مساحة للرأى

محمد جوهر : مرحبا بكم السادة المشاهدين في حلقة جديدة من مساحة للراي الشعب يختار الشعب هو الحكم والصندوق له الكلمة الاخيرة في الصراع السياسي الملتهب في مصر حول الدستور والمواطن يراهن على الناخب الان في استفتاء السبت القادم واذا كان الامر بهذه الصورة لماذا يتحدث البعض باسم الشعب ويسعى الى دفعه باتجاهه لماذا يسعى المتنافسون على المكاسب السياسية ولا يريدون الشعب ان يختار هذا السؤال نبدا به مساحة للراي مع الكاتب الصحفي الاستاذ محمد علي خير استاذ محمد قبل البدء بهذا السؤال بيتحدث عن القرارات الخيرة ربما هناك حديث لرئيس الوزراء في القرارات الاقتصادية ااخيرة ربما لا يعرف البعض هل هي قرارات مؤجلة ام ملغاة ودلالة التوقيت واختيار اصدار مثل هذه القرارات
الكاتب الصحفي. محمد علي خير: اصدار قرار يمس حياة ملايين من الشعب اكيد دا قرار سبقته دراسات او تصورات لا يمكن ان يصدر قرار ثم يلغى بعدها بساعات دا معناه انه فيه طريقة ارتجالية وعشوائية في صناعة القرار سواء للحكومة او راس الدولة دا بيبقى المفروض فيه قرار مؤسسي يعني المؤسسة تعمل دراسات وبحوث واستفتاءات وبعدين تقدم تصورات وبعدين صانع القرار يستعرض كل دا مع الخبراء وبعدين اول ماياخد القرار خلاص العودة عنه لكن اصدار القرار واتراجع عنه دا للاسف بيمس هيبة مؤسسات كبيرة في الدولة والتي يجب ان تظل ليها هيبتها والجزء التاني ان القرار دا في الصميم هو قرار اقتصادي بنسبة 100 % ونجاح اي قرار يتوقف على حاجتين قبول المتلقي لهذا القرار وتوقيته ينفع والبلد في حالة تظاهرات بهذا الشكل وتظاهرات ليست تعبيرا عن فرحة احنا مش رايحين نشجع النادي الاهلي احنا قطاعات من الشعب معترضة على اوضاع سياسية معينة في حالة احتقان يبقى احنا نروح مزودينها طيب بما اننا اجلنا القرار هو القرار لم يتم الغاؤه اللي هو زيادة الاسعار والضرائب على اكتر من 51 سلعة طب ليه خدناه ورجعنا فيه .. القرار هيتم تمديده في ميزانية 2013 / 2014 يعني شاري في التنفيذ في 1 / 7 القادم القار صدر برئاسة الجمهورية بتاريخ من 6 ديسمبر يعني مش متاخد اول امبارح نيجي لانعكاسات القرار .. القرار دا يعني ايه ان الحكومة عندها عجز في الموازنة عايزة تدبر فلوس والحكومة الحالية اه في ظروف سياسية صعبة وفي ظروف اقتصادية صعبة لجأت الى وسيائل تقليدية الاقتراض من الخارج والاقتراض من الداخل عبر سندات واذون الخزانة وحاليا من الخارج عبر مفاوضات مع صندوق النقد الدولي وهو شبه متوقف بسبب الحداث السياسية الموجودة في البلد طيب ليه الحكومة ما تفكرش عن ابتكارات او حلول اخرى هنعرضها حتى لا يقال ان الاعلام بيهاجم دون ان يقدم الحل وحتى لا يقال من اي مسئول حكومي انتوا ايديكم في المية الباردة وانتوا ايديكم في المية السخنة الحكومة عايزة تطبق 5 مليار من هذه الزيادات هل هذا المبلغ لا يوجد امام الحكومة بدائل لتدبيره ومن ثم ترفع المعاناة عن كاهل المواطن المصري لا فيه بدل البديل عشرة او طيب ليه اللجوء الى الحل الاسهل فين عبقرية الادارة انا لو خدتني مسئول وانا راجل صحفي وقعدتني مع رئيس حكومة وجالي وزير مالية وقالي احنا عندنا عجز في الموازنة هقوله خلاص افرض ضرايب طب احنا عايزين فلوس تاني اقوله اطلع استلف من برة طب عايزين فلوس تالت .. استلف من البنوك .. طب ايه العبقرية طب ماهو دا اللي كان بيحصل .. في الاقتصاد لا يجوز ان تقترض قرض ضخم كبير عشان تاكل وتعيش منه .. لا ..لازم تضخ هذه الاموال في استثمارات ومشروعات تحقق عائد ومن هذا العائد تسدد الدين
محمد جوهر : طيب ماهو القرار دا يافندم مش هيمس السلع الاساسية زي السكر والزيت
الكاتب الصحفي. محمد علي خير:القرار دا بيمس العاملين في قطاع السياحة والفلاح انا بس هرجع لفكرة انتوا واخدين القرار دا ليه عشان توفروا 4 او 5 مليار عشان نكون عمليين انا عندي شوية اقتراحات اول اقتراح الحكومة تقدر تدبرمنه جميع الجامعات الخاصة والمدارس الخاصة معفاة من الضرائب ليه بامارة ايه بيخسروامثلا ..؟ دول ماشاء الله بيكسبوا يبقى انت تستطيع لن تاخد قرار تدخل دول جوه المجتمع الضريبي تاني اقتراح وزير المالية الحالي الاستاذ ممتاز السعيد فقال ان الصناديق الخاصة ودا الباب الملكي للفساد الصناديق الخاصة في المؤسسات الحكومية في الوزارات اللي هي الكمارتة والتعريفة والمخالفات بتاعة المرور وصناديق النذور دي كلها صناديق خاصة لا تدخل موازنة الدولة دا باب الفساد تحت ايد المخحافظ ورئيس الحي ورئيس القرية . وزير المالية قال ان الصناديق دي فيها 49 مليار جنيه اموال سائلة والحكومة طلعت قانون والحكومة مضت عليه بنفسها خدوا 20% من الصناديق دي طب ماتخلي القانون يطلع ل50% وتاخدي 30 مليار دي فلوس دافعها الشعب خديها انت ياحكومة بدل ماترفعي عليا ضرايب .. احنا عندنا سفارات في جميع دول العالم تقولش احنا دولة عظمى وانت عارف سفارة يعني ايه يعني سفير وملحق اداري
محمد جوهر : بس احنا دولة عظمى بلاش نقلل من قيمة مصر
الكاتب الصحفي. محمد علي خير:احنا دولة عظمى اقليميا بس انت في حالة تقشف هعمل ايه زنزبار احط فيها سفارة هو انا عندي مصريين في جميع انحاء العالم طيب ما اوزع افريقيا اقسمها لخمس مناطق في كل منطقة سفارة رئيسية وجنبيها ملحقيتين في كامدولة وعندنا 10 شلاكة بترول كل شركة ليها رئيس مجلس ادارة .. السعودية بجلالة قدرها عندها شرطة بترول واحدة اللي هي ارامكو .. ال180 شركة دي بيخضعوا للجهازالمركزي للمحاسبات ودا جهاز حكومي ورئيس مجلس الادارة بينفقوا 2 مليار جنيه سنويا بند واحد بس شرا سيارات وبنزين .. يعني احنا بنشحت هدي البهوات بتوع البترول عربيات وبنزين دا في بند واحد..! دا في تقرير الجهاز المركزي للمحاسبات يبقى تعلق عليها ليه مواطن وتالرئاسة فيها 29 طيارة في خدمة الرئيس الرئيس مرسي مش هو اللي جابهم خدهم من مبارك . الرئيشس مرسي هيحتاج ايه مؤسسة الرئاسة هتحتاج ايه .. طيارة اتنين تلاتة ما ال26 طيارة ناجرهم وخاصة ان بند الصيانة والتكاليف عالي جدا خد عندك مثلا ايه اللي يمنع ان احنا نتفاوض مع رجال النظام السابق في الفساد الاقتصادي تعالى يا احمد ياعز تعالى يا اي حد انت عندك فساد اقتصادي في الحتة الاقتصادي انا استفدت ايه باني انا اسجنه 10 سنين انا صحيح قدام فساد بس انا امام حالة ثورة اخد المليارات اغذي الموازنة بتاعتي .. انت في وضع ودوا كل الناس في السجن وبدور على فلوس هي قضية الاموال المهربة دخل لنا جنيه منها ولا جنيه دخل لنا من برة عندنا في الحكومة جرار من المستشارين حسب تقرير اللجنة الاقتصادية في حزب الحرية والعدالة بياخدوا سنويا مالا يفقل عن 30 مليار جنيه .. البورصة بتاعتنا من البورصات الوحيدة في العالم اللي ما بتفرضش ضريبة على الارباح الراسمالية حضرتك يا استاذ محمد معاك الف جنيه ورحت اشتريت اسهم كسبت 500 جنيه حلال عليك بتاخد الالف وال500 وتروح طيب واحدة 1% بس احنا عايزين على ال500 اخد 5 جنيه على ال500 جنيه طيب انت خسرت مش هناخد منك حاجة .. هناخد منك حاجة على المكسب دي لو قعدت الحكومة وفتحت البنود كده تقدر تلم مليارات بس هي استسهلت زي الحكومات السابقة اسهل حاجة ارفع البنزين
محمد جوهر : طبعا اقتراحاتك مقبولة ولكن اهل الخبرة هم من يحكمون على هذا الموضوع دعنا نعود الى فكرة ان الشعب يختار ام الشعب هو الحكم وان الصندوق هو الفيصل وهو الذي يحكم في هذا الموضوع لماذا ينسى المتنافسون ان من له حرية الاختيار عيه ان يتحمل نتيجة الاختيار سواء من قالوا نعم او من قالوا لا
الكاتب الصحفي. محمد علي خير:لا وصاية على الشعب .. الشعب يروح ويقول رايه بس انت قبل ما بتدخلني امتحن مش انت لازم تشرح لي المنهج انت بتحسب لبنك مدرس خصوصي عشان يشرح لك دا هل انت عدد المنتخبين اللي هما 51 مليون يعرفوا كلهم كده ايه هو الدستور ايه اهميته ايه المواد المثارة ..لا.. طب انتى ازاي تحط الشعب في هذا الاختبار وانت لم تقم بهذا الدور والدور دا اتقام بيه من اسبوعين المدة بين تسليم الرئيس الجمعية التاسيسية للدستور لمسودة الدستور لرئيس الجمهورية واعلان رئيس الجمهورية طرحها للاستفتاء يديلك اسبوعين هل الاسبوعين كافيين للمواطنين المصريين انهم اللي قعدوا 6- سنة مالهمش علاقة بالسياسة انهم يعرفوا ايه الدستور دا .. يعني انت بتستغل عدم معرفتي زي ما انت بتيجي وتقولي خلاص هو كل واحد راكب العربية مسئول عن سلامته طب انتم دربتوني على قيادة السيارة دا جزء .. احنا هنا مش بنختار بين شخصيات عارف انتخابات الرئاسة تبدو سهلة لانه فيها شخصنة وتختار محمد مرسي اخوان ولا تختار الفريق شفيق تبعه النظام اساتبق ولا تختار عمرو موسى ولا تختار حمدين صباحي كل واحد بيختار حسب هواه الشخصي ولكن الدستور خاصة ان الدستور وانت بتصوت عليه يانعم لا فدي فكرة التحفظ واعمل مناظرات اعلامية مابين الفريق المؤيد والفريق المعارض والشعب يختار
محمد جوهر : طيب التجارب السابقة اللي تحدثت عنها زي الاستفتاء والانتخابات البرلمانية والانتخابات الرئاسية يمكن دا بيدفع الى حد ما من الذهاب الى الصندوق حضرتك شايف ان المخاوف دي مش في محلها
الكاتب الصحفي. محمد علي خير:لا على اساس انه هيتم تمرير الاستفتاء ..لا.. في النهاية تبقى دي اادة الشعب بص رئيس الجمهورية رئيس منتخب جاي في انتخابات نزيهة انه فيه انقسام في الدستور الحالي يقدر تيار الاسلام السياسي يحشدوا المؤيدين ويدوا نعم بس لو اللي ادوا نعم كانت نسبتهم 52 ولا 55% دا مش حل هيبقى حل ان انتوا مررته قانونا ودستوريا بس للاسف هو لا يعبر عن حالة تسامح هذا الدستور الذي اتى بعد الثورة اذا لم يحدث عليه توافق بنسبة 70 او 75% عايز تمرر الدستور دا لازم بنسبة 75% من الشعب المصري يعتمدوه ويقولوا عليه نعم ونسبة اقل من كده لا لازم الجمعية التاسيسية ترجع وتعرف سبب عدم اقبال المصريين عليه الحاجة التانية حتى لو الدستور دا اتمرر بنسبة 70 او 75 % لا تستهين بال20% المعارضين لان دا دستور تعالى اعرف وجهات النظر احنا قلقانين من ايه معارضة اسمع وجهات النظر يقولك فيه مواد بتقلقني الرئيس في اعلانه الدستوري السابق اوجد وسيلة دعوة لكل الاحزاب تقدم فيها مسودة تذكر فيها المواد اللي هي متحفظة عليها ودي هتبقى وثيقة يوقع عليها السيد رئيس الجمهورية ويقدمها لمجلس الشعب طب ما انت امام مجلس الشعب دا منتخب ايه هي الالزامية عليه انه يعدل المواد هل وجود قوى سياسة فقعدت ومضت على وثيقة مفيش دا .. احنا خلي بالك بنتكلم في الكلام دا وباقي 48 ساعة على الاستفتاء على الدستور لا الناس قريته ولا الناس اللي معترضة خدت قرارات انها لو قررت تذهب ازاي المواد المعترض عليها تتغير طب ما هيظل الوضع كما هو وبعدين معندناش الالية للتغيير .. عندنا الاعلان الدستوري يا استاذ محمد انه ماذا لو قال الشعب لا للدستور الحالي مسودة الدستور قالك نرجع 3 شهور يتم انتخاب جمعية تاسيسية انتخاب يعني ايه يعني كل تيار سياسي يعمل قايمة وانت تنزل تصوت يبقى فيه تيار واحد هيسيطر ايا كان بقى .. انا كان تقديري انه لو المصريين ذهبوا لاستفتاء وقالوا لا يتم تفعيل دستور 71 كفترة انتقالية لمدة 4 سنين خاصة ان التعديلات التي اجريت على ال9 مواد في العام الماضي اللي كلنا نزلنا واستفتينا عليها الشعب اعتدها ودستور 71 الشعب استفتي عليه .. ناخد دستور 71 لانه الشعب الان في حالة انقسام نمر بيه 3 او 4 سنين لما البلد تهدى نعمل فيه دستور جديد لكن هنرجع نقعد يا استاذ محمد 3 شهور اختيار جمعية و6 شهور للدستور وشهر استفتاء على الدستور يعني 10 شهور وماظنك ان الاحداث هتبقى ماشية مستقرة هذتا نداء للسيد رئيس الجمهورية لو حصل ان الشعب قال لا يمكنه تعديل الاعلان الدستوري ونعتمد دستور 71
محمد جوهر : نتابع النقاش مع مشاهدينا الكرام ولكن بعد هذا التقرير
تقرير الصحف
المشهد الراهن من وجهة نظر المفكر الاسلامي فهمي هويدي مباراة من الهواة في ملعب السياسة ويرى ان الاخوان نجحوا في قيادة وطنهم والجماعة ولم ينجحوا في قيادة سفينة الوطن
خالد خيري يرى ان مصر تتسع للجميع وتحتاج لهم ولن تتقدم مالم تكن فوق رؤوس الجميع
كاريكاتير محمد حسن يصور حالة التنازع بين المصريين في الشارع السياسي ومصر تقف مكتوفة وتبكي لان الجميع ابنائها
اما حلمي التوني فيقول ان مصر مفزوعة لما يحدث
اما الرسام احمد دياب فالاستفتاء لديه عبارة عن صندوقين الاول ابيض والاخر اسود
وتحت عنوان مصر ضد مصر يقول محمد منازع الانقسام المتواصل وكل فريق يريد اتن يثبت انه الاقوى والاكثر عددا وتاثيرا
فاصل
محمد جوهر : الحوار متواصل معكم مشاهدينا الكرام مع الكاتب الصحفي الاستاذ محمد علي خير ونتحدث الان عن حرية الصحافة والاعلام استاذ محمد المادة 48 من الدستور بتنص على حرية واستقلال الصحافة والاعلام ويحظر وقف او اغلاق او مصادرة الصحف الا بحكم قضائي يعني قد يرى ابعض ان ذلك عقاب جماعي في قضايا النشر
الكاتب الصحفي. محمد علي خير: نقابة الصحفيين طلبت من ممثلها عدم الحضور كوسيلة من وسائل الاعتراض الجزء الجيد في هذا الدستور فيما يتعلق بالحصول على تراخيص الصحف قبل كده كان اي شخص او مؤسسة تحصل على ترخيص صحفي كانت مسالة صعبة قوي النهاردة الحصول على ترخيص الصحيفة يتم بمجرد الاخطار دا شئ ايجابي لكن الجزء المتعلق بالحريات يعني لم يتم النص على الحبس في قضايا النشر ولا اتذكر عدم الحبس ودا كان مطلب للصحفيين مبارك نفسه انه في 2008 و2007 لغى حبس الصحفيين .. الجزء التاني انه انت لما تقرر ان الصحيفة تصدر بمجرد الاخطار جيت عند وسائل المنافسة زي الاذاعات والتليفزيون حطيت 100 ضابط طب ماهي دي وسيلة اعلامية ودي وسيلة اعلامية اي نعم الاذاعات والتليفزيون ليها موجات بث .. بس كان عليك ان تبسط الامور شوية وخوف الجماعة الاعلامية عموما هي في شعور عام كان يجب ان يبدد انه فيه حالة من حالات التربص بالاعلام فيه تخوفات عند عدد كبير جدا من كتاب الراي والصحفيين وجرى زي ما انت عارف عدم تجديد التعاقد معاهم في الكتابة والمقالات ولقينا مؤسسة الرئاسة امبارح بتقدم بلاغ ضد احدى الزميلات نتمنى ان السلطة ومؤسسة الرئاسة ان يكون عندها رحابة صدر لاستيعاب الراي والراي الاخر لكن ماينفعش واحد كاتب مقالة حتى لو كان في رئيس الجمهورية ان يتم تقديم بلاغ فيه .. طب ما انت تتحاور مع صاحب هذا المقال وتعرض راي قدامه يعني الدساتير عامة او القوانين مش هي اللي هتحفظ الحريات بالمناسبة دستور 71 كان فيه مواد جيدة جدا ودستور جيد بالمناسبة لكن اي دستور عشان ينجح لازم يبقى وراه قوة مجتمعية .. مجتمع متعلم مستنير يحميه يعني لو انت اتكلمت على حرية الصحافة اذا جرى الاعتداء عليها يبقى الشعب هو اللي ينزل لان دا اعتداء على احدى مواد الدستور يبقى لازم يبقى فيه استنارة عند الشعب بحيث يعرف ان الاعتداء على اي مادة تتعلق بالحريات هو اعتداء مباشر على الشعب
محمد جوهر : المادة 49 يحق اصدار الصحف بمجرد الاخطار
الكاتب الصحفي. محمد علي خير:دا شئ جيد
محمد جوهر : لكن البث الاذاعي والتليفزيوني ينظمه القانون
الكاتب الصحفي. محمد علي خير:يعني فيه محاذير مش هتبقى مطلقة يعني احنا عارفين ان وزارة الاعلام والحكومة الحالية قررت وقف اصدار تراخيص لبث قنوات فضائية جديدة او اذاعات للتنظيم طب ما تتظموا ليه يبقى موكول بيها جهة حكومية يعني وزير الاعلام قال انا اخر وزير للاعلام وقال انه هيتم انشاء مجلس قومي للاعلام دا لم يأت
محمد جوهر : طب لو انتقلنا الى حق التظاهر وتنظيم الاجتماعات لاحظنا وجود مظاهرات بغير اخطار في التليفزيونات او الفضائيات التابعة لاي حزب واي فصيل وحتى التابعة لاي مجموعة من المجموعات يحدث الحشد ويحدث الوجود في اي مكان هذه الاماكن كيف يتم اتعامل مع هذه الامور براي حضرتك
الكاتب الصحفي. محمد علي خير:انه ينزل بعد الثورة عدد من المواطنين ويقطعوا طرقات القانون دا لازم يبقى فيه عقوبات احنا لسه المجتمع في حالة لم يهدا بعد الثورة لسه فيه تظاهرات وثقافة التظاهر لم تنتشر بين المواطنين هما منفعلين وبننزل الشوراع تعترض ويجب تقنين دا بس ادي برضه ضمانات للمتظاهرينانما لما اجي اخطر وزارة اداخلية او اي جهة منوط بيها حماية تلك التظاهرة انها ماتترفضش او انهم يحددوا اعداد ضئيلة يبقى فيه حوار بهذا الشكل لكن تقنين المظاهرات دا امر جيد يعني مش متحفظز عليه من حيث الميعاد الى اخره بس يجب ان يراعى في دا ضمانات لحقوق التظاهر يعني ما يكونش فيه اعتداءات امنية وفيه جماعات حقوقية يجب ان تكون موجودة في تلك التظاهرات بحيث لو جرى اعتتداء امني او سلطوي من المتظاهرين يتم التنديد بالمتظاهر ويتم السحل واخذه في خيم واخضاعه للتعذيب
محمد جوهر : الدستور طبعا هو العقد الاجتماعي وابو القوانين وهو المشرع وهو بيضع القانون بيعتمد على هذا الاساس ولكن الملاحظ انه مواد الدستور بتعتمد على كلمة وفقا للقانون هل يمكن تطبيق وفقا للقانون اني امنع تظاهرة بالاساس
الكاتب الصحفي. محمد علي خير:الدستور دائما لما بيصدر بيبقى جمل وكلمات مختصرة فبتاتي قوانين بتنظم تلك الجمل عشان كده فيه حاجة اسمها القوانين المقننة للدستور يعني القانون بيقولك انه مجلس الشعب بيتكون من كذا وكذا عبر الانتخاب يبقى احنا عايزين قانون الانتخاب يحق للمواطنين والشخصيات الاعتبارية انها تحصل على اشارات اذاعة وتليفزيون بينظم القانون ذلك مين اللي هيحمي القانون دا مجلس الشعب القادم اللي اتغير اسمه بقى اسمه مجلس النواب عشان كده انا بقول للسادة المشاهدين خلوا بالكم في حال اقرار هذا الدستور المشكلة ليست في هذا الدستور المشكلة في القوانين المكملة للدستور اللي هيصدرها مجلس الشعب القادم علينا ان نختار بعناية شديدة جدا من يمثلونا في البرلمان القادم حتى يصيغوا لنا قوانين جيدة يعني ما تبقاش قوانين مكبلة للحريات او قوانين فيها تعسف لان اي قانون حتى لو انت مررته من مجلس الشعب اذا لم يلق استجابة من الراي العام المصريين هيتموا اسقاطه وانا اتمنى قبل صدور اي قانون انه يحصل حوار الدولة والحكومة المصرية كانت مطلعة قانون عشان نقفل المحلات يعين ما ينفعش يتم يعني انت ماتجيليش كمجلس شعب وتقولي انا منتخب على عيني وعلى راسي بكن انت ايه اللي فهمك في قوانين البث .. لجنة الاعلام ممكن ان ينضم اليها اي واحد ليست له علاقة بالاعلام اقعد مع خبراء الاعلام اللي هما مش اعضاء في مجلس الشعب خد منهم تصور مقترح يبقى حوار عشان لما نطلع قانون يبقى تم بالتوافق او الاستماع لوجهات النظر يصدر القانون كي ينفذ يبقى الاصل انك ما تتعسفش لانه فيه حاجة اسمها تعسف السلطة في استخدام سلطتها لا .. مش معنى ان انت مذيع انك انت تقعد تسكتني وتقعد انت تتكلم لا ما هو دا تعسف في الاستخدام فالسلطة او الحكومة او البرلمان بعد ثورة يناير لازم يكون عندها هذا الفهم المواطن المصري كسر حاجز الخوف المواطن المصري وصل الى قصر الحكم تعترض تتحفظ بس خلاص مابقاش يرعبه الرصاص وبالتالي تعامل مع دا انا عايز المجتمع المصري اللي انا عايش فيه انا واسرتي وولادي يبقى فيه هدوء واستقرار ليه مانطلعش قوانيننا بالحوار هو جدا اللي انا بدعو اليه
محمد جوهر : طيب حضرتك ذكرت المجلس القومي او الوطني للاعلام ودا في المادة 215 و216 ولم يتم تحديد الجهة المنوط بيها تشكيل هذا المجلس الوطني للاعلام وقد يخشى ابعض وجود رجال غير رجال الاعلام موجودون في مثل هذا المجلس ومن واقع متابعات حضرتك في المجلس الوطني مش تجرية جديدة موجودة في الدول الاوربية وفي فرنسا الاسلوب او الطريقة اللي بيدار بيها هذا المجلس في هذه الدول وهل يمكن تطبيقها ايضا في مصر
الكاتب الصحفي. محمد علي خير:هو احنا ليه بنحس ان احنا الدولة الوحيدة على وجه الكرة الارضية لينا تجارب في دول سبقتنا مانشوف الدول دي عملت ايه ونستفيد منها حضرتك الى دولة زي بريطانيا مجلس او هيئة بتدير ال بي بي سي دا خارج نطاق الحكومة .. طب والصحف القومية وضعها ايه اشرت هل هتظل الاهرام والاخبار والجمهورية تتحدث ليل نهار بلسان الحاكم ايا كان اتجاهه يعني النهاردة الدكتور محمد مرسي نبقى اخوان وبكرة حد ليبرالي نغير .. يعني نقعد نغير كده يعني وضع الصحافة القومية ايه ووضع تليفزيون الدولة ايه دا اعلام قومي خلاص تتعمله هيئة مش انا اللي هقترح دا انا اعتقد انه يطالب السيد وزير الاعلام انه يوجه دعوة لخبراء في الاعلام يقعد معاهم والقانونيين لصياغة هذا القانون انا ما انتظرش البرلمان القادم هو اللي يعرض لي هذا القانون ياسيدي انت في السلطة التنفيذية لحكومة ومن حقك تقدم اقتراحات لبرلمان لانه عامل الخوف والقلق يسيطر على مصر كلها واخره المظاهرات الحاشدة والاعتصامات اللي بقالها 4 ليالي امام مدينة الانتاج الاعلامي يعني اي حد زعلان من اي حد يلم كل انصاره ويروح دي مابقتش بلد .. اللي يجيب اكتر يعني انا اروح اجيب اهلي من البلد واقطع الطريق على التليفزيون واقول التليفزيون مش عاجبني
محمد جوهر : طيب تشكيلة المجلس الوطني المفروض تكون ازاي
الكاتب الصحفي. محمد علي خير:يعني انا مش هرجع لفكرة القانون ينظم ذلك وانا للامانة مش الخبير الاعلامي اللي اقدر اتكلم في هذا الحديث بس خليني اتكلم بمنطق اخر البلي هو لو فيه اخلاص للنية يكون الاعلام المصري ان عندنا تشوهات وانه اعلام يخضع لاجندات سواء حكومية او خاصة لو حصل انت عندك خبراء في الاعلام المصري وقانونيين وخبرات متراكمة في مجال الاذاعة والتليفزيون وقامات هانعمل لجان استماع داخل وزارة الاعلام ويصدر القرار بنتشكيل مجلس وطني ايا كانت انتماءاتهم السياسية ويفضل انهم يمثلوا طوائف برضه ويتعمل هذا التصور وبعد ما يستقر عليه هيطلع بيه قرار جمهوري وبعد كده هما اللي يصيغوا المواد الخاصة المكملة للصحف والاعلام وعرضها على مجلس الشعب
محمد جوهر : شكرا ليك الكاتب الصحفي محمد علي خير وفي نهاية الحلقة شكر موصول لكم مشاهدينا الكرام على متابعتكم والى اللقاء