اتجاهات

اعدته للنشر: نهى حمودة
احمد بصيلة: اعزائي المشاهدين اهلا بكم وحلقة جديدة واتجاهات البحث عن نقاط مشتركة بين القوى السياسية والبحث عن حوار مشترك ولغة مشتركة من مختلف الطوائف السياسية في مصر هو ماكان في الايام الماضية وهناك سعي من الرئيس محمد مرسي الى اللقاء بمختلف القوى والرموز والاطياف السياسية من اجل ايجاد نقاط مشتركة وحوار للوصول الى شكل معين في الجمعية التاسيسية او الدستور المنتظر لمصر الحديث كثير حول هذا الدستور والخلاف ايضا كثير بين القوى السياسية القوى تقسم بين مدني وبين ديني وهناك محاولة للاستقطاب بين اطياف مختلفة من الشعب المصري ولكن الحوار هو الذي يمكن ان يوفق بين هذين الطرفين المحاولات كثيرة ولكن الى الان لم نر نتائج على الارض ولم نر اي تقدم في هذه المحاولات ولكنها مازالت جارية فالجميع يسعى الى ان يكون هو المتفوق ولكن اين الوطن واين المصلحة العليا واين الدستور الذي يمكن ان نسير عليه لسنوات وسنوات اسئلة كثيرة حول هذا الموضوع ستكون محور اللقاء اليوم في اتجاهات من خلال ضيفينا في الاستوديو معنا السيد محمد نعيم عضو المكتب التنفيذي للحزب الوطني الديموقراطي الاجتماعي اهلا بحضرتك معانا والسيد صبري عامر عضو مجلس الشعب المنحل عن حزب الحرية والعدالة اهلا وسهلا انا عارف كلمة المنحل دي فيها حساسية شوية
صبري عامر: انا احب اقول مجلس الشعب 2012
احمد بصيلة:طيب اسمحلي يا فندم حضرتك شايف ما يدور من حوارات ما بين القيادة السياسية متمثلة في الرئيس مرسي وبين القوى السياسية المختلفة من اجل التوافق على الدستور كيف تراه
صبري عامر:هو بسم الله الرحمن الرحيم انا ارى ان محاولة السيد الرئيس للتوافق مع ل السياسية وعلى راسهم كثير من المرشحين او بعض المرشحين قبل ذلك قبل رئاسة الجمهورية امر محمود جدا لسبب بسيط ان مصر ملك للجميع ليست ملك لاحد فاذا كان الشعب قد انتخب رئيس الجمهورية بنسبة سبقت عن الاخرين لكن برضه فيه جزء من الشعب لا يستهان بيه كان مدي الناس دي اصواتها فلما نقعد مع هؤلاء الناس ونسمع وجهات نظرهم وكاننا نريد ان نقول نحن نريد ان نسمع وجهة نظر الشعب كله بكل طوائفه حتى اللي كان مختلف في الاول في وجهة نظره عن انه يدي صوته للدكتور مرسي او الاخرين الحقيقة النقطة دي انا شايفها نقطة ايجابية وعلى ان نلتقي في مصلحة مصر في هدف واحد واتفاق واحد لان الحقيقة ما يجب ان نتفق عليه ان مصر توصل لبر الامان في هذه الاوقات والدستور الذي يوضع الان وغيره من الامور التي يجب ان نتفق عليها الحقيقة امور مهمة جدا ان نتفق بسرعة لانه تاخير الاتفاق بيؤدي الى تدهور الاوضاع اكثر لان احنا مش مستحملين لانه لو انت بادئ مرحلة بعد نجاح يمكن تغيب شوية لكن انت بادئ مرحلة بعد انهيار في كل الاوضاع انت بادئ وانت ضعيف جدا والبلد في وضع صعب جدا فالمدة لما بتطول على ما تتفق على امر معين حتى ننطلق الحقيقة دي مش في مصحة البلد فالامر امر محمود وجيد جدا ونتمنى من الجميع ان احنا نلتقي في نقطة ننطلق منها باذن الله تعالى الى صالح هذا الوطن
احمد بصيلة:استاذ محمد حضرت احدى هذه الاجتماعات وكان اجتماع مطول يعني اهم مادار في هذه الاجتماعات وكيف يتم تبادل الاراء في هذه الاجتماعات
أ.محمد نعيم : هو اول امبارح جت دعوة من مستشاري السيد الرئيس وحضرت ممثلا عن الحزب في حضور سيف عبد الفتاح وباكينام الشرقاوي وبحضور اتنين من اعضاء التاسيسية الدكتور جمال جبريل والمهندس محمد محي والحقيقة انا كنت حاضر وكان فيه اطراف محضرتش . الاطراف اللي محضرتش كانت اوكلتني اني ابلغ رسالة لرفضها اصلا تشكيل الجمعية التاسيسية وبالتالي كان فيه محاولة لعمل حوار اكتر من مرة الحوار دا ماتمش وفقا للاليات السليمة وانا وكلت ان انا اقول هذه الرسالة .. الفكرة انا ليه اصريت على الحضور على الرغم من ان احزاب الدستور والتيار الشعبي والتحالف الشعبي ومصر الحرية كانوا رافضين .. الحقيقة انا شايف انه عدنا دلوقت 12 ديسمبر الجاي موعد انتهاء عمل التاسيسية بموجب القانون وعليها ان تسلم لرئيس الجمهورية مسودة تطرح من الاستفتاء العام والحقيقة ان هذه المسودة اذا لم تحظ بالتوافق الوطني سوف يصبح رئيس الجمهورية في مازق
احمد بصيلة:الموافقة دي يحددها المواطن في الاستفتاء
أ.محمد نعيم :الدستور في بلد بعد الثورة اذا لم يحصل على نسبة موافقة تفوق ال65 % لانه الدساتير ما بتنجحش بنسب بسيطة يعني لا يصح هذا وبتخلق مشاكل بعد كده وحتى دساتير البلدان بعد الحروب كانت بتنجح بال60 وفوق ال65 % وبعد صراع سياسي حاسم فمصر لا تحتمل اي دستور يعدي بنسب لا تقل عن الثلثين وبالتالي وفي هذا الشهر خطوة ايجابية حصلت لقاء رئيس الجمهورية مع المرشحين السابقين الذين حصلوا على نسب عالية ولكن دعوتي ودعوة الحزب انه يبقى فيه الية للحوار الوطني لانه رئاسة رئيس الجمهورية ومعه الجمعية التاسيسية والفاعلة من اجل انجاز هذا الامر خلال الشهر الجاي ويبقى معروف وهذا يفرح الشعب المصري ان نتاج هذا الحوار هو ما يؤدي الى خروج دستور توافقي المصري نحن نؤيد هذه الدعوة ولكن شايفين انه لابد من خروج الية
احمد بصيلة:طيب هي ايه النقاط اللي انتوا مختلفين عليها كحزب في مسودة الدستور
أ.محمد نعيم :فيه مسائل كتيرة ولكن اقول اهمها يعني فيه مادة بتتحدث عن طريقة تسمية رئيس الجمهورية لرئيس الوزراء المادة بتقول ان رئيس الجمهورية بيسمي رئيس وزراء ثم رئيس الوزراء بيشكل وزارة ويعرضه على مجلس الشعب فلو مجلس الشعب ماوافقش خلال 30 يوم رئيس الجمهورية يسمي واحد تاني ويمر بنفس العملية اذا مجلس الشعب رفض يكلف رئيس الجمهورية مجلس الشعب بان يكلف الحكومة خلال 30 يوم واذا ما اتشكلتش الحكومة خلال 30 يوم الرئيس يحل البرلمان ويجب ان رئيس الجمهورية يسمي رئيس الوزراء من حزب الاغلبية او تحالف الاغلبية لانه الحقيقة العملية دي لما بتتم على 3 مرات انا مسميها مادة ازمة انت كده بتخلف ازمة يجب ان تكون التسمية مباشرة من حزب الاغلبية لان انا في الحقيقة لما بعطل البلد 120 يوم في حال الرفض وعملت بعد كده استفتاء وحليت زي ما بكون بعمل قيد على البرلمان انه لوماوافقتش على تسمية رئيس الجمهورية من المرة الاولى وفي المرة التالتة ستحاول الاقلية ضد صراع الاغلبية فيفشل البرلمان انه يشكل وزارة فيتحل البرلمان يبقى احنا باديين من اللحظة الاولى .. لا انا ابدا من اللحظة الاولى بتحالف الاغلبية خلال فترة معينة يشكل ولو ما نجحش الاغلبية اللي زوراع تشكل وهكذا دي المادة الحاكمة للبلد تمشي ازاي الحاجة التانية المواد الخاصة بطريقة حل البرلمان يجب ان ننص انه في حال قيام رئيس الجمهورية او رئيس الحكومة بطلب حل البرلمان ان يتم ذلك عن طريق استفتاء شعبي وفي حالة عدم الحصول على الموافقة في الاستفتاء يستقيل رئيس الجمهورية حتى لا يكون هناك ورقة في ايد السلطة التنفيذية انها تعطل الصفة التشريعية بدون رادع لها وهذا معلوم في الستينات سنة 68 شارل لديجول قال في فرنسا انا عندي حزب التعديلات الدستورية والقوانين لو الشعب مش هيوافق عليها بنسبة 60% انا هستقيل فاخد 55 % يعني موافقة واستقال
احمد بصيلة:اكيد حضرتك عارف الانتقادات اللي بتوجه لحزب الحرية والعدالة ومجلس الشعب والتاسيسية في محاولة الهيمنة ومحاولة فرض الراي وخلافه من هذه النقاط كيف تتعاملون مع الاراء المختلفة قد تكون صحيحة قد تكون فيها مصلحة اكثر للوطن كيف تتعاملون مع هذه الاراء المختلفة
صبري عامر:والله الخلاف والراي الاخر دا مفيهوش اي مشكلة لكن غياب الحقيقة عن المشهد دا مصيبة كبيرة يعني احنا في مجلس الشعب في بداية مجلس الشعب 2012 اول ازمة جت والناس محستش بها تسمية الرئيس والوكيل الحرية والعدالة وهي اكثر الاحزاب فوزا بالمقاعد مع حزب النور دول اغلبية مطلقة وقالوا الية كويسة جدا خلوا الرئيس من اعلى الاحزاب والوكيل من الفئات يبقى الحزب اللي وراه والوكيل من اعمال من الحزب اللي وراه دخلنا في مشكلة وانا الحقيقة نفسي يا استاذ احمد اوضح المشكلة دي للناس دخلنا في مشكلة اللجان من قبل ما نبدا تشكيل اللجان ورئيس اللجنة ووكيل اللجنة ووكيليه بدانا بمشكلة كبيرة جدا ان حزب الحرية والعدالة عايز يسيطر انت عارف حزب الحرية والعدالة عمل ايه والكلام اللي انا بقوله دا مش كلام مرسل دا كلام انا اشتركت في تنفيذه قال احنا عندنا 19 لجنة كل لجنة فيها رئيس و2 وكلا وامين سر هندي الرئيس 6 نقاط والوكيل 4 نقاط وامين السر 3 نقاط يبقى هيئة المكتب في كل لجنة في 19 لجنة تتوزع على كل الموجودين في مجلس الشعب هذه المبادئ والحوارات حصل فيها مشكلة والمشكلة انك مانتش قادر ان قوى قالت تعالى معايا شاركني .. ننتقل الى التاسيسية .. التاسيسية لما جت تتشكل كانت طبقا لانتخاب مجلس الشعب واعضاء مجلس الشعب والشورى في الاول تم الانتخاب وفيه خطا حصل انه لا داعي اطلاقا ان يكون الدكتور الكتاتني هو رئيس الجمعية واحنا من وجهة نظرنا ان دي مكانش لها لازمة رئيس مجلس الشعب دا راجل له مهامات كبيرة جدا والدستورية عايزة شغل كبير جدا يمكن كان فيه اسباب لترشيحه لكن لما القضاء حكم بحل الجمعية لم يستانف حزب الحرية والعدالة .. العتاب الشديد بقى بعد تشكيل الجمعية للمرة التانية وتلافي الملاحظات من وجهة نظرنا الاولانية ان الرد اللي موجود مستمر على الجمعية وانا كنت بقول الاحزاب الشرعية اللي موجودة في الشارع اللي مش مشتركة في الجمعية المائة قالوا احنا عايزين نعمل جمعية من 200 واحد مش من 100 هذه الجمعية معاونة للجمعية الاولى وهذا الفكر وهذا العمل هنقدمه للجمعية الاولى بصفة معاونة لانه احناعبارة عن فكر جماعي زي ما انتوا قاعدين لو هذا الفكر طلع من الكوادر دي احنا عندنا كوادر كتير في مصر والجمعية الاولى خدتها هتفتكر ان النقاش كان هيبقى زي دلوقت مستحيل كان هيبقى فيه اتفاق على نقاط كثيرة واختلاف على بعض النقاط لكن دلوقت الاتهامات والاختلافات على موضوع مطلق حقوق المراة مهملة كلام مرسل اكلام اللي بيقول عليه الاستاذ محمد كلام جميل جدا وقابل للنقاش ان رئيس الوزراء يتسمى ازاي ايه المشكلة انه يتسمى ازاي وانا لا اظن ان الاليات اللي محطوطة دي انه هنقدر نختلف على تسمية رئيس الوزراء لحد ما البرلمان يتحل ولكن ايه المانع ان احنا نتناقش في وجهة النظرالاخرى هي المشكلة كيف يكون الحوار للمناقشة عشان نوصل الى نقطة اتفاق وبعدين فيه نقطة خطيرة جدا ومهمة جدا جدا جدا انا وانا بقول لحضرتك تعالى نتوافق مش شرط انك تقولي عمرك ماهتشتغل الا بعد التوافق لانه التوافق له اصول هذا التوافق حضرتك ليك وجهة نظر وانا ليا وجهة نظر واكيد وجهة النظر دي ليها ايجابيات وسلبيات وانا وجهة النزظر ليها ايجابيات وسلبيات اذا شعرت انا بحس وطني ان وجهة نظرك ايجابية لازم اتوافق معاها لكن انا واقف مكاني اللي عايز يتوافق يجيني ايا كانت وجهة نظري طبعا مش هيحصل توافق انا بعتبر ان الجمعية التاسيسية المشكلة الان بكل طوائفها اجتهدت واشتغلت ولجان وسمعت راي الناس على مختلف المحافظات وعلمت به وبعدين قالت ان الموضوع مفتوح للي عاوز يشارك انا عاوز اقول ان كثير من الوطنيين المخلصين يحاول ان يتقدم خطوة ولا يفرض ان هما اللي يتقدموا .. ما يتقدم خطوة يقدم عنده استعداد انه يسمع وجهة نظر اخرى لانه فيه نقطة مهمة هو لا حضر مناقشات ولا حضر حيثيات .. التوصية بتكله ازاي..؟ بناء على حيثيات ووجهة نظر للجنة
احمد بصيلة:بس اللي يتابع اللجنة بيلاقي فيه خلافات داحل اللجنة نفسها
صبري عامر:مفيش مشكلة ماهي دي ظاهرة صحية احنا عاوزين نقول نه اذا كان فيه وجهات نظرداخل اللجنة لا بد ان تغلب وجهة النظر عن الاخرى فيه فكرة بتقولك اوعى تجيب سيرة العدد لانه فيه فكرة ان العدد مترتب بطريقة ما الجمعية التاسيسية لا انا عايز الغي الفكرة دي اطلاقا الحقيقة لانه انا من وجهة نظري انها مش موجودة .. يا استاذ احمد احنا اتعاملنا في مجلس الشعب من 2005 الى 2010 والدستور موجود صحيح ان الحاكم كان حاكم شغال بمزاجه لكن انا بقول الدستور هوالاطار الحاكم في كل القوانين لكن اللي اهم منه هو الارادة ارادة الشعب الى اي اتجاه الارادة اذا تحققت الى الخير واحترام القانون واحترام كرامة الانسان والعدالة والمساواة هتتحقق الدستور هو الحامي من ورا هذه الاشياء عشان لما حد يخترق هذا النظام يبقى فيه مرجعية للقانون والدستور انا عايز الخص كلامي ان احنا الان هناك فرصة كبيرة جدا انه يتم الاستماع الى وجهات النظر الحيادية ان انا اسمع لوجهة نظر حضرتك واقتنع تماما اذا كانت الايجابيات عندك اكثر انا اللي اجيلك واوافقك لانه في النهاية دي مصلحة وطن ليست مصلحة شخص ولا جماعة ولا حزب اذا كان الدستور كامل ووافي لانه يحقق العدالة هنستفاد منه كلنا واذا كان عكس ذلك هننضر فيه كلنا
احمد بصيلة: استاذ محمد هل هناك اتهام للقوى المدنية ان كانت الموجودة في الجمعية التاسيسية او القوى الممثلة في هذه الجمعية انها بتحاول افشال هذه الجمعية وافشال الدستور ايا كان يعني هل هناك اي مبرر لهذا الاتهام
أ.محمد نعيم :فيه حوار وطني فيه كل الاطراف عشان خاطر الجمعية التاسيسية تنتهي يوم عملها في 12 ديسمبر انا بدعو لهذا الحوار وهناك قوة وبالمناسبة نحن انسحبنا من تشكيل الجمعية التاسيسية وانسحبنا لانها بتشكل من اغلبية واقلية وغالبية التصويت فيها بيبقى ب75% عشان دا دستور هيطلع عشان يبقى فيه اعلى درجات التوافق اوكي احنا دلوقت عندنا يوم 12 ديسمبر هتنتهي اعمال الجمعية يجب ان تكون مسودة اللي هتتطرح للاستفتاء قبل ما يتقدم ليها رئيس الجمهورية عشان يطرحها للاستفتاء يبقى فيه حل توافق احنا دلوقت بنتكلم على واقع مش على امنيات معظم الاحزاب طلعت لستة من الملاحظات بعضها عندها 10 ملاحظات بعضها عندها 20 ملاحظة بعضها عندها 3 او 4 ملاحظات ولكنها ملاحظات منهجية نري حزب النور مثلا
احمد بصيلة:هل يمكن حوار في ظل انكم انت رافضين اصلا تشكيل الجمعية
أ.محمد نعيم :ماهو عشان كده احنا بندعو رئيس الجمهورية الى حل هذا الاشكال انا بتكلم على بوادر ازمة قد تكلم بامانة شديدة جدا اذا انتهى عمل التاسيسية ومسودة الدستور وعشان الاستقرار على فكرة مش عشان حاجة وانا بقول ان الدستور زي المحطة النووية يا يتعمل صح يا ما يتعملش
احمد بصيلة:هل تشعرون بازمة كبيرة في حزب الحرية والعدالة هل تتوقعون ان هذا الدستور ممكن ان يخرج للنور بهذا الشكل
صبري عامر:والله انا بعتب على كل اخوانا اللي انسحبوا من الجمعية التاسيسية لانه يفضل تماما انك تستمر جوه الميدان تتحاور وخاصة احنا الحمد لله كل الكوادر الموجودة في كل الاحزاب على درجة عالية من الثقافة فانت انك تستمر جوه الجمعية وتتحاور وتقول رايك وتسمع حيثياتك وتؤثربرايك وانت في الداخل اكتر من انك تبقى في الخارج انا شايف انه الحقيقة ما يبقاش فيه ازمة خالص من وجهة نظري واذا كان الاستاذ محمد بيدعو الى حوار تحت رعاية رئيس الجمهورية انا اقول ان الحوار يجب ان يكون مباشرة مع الجمعية التاسيسية انا اولا اسمع ان حزب النور قال ان الدستور مش نافع
احمد بصيلة:هو لافت للنظر انه فيه اعتراض من السلفيين واطراف من القوى المدنية طيب مين اللي راضي بقى
صبري عامر:ماهما لو يتركونا فرصة للشعب ومحدش يقولي ان الشعب دا واعي جدا لانه الشعب دا عايز يستقر وينتهي الموضوع ومجلس الشعب يرجع تاني ويبقى فيه دستور وعايز يحس بالاستقرار لكن هو في النهاية يعلم تماما المسار ماشي في اي اتجاه انا عايز ما ننساش ان الشعب دا هو اللي هيتم استفتاؤه على هذا الدستور فانا مش عاوز لما حزب الحرية والعدالة يتكلم كانه يتكلم باسم الشعب او حزب النور يتكلم كانه يتكلم باسم الشعب او جزب اخر يتكلم باسم الشعب ياجماعة حتى لو فيه نقطة اختلاف تم التوافق عليها بنسبة الشعب من حقه يقول اه او لا .. والشعب لما يقرر بيقرر لصالح الوطن انا عايز انا وجهة نظري ان كل من يريد الاصلاح في ذلك الوقت لانه الوطن في ازمة في كل الاتجاهات اقتصادية وغير اقتصادية وانا لا يمكن ان اكون بتعامل مع واحد معافى بنسبة 100% زي ما اكون بتعامل مع واحد مريض بنسبة 80% احنا دلوقت بنتعامل على انه الجدولة مستقرة وانه مفيش اي مشاكل انا مش معترض على ان الدستور هوالاساس وكل حاجة بس نتوافق ياخوانا بنسب وبعدين اي بداية الاول استقرار الوطن هيؤدي الى نتايج ايجابية كبيرة جدا عن انك ما توافقتش وطلعت الدستور فالحقيقة انا بضم صوتي لاستاذ محمد بس مش شرط تحت رعاية رئيس الجمهورية الحقيقة احنا كلنا مع بعض في احزاب وانا اظن ان الدكتور الكتاتني رئيس حزب الحرية والعدالة دعا دعوة الى التوافق مش شرط يكون من الحرية والعدالة ممكن من اي حد ونقعد كرؤساء احزاب وممثلي احزاب احنا نقعد ونرى ان نقاط الاختلاف متمثلة في 1 2 3 الايجابيات شكلها كذا والسلبيات شكلها كذا ونطرح على الجمعية التاسيسية تصوراتنا ايه وربنا يوفق والمسودة تروح رئاسة الجمهورية انا شايف انه ممكن ما يبقاش فيه ازمة
احمد بصيلة:هل في التوقيت المتبقي ممكن يحصل كل الحاجات دي والاراء المختلفة من الاحزاب المدنية واللي ليها اراء كثيرة القضاة لهم ملاحظات والمعلمين لهم ملاحظات والعمال والفلاحين لهم ملاحظات هناك طوائف كثيرة هل يمكن في الشهر وكان يوم يتم تدارك هذه النقاط ويحصل هذا التوافق مبدايا هناك دعوة للقاء كل الاحزاب التي رفضت المسودة لكي تعد مسودة موحدة لموقفها
صبري عامر:هي رفضت المسودة ولا جزء منها
أ.محمد نعيم :فيه بعض لاطراف رفضت 15 مادة فيه مختلفة على 10
احمد بصيلة:واضح ان الخلاف على 10% هي النقاط الاهم
أ.محمد نعيم :لا اكتر من 10% بصراحة فالاحزاب دي هتجتمع ومازال رايي في ضوء الخبرة السابقة انه اذا لم تستطيع مؤسسة الرياسة برئاسة رئيس الجمهورية وبحضور اخرين لانه فيه حاجة تانية اذا الاحزاب مالقتش تطور نوعي في الية الحوار ويبقى على اعلى مستوى جمهور هذه الاحزاب لن يثق فيها لانه ناس على فكرة قالت مقترحات
احمد بصيلة:بس هو يفترض ان رئيس الجمهورية مالوش سلطة على الجمعية التاسيسية
أ.محمد نعيم :اذن هو عليه ان يتحمل هذه المسئولية هو الجهة الوحيدة المنتخبة في البلد انا لم اكن اتمنى ان مجلس الشعب يتحل بحكم قضائي لكن دا اللي حصل المناطق الشرعية دلوقت وهذه مسئولية كبيرة بصرف النظر مين الرئيس اللي موجود بس هو فعلا هذا هو الوضع لانه رئيس الجمهورية هو من سيطر بموجب الاعلان الدستوري المسودة للاستفتاء مرة اخرى اذا طرحت هذه المسودة واتقدمت للجمعية التاسيسية قبل ماتخلص شغلها وقبل 12 ديسمبر وقالت اتفضل ياريس المسودة وماحصلش توافق عليها سوف تكون مؤسسة الرئاسة في ازمة موضوعيا وانا اتحدث من منطلق المسئولية الوطنية فعلا يجب ان يبدا هذا الحوار فيه خطط اتاخدت في ان الرئيس قابل حمدين صباحي او انه قابل دكتور عبد المنعم ابو الفتوح وقابل عدد من قوات الاحزاب نود ان يكون هذا اللقاء مجمعا وفيه كل الملاحظات وانه يبقى فيه الية جولة واتنين وتلاتة ونحن ناسف ان الوقت اتاخر للوقت دا ولكن بامانة وما يزعلش مني الباشمهندس هذا مافعله الاغلبية كان يمكن ان يحدث التوافق هذا مبكرا وحاجة تانية لما يكن نظام الحكم ان يظهر للنور لو لم تكن الا من 3 اسابيع وهذا شئ في منتهى الخطورة ما ينفعش نظام حكم دولة بيطلع للراي العام عشان يتناقش عشان يستفت عليه بعد شهر ونص وعايز اذكر بحجة في 2007 ايام الرئيس المخلوع قام بتعديل 26 مادة اول عن اخر واشتغل فيهم 10 شهور وكان بيعملوا التعديلات جي على مقاس معين .. ايه اللي حصل ان كل التعديلات دي وكل الاطراف وهو ما بقتش طرف في اللعبة خرجوا بعد الثورة وبقى فيه دستور جديدة مرة اخرى الدستور وثيقة فوق القوانين هي اشبه فعلا بالمحطة النووية انا ما ينفعش اعمل محطة نووية غلط هتفرقع في وشي نفس لموضوع
احمد بصيلة:ايهم اهم لحزب الحرية والعدالة التوافق مع القوى السياسية ام التوافق مع الشارع
صبري عامر:مع الاتنين
احمد بصيلة:ماهو بيوجه للقوى المدنية والاحزاب انها لم تحقق نسبة مشاركة انا بتكلم كانتخابات مجالس الشعب كاحزاب مش كافراد
أ.محمد نعيم :هو مصر فيها المجال السياسي بيتشكل في الاستفتاء الاولاني ليس كل من قال نعم لم يكن بالضرورة ان يقول لهم للتيار الاسلامي وليس كل من يقول لا كان يقولها لصالح القوى المدنية وفي الانتخابات البرلمانية نفس الشئ التيار الاسلامي مجتمعا حصل على ما يقارب 69% ولكن الاخوان المسلمين كانوا نازلين بقايمة التحالف الديموقراطي والخريطة دي اتغيرت في انتخابات الرياسة وبالتالي اذا كان الحديث عن ان القوى الديموقراطية او الفيدرالية او الاشتراكية هي بالضرورة اقلية انا في رايي اخر اختبار رئاسي قال ان واحد زي عمرو موسى ولا يمكن حسابه على التيار الاسلامي حصل على 11% والسيد حمدين الصباحي حصل على 23% والدكتور عبد المنعم ابو الفتوح حصل على 25% والسيد احمد شفيق حصل على حاجة وعشرين في المية وبالتالي لحظة انتخابات الرياسة اثبتت ان مصر الطيف السياسي فيها شديد التنوع جدا دا اخر اختبار وعلى اساس هذا الاختبار الدكتور محمد مرسي دعا الدكتور عبدالمنعم ابو الفتوح مفيش حاجة اسمها ان قوى هتاخد طول الوقت اغلبية وقوى هتاخد طول الوقت اقلية
احمد بصيلة:الا تستطيعوا يا باشمهندس ان توافقوا بين طلبات القوى والمدنية وطلبات القوى الاسلامية والذي يفترض ان هو حزب الاغلبية او حزب الاكثرية
صبري عامر:الحقيقة انا ليا وجهة نظر شخصية انا بتاذى جدا من تقسيم القوى في نصر
احمد بصيلة:مين اللي اتطلق هذه المسميات
صبري عامر:والله ما انا عارف انا عاوزة اقولك فيه نقطة مهمة جدا يعني ايا حزب ايا كانت المرجعية بتاعته بيفكر في اي هدف لصالح الوطن هتلاقيه مع معظم الناس الشرفاء اللي هما عايزين مصلحة البلد دي وانا بقول مرجعيتي اسلامية والشريعة الاسلامية وكلام واضح جدا لكن تعالى مع اي حزب وقول انت عايز ايه عاوز العدل ماهو موجود في الشريعة الاسلامية والمساواة والكرامة وكل هذا الكلام احنا ياريت ننسى المسميات وندخل في الجوهر والجوهر بيقول ان الشارع المصري شارع ذكي جدا وهو متابع الاحداث وبيشوف مين اللي بيسعى لفعل حقيقي وجاد لمصلحة الوطن ومصلحة الشارع والشارع لا ينسى تجاوز حزب تجاه التاس الشارع مازال 50% او 60% منهم وضعهم الاقتصادي سيئ جدا وعاوز يشعر بقى هو بيقول انا مش هاكل دستور ارحمونا بقى انا عايز اكل رغيف عيش وعاوز ابقى آمن في بيتي وعاوز لما اكون موظف اخد مرتب يتناسب مع الناس التانية احنا عايزين نعيش في امان بقى كفاية فلذلك هو بيخلي باله من المشهد كويس جدا مين اللي بيتسبب في الخطوات الايجابية ومين اللي بيتسبب في الخطوات السلبية ولايمكن يبقى فيه نتيجة انتخابات الا وهي مبنية على المشهد اللي احنا بنعمله كاحزاب سياسية فانا بقول كحزب حرية وعدالة او اي حزب يجب ان هو يعرف ان هو ما يتحركش بمزاجه اذا كانت هناك نتائج سابقة او في انتهخابات سابقة سلبا او ايجابا فليحذر من حكم الشارع واحنا بنحاول نتوافق واحنا بنحاول نعمل لمصلحجة الدستور والوطن ونخلي بالنا انه فيه حكم واقف حتى لو كان هذا الحكم راجل فلاح عادي او راجل فقر او غلبان جدا هو واخد باله كويس جدا وخلي بالك النقطة اللي ما بيفهمهاش من ابنه او من اخوه وفي الاخر هو مستني عشان يحكم اما ان يوافق على الدستور في الاستفتاء واما ييجي ضد حزب او مع حزب لانه كان سببايجابي او سلبي فالحقيقة احنا على محك مهم جدا مش محك ان انا اقول مين اللي غلطان ومين اللي مش غلطان انا وجهة نظري ان اللي انسحب من الجمعية التاسيسية بعتب عليهم ووجهة النظر الاخرى عكس كده فيه بقى حكم نهائي الحكم النهائي دا لو احنا خدنا بالنا منه ولو احنا هنرجع له يعني لو اعيدت انتخابات الرئاسة الان بنفس الشخاص هتلاقي فيه معايير مختلفة تماما عن اللي خد ممكن ياخد تحت واللي خد تحت ممكن ياخد فوق نتيجة اللي حصل في يوم الانتخابات لغاية دلوقت
احمد بصيلة:استاذ محمد هناك اقتراح بعمل دستور مؤقت لمدة 5 سنين او 10 سنين
رايكم ايه في هذا الاقتراح
أ.محمد نعيم :مادام هناك الية لتعديل الدستور لا مشكلة انا رايي الشخصي ماخدناش راي نهائي في الدستور المؤقت لكن خبرة مصر في الدساتير المؤقتة مكانتش كويسة سنة 56 تم عمل دستور مؤقت وكان دستور سلطوي واستبدادي وتم عمل صلاحيات شبه مطلقة لرئيس الجمهورية ولكن ممكن نسمي الدستور للي احنا بنعهمله دا دستور مؤقت الفكة لانه فيه بلدان كثيرة حتى عمل الجمعية التاسيسية المنتخبة مباشرة من الشارع والجمعية بتقعد لها بال3 او الاربع سنين بتشتغل وبعد مخلوا وطرحت المواد للاستفتاء واخدت اغلبية كبيرة تم تعديل كبير جدا عليها يعني الفكرة ان احنا عشنا في فترة كانت الدساتير فيها جامدة جدا احنا ممكن نعمل دستور من قابل للتعديل ولكن اللي هيحسم اي حاجة هو خيار الحوار الوطني المباشر
احمد بصيلة:بنشكركم وان شاء الله ولو حضرتك عايز تعلق في كلمة سريعة على الدستور المؤقت
صبري عامر:هي في كلمة سريعة الحقيقة الاستاذ محمد قال الحل مادام فيه الية للتعديل انا بقول الالية دي مش ان انا اعمل بيها دستور مؤقت اللي هي تشجعني على التوافق بنسبة كبيرة في ماهو موجود مادام فيه الية للتعديل بعد كده لانه انت ممكن ترجعني للمربع ناقص عشرة فانا ارجو انه مادام فيه الية تساعدنا على التوافق
احمد بصيلة:اشكرك مهندس صبري عامر عضو مجلس الشعب لعام 2012 من حزب الحرية والعدالة شكرا جزيلا لحضرتك والاستاذ محمد نعيم عضو المكتب التنفيذي لحزب المصري الديموقراطي الاجتماعي شكرا جزيلا لك وشكرا اعزائي المشاهدين وغدا لقاء جديد واتجاهات