول الكلام ده لابد ان تطهر الثورات نفسها كيف ان يبقى عندنا ثورة اخلاقية احنا محتاجين ثورة اخلاقية يحاسب كل منا نفسة وان يتهم كل منا نفسة وبان يشر كل منا الى نفسة باصابع الاتهام لتضع الامور فى نصابها لكى نرجع تانى لاخلاق المصريين اللى هى اخلاق الاسلام اخلاق البيت اخلاق المسيحية الحقيقية واخلاق الاسلام الحقيقى التى تحث عليها الاديان وتدعو اليها القيم والانبياء مفيش ثورة اخلاقية وليس بعالى البنيان قوما اخلاقهم كانت خرابا واخلاقنا الحمد لله بقت خرابة
محمد القاضى : هل هناك اى خطاب اعلامى الان يتبنى هذه الفكرة
الشيخ خالد الجندى : لأ كلنا مشغولين فى السياسية وكل البرامج مغموسة لشوشتها فى السياسية والناس جاء لها حالة مرض نفسى بسبب الانغماس اللا نهائى فى المواضيع السياسية انما فى مواضع بعض المنسوبين الى الدعوة بيتكلموا وبيقولوا الفاظ ترقى الى مستوى الردح ولاحول ولا قوة الا بالله وجزم بتترفع على الهواوخناقات وضرب بالكوبايات الله الله ايه الموضوع ان احنا قلنا من البداية الاخلاق ليس لها دين ممكن تلاقى انسان ملحد عايش فى روسيا مابيؤمنوش بوجود ربنا نفسة فى حاجة اكثر من كده انما عنده اخلاق الاخلاق دى تربية الدين فى اخلاق انما ليس بالضرورة اللى عنده اخلاق دينية علاجها دينى اوملل معينة
محمد القاضى : لكن ضرورى المتدين يكون عنده اخلاق
الشيخ خالد الجندى : ده ضرورى مش محتاجة يا استاذ اوعى تفتكران النبى عليه الصلاة والسلام ربنا بعثة عشان يعلمنا صلاة وصوم وذكاة وحج اما بعثك ليه يا رسول الله يقول صلى الله عليه وسلم انمابعثت لاتمم مكارم الاخلاق هذا الحديث مبنى على امرين فى منتهى الخطورة اول حاجة لاتمم مكارم الاخلاق وضح رسالة النبوة الحقيقية هو ان يعلم الناس الاخلاق وبالتالى اى انسان يدعى انه مسلم واخلاقة زفت اويرسى لها او غير مهذبة بنقول له اسفين انت لاتتبع النبى محمدصلى الله عليه وسلم علمنا الاخلاق الكاملة والادب الرفيع والرقى فى التعامل علمنا لا نردالاساءة بالاساءة كيف نرتقى بمكارم الاخلاق النقطة الثانية النبى بيعترف ان اهل الجاهلية اللى كانوا قبل الاسلام اللى الاسلام جاء عليهم كان عندهم اخلاق شبه تامة ليه
محمد القاضى : يعنى كان فى بس محتاجة تتم
الشيخ خالد الجندى : تصور اللى احنا نبصورهم بياكل الشاه مش بالصورة دى ناس كان عندهم مكارم اخلاقية كانوا محترمين كانوا كفرة لكن محترمين دين الماجوس ولكن يحترم الجار يوقر الكبيرويرحم الصغير
محمد القاضى : الاخلاق كلمة البعض يراها تختلف منى ليك لو اختلفنا على مفهوم الاخلاق نعمل ايه
الشيخ خالد الجندى : المرور لو مفش قواعد منظمة له سيكون المشهد ماسوى لابد من قانون ضابط يرابط هذه المسائل كذلك الاخلاق لها العرف للمجتمعات وتنتظم على ضوء ذلك فى مصر يجب ان يعلمنا كيف نتحاور كيف نتجادل ينظم العلاقات بين الناس وانت حر ما لم تضر
محمد القاضى : حضرتك متفائل ليه
الشيخ خالد الجندى : انا متفائل لان المحن هى التى تولد المنح
محمد القاضى : فضيلة الشيخ خالد الجندى شكرا لك ولكم ايضا مشاهدينا غدا حلقة جديدة تابعونا .