مساحة للرأى

سحر ناجي: نرحب بكل مشاهدينا اللي بيتابعونا ولقاء يتجدد مع موضوع النهاردة اللي بنطرحه للنقاش موضوع بنضعه امام الحكومة القادمة والرئاسة ويتعلق بالامن الغذائي في الارض الزراعية في الوادي والدلتا اللي بتاقش بشكل خطير في التعدي عليها كل يوم اما بالبناء او بالتجريف موضوع اليوم هنناقشه مع ضيفنا في الاستوديو الدكتور وليد فؤاد استاذ العلوم الزراعية وصاحب فكرة مشروع المليون فدان و5 مليون فرصة عمل.. الحقيقة قضية الامن الغذائي قضية امن قومي تزايد السكان المستمر لا يتوقف وفي نفس الوقت فيه رقعة زراعية بتنحسر يوم عن يوم الى اي مدى بتشوف ان هذا التناقص في الرقعة الزراعية يؤثر بطريقة سلبية بشعة على الامن الغذائي المصري في السنوات القادمة
د.وليد فؤاد: اولا التعدي على الارض الزراعية بقى شئ مفجع جدا والنهاردة عملية التبوير بقت مستمرة من غير احترام لسيادة القانون ولا احترام للدولة النهاردة الاراضي الزراعية تناقصت بشكل كبير يقال انها مليون فدان يعني 2.2 مليون فدان هل الارض الاساسية اللي ما تحتاجش لاسمدة كتير والاراضي دي هي اللي الشعب المصري عايش فيها من قديم الازل وهذه الطريقة البشعة من بنا وتجريف احنا بعد كده هنصاب في اقرب وقت ممكن بقى عندي طالع الزيادة السكانية ونزول في الرقعة الزراعية المشكلة كمان ان الدولة من 30 سنة فاتوا يعني احنا لما نرجع بالتاريخ كده هنجد ان الرئيس عبد الناصر ايام الملك كان عندنا حوالي 4 مليون فدان لما جه عملنا السد العالي ازدادت الرقعة وبقى عندنا 6 مليون فدان .. الرئيس عبد الناصر زود الرقعة من خلال السد العالي ولما جه الرئيس الراحل محمد انور السادات زود الرقعة ايضا 2 مليون فدان في المناطق الجديدة زي النوبارية فكان فيه دايما تخطيط للاستصلاح والاستزراع للاراضي الجديدة وبعدين قعدنا 30 سنة من تولي الرئيس حسني مبارك وبقينا بدل ما نزود فدان بنقلل 10 فدادين
سحر ناجي: وبالنسبة لمشروع توشكى
د.وليد فؤاد:مشروع توشكى مشروع كويس قوي لكن مفيش حاجة تمت فيه وتوقف
سحر ناجي: لازم نفك في الزيادة السكانية الرهيبة بنقول انها بتمتص اي انتاح انت بتعمله وبتمتص اي توسع في الاراضي الزراعية ممكن تكون الزيادة اللي ذكرتها من ايام عبد الناصر كانت كافية في وقتها لكن حصل برضه طفرة في السكا ن
د.وليد فؤاد:انا برضه ببص على الزيادة السكانية مش باعتبارها عبء ولكنها مورد من موارد مصر .. مصر ليها موارد طبيعية كتير جدا واهمها المورد البشري احنا محتاجين ادارة وطنية تحب البلد دي .. انا كنت دايما بضرب مثال انه لو واحد عنده بيت هيبنيه بامهر الصنايعية وهيبنيه بشكل يفوق الخيال لانه بيحب بيته فاحنا عايزين اللي بيحب مصر يكون بيحبها الحاجة التانية احنا عندنا تفكك رهيب ومفيش اتساق بين الوزارات ومفيش خطة يعني امريكا بتضع خطة ل100 سنة قدام وكل وزير بيجي قدامك لخطة اتنفذ منها كذا وباقي منها كذا احنا بنبدا كل واحد بدماغه زي ايام الفراعنة كل فرعون ييجي مش عاجبه اللي عمله الفرعون الي قبليه يروح يكسر الاثار بتاعته ويعمل اثار جديدة عشان عايز بس هو اللي يخلد في هذ الكون
سحر ناجي: بترى الحلول فين هل في تغليظ القوانين ولا فين بالظبط ..اوقات حتى مع تغليظ القوانن تظل الجرائم هي هي
د.وليد فؤاد:القوانين مش الحل والحل في التثقيف الشعبي كان زمان التليفزيون المصري في بداية التمانينات كان بيجيب برامج زراعية " ادي ضهرك للترعة " و" عايزين نحطم معلش" فاحنا فعلا عايزين نحطم معلش عايزين نحطم السلبيات اللي موجودة عندنا ويكون قلبنا على بلدنا يعني بيقولوا ماتقولش هندي اديتنا ايه مصر هنقول هندي ايه لمصر احنا لازم نحط شبابنا واولادنا ونحببهم في البلد وازاي افعل هذا الحب وافعله من خلال منظومة وخطة
سحر ناجي: بالنسبة لواقع الحال وانقاذ ما يمكن انقاذه
هل ترى ان غياب الامن كان سبب رئيسي في زيادة التعدي على الاراضي الزراعية هل ترى ان الدور السلبي للمحافظين
د.وليد فؤاد:الفترة اللي فاتت تعطلت كل الاشكال الحكومية وخاصة مؤسسة التعليم ومؤسسة الامن تعطلت بشكل رهيب لدرجة ان كل واحد يستبيح كل شئ عايز يبني على الارض يبني وعايز يبني عمارة 16 دور زي الكارثة اللي حصلت في اسكندرية فكله تخطى الخط الاحمر بغض النظر عن فيه قانون او مفيش قانون الحل العملي وانا بناشاد السيد الرئيس محمد مرسي والسادة مستشاريه ومعاونيه وكل الاحزاب السياسية وعلى راسهم حزب الحرية والعدالة وحزب الوفد وجميع الاحزاب السياسية وبقولهم ما ينفعش اخد الملف السياسي وما اتكلمش فيه بمعنى ان الطاقات والاستوديوهات وموارد بشرية وموارد مالية والملف السياسي هو بس اللي كل الناس تتكلم فيه النهاردة عندي مجداف اخر التنمية الاقتصاد عندي ملفات التعليم وملفات التثقيف انا لو بدت اشتغل بمجداف واحد بس هفضل الف حوالين نفسي ومش هخرج من المربع صفر
سحر ناجي: يعني مناقشة الملف الاقتصادي بالتوازي مع السياسة ويمكن الاقتصاد قبل السياسة لانه هو دا اللي هياكلنا
د.وليد فؤاد:من يوم 25 يناير لحد النهاردة رسايل وما اتقدمناش فترة في السياسة لو كنا بدانا في الملف الاقتصادي كان المجتمع التف حواليه على قلب رجل واحد تجمعه المنفعة النهاردة انا هكسبك فالنهاردة برضه ان كان فيه مؤامرة ضد الفلاح
سحر ناجي: ممكن ماتكونش مؤامرة ممكن يكون غياب الامن اصلا لان غياب الامن ادى الى توقف العمالة في مصر وادى الى قطع الطرق
د.وليد فؤاد:دي كلها عوامل مشتركة ولكن برضه هذا العامل هو انه لابد انه يكون عناك حماية للفلاح
سحر ناجي: هل رجال الاعمال السابقين ان هما يخسروا مشروعاتهم انتقاما من الشعب المصري
د.وليد فؤاد:مش بالمعنى دا الظبط ولكن هو قلقان والحاجة التانية انه لابد انه يكون علاقات سياسية والاخوان في الفترة اللي فاتت هي اللي قامت بالنواحي السياسية انه كان الاول عنده سطوة وعنده سيادة .. النهاردة ماعادش فيه سيادة الا لحاجة واحدة بس هي سيادة القانون ولذلك انا رحت وقدمت هذا المشروع الضخم لان هو د اللي هيخرجنا من المشاكل اللي احنا فيها
سحر ناجي: هنتكلم عنه باستفاضة بعد متابعة التقرير عن حالة الاراضي الزراعية في مصر
تقرير
كشفت التقارير الصادرة عن الادارة المركزية لحماية الاراضي التابعة لوزارة الزراعة ان اجمالي مساحات الاراضي الزراعية التي جرى التعدي عليها بالبناء قبل ثورة 25 يناير بلغ 102 الف و7777 فدان بيمنما جرى التعدي على 17 لاف و450 الف فدان من اجود الاراضي الزراعية ، تمثلل 400 الف و167 حالة تعد على الاراضي الزراعي منذ ثورة يناير وحتى الشهر الجاري
واشار التقرير الى ازالة نحو 96 الفا و849 حالة تعد فقط باجمالي 1635 فدان تم التعدي عليها بالبناء
واضاف التقرير ان اعلى التعديات جاءت في محافظة البحيرة بمساحة 2502 فدانا ثم جاءت بعدها محافظة الشرقية بتعديات بلغت 2198فدانا ثم محافظة الغريبية بمساحة 1926 فدانا ثم المنيا ب1142 فدانا بينما جاءت اقل المحافظات تعديا هي محافظة اسوان 14 فدانا فقط والسويس 10 افدنة
واشارت بعض التقارير الى ان مصر تخسر من الاراضي الزراعية بسبب التعديات على الاراضي الزراعية ما يقرب من 30 الف فدان واوضحت احصاءات وزارة الزراعة ان معدل التعديات على الزراعة كان في فترات الانتخابات الرئاسية
فاصل
سحر ناجي: نعود مرة اخرى ونتكلم باستفاضة عن هذا المشروع
د.وليد فؤاد:كل المناطق دي بالتعاون مع الهيئة العامة للتنمية الزراعية وفوجئت اني لما بقدم له المشروع للمرة التانية قالي احنا عاملين مبادرة مماثلة للكلام اللي حضرتك بتقوله دا وهو مقدمها لوزير الزراعة بحيث انها تاخد موافقة من مجلس الوزرا ويبدا يتعمل مشروع قومي زائد كمان انه منظمين بيع للاراضي الزراعية والاراضي في جنوب سيناء وشرق العوينات وتوشكى وجزء بيدي حق انتفاع لمدة 49 سنة
سحر ناجي: هل الاراض مستصلحة ولا هيتم لسه استصلاحها من قبل اللي هيشتريها
د.وليد فؤاد:فيه جزء مستصلح وفيه جزء هيستصلح من قبل اللي هياخدها ان كانت مؤسسات ولا شركات ولا مستثمرين والمساحات المعروضة 5 الاف و10 الاف و16 الف فدان انا النهاردة المليون فدان دا بقدر اوفر فرص عمل لانه مشروع تنموي مش مشروع زراعي بس .. فيه اراضي زراعية عبارة عن وحدات فا نا عملت المشروع دا عبارة عن وحدات وقسمتها
سحر ناجي: هل ممكن يكونوا مترابطين مع بعض في منطقة واحدة ولا متفرقة فانا الوحدة الواحدة عندي ان هذا المشروع عبارة عن 20 الف فدان في الاراضي الزراعية لانه هيكون عندي ارض زراعية وهيكون عندي اراضي مشاريع وعندي اماكن للمجتمع والمدارس والمستشفيات نحن في الوحدة الواحدة دي بيحدث فيها الاكتفاء الذتي وممكن اخد الوحدة الواحدة دي واضعها في اي مكان في جمهورية مصر العربية يحدث فيها اكتفاء ذاتي لمصر
د.وليد فؤاد:يعني حضرتك بتنشئ مدينة جديدة بس فيها مخصص الارض الزراعية وليست مدينة زي مدن الاسكان اللي بنشوفها والمشروع دا بيوفر 5 مليون فرصة عمل ل5 مليون اسرة يعني اكتر من ربع المجتمع المصري هيستفيد بيها
سحر ناجي: حضرتك قلت الرقم دا بناء على ايه
د.وليد فؤاد:بناء على المشاريع اللي هتقوم وبالنسبة للمجتمع اللي هيبقا داخله مساحة المشروع دا عبارة عن 80 كيلو هل الاسكندرية القاهرة ما يتوفرش فيها دا
سحر ناجي: ايه نوعية المشاريع للي ممكن تقوم فيها توفر 5 مليون فرصة عمل
د.وليد فؤاد:اولا بالنسبة الى الاراضي هنستخدم اراضي زراعية حديثة ومطاحن وورش نجارة وورش عمالة وورش كهربا وبتعملي كافة انواع المشاريع الموجودة في المجتمع بحيث ان هذه المشاريع تلبي احتياجات الناس في هذا المشروع الحاجة التانية مدارس مستشفى شقق لهؤلاء الناس ونحل مشكلة البطالة ونحل مشكلة الاسكا ن نوفر 4 مليون شقة وهنديله فرصة عمل في الارض الزراعية او بنديله مشروع ليه هو عايز يعمل مدبغة عايز يعمل مغسلة او مكتبة اي مشروع .. الحاجة الالتة انه هيبقى عندي مدارس او مستشفيات وعندي موظفين .. والموظف اللي هيكون غها اول مرتب هيتقاضاه الف جنيه
سحر ناجي: التمويل منين
د.وليد فؤاد:انا لما اعمل مشروع زي كده للشباب ومحدودي الدخل والفلاح وفرنا عمل ووفرنا سكن هل فيه حد من اللي هيبورالاراضي الزراعية دي هيلاقي حد يشتري منه ..؟ طبعا لا .. انا كده خدت ربع المجتمع المصري في المدن الجديدة وهذه بتختلف عن المشاريع اللي قامت قبل كده هي نفس اختلاف القرية عن المدينة
سحر ناجي : بتختلف ازاي عن المشاريع السابقة الفلاح في لاقرية ما بيخلقش سوق للعمل ما بيتمش عملية بيع وشرا .. احنا هنا في هذا المشروع بنديله شقة يبقى اللي زرع قمح معندوش مكان يجيب فيه حيوان معندوش مكان يربي فيه طير لانه واخد شقة هيضطر يشتري اللبن ويشتري بيض ويشتري عيش ويجيب كافة احتياجاته من داخل هذا المجتمع يبقى هيحدث حالة من الالتفاف الاجتماعي وتبادل المنفعة على اعلى مستوى اني هرفع مستوى دخل الناس اللي موجودين داخل هذا المجتمع
سحر ناجي: انت ممكن تديله شقة وهو ممكن يكون بيشتغل في الزراعة ومتطلبا الارض الزراعية ان هو يربي مواشي ويربي طيور
د.وليد فؤاد:لا انا النهاردة مقسم الوحدة الواحدة دي لاربع اقسام
سحر ناجي: يعني حضرتك عامل سياسة زراعية للارض
د.وليد فؤاد:بالظبط 5 الاف فدان للانتاج الحيواني والمحاصيل و5 الاف محاصيل خضر و5 الاف فدان محاصيل فاكهة هي دي المشاريع اللي بيقوم علهيا اي فدان في الدنيا واني اقدر احقق الاكتفاء الغذائي لهذه الوحدة طيب ازاي احقق المعادلة الصعبة وهي الاكتفاء الذاتي انا عندي الراجل اللي زارع اعلاف طيب هو هيروح ياخد الاعلاف دي ويوديها لمحافظة تانية لا . انا عملت له الفين مشروع انتاج حيواني وفي نفس الوقت عند زراعة الاعلاف الناس بتاعة الانتاج الحيواني هتاخد منه الاعلاف
سحر ناجي: هل لو تم اكتفاء ذاتي ماهي مش هتحط البذرة تقوم تطلع على طول هعمل انا الاكتفاء الذاتي دا بتاعي ازاي عقبال الارض ما تبتدي تطلع
د.وليد فؤاد:احنا مادام جهزنا الارض يبقى خلاص وبعدين الاعلاف والانتاج الحيواني
سحر ناجي: طب التمويل منين
د.وليد فؤاد:انا لما قعدت مع رئيس الهيئة العامة للتنمية الزراعية قالي نفس القصة قال احنا عاملين مبادرة هنفتح مجال للمشاركة ان حضرتك معاكي فلوس وعايزة تشغليها المشروع هخياخد هذه المبادرة نبدا نستصلح ونعمل بيها هذه المشاريع والمكسب اللي طالع دا يتقسم الحاجة التانية انا اجتمعت مع الدكتور عبد العزيز شتا دا رئيس هيئة استصلاح الاراضي وكان فه عدد كبير من الفلاحين عايزين ارض وعايزين شغل اجتمعت مع الدكتور وقلت انا عندي مشروع كذا كذا ابدى استعداده بس قالي التمويل منين قلت له انا عندي مقالة اسمها بالورقة والقلم وكاتب ازاي هنوفر المية لهذه المشاريع من النيل هناخد شريان من بني سويف .. احنا عندنا اراضي زراعية اللي ه الاراضي الاساسية للدولة تم تبويرها زي ماقلت احنا وصلنا الى 2.2 مليون فدان تم تبويره مش لابد انه حصل عندي هدم واهدار انه الهدم دا يقابله بناء وهيكلفنا فلوس عشان نوفي الاحتياجات الغذائية طيب المية اللي كان بياخدها المليون فدان بتاعة الاراض اللي تم تبويرها راحت فين ..؟ لا انا باخد شريان من بني سويف اقدر ازرع مليون فدان واخلق فرص عمل جديدة تزود الاراضي المستصلحة
سحر ناجي: طيب مشكلة التمويل برضه
د.وليد فؤاد: لما رحت اتناقش مع الدكتور وحسبت له مية النيل فحسبت له ان هذه المية تكفي زراعة 6 مليون فدان رز ودا طبعا رقم مش ممكن يحصل في مصر وتكفي استصلاح الاراضي وتكفي كمان استصلاح 3 مليون فدان اخرين فقالي الفلوس مش مشكلة فلما راجل قيادي ومسئول لهذه الدرجة في وزارة الزراعة ويقول الفلوس مش مشكلة بقى اكيد فيه مصادر في وزارة الزراعة الحاجة التالتة ايام الثورة كنت منزل المشروع دا على الفيس بوك فاتصل بيا المصرين في الخارج قالولي يادكتور وليد احنا مقدمين للدكتور عصام شرف مشروع ان احنا هندي قرض حسن للدولة من 6 الى 10 مليا ر بدون فوايد لمدة 10 سنوا بس يستثمر في الزراعة او الصحة او التعليم .. المشروع دا حضرتك مشروع متكامل فيمكن ان يكون مشروع حضرتك هو الاولى بهذا الاستثمار ..
الحاجة الجامدة جدا وارجو ان الدكتور محمد مرسي يجاوب على هذا السؤال احد دكاترة الاقتصاد قال معلومة خطيرة جدا قال ان مخصصات رئاسة الجمهورية 40 مليار جنيه وايام الرئيس المخلوع كانت تصرف على البهرجة والحرس اللي مالوش لازمة فاحنا لو خدنا نصهم هنعمل هذا المشروع من دون ان نحمل البلد اي ميزانية اضافية وكل اللي ذكرته دا ليس هو التمويل اللي عندي لان انا عندي فكر لتمويل هذا المشروع هذه الفكرة للسادة المسئولين والشعب المصري ان اناعندي فكر لتمويل هذا المشروع من الالف الى الياء بايادي مصرية 100% وتتفق مع القانون والدستور ولن نصرف جنيه من ميزانية الدولة لعمل هذ المشروع كل اللي انا عوزه من السيد الرئيس ومن السادة المسئولين تخصيص الاراض اللي هيتعمل عليها المشروع والموافقة على فكرة التمويل وطبعا انا ما اتكلمتش طبعا على فكرة التمويل انا مش هقول فكرة التمويل دي الا لحضرتك وارجو من حضرتك اني اقولك فكرة التمويل بحيث ان نبدا فكرة المبادرة ونبدا هذا المشروع اللي هو مشروع المليون فدان لانه مشروع مهم جدا هيوفر امن غذائى لمصر
سحر ناجي: حضرتك قدت مشروعك مشكورا طبع انك بتفكر في المصريين.. .دكتور وليد فؤاد الدكتور في العلوم الزراعية شكرا للمشروع وبشكر حضرتك وبشكر حضراتكم على حسن المتابعة وغدا حلقة جديدة من مساحة للراي