الخميس 14/7/2011 محمد موافى : سلام من الله عليكم ورحمتة منه وبركاته , حول البيان الاخير لرئيس الوزراء و كذلك البيان الاخير للمجلس الاعلى للقوات المسلحة حكومة شرف تسابق الزمن لنزع فتيل الاحتجاجات لجمعة الثورة اولا و كذلك بيان المجلس العسكرى كما اكد فى بيانه المصريون يعيشون حالة من الترقب و الانتظار الممزوج بالقلق و الخوف على قادم الايام خاصة تلك الفترة الحرجة التى تعيشها مصر ما نحتاجه فى هذه المرحلة يتغلب العقل و الحكمة على فكر الجميع و تصرفاتهم و ان نتقى الله فى مصرنا ان تمارس كل فئة الحق فى التعبير عن مطالبها و اراءها بشكل لا يضر بأحد و اعطاء الفرصة للمسؤولين للدراسة و التصحيح لما يمكن تنفيذه بحكمة الهية علمتنا ان الله تعالى خلق الدنيا فى ستة ايام و ان الثورة خلال الستة اشهر حققت انجازات عظيمة و هناك مطالبات مشروعة فى الانتظار لكن ليس كل مطلب يمكن ان يكون على حساب الوطن او على حساب تعريضه للخطر , ايها السادة القراءة فى بيان المجلس العسكرى بيان الدكتور شرف للامة هو موضوع حلقتنا هذه الليلة فى اتجاهات فابقوا معنا فاصل عصام شرف : اجراء تعديل وزارى خلال اسبوع يحقق اهداف الثورة و يحدث الارادة الحقيقية للشعب ثانيا : اجراء حركة محافظين تتفق و تطلعات الشعب قبل نهاية الشهر الجارى ثالثا: تكليف السيد وزيرالداخلية للاسراع فى اعلان حركة وزارة الداخلية متضمنا استبعاد قيادات هيئة الشرطة الذين تورطوا فى جرائم ضد الثوار و ذلك فى موعد اقصاه 15-07- 2011 , كما كلفت السيد وزير الداخلية بسرعة استعادة الامن و الانضباط فى الشارع المصرى و لا يفوتنى هنا ان اذكركم هنا بكامل ثقتنا فى جموع الشرفاء من قيادات و ضباط الشرطة رابعا : اناشد المجلس الاعلى للقضاء الموقر بتطبيق مبدأ العلانية على جميع محاكمات رموز النظام السابق و قتلة الثوار على ان تكون المحاكمات منجزة ليطمئن الشعب و ترتاح اسر الشهداء كما اناشد الشعب تمكين القضاء من ممارسة عمله فى ظروف طبيعية تتيح للعدالة ان تأخذ مجراها خامسا: اصلاح هياكل المؤسسات الصحفية و الاعلامية بأسرع وقت ممكن سادسا: قررت ان اتولى بنفسى رئاسة مجلس ادارة صندوق هيئة ضحايا 25 يناير و اسرهم وذلك للاسراع بتلبية احتياجات اسر الشهداء و المصابين م/ عاصم عبد الماجد: حرية الرأى مكفولة للجميع و لكل مواطن الحق فى العبير عن رأيه فى حدود القانون ثانيا: التزام المجلس الاعلى للقوات المسلحة بما قرره فى خطته لادارة شئون البلاد خلال الفترة الانتقالية من خلال اجراء انتخابات مجلسى الشعب و الشورى ثم اعداد دستور جديد للبلاد و انتخاب رئيسا للجمهورية و تسليم البلاد لشرطة مدنية , السلطة المدنية الشرعية المنتخبة من الشعب ثالثا : استمرار دعم السيد رئيس مجلس الوزراء للقيام بكافة الصلاحيات المنصوص عليها بالاعلان الدستورى و كافة القوانين الاخرى رابعا : اعمال احكام القانون عند احالة الجرائم للقضاء المختص خامسا : الاستمرار فى سياسة الحوار مع كافة القوى والاطياف السياسية و شباب الثورة لتلبية المطالب المشروعة للشعب سادسا : اعداد وثيقة مبادئ حاكمة و ضوابط لاختيار الجمعيات التأسيسية لاعداد دستور جديد للبلاد و اصدارها فى اعلان دستورى بعد القوى و الاحزاب السياسية عليها فاصل محمد موافى : مشاهدينا اهلا بحضرتكم من جديد فى هذه القراءة الليلة معنا الاستاذ الكاتب الصحفى المعروف الاستاذ صلاح عيسى و مهندس عاصم عبد الماجد عضو مجلس الشورى بالجامعة الاسلامية و مهندس محمد طه مسئول العلاقات العامة احمد عبد الرحمن المنسق العام لائتلاف بيت الثورة اهلا بكم و بهم قبل ان ابدأ الحلقة هناك امانة حملتها قبل ان ادخل الى مبنى التليفزيون قابلت اليوم مجموعة رائعة من طلبة الهندسة بمصر جاءت تشتكى التليفزيون المصرى عن مسابقة الروجوكون التى كانت تنظم دائما فى مصروكان التليفزيون هو اللى بينظمها كليات الهندسة فى مصر احتلوا المركزين الثانى او الثالث على مستوى العالم على مدار سنوات هذا العام التليفزيون المصرى لم يشرف على المسابقة و امتنع عن تنظيمها حتى قام المعهد التكنولوجى هذه المبادرة بتحمل التكاليف كاملة تحت اشراف التليفزيون الطلب ان نرجومن التليفزيون المصرى الموافقة النهارده اخريوم للرد مسابقة علمية بتبين مهارات وعلماء ومهندسين قادمين من طلبة كلية الهندسة فى مصرهذه امانة ارجو ان اكون قد اتممت اداءها واهلا بكم مرة اخرى فى اوضاع مشتعلة و تطورات متلاحقة منذ يوم الجمعة الماضى كما قلنا وقامت الدنيا و لم تقعد المظاهرات استمرت وانقلبت اعتصامات ثم تهديدات بقطع الطرق او بأحتلال اماكن حيوية و رأينا بيان لمجلس الوزراء ثم بيان لأحد بيان المجلس العسكرى ابدت فى القراءة المسألة يا استاذ صلاح يعنى فيه اسئلة كتير لكن انا كل لما حد يقابلنى فى الشارع يقول لى الى اين المسير المركب هترسى على فين م/ عاصم عبد الماجد: ما هو انا دايما كل ما اواجه بهذا السؤال اقول المركب ستسير الى حيث نريد نحن المصريين ان يسير بقدر تواصلنا الى توافق وطنى لمشترك وطنى حوالين , احنا رايحين على فين المركب هتمشى فى الاتجاه اللى احنا عايزينه لكن اذا عجزنا عن تواصل مشترك وطنى و اتفاق حوالين الحد الادنى الذى يجمعنا جميعا و لا يحدنا ان نختلف فيما عاداه اذا فشلنا فى الوصول الى هذه فسنظل فى هذا التشدد الذى نحن فيه , و يمكن ان تضيع السفينة مننا عبر محمد موافى : ديه محتاجة تفصيل اللى هى احنا مين ؟ م/ عاصم عبد الماجد: القوة السياسية النشطاء المواطنين انا اهيب فيه مشكله اساسية فيما نواجهه الان اننا لسنا لدينا جماعات سياسية منظمة موجودة فى المجتمع و خاصة فيما يتعلق بائتلافات الثورة و الجماهير التى انضمت الى الثورة , المجتمع الديموقراطى كله قائم على فكرة جماعات سياسية منظمة استطيع انى انا اعرف حين اتحاور مع قياداتها و العناصر الفاعلة فيها فين اتجاهات الرأى العام المشكله اللى بتواجهنا ان احنا قدمنا قسم مهم و مؤثر جدا و هو قسم الشباب الذين قاموا بالثورة و فجروها فى البداية غيرمنظم حتى الان لم يتم لا ينضم لأحزاب سياسية قائمة و كيانات قائمة ولا انشأ كياناته الخاصة و فى كثير جدا منه نتعامل مع افراد , و المقابلات التليفزيونية التى تجرى مع الشبان المعتصمين فى ميدان التحرير, ستجد هذا التيار ذو مطالب , جزء من المطالب مشتركة , هتبص تلاقى كل واحد بيضيف مجموعة مطالب اخرى محمد موافى : لو اختصرنا الاجابة برده , هنفضل فى الوضع ده اد ايه ؟ م/ عاصم عبد الماجد: نسعى من اجل ان الناس نحفز الناس على انها تتنظم , نسعى من اجل ان احنا الناس كلها انها تنضم لأحزاب سياسية تؤسس احزاب سياسية خاصة بيها , نسعى الى ان احنا ننشئ جماعات سياسية نشجع الشبان الذين قاموا بهذه الثورة الى ان هم يتصرفوا كجماعات عندى الان نحن نتحدث عن 130 ائتلاف لشباب الثورة , لابد ان تسعى هذه الائتلافات اما انها تنضم ينضموا للاحزاب السياسية القائمة والتى شكلت بعد الثورة او القديمة التى كانت موجوده او تؤسس احزاب جديدة , مالم نتحول الى جماعات سياسية حتى متخذى القرار دماغة هتتشوش ماهو مش عارف يفكر بيروح ناس يقولوا له كذا و كذا و كذا,طب ماشى موافق على ده يطلع ناس يقولوا حاجات احنا مش موافقين على ده و عايزين كذا , فهذا الوضع هيؤدى الى استمرارهذه التشوش لفترة , انا من تانى اسبوع من الثورة كتبت مقال فى المصرى اليوم عنوانه خطوة تنظيم عايزين خطوة تنظيم نحن نؤكد فى اكثر حاجة فى اى وقت مضى الان كانت خطوة تنظيم , ننظم صفوفنا , ننظم روأنا نتفق على مشتركات , نبقى احنا متفقين عليه , فى الازمة الراهنة انت عندك مشكله انت عندك حكومة ديه اسمها حكومة انتقالية , حكومة مدتها 6 شهور كانت جاية لستة اشهر دلوقتى امتد هتنتهى فى 30 ديسمبر , لما اجى اطلب منها مطالب , تبقى متعلقة بمهمتها كحكومة انتقالية تستطيع ان تنفذ هذه المطالب خلال ال6 شهور اللى فاضلة لها محمد موافى :يعنى هى مسألة الحكومة الانتقالية ديه فيها كلام يعنى يمكن يسعفنا الوقت نتكلم فى الحلقة مهندس عاصم انتم تمثلون تيارا عريضا الان فى المجتمع المصرى ان لم تكونوا تمثلونه رسميا لكنكم انتم فصيل من هذا التيار شاركتم فى مليونية الجمعة الماضية لم تشاركوا يعنى لكن معظم التيار الاسلامى شارك لكن لم يواصل حتى الاعتصام الان لدينا بيان من المجلس العسكرى ردا على هذه الاعتصامات , كيف ترى الموقف كيف تعلق على هذا البيان ؟ م/عاصم عبد الماجد: بداية بعد حمد الله تبارك و تعالى انا اضع توقيعى على كل ما قاله الاستاذ صلاح عيسى حتى الان و اعتبر بذلك اننا نسير نحو توافق وطنى نحن من مدرستين فكريتين مختلفتين تماما لكن ما قاله حتى الان انا اضع توقيع عليه بدون اى تحفظ , اريد ان اقول ان احنا لم نشارك فى الجمعة لأننا توقعنا ان هذه الجمعة ستفتح الباب الى امور لا نرغبها جميعا و هى تحدث الان , نحن فى المرحلة الانتقالية , المرحلة الانتقالية تعنى فقط نقل السلطة من المستبد الى الشعب,اى شئ اخر غير ذلك ارى انه علاوة و زيادة , نستطيع ان نستغنى عنها حتى نخرج من المرحلة الانتقالية بسلام , اى شئ اخر غير هذا نقل السلطة من المستبد الى الشعب بنعكر على سرعة نقل السلطة او على اى شئ يؤدى الى نقل السلطة الى الشعب فا انا مستعد ان استغنى عنه تماما و ليس فقط ان اؤجلها , الذى اريد ان اقوله اننا يجب ان نؤجل كثير من الطلبات العادلة و المشروعة التى اربكتنا الان و التى كادت ان تقسم المجتمع المصرى محمد موافى :هل هناك مخاوف لو اجلنا بعض هذه المطالبات ؟ م/ عاصم عبد الماجد:انا هقولك اكبر مطلب من المطالب و انا متحرق اليه شوقا اكتر من اى واحد فى مصر , انا و من امثلهم اكثر ناس ظلموا فى عهد حسنى مبارك ذبحنا من الوريد الى الوريد و كان التليفزيون المصرى اكثر من يحرض علينا , ليس هذا موضوعنا الان محمد موافى : سجلنا معاك فى التليفزيون المصرى م/ عاصم عبد الماجد: اقول سجلتم معى بعد الثورة محمد موافى : لا قبل الثورة م/ عاصم عبد الماجد:ولم تذيعوه , الذى اريد ان اقوله ولكن لو تصورنا ان محاكمة حسنى مبارك قد تؤدى الى مشكله فى مصر,ماذا لو اخرناها حتى يكون هناك حكومة منتخبة و يحاكم حسنى مبارك و نفعل ما نفعل بحسنى مبارك بالقانون و لكن ان نأتى بطلبات محاكمة حسنى مبارك و حكومته كلها مطالب عادلة و مشروعة و انا متحرق اليها شوقا اكثر من الشباب و اكثر من اى حد اخر و لكن انظر نظرة اوسع , بوسع الكادر شوية عشان اشوف لانها قد تؤدى الى فتنة و قد تؤدى الى بلبلة , قد تؤدى الى انقسام فى الشارع , قد تؤدى الى تململ فى جهاز الشرطة و ده جهازمهم جدا,قد تؤدى الى تململ فى القضاء , لما انتقدت احكام القضاء الخاصة بالقتل احنا اللى طلبنا من عصام شرف او من الدولة ان تحاكم قتلة المتظاهرين و بسرعة و كلما خرج انسان فى ميدان التحريريقول شئ ,المجلس العسكرى بسرعة والله اعملوا لينا محاكمات انا اسف يعنى سامحنى شوية فى الكلام , فا بتعقد محاكمات سريعة بدون استيفاء الاوراق, يعنى قاضى اقسم على ان يراعى ان يحكم بالاوراق فاصدر حكما بالبراءة فثرنا جميعا على هذه الاحكام و كنا اما فى منظومة القضاء و اما فى النيابة او فى غيرها , نحن نحتاج قبل هذه المحاكمات الى قوة تمهيدية باصلاح النظام القضائى فى مصر و هذا كله لا يمكن ان يتم فى المرحلة الانتقالية , مصر تشبه رجلا اجريت له جراحة عنيفة جدا جراحة قاسية , جدا استأصل بها الفصيلة الحاكمة ان اردنا ان نجرى لها جراحات اخرى , يموت منا هذا المريض , هناك جزء تانى فى الكبد و هناك جزء تالت فى الرئة و هناك جزء تانى فى المرئ و هناك جزء تانى فى المعدة , و لكن لا استطيع استأصال كل هذه , دعوة التطهير الان خطيرة قد تؤدى الى تجبيه الكل ضدنا محمد موافى : طب نروح لأحد شباب التحريرالمعتصمين الاستاذ احمد عبد الرحمن يعنى ايه رأيك فى الكلام ده هل هذه المطالب ليس وقتها و انها تثير البلبلة و انها تثير اكثر من ان تجمع الصف هناك مطلب عام و هو التهدئة الان ؟ أ/ احمد عبد الرحمن : اولا انا مبسوط جدا انى معاكوا محمد موافى :امامك فرصة كاملة ان انت ......... أ/ احمد عبد الرحمن :طبعا انا مبسوط جدا هو قال كلمتين حلوين جدا قال لك انا سجلت قبل الثورة و متذاعتش و هو دلوقتى بيتذاع على الهواء مباشرة محمد موافى : طب الحمد لله أ/ احمد عبد الرحمن : فديه تدل على ان الشباب عملوا حاجة فعلا و ديه حاجة فعليه على ارض الواقع , نتكلم على ارض الواقع , حضرتك بتقولى يعنى ازاى الطلبات , لا الطلبات من حق الناس تطلب الطلبات اللى هى عايزاها طالما طلبات شرعية و متاحة ليهم يطلبوها طب ده شعب شعب بيتكلم عن نفسه شعب بيقول رأيه , احنا قلنا ايه , خرجنا عشان الرأى , خرجنا عشان حرية الرأى , متحجرش عليا , انا ليا طلبات بأطلبها , انت شايف الطلبات ديه غير عادلة , من حقك ترفضها , شايف ان هى عادلة , يبقى متتكلمش فيها محمد موافى : هو يرى انها عادلة و لكن ليس وقتها أ/ احمد عبد الرحمن :طب امتى وقتها اما احنا طلبنا قبل كده و الدكتور عصام شرف اكيد سامعنى من اسبوعين تلاتة باقالة وزراء و طالبنا بحاجات كتير جدا محدش سمع ليها , لما جت المليونية الجمعة ديه , اعدنا نناهد لفترة كبيرة عشان حد يدى قراراو اى شئ و انا قلتها قبل كده انتوا مستنيين لما الكارثة تحصل و بعد كده نبتدى ناخد قرار , دده كلام !! محمد موافى :هل بيان المجلس العسكرى و بيان الدكتور عصام شرف يعنى بيان الدكتور عصام شرف ناس كتير قالوا يعنى كان بيان ناعم جدا و انه .. أ/ احمد عبد الرحمن : الاولانى ؟ محمد موافى :البيان امس بتاع الدكتور عصام أ/احمد عبد الرحمن :قالولك عن الاولانى الاول , الناس ولعت و شاطت و لأن فعلا حقيقى بيان مش عارف,هل تحس هسألك رئيس وزراء طبعا بكن ليه الاحترام , من ناحيتى كشخص , لكن رئيس وزراء يتكلم بهذه الصيغة , هذه اللكنة , اين المستشارين بتوعه , فين اللى صاغوا له الكلام محمد موافى : سيبك من الصياغة و سيبك من الاداء احنا بنتكلم على المحتوى أ/ احمد عبد الرحمن : اه اه محمد موافى : قال ان المحاكمات عاجلة علانية أ/ احمد عبد الرحمن : طب ليه مش من الاول ما احنا بقالنا كذا مرة فى الجرايد و كذا مرة فى المنصات , ليه مش من الاول ليه دلوقتى محمد موافى : طب و بيان أ/ احمد عبد الرحمن :بتحاسبوهم على الاعتصام , بتحاسبوهم على الاعتصام بناءا على ايه , بناءا على ان انتم اخرتم ولا بناءا على ايه فهمنى بناءا على ايه , هم دول بيعتصموا ليه ؟ ما شايفك انا عمال انادى عليك و انت مدينى ضهرك لما اجى اديك كده على دماغك ترد عليا , ينفع هى نمثلها كده محمد موافى : طب و بيان المجلس العسكرى أ/ احمد عبد الرحمن :بيان المجلس العسكرى يحترم و لكن برده المجلس العسكرى انا بوجه ليه رسالة دلوقتى انه لازم يقعد مع الشباب , انا اتكلمت قبل كده , الاعدة مع الشباب , لغة الحوار مطلوبة محمد موافى : انت مقعدتش مع المجلس العسكرى ؟ أ/ احمد عبد الرحمن : قعدنا قبل كده سمعنا دى سمعنا ليهم لكن ما اتكلمناش هما سمعنى ما اتكلمناش وانا قلت رايئ احناسمعنا ليهم لكن ما اتكلمناش احناعايزين نتكلم فى كلام حوار فى راى وراى لكن نسمع بس لأ طبعا انا راجل مش عسكرى محمد موافى : طبعا انت عايز تقول له اية ردا عن بيانهم على الهوا أ/ احمد عبد الرحمن :انا بارد على البيان ان فى حاجة اسمها طلبات الثورة طلبات الثورة ان انتوا عاهدتونا انكوا تنفذوها آليات التنفيذ محمد موافى : ايه هى اللى ما اتنفذتش؟ أ/ احمد عبد الرحمن : آليات التنفيذ بخريطة تبقى واضحة ونعرفها محمد موافى :اليات التنفيذ والخريطة أ/ احمد عبد الرحمن :والخريطة واضحة ونعرفها واضحة انهارده بيتقال لعصام شرف ردا على الخطاب اللى فات المجلس العسكرى بعد الخطاب ده بعد اللقاء بتاع الشباب راح للمجلس العسكرى محمد موافى : طيب انت دلوقتى حددت قولت هناك مطالب مطلوب تنفيذها ومطلوب توضيح الياتها استاذ صلاح لويعنى انا تطوعت وقلت هذه المطالب اولا بدأ من محاكمة الرئيس السابق اوالرئيس المخلوع حتى محاكمة قتلة الثوار وتغيير بعض الوزراء فى الحكومة التى يعنى يبدو انها نست انها حكومة انتقالية وتتحدث عن المستقبل ثم تتحدث عن الواقع يعنى مدى ملائمة تطبيق تنفيذ هذه المطالبات الان أ/صلاح عيسى : ماهو فى ا لواقع بناءا على مطالب الشباب كما تفضل الاخ حامد كده انه بالفعل اتحددت مواعيد زمنية يعنى عصام شرف فى الكلام اللى قالة محمد موافى : اسبوع للمحافظين أ/ صلاح عيسى :اسبوع للمظاهرة المحافظين لغاية اخر الشهر هطلب من النائب العام الاسراع فى التحقيقات وانهاءها فى اسرع ما يمكن هطلب من المجلس الاعلى للقضاء ان القضايا تنظر اتصوران هى كانت علنية ان هى كان الخلاف حوالين التصويت يعنى ان هى كانت علنية كانت مجموعة الناس كانت بتحضرها ما يقدرش يعملها سرية القرار من القاضى ان هى تبث فى التليفزيون وقرار المجلس الاعلى للقضاء اصدر فعلا هذا القرار بانة هيطلب فعلا من المحاكم رؤساء المحاكم لان هو قرار رئيس المحكمة محمد موافى : طبعا أ/صلاح عيسى :ان هما يسمحوا لكاميرات التليفزيون ان هى تخش وتذيع المحاكمات وان هو هيغير المحافظين اعلن هذا وبعدين انهارده تانى عصام شرف اعلن والمجلس العسكرى اعلن المفوض تفويضا كاملا فى الوزراء وانه المجلس العسكرى قال احنا فوضنا مجلس الوزراء ان يختار وزرائة ومحدش هيفرض عليه وزراء والمتحدث باسم مجلس الوزراء اعلن بانة المطروح هو ان كل الوزراء محل نقاش مفيش يعنى حاجة اسمها اربعه ولا خمسة ولا ستة فانت اذن عندك الالية عندك جدول زمنى حتى الصندوق الاجتماعى قبل الجمعة اللى فاتت صندوق رعاية اسر الشهداء طب طلع منه قرار من المجلس العسكرى دكتور عصام شرف قال ان هو هيراسة بنفسة المجلس العسكرى اصدر قرار بانة يتعامل مع كل اللذين فقدوا حياتهم او اصيبوا فى الفترة من 25 يناير لغاية 28 مارس باعتبارهم اصحاب حق فى التعويض بصرف النظرعن انهم اصحاب حق التعويض بصرف النظر عن تصنيفهم دول ناس بيقولوا على دول دول بلطجية فى الاقسام دول كانوا سجناء وبالتالى فى درجة ما من الاستجابة لكن فى نفس الوقت فى درجة اخرى من التصعيد للمطالب يعنى المشكله الرئيسية محمد موافى :معلش انا اسف خلينا لحتة تصعيد المطالب لان المسالة انها متصاعده دى محتاجة نقاش بس خلينا نروح التحرير ونرجع للنقطة دى احنا هنروح التحرير معانا موفدنا هنا احمد هندى احمد ايه الاخبار عندك أ/ صلاح عيسى :هو بتكمل هنسمعة ؟ محمد موافى :لآ لسه ما اتكلمش هو الصورة هوالاعداد بتتزايد فى ميدان التحرير ولحد ما يجهزاحمد هندى انا هرجع نعمة المطالبات المتصاعده يعنى هرجع تانى بتعقيب فيها بعد ما ابدأ فيها مع مهندس عاصم المطالبات البعض يتحدث ان المطالبات متصاعده نعمة المطالبات كلما خضعت الحكومة اوكلما خضع المجلس العسكرى للمطالبات زادت المطالبات كيف ترى المطالبات الان ؟بعيدا عن المطالبات المشروعة التى تحدث عنها الاستاذ احمد ؟ م/ عاصم : اريد ان اسال من الذى يدير مصر الان ؟مصر دولة كبيرة ليست دولة صغيرة مصردولة كبيرة ومركزيه من الذى يدير مصر الان معذرة اتكلم فى مسالة شخصية انا اعرف فى لعبة الشطرنج ان لا يصلح الا لاعب واحد امام لاعب واحد يعنى لا يصلح ان يجلس حولى اربعة كلما حاول ان انقل لماذا لانى لاعب واحد باعمل خطة متكاملة لكل القطع اللى عندى انقل هذه اولا ثم هذه ثم هذه واصنع كذا من اجل ان اتقى شر كذا واصنع كذا من اجل كذا لان ما يترتب عليه بعد ذلك ان اصنع كذاعندما نجتمع 130 او 150 ائتلاف وكام حزب تانى وكام جماعة ضغط موجوده لان ملهاش احزاب فى ميدان التحرير كل واحد يقول مطلب كلها مطالب مشروعه وجميلة وعادلة من يختلف عن حل مشكله البطالة عندما يصرخ الشاب انهارده ويقول مشكله المبطالة الان الان اقول له معذرتا لن ممكن ان تهدأ قليلا لان لا تفهم كيف تحل مشكله البطالة مشكله البطالة نريد جميعا حلها فا من الذى يدير مصر على الشاعر يقول لا يصلح فوضى الناس ردا لهم ما يصلحوش بدون قاعدة ان اردنا ان ندير مصر ميدان التحرير ان يسمع كلامنا عصام شرف وان يسمع كلامنا المجلس العسكرى سننهار هذه الدولة وسنفقد هذه الدولة يجب ان يكون هناك راس واحده تدير مصر نحن ننصح باقول واقع نحن قد محمد موافى :طب خلينا نشوف رد فعل بعض المواطنين فى ميدان التحريرعلى البيان الاخير ونرجع لحضراتكوا مرة ثانية مذيعة : انتظر المواطنون بيانا رسميا للمجلس الاعلى للقوات المسلحة حول الاوضاع الراهنة فى البلاد البيان الذى افتقده الجميع بعد ان اكتفى المجلس الاعلى للقوات المسلحة باصدار للبيانات على صفحتة ال فايس بوك – وباليوم يظهر اللواء اركان حرب محسن الفنجرى عضو المجلس الاعلى للقوات المسلحة ببيان يؤكد التزام المجلس بما قررة فى خطتة لادارة شئون البلاد والاستمرار فى ادارة الحوار مع كافة القوى السياسية ا/ا محسن الفنجرى : حرية الراى مكفولة للجميع لكل مواطن الحق فى التعبيرعن راية فى حدود القانون مواطن : لازم ندى المجلس الوقت والفرصة الكافية اللى بيها يقدروا يقيموا البلد ويبعد عنه الفوضى دى مواطن :اذا كانت البلد دى تهم الناس فعلا عليهم ان يجتمعواتحت عباءة كيف استعاد ت امن البلد قبل الدستور قبل انتخابات الرئاسة ومجلس شعب وشورى مواطنة : :و يكون عندنا صبر بدل اللى بيحصل ده وكل يوم والثانى مشاكل وبلطجة وفوضى ومش عارفين مبقاش فى امان فى بلدنا خالص مواطن :احنا بنحترم الجيش اولا من يوم ما وقف معانا مع الثورة وهو تاج على راسنا من فوق واى كلمة بيقولها احنا بنصدقها على كده مواطن :الحكومة والمجلس العسكرى بيتحرك بناءا على رد فعل الثوار كنا عايزين المجلس العسكرى يقوم بالبيان ده ويبادر بالحاجات اللى احنا سمعناها دى من يومين مواطن :البيان العسكرى احنا كنا محتاجينة من قبل كده مش شرط المجلس العسكرى يستنى رد فعل الشارع عشان يصدر بيان مواطن :الطراوه اللى المجلس العسكرى ماسك بيها البلد بوظت البلد خلاص لا لقين نعيش ولا لاقيين سكر ولا لاقيين اى حاجة وبعدين ناس تطلع فى التحرير وناس تروح هنا وهنا محدش حكمها مواطن :رجال الفنجرى نؤيده صح ونحن نؤيده مواطنة :من كثر الحاجات اللى بتحصل والكركبة اللى فى البلد مواطن :اه عاجبنا الاعتصامات اللى بتحصل فى البلد دى عشان يحصل فى تغيير مواطن :كده حرام المصانع بتاعت مصر كلها خلاص احنامش عايزين واحد اجنبى يخش فى وسطنا ا/ا محسن الفنجرى : ربنا يحفظ مصر من كل سؤ مذيعة : انحراف البعض بالتظاهرات عن النهج السلمى وما يترتب عليه من تعقيد لمرافق ومصالح المواطنين وتغليب المصالح الشخصية على مصالح الوطن شئ لم ولن تقبلة القوات المسلحة والتى تؤكد انحيازها دوما الى الشعب المصرى حكمت عبد الحميد التليفزيون المصرى فاصل محمد موافى : تماما انا هبرط التعليق على تعليق الناس على البيان العسكرى الاستاذ احمد عبد الرحمن أ/احمد عبد الرحمن : طبعا انهارده ان الوقاع الناس شايفة ان البلد تقع الناس البسيطة اللى هى قاعدة فى البيت اللى عايزة تاكل وعايزة تشرب فقد ناس مش مسيسة معندهمش سياسة ناس حقها عايزة تعيش فقط فى امان فا من حقهم يقولوا رايهم هما يقولوا رايهم ورايهم يحترم الراى والراى الاخر ده مطلوب حاجة تانية فى تعليق على السيد رئيس الوزراء ان هو اعلن بيان من شوية على الشريط شكتو قبل ما اخش هنا بيطلب اللى عنده اقتراحات وزرا يعنى ودى طبعا حاجة انااستغربت لها قوى انا اندهشت يعنى.. يعنى بمعنى ما فهمتهاش كويس فا يريت السيد رئيس الوزرا يوضحها أ/ احمد عبد الرحمن :طب نفهما بس نرفع اذان العشاء ونرجع نشوف ايه الكلام اللى مش واضح فى بيان رئيس الوزراء فا ارجوكم ابقوا معنا الان اذا العشاء حسب التوقيت المحلى لمدينة القاهرة فاصل محمد موافى : اهلا بحضرتكوا مرة ثانية فى هذه الحلقة من اتجاهات اللى بنتابع فيها الاحداث المتلاحقة فى ميدان التحريروفى ميادين اخرى فى الاسكندرية وفى السويس وفى بورسعيد فى اكثر من مكان الان ينضم الينا من ميدان التحرير زميلنا عمروعبد المجيد عمرو يعنى ممكن تسمعنا صوت الناس هناك ايه الاراء هناك ؟ عمرو عبد المجيد: بداية محمد لك التحية منى من ميدان التحريرالمواطنين تعالت اصواتهم خاصة بعد انقضاء اشغالهم بعد الساعة الخامسة مع العشرات بل المئات وقد ازدادوا فى هذه الساعة الى الالوف ليتخطى حاجز الالوف محمد كافة ارجاء الميدان من المواطنين والثوار ليس فقط من ا لقاهرة حسب ما تبعت من منصة التحرير كما يطلق عليها الثوار هنا قد انضم بعض الثوار من محافظة السويس وكذلك محافظة الاسكندرية لينضموا الى اخوانهم هنا فى ميدان التحريراذكر لك محمد فى البداية الساعة الخامسة هناك انقسام ما بين الطرفين هناك من يريد الذهاب الى مجلس الوزراء ومنهم من يريد البقاء هنا فى ميدان التحرير يمكن استقر الامر فى نهاية الامر على الذهاب الى مجلس الوزراء فقد طوقت قوات مجلس الوزراء من كافة الشوارع المحيطة به من شارع القصر العينى من شارع مجلس الشعب من كافة الجهات وقد علت الاصوات محمد موافى : طب عمرو من ذهبوا الى مجلس الوزراء هل المطالبات لم تتغير بعد تحت بيان المجلس العسكرى وبيان الدكتورعصام شرف ام ان هناك مطالبات جديدة وهتافات جديدة واصوات جديدة عمروعبد المجيد: ساصف لك الامر محمد لكى تكون معنا على ارض الواقع هنا فى ميدان التحرير هناك انقسام فى الاراء قد قسمت الاراء الى ثلاثة اراء هناك الراى الاول ردا على بيان الدكتورعصام شرف والثانى رداعلى المجلس العسكرى والثالث رداعلى مجلس القضاء الاعلى اوالقرارالذى صدر من مجلس القضاء الاعلى بيان الدكتورعصام شرف قوبل بغالبية عظمى بالرفض هنا من ميدان التحرير بسبب البطء فى الاجراءات لان مرت على عمر الثورة خمسة اشهر لم يشعر الثوار هنا فى ميدان التحرير باى تغيير جدى قد حدث على ارض الواقع ام البيان الثانى وهوالخاص بمجلس القوات المسلحة او بالقوات المسلحة الذى صدر من اللواء محسن الفنجرى انقسمت الاراء ما بين مؤيد ومعارض لهذا القرار اما القرارالثالث والاخير والخاص بمجلس القضاء الاعلى او علانية المحاكمات فى قضايا الثوار وقضايا المحاكمات اذا كان هذا القرار قوبل بالاجماع وجميع من هم بالتحرير هذا القرار كانت سعادة بالغة اذكر لك محمد محمد موافى : طب اسمعنى هل النية الان الاعتصام حتى موعد تغيير الوزراء ام ان الاعتصامات ستفض ؟ عمرو عبد المجيد: تحدثت الى البعض لماذا لا يفض الاعتصام ونحن الان وضعت خريطة طريق نتلمس خطواتها من اليوم ولكنهم رفضوا بشكل غير متوقع اى فض للاعتصام الى ان يحشد بجدية الراى حتى بعد قرار استقالة وقبول استقالة يحيى الجمل فرح البعض لكن هذه الفرحة كانت مؤقتة لم ترقى الى نطاق فض الاعتصام ومع الساعات بيزداد العدد شيئا فشئ لحد ما اكتظ الميدان على اخرة فهناك ليس هناك اتجاه على الاطلاق لفض الاعتصام ليوم الجمعة بل قد يزداد الوضع الى ان تشكل الوزارة الجديده لان هؤلاء الثوار فقدوا المصداقية بينهم وبين الحكومة ويريدون ان يتلمسوا الواقع فى تغيير المحافظين وتغير الوزراء محمد موافى :شكرا شكرا جزيلا شكرا لك عمرو عبد المجيد مراسلنا من ميدان التحرير استاذ احمد يعنى هل ستسمرون فى الاعتصام لانكم لا تثقون فى الحكومة متى سيفض هذا الاعتصام الدكتور عصام شرف قال اسبوع هل هنفضل اسبوع الاعتصام موجود فى ميدان التحرير ؟ م/ محمد طه : هو بص حضرتك عشان ابقى فاهم حتة ان احنا نسمع سمعنا كثيراحنا عايزين تنفيذ نشوف تنفيذ على ارض الواقع ننفذ معاهم احنا مش غاويين اعتصام مش غاويين تعب ده ارهاق وتعب ارهاق من كل شئ احنا مش غاويين مش غاويين وقف حال زى ما بيقولوا اللى اتوقف واحنا ما بنوقفش حاجة بدليل ان انا رحت العاشر واتصل بيا احد رجال الاعمال اسمة اسامة عبد الفتاح قال لى المصانع هتقفل ويمشوا قلت له لأ مفيش حاجة اقفوا زى ما انتوا شغالين اشتغلوا علشان مايقولوش الثوار وقفوا البلد احنا ما بنوقفش البلد احنا عجلة الانتاج تمشى واول من نادى بمديرة الصناعة وعلى الجرائد الائتلاف بتعنا ده احنا بننادى بالصناعة وبننادى محمد موافى : طب اللى منعوا دخول الموظفين المجمع م/ محمد طه :: لأ ما منعناش محمد موافى : ده اللى حصل ده الدنيا كلها صورتها م/ محمد طه :: ايوا فى بعض الشباب منهم محمد موافى : ماهو بعض دول مش من الثورة يعنى م/ محمد طه : الثوار ولكن لهم راى يحترم رايهم أ/ صلاح عيسى : يحترم رايهم م/ محمد طه : يحترم رايهم م/ صلاح عيسى :فى ان يفرضوا على المجتمع المصرى كله وعلى موظفى التحرير ان هما الموظفين نفسهم دول بس اكثر من اللى منعوهم من الدخول محمد موافى :يعنى 50 شاب الاكثر تشددا فى ميدان التحريرقرروا منع 1000 موظف من دخول مكاتبهم وقرروا منع 100000 مواطن يذهبوا الى المجمع يوميا الا يذهبوا أ/ صلاح عيسى : هذه فوضى م/ محمد طه : لأ الحقيقة مش أ/ صلاح عيسى :واللذين ارادوا اقتحام المجرى الملاحى لقناة السويس وتعطيل لان هو دلوقتى مصدر الدخل الوحيد هو اللى قناة السويس دخلتة الشهر اللى فات نص مليار جنية يريدون تعطيل المجرى الملاحى ودى مش فوضى اللذين اغلقوا ميناء الادبية فى السويس حتى فتحة الجيش بالقوة الميناء الذى تدخل منة السلع الغذائية الرئيسية السكر والزيت الى الشعب المصرى هؤلاء ليسوا فوضويون لأهؤلاء فوضويون ليسوا ثوار الثوار يتواجداوا فى صنية ميدان التحريريقولوا ما شاءوا لكن ان تعطل مصلحة ان تعطل قناة السويس اوتعطل طريقا تقطع شريط قطار محمد موافى : معلش بس احنا التليفزيون المصرى فعشان تبقى الدنيا واضحة أ/ احمد عبد الرحمن : هرد عليه بس محمد موافى :اتفضل أ/ احمد عبد الرحمن :معلش اطلقنى ان انا ارد اصل انا يعنى ايه أ/ احمد عبد الرحمن : دلوقتى هو بيقول قطعوا وعملوا احنا فى التحرير قطعنا فين احنا ادام التحرير ميدان التحرير قطع قناة السويس وقطع محمد موافى :هل دلوقتى احنا هنتكلم ؟ أ/ احمد عبد الرحمن :يا جماعة هنتكلم على ميدان التحرير والا هنتكلم على دولة ثانية محمد موافى :هنتكلم كيانات منفصلة والا بنكلم ثواروالا بنكلم ثائر هنا وثائر هناك أ/احمد عبد الرحمن : ثوار نعم محمد موافى : تمام حصل منع دخول الناس مجمع التحرير حصل قطع لطريق العين السخنة حصل تهديد بقطع الخط الملاحى لقناة السويس ده حصل ؟ أ/ احمد عبد الرحمن :ده حصل ولكن حضرتك قلت فى كام ائتلاف قلت 120 انا اقول لك دلوقتى فى 300 محمد موافى :300 أ/ احمد عبد الرحمن :بس الافكار الاولانية أ/ صلاح عيسى : ربنا يبارك أ/ احمد عبد الرحمن :بس للافكار الاولانية بص للثوار سلمية سلمية بص بالراحة هتلاقى الثوارلحد الان تبص فى كلامهم سلمية موجودة احنا مش عايزين تخريب البلد زى ما حضرته قال الكلام ده احناعمرنا ما بنأيد الكلام ده عمرنا وكل المسئولين عارفين الكلام ده بدليل انا بافض اعتصام انهارده من ادام وزارة الكهربا وسمعنى ناس راحوا 5% ومشيهم انا من هناك ازاى انا باحل اعتصامات فئوية واجى اقول انا باقطع وباعمل محمد موافى :ما باتكلمش عليك انت . أ/ احمد عبد الرحمن :انا كمنسق الائتلاف للثورة مسئول عن الائتلاف لو حصل منه حاجة لكن اى شخص لا اتئتلاف لا الحرية مقدرش انا محمد موافى : تمام الاستاذ احمد عبد الرحمن انا عارف ان الاعتصام فى انتظارك والميدان فى انتظارك باشكرك شكرا جزيلا ليك شرفتنا واتجاهات متواصل مع حضراتكوا ابقوا معنا فاصل محمد موافى : اهلا بحضراتكوا مرة اخرى من جديد غادرنا ثائر وشرفنا ثائر اخر مهندس محمد طة مسئول العلاقات العامة فى اثتلاف بيت الثورة اهلا بيك اسمح لى ابدا مع استاذنا الاستاذ صلاح عيسى الان بيان المجلس العسكرى وضح فى اكثر من نقطة وحتى بعد كده مؤتمر صحفى لاثنين من اعضاء المجلس اكدوا ان هما زاهدان تماما فى السلطة هل تصدق هذا الزهد ام تشكك فية ؟ محمد موافى : علشان نريح المسالة أ/ صلاح عيسى : انا مش هحكم على النوايا لكن فى واقع الامر مقدار قدرتنا نحن اصل هو ممكن فى لحظة ما يكون المجلس العسكرى زاهد فى السلطة لكن ممكن المواطنين تخرج فى الشارع تقول له اقعد لان البلد بقت فوضى وماحدش هيحلها غيركوا فا حتى لو هما زاهدين ووصلنا الامور نتيجة لعدم قدرتنا على التوصل لمشتركات وطنية لتحديد ايه اساليب نضال اللى احنا بنشتغل فيها ممكن فى لحظة ما الناس الضائقين اللى احناكنا بنسمعهم دلوقتى مصالحنا متعطلة مش عارف ايه يطلعولنا بردوا فى مليونية رخرين ويقولوالنا المجلس العسكرى يقعد وهاتو عسكر واحكموها ياعسكر واحنا مش عايزين ديمقراطية ولا عايزين اى حاجة محمد موافى : فى حد بيدفع بالاتجاه ده ؟ أ/ صلاح عيسى :ممكن ما فى ناس مواطنين على خلاف الفكرة خلى بالك محمد موافى :مش المواطنين العاديين أ/ صلاح عيسى :لا الفرعونية مسالة متاصلة فى المصريين مسألة المستبد العادل دى مسالة ما بتخرجش من دماغ المصريين لذلك الفكرة فى الفكرة الشائعة انا بس عايز اقول بالنسبة للبيان الذى اصدرة المجلس العسكرى انافى اللغة احيانا من الضهر من ساعة اللوا الفنجرى ما قال المؤتمراللى اتعمل ده وقال فية الخيارات مفتوحة وووا الى اخرة دى اللجنة فيها كانت تصعيدى جدا لكن فى البياناللى طلعة المجلس العسكرى فى شوية حاجات تعتبراخبار يعنى ما حتى ما برزتش حتى فى الاماكن هى الحاجة الاساسية المجلس باقى وسيمارس سلطاتة طبقا للسيناريو الذى اتفق عليه ومعنى ذلك ان كل المطالب المتعلقة بتنحى المجلس العسكرى وتشكيل مجلس مختلط من مدنيين وعسكريين وووا الى اخرة المطروحة فى الاعتصام تعتبر رفضت اذا كانت لا تزال قائمة الحاجة الثانية اللى بيؤكد فيها وده بيحل اشكالية قديمة ان انا والله هنطلع اعلان دستورى جديد اوملحق للاعلان الدستورى اوتعديل للاعلان الدستورى يتضمن مبادئ حاكمة لمايتعلق بتشكيل اللجنة التى ستضع الدستورالجديد على نحو يطمئن اللذين كانوا يرفعون شعار الدستور اولا الى انه فى ضوابط على هذه اللجنة تمنع دون احتكارتيار واحد ليها محمد موافى : تما م واكدوا ان هما على مسافة واحدة أ/ صلاح عيسى :وجم قالوا ان هما على مسافة واحدة الحاجةاللى بعد كده ودى نقطة مهمة جدا انه المجلس العسكرى فوض عصام شرف فى انه يختار وزرائة يعنى انا هيشيل ايدى من موضوع عصام شرف هو المسئول ادمكوا هو اللى هيختار قراره هواللى ينفذ البرنامج بتقول انه جاى من التحريرطبعا اكد البرنامج بعد ذلك بصرف النظر عن اللهجة اللى القى بها الفنجرى اللواء الفنجرى لهجة عسكرية نشفة شوية كاحساس على غير مضمون الخطاب محمد موافى :اللواء الفنجرى تحديدا لو كان قال اى لهجة تانية , مشهد التحية العسكرية هو اللى باقى عندنا ملل شوية أ/ صلاح عيسى :له رصيد سابق لكن برغم ذلك برده اكد على الحوار احنا هنواصل الحوار , احنا هنقبل الحوار,وهدد فى كل حاجة بيقودها فى حدود الدستوروالقانون فا فيه لهجة متعلقة بالموضوع الاشكال اللحظة الاشكالية القائمة اللى بنواجهها الان ان فيه مطلبين فوق السقف هما اللى لسة عليهم خلاف اذا كان لسة موجودين فى التحرير محمد موافى :اللى هما أ/صلاح عيسى :اللى هو اقالة المجلس العسكرى و اقالة عصام شرف دول المطلبين اللى عليهم الاشكالية المحددة الان واللى الثوار بيقولوا انه هما متحققوش او فريق منهم بيقول محمد موافى :طب نروح لحد من ائتلاف شباب ثورة 25 يناير معانا المستشار احمد الخطيب اهلا بيك ؟ المستشار/ احمد الخطيب : تحية ليك و تحية للضيوف اهلا بيك و المشاهدين محمد موافى :سعادة المستشار سمعت كلام الاستاذ صلاح عيسى و سمعنا بيان المجلس العسكرى الان ما هو سقف المطالب للثوار فى التحرير م/ احمد الخطيب :اعتقد ان البيان كان واضح تماما ان هو خطاب استجاب لعدد كبير جدا بالاضافة الى كلمة الدكتورعصام شرف و استجاب لعدد كبير جدا من المطالب و هو خطاب جيد لا خلاف فى ذلك , انا عايزة اعلق على موضوع اللهجة , معتقدش مطلوب ان اللهجة تتعمل بصورة غير اللهجة اللى اتعملت , لان البلد فى خطر, الاخطار اللى موجودة حاليا , ان فيه اصابع و ايادى خفية مصرة تخرج الجيش عن صمته وعن التزامه و تدفعه ان يحتك بالشعب و يخش فى صدام معاهم محمد موافى :يا سعادة المستشار يعنى انا حضرتك من شباب ائتلاف الثورة انا عايز مين هى الاصابع ديه طيب يعنى مين ادى حتى كده اوصاف المستشار/ احمد الخطيب :اللى بتستغل وجود شباب شريف من الثوار بتحاول تخش فى النص عشان تحاول تعمل فتنة بين الشباب و بين الجيش بحيث فى النهاية تؤدى الى الوقوع بين الشباب و بين الجيش و بين الشعب يعنى حتى هذه اللحظة لما يتم المس و اهانة وجود المجلس العسكرى الناس ديه تحملت مسئولية كبيرة ولا زال المجلس العسكرى يكظم غيظه حتى هذه اللحظة و يتعامل بمنتى الحكمة يعنى كان فيه سيناريو كان مدبر ان البلد تبقى زى ليبيا و فى الاخر يبقى مصيرنا زى السودان , اعتقد ان الناس دى على قدر من الحكمة , بدل ما يقولوا اتفضلوا مع السلامة المفروض نقول لهم الف شكر على الدور العظيم اللى انتوا لعبتوه لحماية الجبهه الداخلية مش قصة متظاهرين القصة ان هما حموا الشعب , اللى بيطالب باقالة المجلس العسكرى هيجيبوا مين بعده , المفروض نتمسك و نلتف جميعا خلفه ده الطبيعى , النهارده انت مش عارف تشوف اذا كان الدستور و لا الانتخابات ,رغم انك عملت انتخابات على مجلس رئاسى مكون من اكثر من شخص يقعدوا يخبطوا فى بعض مش وقته محمد موافى :طب سعادة المستشار يعنى انت قاضى بالاساس يعنى مسألة تشكيل لجنة لصياغة تحديد مواصفات اللجنة اللى هتصوغ الدستور , هل تعتقد ان هذه كافية المستشار/ احمد الخطيب :والله اولا هذا الامرلا يوجد فيه مخالفات لأن انت كده كده اصلا بيحكمك اعلان دستورى فى ظل ثورة تم وضع هذا الاعلان , فى اى لحظة قد تعدل الاعلان الدستورى بما يتفق مع حالة المجتمع ومع الظروف اللى طرأت عليه , فى انقسام و فى تشدد مفيش ما يمنع السلطة الحاكمة تتدخل بما لها من صلاحيات لحل هذه الاشكالية ميعتبرش التفاف و الالتفاف على نتيجة الاستفتاء ده شئ طبيعى محمد موافى : تمام المستشار/ احمد الخطيب :انت عندك مشكله قادر انك تحلها محمد موافى : تمام شكرا جزيلا المستشار احمد الخطيب عضو ائتلاف شباب ثورة 25 يناير اهلا بمهندس محمد طه احد شباب الثورة واحد المعتصمين الان فى ميدان التحرير , المستشاراحمد الخطيب احد ايضا شباب الثورة يتحدث عن اصابع خفية تدفع البلاد للتشكيك فى المجلس العسكرى و احداث الفوضى هذا كلامه و ليس كلامى هل انت شايف ان فيه ناس بتدفع للفوضى م/ محمد طه : بسم الله الرحمن الرحيم اولا انا عايز اتكلم ليه احنا لحد النهارده بنتعامل مع الامور بتلك السطحية ليه بنتعامل بالدبلوماسية الزائفة دى هل متعلمناش من تجارب 25 يناير محمد موافى : انت بتقصد سؤال يعنى بالسطحية و لا بيان رئيس الوزراء ؟ م/ محمد طه :لا البيانات اللى بتصدر طبعا ليه بيشوبها السطحية و الدبلوماسية الزائفة احنا متعلمناش من تجربة 25 يناير المفترض ان الشباب خرجت طلبت مطالب الشباب اللى فى مصربيمثلوا 42 % من نسبة الشعب المصرى النهارده سقف المطالب بيزيد كل يوم بيزيد لأن التصريحات اللى بتطلع من المقابل او مجلس الوزراء بتخرج من المجلس العسكرى تصريحات بطيئة متعلمناش من الفترة اللى فاتت مقدرناش نستفيد ان احنا المفترض احنا شعب بيريد شئ احنا النهارده بنطلب مطالب,احنا عارفين ان دى حكومة انتقالية , لكن بنطالبها بتعديل المسار , هل تعديل المساراصبح طلبات عالية على الحكومة المصرية , عدل لى مسار البلد انا بطالب ان انت تدينى محمد موافى : ما انت لسة بتقول حكومة انتقالية م/ محمد طه : حكومة انتقالية لكن تعديل المسار,المفترض انها تعدل لى مسار البلد قبل الحكومة التى ستأتى فيما بعد محمد موافى : امال الحكومة اللى جاية هتشتغل ايه ؟ م/ محمد طه : الحكومة اللى جاية بعد كده هتشتغل على ارض مستوية انا عايزهم يبقوا موجودين على ارض صلبة , انا بطالب ان احنا نعدل مسار البلد و بطالب الدكتور عصام شرف صدقنى انا بشفق جدا عليه لكنى بطالبه انه يخرج بخارطة طريق المفترض دكتور عصام شرف يعاملنا او يعامل شباب التحرير او يعامل شباب الثورة مش بانه احد الثوار الموجودين فى ميدان التحرير بل هو جهة تنفيذية فى الوقت الحالى مطالب انه ينفذ عن طريق شغله عن طريق التعامل مع الامر بحرفية و بحنكة اكتر من كده لكن البيان الاول انا اسف جدا اثار الثوار فى ميدان التحرير محمد موافى : اكتر ما هذا م/ محمد طه :البيان التانى اثارهم اكتر ما هدأ لأنه عدل الاول اصبح الشعب عنده من الوعى الكافى انه يفهم , انا النهارده بتعامل مع ناس قبل كده كانت خلفياتهم السياسية ضعيفة محمد موافى :يمكن البيان التانى كان رد على التهديدات بقطع الطريق او الخط الملاحى لقناة السويس او تعطيل العمل م/ محمد طه :مفيش احد من الثوار المحترمين اللى خرجوا يوم 25 يناير هيرضى ان البلد تقف,ظروف الناس احنا حاسين بيهم لكن احنا خارجين عشانهم ,احنا بنطالب بعدالة اجتماعية لمين , احنا بنطالب بمحاكمة رموز الفساد لمين محمد موافى :انت قادم من عند مجمع التحرير, البعض عند مجمع التحرير منع الناس من الدخول , لو انا مخطئ صحح لى ؟ م/ محمد طه : لم يمنع احد من الدخول الى ميدان التحرير محمد موافى : لا انا كده مخطئ م/ محمد طه :لم يتم تفتيش , المجمع مقفول فى الوقت الحالى فى اختلافات داخل ميدان التحريرما بين فتح المجمع او غلقه لكن السبب فى كده ايه محمد موافى : هو مين اللى هيدفع الثمن م/ محمد طه :السبب فى كده ايه , الدولة , لو صدر بيان من الاول من حكومة عصام شرف , بيان يلبى مطالب الشعب , مكنش وصلنا للمرحلة اللى احنا فيها , و هيفضل السقف يعلى احنا هكررها تانى مستفدناش من 25 يناير محمد موافى :خلينى ازود على كلامك يا بشمهندس عاصم يعنى المسألة الناس عندها مطالب مشروعة الناس كلا من حقه ان يفعل ما يريد طالما ان هناك ثورة و اننى اطالب بالحق المشروع و لم يستجب لمطالبى حتى الان م/ عاصم :انا ارفض ان كل واحد يفرض على عصام شرف او على المجلس العسكرى او على اى قائد فى مصر , كل واحد يفرض ارادته و خطته ستنهار البلد , و اسأل الله ان لا نصل لذلك , لماذا يرتفع سقف المطالب و لماذا يرفض بيان عصام شرف الاول و بيان عصام شرف التانى و بيان القوات المسلحة , لأن البعض , انا لم اقل اصابع خفية قالها احد الثوار , المستشار احمد الخطيب انا التقيته قبل ذلك , ليس قريبا مطلقا من جماعات الاسلام السياسي مطلقا هو بعيد كل البعد , يعنى ليس هناك بيننا و بينهم قواسم مشتركة فى هذه المسألة , هو الذى قال بأن هناك اصابع خفية و انا متأكد ان هناك اصابع خفية وكلنا نعلم ذلك , المجلس العسكرى محمد موافى :انا شخصيا اعلم ذلك مين هم الاصابع الخفية م/ عاصم : الربع مليون , الربع مليار جنيه اللى دفعتهم وزارة الخارجية الامريكية لتطوير الديموقراطية فى مصر , ابحث عن من اخذهم تعرف من هى الاصابع الخفية , لم نسمى اشخاص بأعينهم , هقول لحضرتك يرتفع سقف المطالب لأننا نريد بعض الذين يتحركون من خلف الستار يريدون ان يستدعوا صورة حسنى مبارك ثانية ليضعوها امامنا فى ميدان التحرير, يريدون ان يضعوا على المجلس العسكرى و على عصام شرف قناع حسنى مبارك حتى هو يقول سأستجيب و احنا نقول لا المطالب لا تزال اعلى مما تقول , تأخرت كثيرا يا رجل لماذا !! لأنه يراد الان حرق عصام شرف و تنحية المجلس العسكرى يراد الان محمد موافى :خلينا صوت ربما قريبا من الثوار او اعلى من الثوار هو المجلس العسكرى لم يحمى الثورة , هو لم يكن لديه ما يفعله غير ذلك ما حينما حدث فى اليمن و ليبيا لم يكن له غير التحيز للثوار ؟ م/ عاصم :المجلس العسكرى انحاز للشعب قبل ان تبدأ الثورة الليبية اذا المجلس العسكرى لم يكن يخشى ما يحدث فى ليبيا او ما يحدث فى سوريا اوما يحدث فى اليمن ' المجلس العسكرى مجلس وطنى انا لا انافقه فى شئ و لكن لابد ان اعطى كل ذى حق حقه , المجلس العسكرى صاحب نصف الثورة , والشباب صاحب النصف الاخر , اى كلام غير ذلك يبقى نريد ان نغمض هؤلاء الناس حقهم , الكلام اللى قاله الدكتور اللى سألته للأستاذ صلاح , هل انت عندك تخوف ان المجلس العسكرى ...... كانت عنده فرصة ان يفعلها و لا يستطيع و لا ير يد ان يفعلها و لن يستطيع , ربنا سبحانه و تعالى يقول للرسول صل الله عليه و سلم ان يريدوا ان يخطئوك فان حسبك الله قل و ان يريدوا خيانتك قد خانوا ووهنوا من قبل فأمكن منهم , فلا يجب ان تحركنا اخوانى الشباب ابنائى الشباب لا يجب ان تحركنا المخاوف فقط , او المجموعة التى تحركها المخاوف و الهواجس و الشكوك , لا تصنع مستقبلا و لا تبنى مجدا , توكل على الله لا تظن ان المجلس العسكرى ضدك و لا ضد الثورة و لا ضد مصر و لا تشكك فى عندما يظهر شئ من المجلس العسكرى كلنا سنذهب الذى اريد ان اقوله المهمة الوحيدة الموجوده الان هى ان ننقل السلطة الى الشعب اذا اراد المجلس العسكرى ان يفعل ذلك , سأعطيه تعظيم سلام كالذى فعله اللواء الفنجرى لدماء الشهداء و هذا حقه علينا اى مطلب غير ذلك خطأ الان , المطالب التى قدمت لعصام شرف كانت مطالب ملغومة , عصام شرف حينما استجاب و قال ايقاف جميع الضباط و طردهم خارج الخدمة , هذا مطلب غير قانونى, تدخل فى عمل القضاء محمد موافى : حتة اقالة الضباط المنتمين استاذ صلاح يعنى قبل ان نختم بتعليقات اخرى لكن المسالة دى هل كل ضابط قتل شخص او مواطن سواء ثائر سواء مهاجم للشرطة المفترض انه من قتل الثوار فى 28 جمعة الغضب أ/ صلاح عيسى : يعنى هذه الامورلابد انها نتركها للقضاء هؤلاء الضباط من حقهم انهم يدافعوا عن نفسهم ويثبتوا انهم كانوا يدافعون عن انفسهم ضد هجوم ومن حق اهالى المتهمين والمدعين بالحق المدنى ان هم يثبتوا لا ان دول قتلوا هؤلاء الشهداء فدى مسالة لابد ان احنا نتركها للقضاء يعنى انا مع غضب الثوار بسبب فى شئ قلة الحساسية عند الادارة فى موضوع الشهداء ده بالذات وناس سابتها للاجهزة البيروقراطية الاجهزة البيروقراطية قعدت تفتش وهات لى شهادة موت وهات لى شهادة وفاة هات لى تقرير طبى وهات لى مش عارف ا يه بهدلت الناس فا انا رايى اللى احنافية ده عملوة اسر الشهداء فى الواقع ده اصلا اصل الموقف اللى احنا فية النهارده وبدأ فعلا اللى بدأوه اسر الشهداء والموضوع والملف الاساسى اسر الشهداء هو اللى اثار هذا الغضب وفتح ابواب الغضب رصيد ممكن يغلق أ/ صلاح عيسى : لانه وده اللى لازم تحذرمنه اذا كانت حكومة عصام شرف اى حكومة تيجى لازم تحذرمنه لازم درجة اعلى من الحساسية عند المجلس الاعلى وعند الحكومة قوة الغضب الاتى قبل مايتحول وينفجرلآ انا بس ليا نقطة متعلقة تعليقا على الاقل البشمهندس عاصم وسيادة المستشار اناباستبعد خالص عايزين نستبعد تماما اجندات خفية اموال بتضرب مش عارف ايه مع ان ده لمايبقى يجى لنا ادلة حقيقية على كده انا هفترض ان اخواننا اللى بيرفعوا هذه المطالب دية وجهة نظر ووجهة نظرمتشددة للثورات فى رديكاليين فى عاقبة وفى ناس بترفع حاجات متطرفة جدا نقول ان ده اجتهاد يعنى ايه اخطأه التوفيق وانه علينا ان احنا ننبه اخواننا ان ده يقودنا الى مذالق غير نهائية انا ليا اقتراح اساسى لحل هذه المشكله هو هذا الاقتراح انه الدكتور عصام شرف يشكل حكومة جبهة وطنية تضم ممثلين لكل الاحزاب والجماعات السياسية ويمثل فيها الشباب من اعضاء هذه الجماعات والمجلس العسكرى يصدر لهذه الحكومة تكليف بالمهام التى يجب ان تقوم عليها خلال الفترة الانتقالية وبذلك نكون كلنا مشتركين فى السلطه التنفيذية محمد موافى : بشمهندس عاصم كلمة اخيرة فى نص دقيقة . م/ عاصم : كلمة ارجو من الشباب فى ميدان التحريرالا يضعوا قناع حسنى مبارك على المجلس العسكرى ولا عصام شرف ارجو الا يستدرجوا لتصعيد المطالب بهدف احداث هناك خوف من فوضى فى مصر فوضى امنية فى فوضى قضائية لما القضاء يتوقف فى السويس هناك فوضى اقتصادية لما البورصة خسرت 26 مليار جنية الثلاثاء الاسود الى يومنا هذا فالا نريد فوضى سياسية ايضا كفانا كفانا كفانا ونحافظ على هذا البلد محمد موافى :كفانا اتفضل المستشار/ احمد الخطيب:ارجو من حكومة الدكتور عصام شرف حل المشاكل دون تباطؤ ما نستناش لما نخرج لحد ميدان التحرير علشان نحل المشاكل كل المطالب اللى احناخرجنا بيها من ميدان التحريركان مفترض تتحل من شهر شهرين قبل انهارده قبل ما نخرج من ميدان التحرير مش لازم يا جماعة يحصل كارثة عشان نبتدى نفكر نخرج قرارات محترمة دى مطالب حق الشهداء كان لازم ترجع من الاول المحاكمات العلنية كان مفترض تعلن من الاول كل المطالب اللى خرجنا بيها من ميدان التحرير هى مطالب مشروعة يجب ان تنفذ من قبل ان نمشى من ميدان التحرير محمد موافى : طب شكرا جزيلا للمهندس محمد طه المسئول عن العلاقات العامة فى ائتلاف بيت الثورة شكرا جزيلا للمهندس عاصم عبد الماجد عضو مجلس الشورى للجماعة الاسلامية وشكرا لكاتبنا الكبير الاستاذ صلاح عيسى وشكرا لكم فى هذه الحلقة حاولنا ان نستعرض الموقف الحالى نقرا ما يحدث فى المستقبل البعض يقول ان الاسابيع القادمة وربما تحمل مفاجأت اوحبلى بالمفاجات كما كتب بعضهم يعنى ان ليا كلمة اخيرة بس لو سمحتوا لى بيها البعض ممن الان يطالب المجلس العسكرى بان يسلم السلطة تماما لمجلس انتقالى هو نفسة بعينة من طالب المجلس العسكرى قبل شهرين بان يظل فى السلطة يعنى خوفا او استبعادا لانتخابات قد يخسرها حتى لقاء اخر لكم التحية ودمتم فى رعاية الله وامنه
