المجتمع ومرشحو الرئاسة

12 يونيو
اعدته للنشر: نهى حمودة
نادر دياب:اهلا وسهلا بكم في حلقة جديدة من المجتمع والاحزاب.. ان تتعلم القوىوالاحزاب السياسية انه يمكنها التفاوض ثم التوافق حتى تحقيق المراد منه مشاهدينا لتحليل المشهد السياسي معنا اليوم المهندس معتز محمد محمود عضو مجلس الشعب ونائب رئيس حزب الحرية والعدالة باشمهندس معتز اهلا بحضرتك بداية اذا انسحب حزب الحرية من الجمعية التاسيسية
أ.معتز محمد محمود: اولا احب اني اقول حاجتين انه عندنا 24 حزب الحقيقة ان احنا بنامل انه يحصل نوع من انواع التوافق على اللجنة التاسيسية والمجلس الاعلى بيحاول عشان يحصل هذا التوافق احنا اللجنة الفرعية احنا اجتمعنا بحضور المجلس الاعلى وكل ما يصل اتفاق يتم من حزب الاغلبية تغيير هذا الاتفاق
نادر دياب: ايه الاسباب
أ.معتز محمد محمود: والله هو الفكر نفسه هو حضرتك لازم نفهم ان الدستور دا دستور لكل المصريين مش دستور القوى السياسية للاسف الشديد ان حزب الاغلبية متصور انه الدستور دا بما انه فاز بالاغلبية في مجلس الشعب يبقى هو لازم يعمل الدستور طبقا لرؤيته السياسية
نادر دياب: من المعروف ان الاغلبيية لا تضع الدساتير ومعروف ان اللي تضعه الاقلية
أ.معتز محمد محمود: طبعا حتى الاغلبية هي اغلبية مؤقتة انا مادام دخلت في مجال الديموقراطية يبقى انا اغلبية لفترة وممكن ابقى اقلية لكن بنقول ان الاغلبية او التيارالاسلامي حصل على 18 مليون صوت في انتخابات مجلس الشعب في حين انه في انتخابات الرياسة حصل على نص الاصوات فمعنى كده ان الاغلبية متغيرة فالمشكلة انه عاوز يسيطر على اللجنة الدستورية هو يقولك ايه احنا معندناش خلاف في الدستور ان احنا كل القوى السياسية متوافقة على المواد الاساسية في الدستور هي المشكلة ايه..؟ ان التيارات المدنية ضد ان احنا نعمل افغانستان جديدة
نادر دياب: احنا معندناش رفاهية الوقت
أ.معتز محمد محمود: يعني الحالات المناظرة اللي تم فيها تعديل الدستور عندك الصومال وعندك افغانستان وعندك باكستان طب هل دي نماذج نتمنى ان مصر تبقى زيها فهي دي المشكلة هو بيقول انه طبقا للكلام انه احنا مش مختلفين على اي حاجة
نادر دياب: وليه ما تكونش التيارت السياسية تقصد عدم التوافق وتعطيل الدستور
أ.معتز محمد محمود: ايه مصلحتي كحزب ان انا اعطل الدستور حضرتك اللي يعطل الدستور لازم يبقى ليه هدف سياسي .. انت دلوقت حزب الاغلبية مرشح رياسة الجمهمورية فتعطيل الدستور احنا بنقول انه لو نظرية المؤامرة موجودة ما يبقاش احنا يبقى هما ليه ..؟ عشان يستنى انتخابات الرياسة وبناء عليه يحط اذا كان نظام رئاسي ولا برلماني فاذا كان هو بيتهمنا ان احنا بنعطل الدستور فاحنا مالناش مصلحة ولو فرضنا نظرية المؤامرة دي انا ما بقولش ان فيه مؤامرة لو فرضنا يبقى مش علينا يبقى عليه هو لان له مصلحة انه ماياخدش القرار دلوقت الا بعد انتخابات الرياسة
نادر دياب: في حالة اكتمال الجمعية التاسيسية والدستور هل تعتقدى انه سيعبر عن كل طوائف الشعب
أ.معتز محمد محمود: حضرتك حزب الحرية والعدالة هيبقى الاغلبية الحاكمة في صناعة الدستور والشعب سيقف اذا تم التلاعب بالدستور المصري لانه مش نهاية المطاف اني اعمل لجنة حضرتك فيه لجنة وبعدين استفتاء ولازم الشعب في حالة اللجنة دي يفهم انه محصلش توافق باستبعاد كل القوى السياسية الموجودة وكل الاحزاب واحنا عندنا 24 حزب
نادر دياب: وحزب الوفد كان عامل مظلة للمباحثات
أ.معتز محمد محمود: وحزب الكرامة والحزب الناصري اللي انا بقوله اني عندي بعض الاحزاب دي فيه عندي 14 حزب بعد ماضفنا عليهم المصري الديموقراطي حاصلين على 8 مليون من الاصوات
نادر دياب: تقسيمة الاحزاب هتبقى ازاي
أ.معتز محمد محمود: والله احنا مش عايزين نتهم زي ما هما بيتهمنا ان احنا بنعرقل عمل الدستور احنا هنعمل استفتاء للشعب هنوضح له الرؤية والله ان الدستور دا يعبر عن وجهة نظر احزاب الاغلبية المسيطرة على البلد والشعب ليه مطلق الحرية انه يقول اه او لا
نادر دياب: من وجهة نظرك ياباشمهندس ايه نوعية المواد اللي ممكن يكون عليها اختلاف عل ند كتابة الدستور وحضرتك متوقع له فترة زمنية قد ايه
أ.معتز محمد محمود: بالنسبة للمادة 2 احنا كلنا متفقين على تطبيق الشريعة الاسلامية وان مصر دولة اسلامية كان ترجمة لاسلام انا مسلم وبفهم ديني وبصوم وبصلي الحمد لله احنا كلنا مسلمين ونرفض بشدة الزج بين الدين والسياسة انا ممكن اكون راجل متدين وراجل على خلق وامارس سياسة بعيد عن عملي الديني وبين اني استغل الدين كعباءة لاهداف سياسية دا ضد المنطق هو دا الخلاف الرئيس تاني حاجة السياحة ودي قضية هامة جدا ايضا البنوك بيقولك البنوك شغالة بالربا في حين انت لما تيجي تتناقش معاه ايه الفرق بين اللي هتعمله دلوقت وبين ماهو موجود يقولك انت هتشتري عربية بالقسط انت هتدفع فايدة للبنك لو انت بتدفع بنك يبقى 86 وبتدفع فوايد 24 يقولك لا عشان ما تبقاش ربا انا هبيعلك العربية دي ب100 الف طيب ماهي هي
نادر دياب: بيسموها المرابحة الاسلامية
أ.معتز محمد محمود: هي اني هستغل الدين لاهداف سياسية هو دا الخلاف الرئيسي فاحنا عندنا 3 محاور رئيسية المادة 2 وموقف السياحة هيبقى عامل ازاي وموقف البنوك هيكون ازاي
نادر دياب: انتوا ماطرحتوش الاسئلة دي لحزب الحرية والعدالة
أ.معتز محمد محمود: هو ماشي بسياسة اسمها الاقصاء .. المفروض حضرتك مين اللي يعمل التوافق لم تحس ان حزب الاغلبية ماشي بسياسة عنصرية وهي سياسة الاقصاء وعاوز يستحوذ على كل حاجة احنا في الاجتماع بتاع المجلس العسكري كان المفروض في الاجتماع دا انهم المفروض يجوا يدزنا موافقتهم على اللي اتفقنا عليه فوجئنا في الاجتماع انه لا نبتدي من اول السطر قلنا ماشي واتفقنا على 50% و50% واتفقنا انالاحجزاب ممثلة يعني الحزب عندي ممثل ب8 مقاعد 5 شعب و3 شورى فوجئنا بيقولك الشورى مش هتنفع طب ليه..؟ عشان الشورى مش داخلة في الجمعية التاسيسية فاتفقنا ان كل الاحزاب اللي ليها 5 مقاعد او 6 مقاعد الاحزاب الصغيرة اللي اقل منها انه يلتف حزبين تلاتة يتجمعوا ويمثلوا بواحد واتفقنا على كده فوجئنا ان الكلام دا كله ما اتعملش قلنا مش مهم .. مش مهم ان احنا نمثل المهم ان احنا تنوصل للهدف اللي الشعب انتخبنا من اجله الحفاظ على هوية مصر وهي الوسطية قلنا خلاص فوجئنا بقى حضرتك في ال50%ى وال50% انت تعلم حضرتك ان هما مسيطرين على النقابات المهنية فهو مسيطر على ال50% اللي تبعه وعايز يدخل ال50% اللي تبعه برضه من القوى المدنية زائد انه عاوز يحسب حزب الوسط على القوى المدنية والمعروف ان حزب الوسط مستنير لكن هو حزب اساسا منشق عن الاخوان المسلمين
نادر دياب: بعد حكم المحكمة الدستورية العليا بقانون العزل السياسي والطعن على مجلس الشعب كيف ترى المشهد السياسي في المرحلة القادمة
أ.معتز محمد محمود: القانون الدستوري معناه ان انا احترم احكام القضاء لكن حصل بعض التجاوزات انه فيه بعض الزملاء هاجموا يعني الحقيقة احنا في المجلس ما سبناش حد اللي وهاجمناه سواء على حق اوعلى باطل مع ن احنا دورنا في المجلس دور تشريعي يعني انا المفروض احافظ على المؤسسات دي مش اهدها .. المفروض حضرتك قانون العزل لما طلع قانون العزل المفروض السادة المشاهدين يفهموا ايه سببه احنا قعدنا في المجلس 3ا شهر مش معنى قانون العزل انه مطلعش الا غيرلما عمر سليمان اترشح دي نمرة واحد .. نمرة اتنين انا عندي قوانين مقدمها بقالي 3 اشهر لسه ما اتفقتش عليها اللجنة زي قانون التظاهر السلمي القانون بتاع الجهاز المركزي للمحاسبات ما اتقدمش السيد النائب المحترم عصام سلطان قدم الصبح .. بعد الضهر كان طلع والادهى من كده انا جاي المفروض في مجلس منتخب على الاعلان الدستوري وان انا اقسمت على احترام الدستور وحضرتك شفت القسم كون بقى ان القانون مخالف للدستور وفصل قانون وفي ظرف 24 ساعة لاستخدامه في اهداف سياسية يبقى انا حدت عن المبادئ بتاعتي طب احنا كنا فين من 3 اشهر
نادر دياب: علامة استفهام كيرة طبعا
أ.معتز محمد محمود: لما انا طلعت قانون العزل ليه طلعته على نائب رئيس الجمهورية وطلعته على رئيس الوزراء هل هما اللي كانوا ماشيين وبقية الوزراء زي الفل انا اللي اعرفه حضرتك انه تطلع العزل على الكل كون ان انا افصل على اتنين وعايز اطبق القانون اثر رجعي وانا اعلم انه غير دستوري .. دلوقت فيه قانون اسمه الغدر السياسي .. القانون دا طالما انا قلت ان السيد الفلاني افسد في الحياة السياسية او عنده مشاكل بلجا الى النيابة وبرفع القضية لكن ما ينفعش اقول ااستاذ نادر عليه قانون العزل وما ينفعش يخش
نادر دياب: اذا تركنا الحكم للشعب والصندوق
أ.معتز محمد محمود: تاني حاجة اني بطلع قانون وعارف انه غير دستوري وعايز اطبقه يعني لما طلعت قانون لجنة الانتخابات عملت مواصفات معينة لقبول المرشحين انا اطلع قانون غير دستوري بدون حكم قضائي وافصله على شخصية معينة يعني حضرتك بنقول النظام البائد والكلام دا يطبق على الكل لكن اشمعنى رئيس الوزراء ونائب رئيس الجمهورية يبقى انا بفصل قوانين تاني حاجة عايز اعمله باثر رجعي تالت حاجة لا يحق لي دستوريا اني انا اعزل واحد سياسيا بدون تهمة فدا غير منطقي ولذلك لا يجب استغلال المجلس لتحقيق اهداف سياسية يبقى احنا قمنا بالثورة لازالة نظام عشان نرجعه تاني
نادر دياب: وبالنسبة للطعن على تلت اعضاء مجلس الشورى
أ.معتز محمد محمود: لو تفتكر حضرتك اول قانون طلع في مجلس الشعب واتفقنا عليه كان قانون ال50% للقوائم و50% للمستقلين في الحالة دي كان القانون هيبقى دستوري 100% والمجلس اعسكري وافق على كده التلت والتلتين والاحزاب كلها قالت لا.. عايزينها ايه..؟ قايمة كاملة قالت لا عايزين التلت وبناء على طلب ااحزاب السياسية نتم عمل التلت والتلاتين .. طيب قالك التلت دا يظل مستقل ما يدخلوش احزاب راحت الاحزاب قالت لا ما ينفعش فكده دخلنا في سكة عدم دستورية مين السبب فيها الاحزاب اللي طالبين هذا الكلام .. احنا لازم نحتكم الى حكم القضاء ايا كان
نادر دياب: الاحزاب السياسية بتطالب المجلس الاعلى للقوات المسلحة ان هويراجع الاخطاء في السنة ونص الاخيرة بعد قيام الثورة من حيث تلافي هذه الاخطاء او تعديلها من وجهة نظر هذه الاحزاب المختلفة
أ.معتز محمد محمود: اذا كان فيه اخطاء فهي اخطاء للكل لا نحملها لطرف على طرف اخر فاذا كان المجلس العسكري نحمله جزء البطء في اتخاذ القرارات وان هو بيمشي وراء القوى السياسية سواء صح او غلط هو في الحاجات دي نفذ كل الكلام اللي بتقول عليه القوى السياسية سواء صح او غلط يعني قولوا انتوا اتفقوا واللي تتفقوا عليه وفي الاخر تطلع القوى السياسية دي تزايد على المجلس العسكري دا حضرتك اللي بيحصل
نادر دياب: عايزهل انت مع الذين ينادون بابطال اصواتهم في الانتخابات الرئاسية او مقاطعة هذه الانتخابات
أ.معتز محمد محمود: احنا لابد ان نحترم رئيس شعب افرز اتنين منه وحرية الشعب ان تختار ما تشاء فيهم افرض حضرتك عايز تبطل صوتك انت حر عايز ما تروحش الانتخابات انت حر بس بعد ما تبطل صوتك او ما تروحش الانتخابات ما ترجعش ما تعجبكش النتيجة وتعترض عليها يعني انت عندك الحرية تعمل ما تشاء لكن في الاخر لازم كلنا نحترم النتيجة لكن مش بعد ما تبطل صوتك وقتقف على الحياد تقوم تقول النتيجة مش عاجباني
نادر دياب: متوقع اي تحالفات في اليومين اللي جايين
أ.معتز محمد محمود: لابد من قبول نتيجة الانتخابات ايا كانت ونكف عن انه نقول النتيجة مزورة لانه فيه اللي هينجح وفيه اللي هيسقط يعني غير منطقي بالمرة يعني ما ينفعش انجح حزب اغلبية ممثل للشعب من جهد الاشراف القضائي والاشراف القضائي دا هو اللي نجحني وهو اللي دخلني اعادة وازايد واقول ان انا لو مانجحتش الانتخابات مزورة هل هذا منطقي يعني انا بقوله اتق الله في مصر سواء الدكتور مرسي نجح او سيادة الفريق نجح لابد ان نتقبل النتيجة طالنا الانتخابات لم تزيف من الدلائل عندي ان انتخابات الشعب والشورى لم تزيف وانتخابات المرحلة الاولى لم تزيف وانتخابات المرحلة التانية
نادر دياب: ووسائل الاعلام والكل يتابع .. باشمهندس محمد محمود عضو مجلس الشعب نائب رئيس حزب الحرية والعدالة بشكر حضرتك يافندم على هذا اللقاء ودايما نشوف مصر في احسن حال
أ.معتز محمد محمود: شكرا استاذ نادر وان شاء الله نشوف الانتخابات عدت على خير وان احنا نهنئ الفائز ونحترم الارادةالشعبية ولا نشكك في قضاء ولا نشكك في نزاهة القضاء المصري
نادر دياب: شكرا لحضرتك وشكرا لكم سيداتي سادتي ونقابلكم في حلقة قادمة من الاحزاب والمجتمع شكرا لكم والى اللقاء